ଶ୍ରୀଜଗନ୍ନାଥଦଣ୍ଡକମ୍
ଜୟ ଜୟ ନାରାୟଣ ଅପାରଭବସାଗରୋତ୍ତାରପରାୟଣ ସନକସ-
ନନ୍ଦନସନାତନପ୍ରଭୃତିୟୋଗିବରବିଚିନ୍ତ୍ୟମାନଦିବ୍ୟତତ୍ତ୍ୱ ସ୍ୱମାୟା-
ବିଲସିତାଧ୍ୟାସପରିଣମିତାଶେଷଭୂତତତ୍ତ୍ଚ ତ୍ରିତତ୍ତ୍ୱ ତ୍ରିଦଣ୍ଡଧର
ତ୍ରିଣାଚିକେତ ତ୍ରିମଧୁତ୍ରିସୁପର୍ଣୋପଗୀୟମାନଦିବ୍ୟଜ୍ଞାନ ଚ୍ଛନ୍ଦୋମୟ
ସ୍ୱାସନସୁପର୍ଣପ୍ରିୟ ଭକ୍ତପ୍ରିୟ ଭକ୍ତଜନୈକବତ୍ସଲ ସ୍ୱମାୟାଜାଲ-
ବ୍ୟବହିତାତ୍ମସ୍ୱରୂପ ବିଶ୍ୱରୂପ ବିଶ୍ୱପ୍ରକାଶ ବିଶ୍ୱତୋମୁଖ ବିଶ୍ୱତୋଽକ୍ଷି-
ବିଶ୍ୱତଃଶ୍ରବଣ ବିଶ୍ୱତଃ ପାଦଶିରୋଗ୍ରୀବ ବିଶ୍ୱହସ୍ତନାସାରସନା-
ତ୍ୱକ୍ୱେଶଲୋମଲିଙ୍ଗ ସର୍ୱଲୋକାତ୍ମକ ସର୍ୱଲୋକସୁଖାବହ ସର୍ୱଲୋକୋପକାରକ
ସର୍ୱଲୋକନମସ୍କୃତ ଲୀଲାବିଲାସିତକୋଟିପଦ୍ମୋଦ୍ଭବରୁଦ୍ରେନ୍ଦ୍ରମରୁଦଶ୍ୱିସାଧ୍ୟ-
ସିଦ୍ଧଗଣପ୍ରଣତାଶେଷସୁରାସୁରତ୍ରିଭୁବନଗୁରୋ ନ କସ୍ୟାପି ଜ୍ଞାନଗୋଚର
ନମସ୍ତେ ନମସ୍ତେ ।
(ଶ୍ରୀସ୍କନ୍ଦପୁରାଣେ)
ଇତି ଶ୍ରୀଜଗନ୍ନାଥଦଣ୍ଡକଂ ସମ୍ପୂର୍ଣମ୍ ।
ମହାବିଷ୍ଣୁସ୍ତୁତିଃ
ବ୍ରହ୍ମର୍ଷୟ ଊଚୁଃ -
ନମସ୍ତେ ଦେବଦେବାନାମାଦିଭୂତ ସନାତନ ।
ପୁରୁଷାୟ ପୁରାଣାୟ ନମସ୍ତେ ପରମାତ୍ମନେ ॥ ୧॥
ଜରାମରଣରୋଗାଦିବିହୀନାୟାମଲାତ୍ମନେ ।
ବ୍ରହ୍ମଣାଂ ପତୟେ ତୁଭ୍ୟଂ ଜଗତାଂ ପତୟେ ନମଃ ॥ ୨॥
ଲୋକାଲୋକସ୍ୱରୂରପାୟ ଲୋକାନାଂ ପତୟେ ନମଃ ।
ଶଙ୍ଖଚକ୍ରଗଦାପଦ୍ମପାଣୟେ ବିଷ୍ଣବେ ନମଃ ॥ ୩॥
ନମୋ ହିରଣ୍ୟଗର୍ଭାୟ ଶ୍ରୀପତେ ଭୂପତେ ନମଃ ।
ନଗଃ ସ୍ୱୟମ୍ଭୁବେ ତୁଭ୍ୟଂ ସୂତ୍ରାତ୍ମାଦିସ୍ୱରୂପିଣେ ॥ ୪॥
ବିରାଟ୍ପ୍ରଜାପତେଃ ସାକ୍ଷାଜ୍ଜନକାୟ ନମୋ ନମଃ ।
ବିଶ୍ୱତୈଜସରୂପାୟ ପ୍ରାଜ୍ଞରୂପାୟ ତେ ନମଃ ॥ ୫॥
ଜାଗ୍ରତ୍ସ୍ୱପ୍ନସ୍ୱରୂପାୟ ନମଃ ସୁପ୍ତ୍ୟାତ୍ମନେ ନମଃ ।
ଅବସ୍ଥାସାକ୍ଷିଣେ ତୁଭ୍ୟମବସ୍ଥାବର୍ଜିତାଚ୍ୟୁତ ॥ ୬॥
ତୁରୀୟାୟ ବିଶୁଦ୍ଧାୟ ତୁର୍ୟାତୀତାୟ ତେ ନମଃ ।
ପ୍ରଥମାୟ ସମସ୍ତସ୍ୟ ଜଗତଃ ପରମାତ୍ମନେ ॥ ୭॥
ଓଙ୍କାରୈକସ୍ୱରୂପାୟ ଶିବାୟ ଶିବଦ ପ୍ରଭୋ ।
ସର୍ୱବିଜ୍ଞାନସମ୍ପନ୍ନ ନମୋ ବିଜ୍ଞାନଦାୟିନେ ॥ ୮॥
ଜଗତାଂ ଯୋନୟେ ତୁଭ୍ୟଂ ବେଧସେ ବିଶ୍ୱରୂପିଣେ ।
ନିତ୍ୟଶୁଦ୍ଧାୟ ବୁଦ୍ଧାୟ ମୁକ୍ତାୟ ସୁରବରୂପିଣେ ॥ ୯॥
ନମୋ ବାଚାମତୀତାୟ ମନୋଽଗମ୍ୟାୟ ତେ ନମଃ ।
ଅପ୍ରମେୟାୟ ଶାନ୍ତାୟ ସ୍ୱୟମ୍ଭାନାୟ ସାକ୍ଷିଣେ ॥ ୧୦॥
ନଗଃ ପୁଂସେ ପୁରାଣାୟ ଶ୍ରେୟଃପ୍ରାପ୍ତ୍ୟେକହେତବେ ।
ଆକାଶାଦିପ୍ରପଞ୍ଚାୟ ନମସ୍ତଦ୍ରୂପ ଶଙ୍କର ॥ ୧୧॥
ମାୟାରୂପାୟ ମାୟାୟାଃ ସତ୍ତାହେତୋ ଜନାର୍ଦନ ।
ନମଃ ପ୍ରଦ୍ୟୁମ୍ନରୂପାୟ ନମଃ ସଙ୍କର୍ଷଣାତ୍ମନେ ॥ ୧୨॥
ମମୋଽନିରୁଦ୍ଧରୂପାୟ ବାସୁଦେବାୟ ତେ ନମଃ ।
ଯୋଗାୟ ଯୋଗଗମ୍ୟାୟ ଯୋଗିନାମିଷ୍ଟସିଦ୍ଧିଦ ॥ ୧୩॥
ନମସ୍ତେ ମତ୍ସ୍ୟରୂପାୟ ନମସ୍ତେ କୂର୍ମରୂପିଣେ ।
ନମସ୍ତୁଭ୍ୟଂ ବରାହାୟ ନାରସିଂହାୟ ତେ ନମଃ ॥ ୧୪॥
ନମୋ ବାମନରୂପାୟ ନମୋ ରାମତ୍ରୟାତ୍ମନେ ।
ନମଃ କୃଷ୍ଣାୟ ସର୍ୱଜ୍ଞ ନମସ୍ତେ କଲ୍କିରୂପିଣେ ॥ ୧୫॥
କର୍ମିଣାଂ ଫଲରୂପାୟ କର୍ମରୂପାୟ ତେ ନମଃ ।
କର୍ମକର୍ତ୍ରେ ନମସ୍ତୁଭ୍ୟଂ ନମସ୍ତେ କର୍ମସାକ୍ଷିଣେ ॥ ୧୬॥
ନମୋ ବିଜ୍ଞପ୍ତିରୂପାୟ ନମୋ ବେଦାନ୍ତରୂପିଣେ ।
ଗୁପାତ୍ରୟାତ୍ମନେ ତୁଭ୍ୟଂ ନମୋ ନିର୍ଗୁଣରୂପିଣେ ॥ ୧୭॥
ଅଦ୍ଭୁତାୟାମରେଶାୟ ଶିବପ୍ରାପ୍ତ୍ୟେକହେତବେ ।
ନମୋ ନକ୍ଷତ୍ରରୂପାୟ ନମସ୍ତେ ସୋମରୂପିଣେ ॥ ୧୮॥
ନମଃ ସୂର୍ୟାତ୍ମନେ ତୁଭ୍ୟଂ ନମୋ ବଜ୍ରଧରାୟ ତେ ।
ନମସ୍ତେ ପଦ୍ମନାଭାୟ ନମସ୍ତେ ଶାର୍ଙ୍ଗପାଣୟେ ॥ ୧୯॥
ନମସ୍ତୁଭ୍ୟଂ ବିଶାଲାକ୍ଷ ନମଃ ଶ୍ରୀଧର ନାୟକ ।
ନମଃ ସଂସାରତପ୍ତାନାଂ ତାପନାଶୈକହେତବେ ॥ ୨୦॥
ଶ୍ରୌତସ୍ମାର୍ତୈକନିଷ୍ଠାନାମଚିରାଦେବ ମୁକ୍ତିଦ ।
ଅନ୍ୟେଷାମପି ସର୍ୱେଷାଂ ସଂସାରୈକପ୍ରଦାବ୍ୟଯ ॥ ୨୧॥
ନମୋଽସୁରବିମର୍ଦାୟ ନମୋ ବିଦ୍ୟାଧରାର୍ଚିତ ।
କ୍ଷୀରୋଦଶାୟିନେ ତୁଭ୍ୟଂ ନମୋ ବୈକୁଣ୍ଠବାସିନେ ।
ନମୋ ରାଗାଭିଭୂତାନାଂ ବୈରାଗ୍ୟପ୍ଲବଦାୟିନେ ॥ ୨୨॥
ଇତି ସୂତସଂହିତାୟାଂ ମହାବିଷ୍ଣୁସ୍ତୁତିଃ ସମାପ୍ତା ।
Comments
Post a Comment