ଜଗନ୍ନାଥ ଉପାସନା

  ମାର୍କଣ୍ଡେୟ ଉବାଚ ଅବତାରାନହଂ ବକ୍ଷ୍ୟେ ଦେବଦେବସ୍ୟ ଚକ୍ରିଣଃ । ତାଞ୍ଶୃଣୁଷ୍ୱ ମହୀପାଲ ପବିତ୍ରାନ୍ ପାପନାଶନାନ୍ ॥ ୧॥ ଯଥା ମତ୍ସ୍ୟେନ ରୂପେଣ ଦତ୍ତା ବେଦାଃ ସ୍ୱୟମ୍ଭୁବେ । ମଧୁକୈଟଭୌ ଚ ନିଧନଂ ପ୍ରାପିତୌ ଚ ମହାତ୍ମନା ॥ ୨॥ ଯଥା କୌର୍ମେଣ ରୂପେଣ ବିଷ୍ଣୁନା ମନ୍ଦରୋ ଧୃତଃ । ତଥା ପୃଥ୍ୱୀ ଧୃତା ରାଜନ୍ ବାରାହେଣ ମହାତ୍ମନା ॥ ୩॥ ତେନୈବ ନିଧନଂ ପ୍ରାପ୍ତୋ ଯଥା ରାଜନ୍ ମହାବଲଃ । ହିରଣ୍ୟାକ୍ଷୋ ମହାବୀର୍ୟୋ ଦିତିପୁତ୍ରୋ ମହାତନୁଃ ॥ ୪॥ ଯଥା ହିରଣ୍ୟକଶିପୁସ୍ତ୍ରିଦଶାନାମରିଃ ପୁରା । ନରସିଂହେନ ଦେବେନ ପ୍ରାପିତୋ ନିଧନଂ ନୃପ ॥ ୫॥ ଯଥା ବଦ୍ଧୋ ବଲିଃ ପୂର୍ୱଂ ବାମନେନ ମହାତ୍ମନା । ଇନ୍ଦ୍ରସ୍ତ୍ରିଭୁବନାଧ୍ୟକ୍ଷଃ କୃତସ୍ତେନ ନୃପାତ୍ମଜ ॥ ୬॥ ରାମେଣ ଭୂତ୍ୱା ଚ ଯଥା ବିଷ୍ଣୁନା ରାବଣୋ ହତଃ । ସଗଣାଶ୍ଚଦଭୁତା ରାଜନ୍ ରାକ୍ଷସା ଦେବକଣ୍ଟକାଃ ॥ ୭॥ ଯଥା ପରଶୁରାମେଣ କ୍ଷତ୍ରମୁତ୍ସାଦିତଂ ପୁରା । ବଲଭଦ୍ରେଣ ରାମେଣ ଯଥା ଦୈତ୍ୟଃ ପୁରା ହତଃ ॥ ୮॥ ଯଥା କୃଷ୍ଣେନ କଂସାଦ୍ୟା ହତା ଦୈତ୍ୟାଃ ସୁରଦ୍ୱିଷଃ । କଲୌ ପ୍ରାପ୍ତେ ଯଥା ବୁଦ୍ଧୋ ଭବେନ୍ନାରାୟଣଃ ପ୍ରଭୁଃ ॥ ୯॥ କଲ୍କିରୂପଂ ସମାସ୍ଥାୟ ଯଥା ମ୍ଲେଚ୍ଛା ନିପାତିତାଃ । ସମାପ୍ତେ ତୁ କଲୌ ଭୂୟସ୍ତଥା ତେ କଥୟାମ୍ୟହମ୍ ॥ ୧୦॥ ହରେରନନ୍ତସ୍ୟ ପରାକ୍ରମଂ ଯଃ ଶୃଣୋତି ଭୂପାଲ ସମାହିତାତ୍ମା । ମୟୋଚ୍ୟମାନଂ ସ ବିମୁଚ୍ୟ ପାପଂ ପ୍ରୟାତି ବିଷ୍ଣୋଃ ପଦମତ୍ୟୁଦାରମ୍ ॥ ୧୧॥ ଇତି । ନରସିଂହପୁରାଣ ...

 କକାରାଦି ଶ୍ରୀକଲ୍କ୍ୟଷ୍ଟୋତ୍ତରଶତନାମସ୍ତୋତ୍ରମ୍  ଶ୍ରୀ ହୟଗ୍ରୀବାୟ ନମଃ । ହରିଃ ଓଁ କଲ୍କୀ କଲ୍କୀ କଲ୍କିହନ୍ତା କଲ୍କିଜିତ୍କଲିମାରକଃ । କଲ୍କ୍ୟଲଭ୍ୟଃ କଲ୍ମଷଘ୍ନଃ କଲ୍ପିତକ୍ଷୋଣିମଙ୍ଗଲଃ ॥ ୧॥ କଲିତାଶ୍ୱାକୃତିଃ କନ୍ତୁସୁନ୍ଦରଃ କଞ୍ଜଲୋଚନଃ । କଲ୍ୟାଣମୂର୍ତିଃ କମଲାଚିତ୍ତଚୋରଃ କଲାନିଧିଃ ॥ ୨॥ କମନୀୟଃ କଲିନିଶାକଲ୍ୟନାମା କନତ୍ତନୁଃ । କଲାନିଧିସହସ୍ରାଭା କପର୍ଦିଗିରିସନ୍ନିଭଃ ॥ ୩॥ କନ୍ଦର୍ପଦର୍ପଦମନଃ କଣ୍ଠୀରବପରାକ୍ରମଃ । କନ୍ଧରୋଚ୍ଚଲିତଶ୍ୱେତପଟାନିର୍ଧୂତକନ୍ଧରଃ ॥ ୪॥ କଠୋରହେଷାନିନଦତ୍ରାସିତାଶେଷମାନୁଷଃ । କବିଃ କବୀନ୍ଦ୍ରସଂସ୍ତୁତ୍ୟଃ କମଲାସନସନ୍ନୁତଃ ॥ ୫॥ କନତ୍ଖୁରାଗ୍ରକୁଲିଶଚୂର୍ଣୀକୃତାଖିଲାଚଲଃ । କଚିତ୍ତଦର୍ପଦମନଗମନସ୍ତମ୍ଭିତାହିପଃ ॥ ୬॥ କଲାକୁଲକଲାଜାଲଚଲବାଲାମଲାଚଲଃ । କଲ୍ୟାଣକାନ୍ତିସନ୍ତାନ ପାରଦକ୍ଷାଲିତାଖିଲଃ ॥ ୭॥ କଲ୍ପଦ୍ରୁକୁସୁମାକୀର୍ଣଃ କଲିକଲ୍ପମହୀରୁହଃ । କଚନ୍ଦ୍ରାଗ୍ନୀନ୍ଦ୍ରରୁଦ୍ରାଦି ବୁଧଲୋକମୟାକୃତିଃ ॥ ୮॥ କଞ୍ଜାସନାଣ୍ଡାମିତାତ୍ମପ୍ରତାପଃ କନ୍ଧିବନ୍ଧନଃ । କଠୋରଖୁରବିନ୍ୟାସପୀଡିତାଶେଷଭୂତଲଃ ॥ ୯॥ କବଲୀକୃତମାର୍ତାଣ୍ଡହିମାଂଶୁକିରଣାଙ୍କୁରଃ । କଦର୍ଥୀକୃତରୁଦ୍ରାଦିବୀରବର୍ୟଃ କଠୋରଦୃକ୍ ॥ ୧୦॥ କବିଲୋକାମୃତାସାର ବର୍ଷାୟିତଦୃଗାବଲିଃ । କଦାତ୍ମାୟୁର୍ଘୃତଗ୍ରାହିକୋପାଗ୍ନିରୁଚିଦୃକ୍ତତିଃ ॥ ୧୧॥ କଠୋରଶ୍ୱାସନିର୍ଧୂତଖଲତୂଲାବୃତାମ୍ବୁଧିଃ । କଲାନିଧିପଦୋଦ୍ଭେଦଲୀଲାକୃତସମୁତ୍ପ୍ଲବଃ ॥...

  ଭାରଦ୍ୱାଜକୁଲାରବିନ୍ଦତରଣୀ ସୌଶୀଲ୍ୟପ୍ରେମାସ୍ପଦଂ, ଶ୍ରୀବଲରାମପଦାରବିନ୍ଦସହିତଂ ଶ୍ରୀରାମଦେଶିକଗୁରୁମ୍ । ଧ୍ୟାନଂ ପୂଜନଂ ସର୍ୱଦା ରଘୁପତିଂ ଶ୍ରୀଜାନକୀବିଗ୍ରହମଂ, ଶ୍ରୀଜଗନ୍ନାଥଂ ଭଜାମି ପାଦକୈଙ୍କର୍ୟସେବାରତମ୍ ॥ ୧॥ ହେ ଜଗଦୀଶ ଜଗତ୍ତ୍ରୟେ ଚ ଗୁରବେ ନାଥୋ ଜଗନ୍ନାଥୋ ମାଂ, ରାମଦେଶିକଗୁରୋରାଜ୍ଞୟା ବହୁଦିନଂ ଶହଡୋଲବାସଂ କୃତମ୍ । ଅର୍ଚକକାର୍ୟରତଂ ବିରାଟନଗରେ ସମ୍ମାନଂ ସମ୍ପାଦିତଂ, ଶ୍ରୀଦେଶିକନିର୍ଦେଶଂ ଧାର୍ୟମଖିଲଂ ଶ୍ରୀଚିତ୍ରକୂଟାଗତମ୍ ॥ ୨॥ ଶ୍ରୀବଲରାମପ୍ରପନ୍ନଭାରନିହିତଂ ଗଦ୍ଦୀସ୍ଥନବମେ ପଦଂ, ଶନ୍ତଂ ସୌମ୍ୟସ୍ୱଭାବଂ ଧୈର୍ୟବପୁଷା ସଂସ୍ଥାନଂ ସଞ୍ଚାଲିତମ୍ । ସର୍ୱେ ଶିଷ୍ୟଗଣାଃ ପ୍ରସନ୍ନମନସା ଛାତ୍ରାଦି କୋଷାଧିପଂ, ଶ୍ରୀଜଗନ୍ନାଥଂ ପ୍ରହର୍ଷାଦେବ ଯଜନେ ଚାତିଥ୍ୟସେବାଦିକମ୍ ॥ ୩॥ ସରଲଂ ଶାନ୍ତରସଂ ସ୍ୱଭାବମୃଦୁଲଂ ବିଶ୍ୱାସପ୍ରେମାସ୍ପଦଂ, ସର୍ୱାନ୍ ସର୍ୱଗୁଣେଷୁ ଦାନ୍ତଃ ନିପୁଣଃ ପ୍ରସ୍ତାବମନୁମୋଦିତମ୍ । ଲଙ୍କାନାମ ପୁରାଣକାର୍ୟନିରତେ ଯୋ ସମ୍ମତିସନ୍ମତିଃ, ସ୍ୱାମିନ୍ ସ୍ୱପ୍ରାଧିକାରନ୍ୟସ୍ତମଖିଲଂ ଶ୍ରୀରୋହିଣୀଶ୍ୱରମ୍ ॥ ୪॥ ସାଧୁସ୍ୱଭାବେନ ନ ବିଗ୍ରହୋ କ୍ୱଚିତ୍ ଯେନାଶସ୍ଥାନକୃତମ୍ପ୍ରୟତ୍ନଃ, ଯେ ଚାଶ୍ରମେ କାର୍ୟଂ କୁର୍ୱନ୍ତି ନିତ୍ୟଂ ସ୍ୱଚ୍ଛନ୍ଦରୂପେଣ ସଦା ଚରନ୍ତି । ପ୍ରପନ୍ନ ଶ୍ରୀରୋହିଣିଦଣ୍ଡହସ୍ତେ ବିହାୟ ମେ କୋଽପି ଯୋ ପୂର୍ୱଂ ତସ୍କରଃ, ଅଧିକାରସମ୍ପ୍ରାପ୍ତଃ ଶ୍ରୀରୋହିଣୀଶ୍ୱରୋ ସର୍ୱାନ୍ ବହିଷ୍କୃତ୍ୟ ତ...

 ଶ୍ରୀଜଗନ୍ନାଥସ୍ତୋତ୍ର ୧         ॥ ଜଗନ୍ନାଥପ୍ରଣାମଃ ॥ ନୀଲାଚଲନିବାସାୟ ନିତ୍ୟାୟ ପରମାତ୍ମନେ । ବଲଭଦ୍ରସୁଭଦ୍ରାଭ୍ୟାଂ ଜଗନ୍ନାଥାୟ ତେ ନମଃ ॥ ୧॥ Obeisance to the omnipresent, paramAtmA, JagannAtha (MahAprabhu), Who resides at NilAchala with Balabhadra (His brother) and SubhadrA (His sister). ଜଗଦାନନ୍ଦକନ୍ଦାୟ ପ୍ରଣତାର୍ତହରାୟ ଚ । ନୀଲାଚଲନିବାସାୟ ଜଗନ୍ନାଥାୟ ତେ ନମଃ ॥ ୨॥  jagad - Universe; Ananda- happiness, joy;  praNata - to bow, pay obeisance; Arta - cry for salvation and protection; hara - remover of sorrow, troubles etc, i.e. the one Who hears these cries and comes to help.; nIlAchala - the white pagoda or the temple of Shri JagannAtha at Puri is said to stand over a blue mountain of light (called nIlAchala parvata) that extends and merges with the sky (reported observations of Shri Chaitanya and Shri Shankara). Hence the entire region covering the lands from Lingaraja (Bhubaneswar), Khurda and Konarak to Puri is called nIlAchala kShetra; nivAsa- living or residing at; Jagan...

  ପ୍ରକାଶକାନ୍ତଚିନ୍ମୟଂ ପ୍ରସନ୍ନଦାରୁବିଗ୍ରହଂ      ପ୍ରଫୁଲ୍ଲଫୁଲ୍ଲସୁନ୍ଦରଂ ପୁରୀପ୍ରମୋଦମନ୍ଦିରମ୍ । ବିଷାଣୁସଙ୍ଘଶୋଷିଣଂ ବିଶାଲବୈଦ୍ୟଘୋଷିନଂ      ସହାସ୍ୟଗୋଲଲୋଚନଂ ମହାପ୍ରଭୁଂ ଭଜାମ୍ୟହମ୍ ॥ ୧॥ ପରମ୍ପରାବିମଣ୍ଡିତଂ ତଟେ ବଟେ ମଠେ ରତଂ      ମହାପ୍ରସାଦମଜ୍ଜିତଂ ମହାନୁଭାବସଜ୍ଜିତମ୍ । ସୁବର୍ଣକୀର୍ଣନିର୍ଜିତଂ ସମନ୍ଦମନ୍ଦହାସିତଂ      ପହଣ୍ଡିନୃତ୍ୟପଣ୍ଡିତଂ ଜଗଦ୍ଗୁରୁଂ ଭଜାମ୍ୟହମ୍ ॥ ୨॥ ତ୍ରିତାପପାପନାଶକଂ ତ୍ରିଧାତୁଦୋଷଘାତକଂ      ସୁପଞ୍ଚଭୂତଶୋଧକଂ ବିଷାଣୁବେଗରୋଧକମ୍ । ନିତାନ୍ତଶାନ୍ତିଦାୟକଂ ମହାର୍ତିନାଶକାରକଂ      ସଦା ଜଗତ୍ସୁରକ୍ଷକଂ ମହାପ୍ରଭୁଂ ଭଜାମ୍ୟହମ୍ ॥ ୩॥ ରଥେ କଦାପି ସତ୍ୱରଂ ବିଚିତ୍ରବୀର୍ୟ୍ୟମୀଶ୍ୱରଂ      ମୁଖାରବିନ୍ଦସିନ୍ଦୂରଂ ସଗଦ୍ଗଦଂ ସୁଧାସରମ୍ । ମହାପୁରାଣସତ୍କରଂ ମହେଶ୍ୱରୀପୁରଃସରଂ      ସଘୋଷହର୍ଷତତ୍ପରଂ ସଦାଶିବଂ ଭଜାମ୍ୟହମ୍ ॥ ୪॥ ନିବାସନୀଲପର୍ୱତଂ ପ୍ରଫୁଲ୍ଲପୀତସତ୍ପଟଂ      ସମସ୍ତବୈଷ୍ଣବାଶ୍ରିତଂ ସମୁଦ୍ରକୂଲନିର୍ଜିତମ୍ । ନିତାନ୍ତଶାନ୍ତଚିଦ୍ଘନଂ ଘନାଘନପ୍ରଭାୟୁତଂ      ନିୟନ୍ତୃରୋଗଭୌତିକଂ ଭିଷଗ୍ୱରଂ ଭଜାମ୍ୟହମ୍ ॥ ୫॥ ଗ୍ରହେଶଦର୍ପହାରିଣଂ ଖଗେଶୟାନଚାରିଣଂ      ନୃ...

 ରକ୍ତାମ୍ଭୋରୁହଦର୍ପଭଞ୍ଜନମହାସୌନ୍ଦର୍ୟନେତ୍ରଦ୍ୱୟଂ ମୁକ୍ତାହାରବିଲମ୍ବିହେମମୁକୁଟଂ ରତ୍ନୋଜ୍ଜ୍ୱଲତ୍କୁଣ୍ଡଲମ୍ । ବର୍ଷାମେଘସମାନନୀଲବପୁଷଂ ଗ୍ରୈବେୟହାରାନ୍ୱିତଂ ପାର୍ଶ୍ୱେ ଚକ୍ରଧରଂ ପ୍ରସନ୍ନବଦନଂ ନୀଲାଦ୍ରିନାଥଂ ଭଜେ ॥ ୧॥ ଫୁଲ୍ଲେନ୍ଦୀବରଲୋଚନଂ ନବଘନଶ୍ୟାମାଭିରାମାକୃତିଂ ବିଶ୍ୱେଶଂ କମଲାବିଲାସବିଲସତ୍ପାଦାରବିନ୍ଦଦ୍ୱୟମ୍ । ଦୈତ୍ୟାରିଂ ସକଲେନ୍ଦୁମଣ୍ଡିତମୁଖଂ ଚକ୍ରାବ୍ଜହସ୍ତଦ୍ୱୟଂ ବନ୍ଦେ ଶ୍ରୀପୁରୁଷୋତ୍ତମଂ ପ୍ରତିଦିନଂ ଲକ୍ଷ୍ମୀନିବାସାଲୟମ୍ ॥ ୨॥ ଉଦ୍ୟନ୍ନୀରଦନୀଲସୁନ୍ଦରତନୁଂ ପୂର୍ଣେନ୍ଦୁବିମ୍ବାନନଂ ରାଜୀବୋତ୍ପଲପତ୍ରନେତ୍ରୟୁଗଲଂ କାରୁଣ୍ୟବାରାଂନିଧିମ୍ । ଭକ୍ତାନାଂ ସକଲାର୍ତିନାଶନକରଂ ଚିନ୍ତାର୍ଥିଚିନ୍ତାମଣିଂ ବନ୍ଦେ ଶ୍ରୀପୁରୁଷୋତ୍ତମଂ ପ୍ରତିଦିନଂ ନୀଲାଦ୍ରିଚୂଡାମଣିମ୍ ॥ ୩॥ ନୀଲାଦ୍ରୌ ଶଙ୍ଖମଧ୍ୟେ ଶତଦଲକମଲେ ରତ୍ନସିଂହାସନସ୍ଥଂ ସର୍ୱାଲଙ୍କାରୟୁକ୍ତଂ ନବଘନ ରୁଚିରଂ ସଂୟୁତଂ ଚାଗ୍ରଜେନ । ଭଦ୍ରାୟା ବାମଭାଗେ ରଥଚରଣୟୁତଂ ବ୍ରହ୍ମରୁଦ୍ରେନ୍ଦ୍ରବନ୍ଦ୍ୟଂ ବେଦାନାଂ ସାରମୀଶଂ ସୁଜନପରିବୃତଂ ବ୍ରହ୍ମଦାରୁଂ ସ୍ମରାମି ॥ ୪॥ ଦୋର୍ଭ୍ୟାଂ ଶୋଭିତଲାଙ୍ଗଲଂ ସମୁସଲଂ କାଦମ୍ବରୀଚଞ୍ଚଲଂ ରତ୍ନାଢ୍ୟଂ ବରକୁଣ୍ଡଲଂ ଭୁଜବଲୈରାକାନ୍ତଭୂମଣ୍ଡଲମ୍ । ବଜ୍ରାଭାମଲଚାରୁଗଣ୍ଡୟୁଗଲଂ ନାଗେନ୍ଦ୍ରଚୂଡୋଜ୍ଜ୍ୱଲଂ ସଙ୍ଗ୍ରାମେ ଚପଲଂ ଶଶାଙ୍କଧବଲଂ ଶ୍ରୀକାମପାଲଂ ଭଜେ ॥ ୫॥ ଇତି ଶ୍ରୀଜଗନ୍ନାଥପଞ୍ଚକଂ ସମାପ୍ତମ୍ ॥

ପାରାବାରପତିଃ ପୁରୀପୁରପତିସ୍ସୌଭାଗ୍ୟଲକ୍ଷ୍ମୀପତିଃ      ଶ୍ରୀକ୍ଷେତ୍ରାଧିପତିର୍ମହେଶ୍ୱରପତିର୍ମାୟାପତିର୍ଭୂପତିଃ । ଶ୍ରୀବୈକୁଣ୍ଠପତିର୍ଜଗଜ୍ଜନପତିର୍ମାଧୁର୍ୟଲୀଲାପତିଃ      ଦାରୁବ୍ରହ୍ମପତିର୍ମହାମଖପତିଃ କୁର୍ୟାତ୍ସଦା ମଙ୍ଗଲମ୍ ॥ ୧॥ ହେ ନାରାୟଣ ହେ ଜଗଜ୍ଜୟକୃତେ ହେ ବିଶ୍ୱବନ୍ଧୋ ପ୍ରଭୋ      ହେ ବୈକୁଣ୍ଠସନାତନ ଗ୍ରହପତେ ହେ ରାମନାରାୟଣ । ହେ ନୀଲାଚଲନାୟକ ପ୍ରବଣ ହେ ହେ ଶ୍ରୀଜଗନ୍ନାଥ ମାଂ      ହେ ରାଧାଧବ ପାହି ପାହି ସତତଂ ବନ୍ଦାମି ନନ୍ଦାତ୍ମଜମ୍ ॥ ୨॥ ଗୋଲାକାରାକ୍ଷୟୁକ୍ତା ନିଖିଲମଣିମୟୀ ହେମଭୂଷାଙ୍ଗଶୋଭା      ଶ୍ୟାମା କାମାଭିରାମା ସ୍ୱଜନସହରତା ପ୍ରେମଧାରାବହନ୍ତୀ । ଯା ସା ସଂସାରସାରା ଶ୍ରିତଜନବିଷୟା ବ୍ରହ୍ମରୂପା ପ୍ରସନ୍ନା      ପାୟାତ୍ସମ୍ଭ୍ରାନ୍ତନୀଲାଚଲଭୁବନସୁଖା ସ୍ରଗ୍ଧରା ଦାରୁମୂର୍ତିଃ ॥ ୩॥ ସ୍ୱର୍ଣାଲଙ୍କୃତଦିବ୍ୟଦାରୁରସିକଂ ଶ୍ରୀମନ୍ଦିରାଧୀଶ୍ୱରଂ      ବିଶ୍ୱାନନ୍ଦତନୁଂ ବିକାରରହିତଂ ପୁର୍ୟ୍ୟାଂ ମହାସୌରଭମ୍ । ଭକ୍ତିପ୍ରେମଧନଂ ଦଦାତି ପରମଂ ଲାବଣ୍ୟଲକ୍ଷ୍ମୀଜୁଷଂ      ଶ୍ରୀନୀଲାଦ୍ରିମହୋଦୟଂ ପ୍ରତିଦିନଂ ସୌନ୍ଦର୍ୟସାରଂ ଭଜେ ॥ ୪॥ ପକ୍ଷୀନ୍ଦ୍ରାସୀନମଞ୍ଚଂ ସକଲମଣିୟୁତଂ ଯୋଗମାୟାସମେତଂ      ଶଙ୍ଖଂ ଚକ୍ରଂ ଗଦାବ୍ଜଂ ପ୍ରବଲବଲୟୁତ...

  ଜୟ ଜୟ ନାରାୟଣ ଅପାରଭବସାଗରୋତ୍ତାରପରାୟଣ ସନକସ- ନନ୍ଦନସନାତନପ୍ରଭୃତିୟୋଗିବରବିଚିନ୍ତ୍ୟମାନଦିବ୍ୟତତ୍ତ୍ୱ ସ୍ୱମାୟା- ବିଲସିତାଧ୍ୟାସପରିଣମିତାଶେଷଭୂତତତ୍ତ୍ଚ ତ୍ରିତତ୍ତ୍ୱ ତ୍ରିଦଣ୍ଡଧର ତ୍ରିଣାଚିକେତ ତ୍ରିମଧୁତ୍ରିସୁପର୍ଣୋପଗୀୟମାନଦିବ୍ୟଜ୍ଞାନ ଚ୍ଛନ୍ଦୋମୟ ସ୍ୱାସନସୁପର୍ଣପ୍ରିୟ ଭକ୍ତପ୍ରିୟ ଭକ୍ତଜନୈକବତ୍ସଲ ସ୍ୱମାୟାଜାଲ- ବ୍ୟବହିତାତ୍ମସ୍ୱରୂପ ବିଶ୍ୱରୂପ ବିଶ୍ୱପ୍ରକାଶ ବିଶ୍ୱତୋମୁଖ ବିଶ୍ୱତୋଽକ୍ଷି- ବିଶ୍ୱତଃଶ୍ରବଣ ବିଶ୍ୱତଃ ପାଦଶିରୋଗ୍ରୀବ ବିଶ୍ୱହସ୍ତନାସାରସନା- ତ୍ୱକ୍ୱେଶଲୋମଲିଙ୍ଗ ସର୍ୱଲୋକାତ୍ମକ ସର୍ୱଲୋକସୁଖାବହ ସର୍ୱଲୋକୋପକାରକ ସର୍ୱଲୋକନମସ୍କୃତ ଲୀଲାବିଲାସିତକୋଟିପଦ୍ମୋଦ୍ଭବରୁଦ୍ରେନ୍ଦ୍ରମରୁଦଶ୍ୱିସାଧ୍ୟ- ସିଦ୍ଧଗଣପ୍ରଣତାଶେଷସୁରାସୁରତ୍ରିଭୁବନଗୁରୋ ନ କସ୍ୟାପି ଜ୍ଞାନଗୋଚର ନମସ୍ତେ ନମସ୍ତେ । (ଶ୍ରୀସ୍କନ୍ଦପୁରାଣେ) ଇତି ଶ୍ରୀଜଗନ୍ନାଥଦଣ୍ଡକଂ ସମ୍ପୂର୍ଣମ୍ । ମହାବିଷ୍ଣୁସ୍ତୁତିଃ ବ୍ରହ୍ମର୍ଷୟ ଊଚୁଃ - ନମସ୍ତେ ଦେବଦେବାନାମାଦିଭୂତ ସନାତନ । ପୁରୁଷାୟ ପୁରାଣାୟ ନମସ୍ତେ ପରମାତ୍ମନେ ॥ ୧॥ ଜରାମରଣରୋଗାଦିବିହୀନାୟାମଲାତ୍ମନେ । ବ୍ରହ୍ମଣାଂ ପତୟେ ତୁଭ୍ୟଂ ଜଗତାଂ ପତୟେ ନମଃ ॥ ୨॥ ଲୋକାଲୋକସ୍ୱରୂରପାୟ ଲୋକାନାଂ ପତୟେ ନମଃ । ଶଙ୍ଖଚକ୍ରଗଦାପଦ୍ମପାଣୟେ ବିଷ୍ଣବେ ନମଃ ॥ ୩॥ ନମୋ ହିରଣ୍ୟଗର୍ଭାୟ ଶ୍ରୀପତେ ଭୂପତେ ନମଃ । ନଗଃ ସ୍ୱୟମ୍ଭୁବେ ତୁଭ୍ୟଂ ସୂତ୍ରାତ୍ମାଦିସ୍ୱରୂପିଣେ ॥ ୪॥ ବିରାଟ୍ପ୍ରଜାପତେଃ ସାକ୍ଷାଜ୍ଜନ...

  ସ୍ନାନାଧିକ୍ୟାନ୍ମନୁସୁତତନୌ ଜାୟତେ ହି ଜ୍ୱରାଦି- ର୍ଦାରୋର୍ଦେହେ ପ୍ରଭବତି କଥଂ ସୋଽପି ଚିତ୍ରେଷୁ ଚିତ୍ରମ୍ । ବାର୍ତା ସତ୍ୟଂ ତ୍ରିଭୁବନପତିଃ ଶ୍ରୀଜଗନ୍ନାଥଦେବଃ ସ୍ନାନାଦ୍ ରୁଗ୍ଣୋ ବିଷମବିଷୟସ୍ତଲ୍ପଶାୟୀ ଗୃହାନ୍ତଃ ॥ ୧॥ ରୋଗାକ୍ରାନ୍ତାଦ୍ ବିକଲହୃଦୟୋ ରତ୍ନବେଦୀଂ ନ ଯାତି ପୀଡାଗ୍ରସ୍ତୋ ଭଜତି ଚ ଗଦଂ ଦର୍ଶନଂ ନୋ ଦଦାତି । ବୈଦ୍ୟାଦେଶାଜ୍ଜ୍ୱରସୁଶମନଂ ହୌଷଧୀୟଂ ପ୍ରଲେପଂ ଦେହେ ଦତ୍ତ୍ୱା ବିରସବଦନାଃ ସେବକାସ୍ତଂ ଯତନ୍ତେ ॥ ୨॥ ହାହାକାରଃ ସକଲଜଗତି ବ୍ୟାଧିନାଶଃ କଦା ସ୍ୟାଦ୍ ଭକ୍ତା ଦୁଃଖାତ୍ ସଜଲନୟନା ଦ୍ୱାରଦେଶଂ ନମନ୍ତି । ଭାବଗ୍ରାହୀ ମନୁଜମନସୋ ଭାବନାଂ ସୋପ୍ୟଜାନାତ୍ ଦୂତୈର୍ଭକ୍ତାନ୍ ବଦତି ପରମୋ ଯାତ ଚାଲାରନାଥମ୍ ॥ ୩॥ ରୋଗେ ନଷ୍ଟେ କତିପୟଦିନେ ଦିବ୍ୟନେତ୍ରୋତ୍ସବୋ ମେ ଯୂୟଂ ସର୍ୱେ ପ୍ରମୁଦିତମୁଖାଃ ଦର୍ଶନଂ ପ୍ରାପ୍ସ୍ୟଥୈବ । ତସ୍ମିନ୍ କାଲେ ମମ ଚ ନଗରେ ସ୍ୟନ୍ଦନୀୟାଂ ସୁୟାତ୍ରାଂ ଦୃଷ୍ଟ୍ୱା ହୃଷ୍ଟାଃ ସୁଫଲନିକରଂ ନେଷ୍ୟଥ ସ୍ୱେଚ୍ଛୟା ବୈ ॥ ୪॥ ତାପାୟାଧିକବାରିଣା ସୁରଭିଣା ସ୍ନାତ୍ୱା ମୁଦା ଶ୍ରୀହରି- ର୍ହୈମାଦ୍ ରୋଗଗତୋ ମହୌଷଧିଚୟଂ ତଚ୍ଛାନ୍ତୟେ ସେବତେ । ହେ ଭକ୍ତା! ଯଦି ଦାରୁଦେହ ଉଦକାତ୍  ପ୍ରାପ୍ନୋତି କଷ୍ଟଂ ମହତ୍ ତାପାତ୍ତାପିତମାନବା ବହୁଜଲସ୍ନାନେନ ରୁଗ୍ଣା ନ କିମ୍ ॥ ୫॥ ଇତି ଶ୍ରୀବ୍ରଜକିଶୋରତ୍ରିପାଠୀବିରଚିତଂ        ଶ୍ରୀଜଗନ୍ନାଥସ୍ୟ ଜ୍ୱରପଞ୍ଚକଂ ସମ୍ପୂର୍ଣମ୍ ।

  ଏହି ମୁରାରେ କୁଞ୍ଜବିହାରେ ଏହି ପ୍ରଣତଜନବନ୍ଧୋ । ହେ ମଧୁସୂଦନ ମୂରଲୀମୋହନ ମାଧବ କରୁଣାସିନ୍ଧୋ ॥ ଧ୍ରୁବପଦମ୍ ॥     ସମୁଦ୍ରତୀରେ ପୁରୀମନ୍ଦିରେ     ରାସଲୀଲା-ଧୁରନ୍ଧର     ବ୍ରହ୍ମଦାରୁ-ସୁମଧୁର । ଦର୍ଶନଂ ପ୍ରୟାଚେ ଜୟ ଜଗନ୍ନାଥ ଅହୋ କୃଷ୍ଣ ମନୋହର ॥ ୧॥     ବେଣୁନିନାଦଂ କାମୟାମି ମୋଦଂ     କର୍ଣୟୋଃ ମେ ଶ୍ରୁତିଧର     ଏହି ପ୍ରେମବାରିଧାର । ଶ୍ରୀପୁରୁଷୋତ୍ତମ ପାନୀୟମିଚ୍ଛାମି ତୃଷ୍ଣା ମମ ପରିହର ॥ ୨॥     ବଡଶଙ୍ଖଧାମ ବିରହାତୁରୋଶଂ     ଶ୍ରୀଗୁଣ୍ଡିଚା-ଦର୍ଶନେଚ୍ଛା     ସୁଲଲିତା ସୁବିଦିତା । ବଡଦାଣ୍ଡ-ଧୂଲିଃ ଶିରସି ଚନ୍ଦନଃ ପ୍ରସାଦେ ମେ ମନୋବାଞ୍ଛା ॥ ୩॥     ନୀଲଚକ୍ର-ଚାରୁ-ଲଲିତଂ କେତନଂ     ଶ୍ରୀମନ୍ଦିରଂ ସୁଶାସନଂ     ଭଜେଶଂ ଗରୁଡାସନଂ । ଚତୁର୍ଦ୍ଧାମଣ୍ଡଲି-ମଣ୍ଡିତ-କେଶବଂ ସଗଦ୍ଗଦଂ ରସାୟନମ୍ ॥ ୪॥ ଇତି ନନ୍ଦପ୍ରଦୀପ୍ତକୁମାରବିରଚିତଂ ଜଗନ୍ନାଥଗୀତାମୃତଂ ସମ୍ପୂର୍ଣମ୍ ।

ପୂତପୟୋଧିନିକଟବଟମୂଲମନ୍ଦିରଲୀଲାପ୍ରକାଶମ୍ । ଦାରୁଦେବଜଗନ୍ନାଥସୁବିଦିତକୃଷ୍ଣକଲେବରଭାସମ୍ ॥ ଭଜ ଶୃଙ୍ଗାରକୋଟିବିଶେଷମ୍ । ଚିନ୍ତୟ ଚିନ୍ତାମଣିନୀଲମାଧବପୁରୀପୁରଧୃତବାସମ୍ ॥ ଧ୍ରୁବମ୍ ॥ ପାମରତାରଣକାରଣତତ୍ପରଦର୍ଶନଶୀତଲସ୍ପର୍ଶମ୍ । ନନ୍ଦିଘୋଷମହାମଣ୍ଡପମଣ୍ଡିତଶବରସେବିତଦୃଶ୍ୟମ୍ ॥ ୧॥ ରଥଗମନଘୋରଘର୍ଘରନାଦିତଜୟଜଗନ୍ନାଥଘୋଷଂ ସିଦ୍ଧସୁରମୁନିଭକ୍ତବିନୋଦିତନାରୀମୁଖଧ୍ୱନିହର୍ଷମ୍ ॥ ୨॥ ଟାହିଆବନ୍ଧିତମୁକୁଟମେଦୁରୋ ଧୂନୟତି ପ୍ରଚକର୍ଷମ୍ । ଖଣ୍ଡିତପହଣ୍ଡିମନ୍ଦଗମନମହୋ ମୋଦୟତି ମଦକର୍ଷମ୍ ॥ ୩॥ ରମ୍ୟପୁରୀବିଶାଲପଥସୁନ୍ଦରପୁଣ୍ୟବଡଦାଣ୍ଡ-ଆର୍ଷମ୍ । କେଲିକଲାକରଲୋଲସାରଲିତବିଶ୍ୱକୋଲାହଲହର୍ଷମ୍ ॥ ୪॥ ଆଡପମଣ୍ଡପଗୁଣ୍ଡିଚାବିଧୁରଦୁର୍ଲଭଭୂଷଣକୋଶମ୍ । ନବଦିନସୌରଭଗୌରବବର୍ଧିତଶ୍ରୀହରିବାମନବେଶମ୍ ॥ ୫॥ ଚାମୀକରଭାରଭରିତସମ୍ମୋହମଞ୍ଜୁଲଦିବ୍ୟବପୁଷମ୍ । କିରୀଟକୁଣ୍ଡଲଶ୍ରୀଭୁଜଶୋଭିତରଥୋପରିମୃଦୁହାସମ୍ ॥ ୬॥ ଶ୍ରୀପୁରୁଷୋତ୍ତମକୀର୍ତିରନୁକୂଲସୌଖ୍ୟଦପାରମହଂସମ୍ । କୈବଲ୍ୟଦାନପରାୟଣବୈଷ୍ଣବସାରସୁରପରମେଶମ୍ ॥ ୭॥ ଇତି ନନ୍ଦପ୍ରଦୀପ୍ତକୁମାରବିରଚିତଂ ଜଗନ୍ନାଥଗୀତାମୃତଂ ସମ୍ପୂର୍ଣମ୍ ।

     ଦେହି ପଦପଲ୍ଲବମୁଦାରମ୍ ।      ନୀଲାଚଲଧାମପୁରୀ-      ଦାରୁବ୍ରହ୍ମନରହରିଃ      କରୁଣାକଟାକ୍ଷବାରି      ସିଞ୍ଚ ସତ୍ୱରଂ ଦେହି୦॥ ଧ୍ରୁବମ୍॥              ଶ୍ରୀପୁରୁଷୋତ୍ତମ ପ୍ରଭୋ              ରାଜୀବଲୋଚନବିଭୋ              ଗୁଣ୍ଡିଚାବିଲାସପତିଃ              ରଥୟାତ୍ରାମହାରତି              ସ୍ତନୟଚିତ୍କାରବାଚଂ              ଶୃଣୁ ସତ୍ୱରଂ, ଦେହି୦ ॥ ୧॥      ଅଦ୍ୱୟତତ୍ତ୍ୱମୁରାରିଃ      ଲୀଲାଽବୟବବିହାରୀ      କୈବଲ୍ୟକଣବିଧାରୀ      ପରମେଶ୍ୱରଶ୍ରୀହରିଃ      ନବଧାଶୀତଲଭକ୍ତିଂ      ଦେହି ସତ୍ୱରଂ, ଦେହି୦ ॥ ୨॥              ସଗୁଣନିର୍ଗୁଣାତୀତଃ              ସାକ୍ଷିଚୈତନ୍ୟବିଦିତଃ              ...

 ଜଗନ୍ନାଥଗୀତାମୃତମ୍  ଗୀତେନ ଗାୟନ୍ କରୁଣାକରସ୍ୟ       ବ୍ରହ୍ମସ୍ୱରୂପଂ ହୃଦୟେନ ବିଷ୍ଣୋଃ । ସହାନୁପ୍ରାସୈର୍ଜୟତାତ୍କବୀନ୍ଦ୍ରଃ       ପ୍ରଦୀପ୍ତନନ୍ଦୋ ମୁରଲୀବିମୁଗ୍ଧଃ ॥ କଲାକଲେବରକୃଷ୍ଣ କରୁଣାକର       ସୁଭଦ୍ରାସହିତବଲରାମସୁନ୍ଦର ॥ ଧ୍ରୁବମ୍॥ ସୁଲଲିତହସ୍ତିବେଶସୁମନୋହରଃ       କରପାଦହୀନବିଭୁପରମେଶ୍ୱରଃ । ସ୍ନାନମଣ୍ଡପପଣ୍ଡିତରସନାଗର       କଲାକଲେବରକୃଷ୍ଣ କରୁଣାକର ॥ ୧॥ ବିରହବିଧୁରରାଧାକାନ୍ତସୁନ୍ଦର       ଶୀତଲାତରଲନୀରଶୀତଲତର । ବ୍ରହ୍ମଦାରୁଜଗନ୍ନାଥସୁଖନିକର       କଲାକଲେବରକୃଷ୍ଣ କରୁଣାକର ॥ ୨॥ ଭଟ୍ଟଭକ୍ତିଧର ବିଭୋ ନିର୍ଜରବର       ଅକ୍ଷୟକୀର୍ତିଗଦିତ ଦୟାସାଗର । ଦର୍ଶନବିକଲମନୋ ନନ୍ଦକୁମାର       କଲାକଲେବରକୃଷ୍ଣ କରୁଣାକର ॥ ୩॥ ଗୋପରମଣୀରମଣଗୋପନଚୋର       ବେଣୁନାଦସୁରଭିତୟମୁନାତୀର । କୁରୁ କୁଶଲଂ ବିଷ୍ଣୋ ନନ୍ଦକିଶୋର       କଲାକଲେବରକୃଷ୍ଣ କରୁଣାକର ॥ ୪॥ ଅଷ୍ଟୋତ୍ତରଶତଘଟସ୍ୱର୍ଣସୁକର       ଶୁଭବାସକୂପଜଲସ୍ନାନବିଧୁର । ସମନ୍ତ୍ରସବାଦ୍ୟନାଦଶୋଭନକର       କଲାକଲେବରକୃଷ୍ଣ କରୁଣାକର ॥ ୫॥ ଇତି ନନ୍ଦପ୍ରଦୀପ୍ତକୁମାରବିରଚିତଂ ଜଗନ୍ନାଥଗୀତ...

କଦାଚିଚ୍ଛ୍ରୀକ୍ଷେତ୍ରେ ବିବୁଧପୁରଧାମ୍ନି ପ୍ରିୟତମେ କଦା ସିଂହଦ୍ୱାରେ ପତିତଜନତାତ୍ରାଣବପୁଷମ୍ । କଦା ଗର୍ଭେ ଗେହେ ନିଖିଲମଣିସିଂହାସନଗତଂ ଜଗନ୍ନାଥଂ ନତ୍ୱା ଚରମଚିରସୌଖ୍ୟଂ ଭବତୁ ମେ ॥ ୧॥           କଦା ଶଙ୍ଖେ ସ୍ଥିତ୍ୱା ମଧୁରବଡଦାଣ୍ଡେ ହି ବିଚରନ୍           ମହାରଜ୍ଜୁଂ ଧୃତ୍ୱା ଜୟତୁ ଶରଣଂ ଦିବ୍ୟପୁରୁଷମ୍ ।           ରଥଂ ସ୍ପୃଷ୍ଟ୍ୱା ପ୍ରେମ୍ଣା ବିରଲରଥୟାତ୍ରାସୁରଭିତଂ           ଜଗନ୍ନାଥଂ ନତ୍ୱା ଚରମଚିରସୌଖ୍ୟଂ ଭବତୁ ମେ ॥ ୨॥ କଦା ଦ୍ୱାବିଂଶେଶଂ କୁମତିହରପାବଚ୍ଛନିଚୟେ ପିକାଖ୍ୟେ ବୈକୁଣ୍ଠେ କୁସୁମତୁଲସୀଦିବ୍ୟବିପିନେ । ମହାମ୍ଭୋଧେସ୍ତୀରେ ତ୍ରିଦିବଭୁବନଦ୍ୱାରଲଲିତେ ଜଗନ୍ନାଥଂ ନତ୍ୱା ଚରମଚିରସୌଖ୍ୟଂ ଭବତୁ ମେ ॥ ୩॥           ସୁକାନ୍ତଂ ଶ୍ରୀକାନ୍ତଂ ନିଗମପୁରଭାନ୍ତଂ ନିରୁପମଂ           କଦା ତଂ ଗୋପାଲଂ ରଘୁବରବିଶାଲଂ ବଲପତିମ୍ ।           ମହାନ୍ତଂ ବେଦାନ୍ତଂ ବିପୁଲଦନୁଜାନ୍ତଂ ସୁରପତିଂ           ଜଗନ୍ନାଥଂ ନତ୍ୱା ଚରମଚିରସୌଖ୍ୟଂ ଭବତୁ ମେ ॥ ୪॥ ବଟଂ ସ୍ପୃଷ୍ଟ୍ୱା ଦୃଷ୍ଟ୍ୱା ବିମଲବିମଲାଦେବତରୁଣୀଂ ତଦା ପଦ୍ମାଂ ଛଦ୍ମାଂ କମଲନିଲୟାମନ୍ନଜନନୀମ୍ ।...

 ଶ୍ରୀଜଗନ୍ନାଥାଷ୍ଟକମ୍  କଦାଚିତ୍କାଲିନ୍ଦୀତଟବିପିନସଙ୍ଗୀତକରବୋ  var  କବରୋ ମୁଦା ଗୋପୀନାରୀବଦନକମଲାସ୍ୱାଦମଧୁପଃ ।  var  ଭୀରୀ ରମାଶମ୍ଭୁବ୍ରହ୍ମାମରପତିଗଣେଶାର୍ଚିତପଦୋ ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୧ ॥ ଭୁଜେ ସବ୍ୟେ ବେଣୁଂ ଶିରସି ଶିଖିପିଞ୍ଛଂ କଟିତଟେ var ପିଚ୍ଛିଂ ଦୁକୂଲଂ ନେତ୍ରାନ୍ତେ ସହଚରକଟାକ୍ଷଂ ବିଦଧତେ । ସଦା ଶ୍ରୀମଦ୍ୱୃନ୍ଦାବନବସତିଲୀଲାପରିଚୟୋ ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୨ ॥ ମହାମ୍ଭୋଧେସ୍ତୀରେ କନକରୁଚିରେ ନୀଲଶିଖରେ ବସନ୍ ପ୍ରାସାଦାନ୍ତସ୍ସହଜବଲଭଦ୍ରେଣ ବଲିନା । ସୁଭଦ୍ରାମଧ୍ୟସ୍ଥସ୍ସକଲସୁରସେବାବସରଦୋ ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୩ ॥ କୃପାପାରାବାରାସ୍ସଜଲଜଲଦଶ୍ରେଣିରୁଚିରୋ ରମାବାଣୀସୌମସ୍ସୁରଦମଲପଦ୍ମୋଦ୍ଭବମୁଖୈଃ । var  ବାଣୀରାମସ୍ ସୁରେନ୍ଦ୍ରୈରାରାଧ୍ୟଃ ଶ୍ରୁତିଗଣଶିଖାଗୀତଚରିତୋ ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୪ ॥ ରଥାରୂଢୋ ଗଚ୍ଛନ୍ ପଥି ମିଲିତଭୂଦେବପଟଲୈଃ ସ୍ତୁତିପ୍ରାଦୁର୍ଭାବଂ ପ୍ରତିପଦ ମୁପାକର୍ଣ୍ୟ ସଦୟଃ । ଦୟାସିନ୍ଧୁର୍ବନ୍ଧୁସ୍ସକଲଜଗତା ସିନ୍ଧୁସୁତୟା ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୫ ॥ ପରବ୍ରହ୍ମାପୀଡଃ କୁବଲୟଦଲୋତ୍ଫୁଲ୍ଲନୟନୋ ନିବାସୀ ନୀଲାଦ୍ରୌ ନିହିତଚରଣୋଽନନ୍ତଶିରସି । ରସାନନ୍ଦୋ ରାଧାସରସବପୁରାଲିଙ୍ଗନସଖୋ ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୬ ॥ ନ ବ...