ଶ୍ରୀଜଗନ୍ନାଥାଷ୍ଟକମ୍

 ଶ୍ରୀଜଗନ୍ନାଥାଷ୍ଟକମ୍ 

କଦାଚିତ୍କାଲିନ୍ଦୀତଟବିପିନସଙ୍ଗୀତକରବୋ  var  କବରୋ

ମୁଦା ଗୋପୀନାରୀବଦନକମଲାସ୍ୱାଦମଧୁପଃ ।  var  ଭୀରୀ

ରମାଶମ୍ଭୁବ୍ରହ୍ମାମରପତିଗଣେଶାର୍ଚିତପଦୋ

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୧ ॥

ଭୁଜେ ସବ୍ୟେ ବେଣୁଂ ଶିରସି ଶିଖିପିଞ୍ଛଂ କଟିତଟେ var ପିଚ୍ଛିଂ

ଦୁକୂଲଂ ନେତ୍ରାନ୍ତେ ସହଚରକଟାକ୍ଷଂ ବିଦଧତେ ।

ସଦା ଶ୍ରୀମଦ୍ୱୃନ୍ଦାବନବସତିଲୀଲାପରିଚୟୋ

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୨ ॥

ମହାମ୍ଭୋଧେସ୍ତୀରେ କନକରୁଚିରେ ନୀଲଶିଖରେ

ବସନ୍ ପ୍ରାସାଦାନ୍ତସ୍ସହଜବଲଭଦ୍ରେଣ ବଲିନା ।

ସୁଭଦ୍ରାମଧ୍ୟସ୍ଥସ୍ସକଲସୁରସେବାବସରଦୋ

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୩ ॥

କୃପାପାରାବାରାସ୍ସଜଲଜଲଦଶ୍ରେଣିରୁଚିରୋ

ରମାବାଣୀସୌମସ୍ସୁରଦମଲପଦ୍ମୋଦ୍ଭବମୁଖୈଃ । var  ବାଣୀରାମସ୍

ସୁରେନ୍ଦ୍ରୈରାରାଧ୍ୟଃ ଶ୍ରୁତିଗଣଶିଖାଗୀତଚରିତୋ

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୪ ॥

ରଥାରୂଢୋ ଗଚ୍ଛନ୍ ପଥି ମିଲିତଭୂଦେବପଟଲୈଃ

ସ୍ତୁତିପ୍ରାଦୁର୍ଭାବଂ ପ୍ରତିପଦ ମୁପାକର୍ଣ୍ୟ ସଦୟଃ ।

ଦୟାସିନ୍ଧୁର୍ବନ୍ଧୁସ୍ସକଲଜଗତା ସିନ୍ଧୁସୁତୟା

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୫ ॥

ପରବ୍ରହ୍ମାପୀଡଃ କୁବଲୟଦଲୋତ୍ଫୁଲ୍ଲନୟନୋ

ନିବାସୀ ନୀଲାଦ୍ରୌ ନିହିତଚରଣୋଽନନ୍ତଶିରସି ।

ରସାନନ୍ଦୋ ରାଧାସରସବପୁରାଲିଙ୍ଗନସଖୋ

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୬ ॥

ନ ବୈ ପ୍ରାର୍ଥ୍ୟଂ ରାଜ୍ୟଂ ନ ଚ କନକତାଂ ଭୋଗବିଭବଂ

ନ ଯାଚେଽହଂ ରମ୍ୟାଂ ନିଖିଲଜନକାମ୍ୟାଂ ବରବଧୂଂ ।

ସଦା କାଲେ କାଲେ ପ୍ରମଥପତିନା ଗୀତଚରିତୋ

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୭ ॥

ହର ତ୍ୱଂ ସଂସାରଂ ଦ୍ରୁତତରମସାରଂ ସୁରପତେ

ହର ତ୍ୱଂ ପାପାନାଂ ବିତତିମପରାଂ ଯାଦବପତେ ।

ଅହୋ ଦୀନାନାଥଂ ନିହିତମଚଲଂ ନିଶ୍ଚିତପଦଂ

ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୮ ॥

ଇତି ଶ୍ରୀମଦ୍ ଶଙ୍କରାଚାର୍ୟପ୍ରଣୀତଂ ଜଗନ୍ନାଥାଷ୍ଟକଂ ସମ୍ପୂର୍ଣଂ॥

गोवर्द्धन मठ, पुरी से जुड़ने के लिए क्लिक करें 👇👇

https://kutumbapp.page.link/YEqnUxGWGn5X8BF59?ref=KRV6D