ଶ୍ରୀଜଗନ୍ନାଥନବକମ୍
ପାରାବାରପତିଃ ପୁରୀପୁରପତିସ୍ସୌଭାଗ୍ୟଲକ୍ଷ୍ମୀପତିଃ
ଶ୍ରୀକ୍ଷେତ୍ରାଧିପତିର୍ମହେଶ୍ୱରପତିର୍ମାୟାପତିର୍ଭୂପତିଃ ।
ଶ୍ରୀବୈକୁଣ୍ଠପତିର୍ଜଗଜ୍ଜନପତିର୍ମାଧୁର୍ୟଲୀଲାପତିଃ
ଦାରୁବ୍ରହ୍ମପତିର୍ମହାମଖପତିଃ କୁର୍ୟାତ୍ସଦା ମଙ୍ଗଲମ୍ ॥ ୧॥
ହେ ନାରାୟଣ ହେ ଜଗଜ୍ଜୟକୃତେ ହେ ବିଶ୍ୱବନ୍ଧୋ ପ୍ରଭୋ
ହେ ବୈକୁଣ୍ଠସନାତନ ଗ୍ରହପତେ ହେ ରାମନାରାୟଣ ।
ହେ ନୀଲାଚଲନାୟକ ପ୍ରବଣ ହେ ହେ ଶ୍ରୀଜଗନ୍ନାଥ ମାଂ
ହେ ରାଧାଧବ ପାହି ପାହି ସତତଂ ବନ୍ଦାମି ନନ୍ଦାତ୍ମଜମ୍ ॥ ୨॥
ଗୋଲାକାରାକ୍ଷୟୁକ୍ତା ନିଖିଲମଣିମୟୀ ହେମଭୂଷାଙ୍ଗଶୋଭା
ଶ୍ୟାମା କାମାଭିରାମା ସ୍ୱଜନସହରତା ପ୍ରେମଧାରାବହନ୍ତୀ ।
ଯା ସା ସଂସାରସାରା ଶ୍ରିତଜନବିଷୟା ବ୍ରହ୍ମରୂପା ପ୍ରସନ୍ନା
ପାୟାତ୍ସମ୍ଭ୍ରାନ୍ତନୀଲାଚଲଭୁବନସୁଖା ସ୍ରଗ୍ଧରା ଦାରୁମୂର୍ତିଃ ॥ ୩॥
ସ୍ୱର୍ଣାଲଙ୍କୃତଦିବ୍ୟଦାରୁରସିକଂ ଶ୍ରୀମନ୍ଦିରାଧୀଶ୍ୱରଂ
ବିଶ୍ୱାନନ୍ଦତନୁଂ ବିକାରରହିତଂ ପୁର୍ୟ୍ୟାଂ ମହାସୌରଭମ୍ ।
ଭକ୍ତିପ୍ରେମଧନଂ ଦଦାତି ପରମଂ ଲାବଣ୍ୟଲକ୍ଷ୍ମୀଜୁଷଂ
ଶ୍ରୀନୀଲାଦ୍ରିମହୋଦୟଂ ପ୍ରତିଦିନଂ ସୌନ୍ଦର୍ୟସାରଂ ଭଜେ ॥ ୪॥
ପକ୍ଷୀନ୍ଦ୍ରାସୀନମଞ୍ଚଂ ସକଲମଣିୟୁତଂ ଯୋଗମାୟାସମେତଂ
ଶଙ୍ଖଂ ଚକ୍ରଂ ଗଦାବ୍ଜଂ ପ୍ରବଲବଲୟୁତଂ ବାହୁଭିଃ ସନ୍ଦଧାନମ୍ ।
ଲାବଣ୍ୟଂ ମର୍ତ୍ୟଲୋକେ ନୟନସୁଖକରଂ ପୀତପଟ୍ଟାମ୍ବରାଢ୍ୟଂ
ଲକ୍ଷ୍ମୀନାରାୟଣାଖ୍ୟଂ ନିରୁପମୟୁଗଲଂ ଦିବ୍ୟଦେହଂ ନମାମି ॥ ୫॥
ମାଧୁର୍ୟସାରରସସାରସୁଖୈକସାରଂ
ବେଦାନ୍ତସାରସୁରସାରବିଦଗ୍ଧସାରମ୍ ।
ପୀୟୂଷସାରଘନସାରସୁଶୀତସାରଂ
ଶ୍ରୀକ୍ଷେତ୍ରସାରହରିସାରସୁସାରମୀଡେ ॥ ୬॥
ଶୁଦ୍ଧଂ ବୁଦ୍ଧମବଦ୍ଧମବ୍ୟଯମଜଂ ଦାନ୍ତଂ ପ୍ରଶାନ୍ତଂ ମହଃ
କାନ୍ତଂ ସନ୍ତତମନ୍ତକାରିମନଘୋଦନ୍ତଂ ମହାନ୍ତଂ ପରମ୍ ।
ନିତ୍ୟଂ ନିର୍ମଲମେକମାଦ୍ୟମଜଡଂ ସତ୍ୟାବବୋଧାତ୍ମକଂ
ବନ୍ଦେ ତଂ କମଲାପତିଂ ପ୍ରତିଦିନଂ ନୀଲାଦ୍ରିଚୂଡାମଣିମ୍ ॥ ୭॥
ହେ ଶୀତଲ ପ୍ରିୟହରେ କରୁଣାବତାର
ସୌଭାଗ୍ୟଦାରୁସୁଖକାରୁକଲାଭିତପ୍ତ ।
ଶ୍ରୀମନ୍ଦିରେଶ ନିତରାଂ ତୁଲସୀଦଲେଽସ୍ମିନ୍
ପତ୍ରଂ ଲିଖାମି ପଠ ମାଧବ ପକ୍ଷିପତ୍ର ॥ ୮॥
ଯୋଗେ ନ ଭୋଗସକଲେଷୁ ସୁଖେଷୁ ନିତ୍ୟଂ
ତ୍ୱନ୍ନାମଧାମବିଷୟେ କ୍ୱଚିଦସ୍ତି ଦୃଷ୍ଟିଃ ।
ବ୍ରହ୍ମାଣ୍ଡନାଥ ତବ ଗୌରବସୌରଭାୟ
ଚେଷ୍ଟା କଦା ଭବତି ସା ଭବିତା ସୁବୁଦ୍ଧିଃ ॥ ୯॥
ଇତି ପ୍ରଦୀପ୍ତନନ୍ଦଶର୍ମବିରଚିତଂ ଶ୍ରୀଜଗନ୍ନାଥନବକଂ ସମାପ୍ତମ୍ ।
Comments
Post a Comment