କକାରାଦି ଶ୍ରୀକଲ୍କ୍ୟଷ୍ଟୋତ୍ତରଶତନାମସ୍ତୋତ୍ରମ୍

 କକାରାଦି ଶ୍ରୀକଲ୍କ୍ୟଷ୍ଟୋତ୍ତରଶତନାମସ୍ତୋତ୍ରମ୍ 

ଶ୍ରୀ ହୟଗ୍ରୀବାୟ ନମଃ ।

ହରିଃ ଓଁ

କଲ୍କୀ କଲ୍କୀ କଲ୍କିହନ୍ତା କଲ୍କିଜିତ୍କଲିମାରକଃ ।

କଲ୍କ୍ୟଲଭ୍ୟଃ କଲ୍ମଷଘ୍ନଃ କଲ୍ପିତକ୍ଷୋଣିମଙ୍ଗଲଃ ॥ ୧॥

କଲିତାଶ୍ୱାକୃତିଃ କନ୍ତୁସୁନ୍ଦରଃ କଞ୍ଜଲୋଚନଃ ।

କଲ୍ୟାଣମୂର୍ତିଃ କମଲାଚିତ୍ତଚୋରଃ କଲାନିଧିଃ ॥ ୨॥

କମନୀୟଃ କଲିନିଶାକଲ୍ୟନାମା କନତ୍ତନୁଃ ।

କଲାନିଧିସହସ୍ରାଭା କପର୍ଦିଗିରିସନ୍ନିଭଃ ॥ ୩॥

କନ୍ଦର୍ପଦର୍ପଦମନଃ କଣ୍ଠୀରବପରାକ୍ରମଃ ।

କନ୍ଧରୋଚ୍ଚଲିତଶ୍ୱେତପଟାନିର୍ଧୂତକନ୍ଧରଃ ॥ ୪॥

କଠୋରହେଷାନିନଦତ୍ରାସିତାଶେଷମାନୁଷଃ ।

କବିଃ କବୀନ୍ଦ୍ରସଂସ୍ତୁତ୍ୟଃ କମଲାସନସନ୍ନୁତଃ ॥ ୫॥

କନତ୍ଖୁରାଗ୍ରକୁଲିଶଚୂର୍ଣୀକୃତାଖିଲାଚଲଃ ।

କଚିତ୍ତଦର୍ପଦମନଗମନସ୍ତମ୍ଭିତାହିପଃ ॥ ୬॥

କଲାକୁଲକଲାଜାଲଚଲବାଲାମଲାଚଲଃ ।

କଲ୍ୟାଣକାନ୍ତିସନ୍ତାନ ପାରଦକ୍ଷାଲିତାଖିଲଃ ॥ ୭॥

କଲ୍ପଦ୍ରୁକୁସୁମାକୀର୍ଣଃ କଲିକଲ୍ପମହୀରୁହଃ ।

କଚନ୍ଦ୍ରାଗ୍ନୀନ୍ଦ୍ରରୁଦ୍ରାଦି ବୁଧଲୋକମୟାକୃତିଃ ॥ ୮॥

କଞ୍ଜାସନାଣ୍ଡାମିତାତ୍ମପ୍ରତାପଃ କନ୍ଧିବନ୍ଧନଃ ।

କଠୋରଖୁରବିନ୍ୟାସପୀଡିତାଶେଷଭୂତଲଃ ॥ ୯॥

କବଲୀକୃତମାର୍ତାଣ୍ଡହିମାଂଶୁକିରଣାଙ୍କୁରଃ ।

କଦର୍ଥୀକୃତରୁଦ୍ରାଦିବୀରବର୍ୟଃ କଠୋରଦୃକ୍ ॥ ୧୦॥

କବିଲୋକାମୃତାସାର ବର୍ଷାୟିତଦୃଗାବଲିଃ ।

କଦାତ୍ମାୟୁର୍ଘୃତଗ୍ରାହିକୋପାଗ୍ନିରୁଚିଦୃକ୍ତତିଃ ॥ ୧୧॥

କଠୋରଶ୍ୱାସନିର୍ଧୂତଖଲତୂଲାବୃତାମ୍ବୁଧିଃ ।

କଲାନିଧିପଦୋଦ୍ଭେଦଲୀଲାକୃତସମୁତ୍ପ୍ଲବଃ ॥ ୧୨॥

କଠୋରଖୁରନିର୍ଭେଦକ୍ରୋଶଦାକାଶସଂସ୍ତୁତଃ ।

କଞ୍ଜାସ୍ୟାଣ୍ଡବିଭିତ୍ୟୋର୍ଥ୍ୱଦୃଷ୍ଟିଶ୍ରୁତିୟୁଗାଦ୍ଭୁତଃ ॥ ୧୩॥

କନତ୍ପକ୍ଷଦ୍ୱୟବ୍ୟାଜ ଶଙ୍ଖଚକ୍ରୋପଶୋଭିତଃ ।

କଦର୍ଥୀକୃତକୌବେରଶଙ୍ଖଶ୍ରୁତିୟୁଗାଞ୍ଚିତଃ ॥ ୧୪॥

କଲିତାଂଶୁଗଦାବାଲଃ କଣ୍ଠସନ୍ମଣିବିଭ୍ରମଃ ।

କଲାନିଧିଲସତ୍ଫାଲଃ କମଲାଲୟବିଗ୍ରହଃ ॥ ୧୫॥

କର୍ପୂରଖଣ୍ଡରଦନଃ କମଲାବଡବାନ୍ୱିତଃ ।

କରୁଣାସିନ୍ଧୁଫେନାନ୍ତଲମ୍ବମାନାଧରୋଷ୍ଟକଃ ॥ ୧୬॥

କଲିତାନନ୍ତଚରଣଃ କର୍ମବ୍ରହ୍ମସମୁଦ୍ଭବଃ ।

କର୍ମବ୍ରହ୍ମାବ୍ଜମାର୍ତାଣ୍ଡଃ କର୍ମବ୍ରହ୍ମଦ୍ୱିରର୍ଦନଃ ॥ ୧୭॥

କର୍ମବ୍ରହ୍ମମୟାକାରଃ କର୍ମବ୍ରହ୍ମବିଲକ୍ଷଣଃ ।

କର୍ମବ୍ରହ୍ମାତ୍ୟବିଷୟଃ କର୍ମବ୍ରହ୍ମସ୍ୱରୂପବିତ୍ ॥ ୧୮॥

କର୍ମାସ୍ପୃଷ୍ଟଃ କର୍ମହୀନଃ କଲ୍ୟାଣାନନ୍ଦଚିନ୍ମୟଃ ।

କଞ୍ଜାସନାଣ୍ଡଜଠରଃ କଲ୍ପିତାଖିଲବିଭ୍ରମଃ ॥ ୧୯॥

କର୍ମାଲସଜନାଜ୍ଞେୟଃ କର୍ମବ୍ରହ୍ମମତାସହଃ ।

କର୍ମାକର୍ମବିକର୍ମସ୍ଥଃ କର୍ମସାକ୍ଷୀ କଭାସକଃ ॥ ୨୦॥

କଚନ୍ଦ୍ରାଗ୍ନ୍ୟୁଡୁତାରାଦିଭାସହୀନଃ କମଧ୍ୟଗଃ ।

କଚନ୍ଦ୍ରାଦିତ୍ୟଲସନଃ କଲାବାର୍ତାବିବର୍ଜିତଃ ॥ ୨୧॥

କରୁଦ୍ରମାଧବମୟଃ କଲାଭୂତପ୍ରମାତୃକଃ ।

କଲିତାନନ୍ତଭୁବନ ସୃଷ୍ଟିସ୍ଥିତିଲୟକ୍ରିୟଃ ॥ ୨୨॥

କରୁଦ୍ରାଦି ତରଙ୍ଗାଧ୍ୟସ୍ୱାତ୍ମାନନ୍ଦପୟୋଦଧିଃ ।

କଲିଚିତ୍ତାନନ୍ଦସିନ୍ଧୁସମ୍ପୂର୍ଣାନଙ୍କଚନ୍ଦ୍ରମାଃ ॥ ୨୩॥

କଲିଚେତସ୍ସରୋହଂସଃ କଲିତାଖିଲଚୋଦନଃ ।

କଲାନିଧିବରଜ୍ୟୋତ୍ସ୍ନାମୃତକ୍ଷାଲିତବିଗ୍ରହଃ ॥ ୨୪॥

କପର୍ଦିମକୁଟୋଦଞ୍ଚଦ୍ଗଙ୍ଗାପୁଷ୍କରସେବିତଃ ।

କଞ୍ଜାସନାତ୍ମମୋଦାବ୍ଧିତରଙ୍ଗାର୍ଦ୍ରାନିଲାର୍ଚିତଃ ॥ ୨୫॥

କଲାନିଧିକଲାଶ୍ୱେତଶାରଦାମ୍ବୁଦବିଗ୍ରହଃ ।

କମଲାବାଙ୍ମରନ୍ଦାବ୍ଧିଫେନଚନ୍ଦନଚର୍ଚିତଃ ॥ ୨୬॥

କଲିତାତ୍ମାନନ୍ଦଭୁକ୍ତିଃ କରୁଙ୍ନୀରାଜିତାକୃତିଃ ।

କଶ୍ୟପାଦିସ୍ତୁତଖ୍ୟାତିଃ କବିଚେତସ୍ସୁମାର୍ପଣଃ ॥ ୨୭॥

କଲିତାକାରସଦ୍ଧର୍ମଃ କଲାଫଲମୟାକୃତିଃ ।

କଠୋରଖୁରଘାତାତ୍ତପ୍ରାଣାଧର୍ମବଶୁଃ କଲିଜିତ୍ ॥ ୨୮॥

କଲାପୂର୍ଣୀକୃତବୃଷଃ କଲ୍ପିତାଦିୟୁଗସ୍ଥିତିଃ ।

କମ୍ରଃ କଲ୍ମଷପୈଶାଚମୁକ୍ତତୁଷ୍ଟଧରାନୁତଃ ॥ ୨୯॥

କର୍ପୂରଧବଲାତ୍ମୀୟ କୀର୍ତିବ୍ୟାପ୍ତଦିଗନ୍ତରଃ ।

କଲ୍ୟାଣାତ୍ମୟଶୋବଲ୍ଲୀପୁଷ୍ପାୟିତକଲାନିଧିଃ ॥ ୩୦॥

କଲ୍ୟାଣାତ୍ମୟଶସ୍ସିନ୍ଧୁ ଜାତାପ୍ସରସନର୍ତିତଃ ।

କମଲାକୀର୍ତିଗଙ୍ଗାମ୍ଭଃ ପରିପୂର୍ଣୟଶୋମ୍ବୁଧିଃ ॥ ୩୧॥

କମଲାସନଧୀମନ୍ଥମଥିତାନନ୍ଦସିନ୍ଧୁଭୂ ।

କଲ୍ୟାଣସିନ୍ଧୁଃ କଲ୍ୟାଣଦାୟୀ କଲ୍ୟାଣମଙ୍ଗଲଃ ॥ ୩୨॥

॥ ଇତି କକାରାଦି କଲ୍କ୍ୟଷ୍ଟୋତ୍ତରଶତନାମମୂଲଂ ଲିଖିତଂ ରାମେଣ

ପରାଭବାଶ୍ୱୟୁଜ ବହୁଲ ଚତୁର୍ଥ୍ୟାମ୍ ସମର୍ପିତଂ ଚ

ଶ୍ରୀମତେ ହୟଗ୍ରୀବାୟ ଦେବାୟ ॥