ଶ୍ରୀପୁରୁଷୋତ୍ତମସହସ୍ରନାମସ୍ତୋତ୍ରମ୍

ଶ୍ରୀପୁରୁଷୋତ୍ତମସହସ୍ରନାମସ୍ତୋତ୍ରମ୍ 

     ବିନିୟୋଗଃ

ପୁରାଣପୁରୁଷୋ ବିଷ୍ଣୁଃ ପୁରୁଷୋତ୍ତମ ଉଚ୍ୟତେ ।

ନାମ୍ନାଂ ସହସ୍ରଂ ବକ୍ଷ୍ୟାମି ତସ୍ୟ ଭାଗବତୋଦ୍ଧୃତମ୍ ॥ ୧॥

ଯସ୍ୟ ପ୍ରସାଦାଦ୍ୱାଗୀଶାଃ ପ୍ରଜେଶା ବିଭବୋନ୍ନତାଃ ।

କ୍ଷୁଦ୍ରା ଅପି ଭବନ୍ତ୍ୟାଶୁ ଶ୍ରୀକୃଷ୍ଣଂ ତଂ ନତୋଽସ୍ମ୍ୟହମ୍ ॥ ୨॥

ଅନନ୍ତା ଏବ କୃଷ୍ଣସ୍ୟ ଲୀଲା ନାମପ୍ରବର୍ତିକାଃ ।

ଉକ୍ତା ଭାଗବତେ ଗୂହାଃ ପ୍ରକଟା ଅପି କୁତ୍ରଚିତ୍ ॥ ୩॥

ଅତସ୍ତାନି ପ୍ରବକ୍ଷ୍ୟାମି ନାମାନି ମୁରବୈରିଣଃ ।

ସହସ୍ରଂ ଯୈସ୍ତୁ ପଠିତୈଃ ପଠିତଂ ସ୍ୟାଚ୍ଛୁକାମୃତମ୍ ॥ ୪॥

କୃଷ୍ଣନାମସହସ୍ରସ୍ୟ ଋଷିରଗ୍ନିର୍ନିରୂପିତଃ ।

ଗାୟତ୍ରୀ ଚ ତଥା ଛନ୍ଦୋ ଦେବତା ପୁରୁଷୋତ୍ତମଃ ॥ ୫॥

ବିନିୟୋଗଃ ସମସ୍ତେଷୁ ପୁରୁଷାର୍ଥେଷୁ ବୈ ମତଃ ।

ବୀଜଂ ଭକ୍ତପ୍ରିୟଃ ଶକ୍ତିଃ ସତ୍ୟବାଗୁଚ୍ୟତେ ହରିଃ ॥ ୬॥

ଭକ୍ତୋଦ୍ଧରଣୟତ୍ନସ୍ତୁ ମନ୍ତ୍ରୋଽତ୍ର ପରମୋ ମତଃ ।

ଅବତାରିତଭକ୍ତାଂଶଃ କୀଲକଂ ପରିକୀର୍ତିତମ୍ ॥ ୭॥

ଅସ୍ତ୍ରଂ ସର୍ୱସମର୍ଥଶ୍ଚ ଗୋବିନ୍ଦଃ କବଚଂ ମତମ୍ ।

ପୁରୁଷୋ ଧ୍ୟାନମତ୍ରୋକ୍ତଃ ସିଦ୍ଧିଃ ଶରଣସଂସ୍ମୃତିଃ ॥ ୮॥

     ଅଧିକାରଲୀଲା

ଶ୍ରୀକୃଷ୍ଣଃ ସଚ୍ଚିଦାନନ୍ଦୋ ନିତ୍ୟଲୀଲାବିନୋଦକୃତ୍ ।

ସର୍ୱାଗମବିନୋଦୀ ଚ ଲକ୍ଷ୍ମୀଶଃ ପୁରୁଷୋତ୍ତମଃ ॥ ୯॥

ଆଦିକାଲଃ ସର୍ୱକାଲଃ କାଲାତ୍ମା ମାୟଯାବୃତଃ ।

ଭକ୍ତୋଦ୍ଧାରପ୍ରୟତ୍ନାତ୍ମା ଜଗତ୍କର୍ତା ଜଗନ୍ମୟଃ ॥ ୧୦॥

ନାମଲୀଲାପରୋ ବିଷ୍ଣୁର୍ୱ୍ୟାସାତ୍ମା ଶୁକମୋକ୍ଷଦଃ ।

ବ୍ୟାପିବୈକୁଣ୍ଠଦାତା ଚ ଶ୍ରୀମଦ୍ଭାଗବତାଗମଃ ॥ ୧୧॥

ଶୁକବାଗମୃତାବ୍ଧୀନ୍ଦୁଃ ଶୌନକାଦ୍ୟଖିଲେଷ୍ଟଦଃ ।

ଭକ୍ତିପ୍ରବର୍ତକସ୍ତ୍ରାତା ବ୍ୟାସଚିନ୍ତାବିନାଶକଃ ॥ ୧୨॥

ସର୍ୱସିଦ୍ଧାନ୍ତବାଗାତ୍ମା ନାରଦାଦ୍ୟଖିଲେଷ୍ଟଦଃ ।

ଅନ୍ତରାତ୍ମା ଧ୍ୟାନଗମ୍ୟୋ ଭକ୍ତିରତ୍ନପ୍ରଦାୟକଃ ॥ ୧୩॥

ମୁକ୍ତୋପସୃପ୍ୟଃ ପୂର୍ଣାତ୍ମା ମୁକ୍ତାନାଂ ରତିବର୍ଧନଃ ।

ଭକ୍ତକାର୍ୟୈକନିରତୋ ଦ୍ରୌଣ୍ୟସ୍ତ୍ରବିନିବାରକଃ ॥ ୧୪॥

ଭକ୍ତସ୍ମୟପ୍ରଣେତା ଚ ଭକ୍ତବାକ୍ପରିପାଲକଃ ।

ବ୍ରହ୍ମଣ୍ୟଦେବୋ ଧର୍ମାତ୍ମା ଭକ୍ତାନାଂ ଚ ପରୀକ୍ଷକଃ ॥ ୧୫॥

ଆସନ୍ନହିତକର୍ତା ଚ ମାୟାହିତକରଃ ପ୍ରଭୁଃ ।

ଉତ୍ତରାପ୍ରାଣଦାତା ଚ ବ୍ରହ୍ମାସ୍ତ୍ରବିନିବାରକଃ ॥ ୧୬॥

ସର୍ୱତଃ ପାଣବପତିଃ ପରୀକ୍ଷିଚ୍ଛୁଦ୍ଧିକାରଣମ୍ ।

ଗୂହାତ୍ମା ସର୍ୱବେଦେଷୁ ଭକ୍ତୈକହୃଦୟଙ୍ଗମଃ ॥ ୧୭॥

କୁନ୍ତୀସ୍ତୁତ୍ୟଃ ପ୍ରସନ୍ନାତ୍ମା ପରମାଦ୍ଭୁତକାର୍ୟକୃତ୍ ।

ଭୀଷ୍ମମୁକ୍ତିପ୍ରଦଃ ସ୍ୱାମୀ ଭକ୍ତମୋହନିବାରକଃ ॥ ୧୮॥

ସର୍ୱାବସ୍ଥାସୁ ସଂସେବ୍ୟଃ ସମଃ ସୁଖହିତପ୍ରଦଃ ।

କୃତକୃତ୍ୟଃ ସର୍ୱସାକ୍ଷୀ ଭକ୍ତସ୍ତ୍ରୀରତିବର୍ଧନଃ ॥ ୧୯॥

ସର୍ୱସୌଭାଗ୍ୟନିଲୟଃ ପରମାଶ୍ଚର୍ୟରୂପଧୃକ୍ ।

ଅନନ୍ୟପୁରୁଷସ୍ୱାମୀ ଦ୍ୱାରକାଭାଗ୍ୟଭାଜନମ୍ ॥ ୨୦॥

ବୀଜସଂସ୍କାରକର୍ତା ଚ ପରୀକ୍ଷିଜ୍ଜାନପୋଷକଃ ।

ସର୍ୱତ୍ରପୂର୍ଣଗୁଣକଃ ସର୍ୱଭୂଷଣଭୂଷିତଃ ॥ ୨୧॥

ସର୍ୱଲକ୍ଷଣଦାତା ଚ ଧୃତରାଷ୍ଟ୍ରବିମୁକ୍ତିଦଃ ।

ସନ୍ମାର୍ଗରକ୍ଷକୋ ନିତ୍ୟଂ ବିଦୁରପ୍ରୀତିପୂରକଃ ॥ ୨୨॥

ଲୀଲାବ୍ୟାମୋହକର୍ତା ଚ କାଲଧର୍ମପ୍ରବର୍ତକଃ ।

ପାଣବାନାଂ ମୋକ୍ଷଦାତା ପରୀକ୍ଷିଦ୍ଭାଗ୍ୟବର୍ଧନଃ ॥ ୨୩॥

କଲିନିଗ୍ରହକର୍ତା ଚ ଧର୍ମାଦୀନାଂ ଚ ପୋଷକଃ ।

ସତ୍ସଙ୍ଗଜାନହେତୁଶ୍ଚ ଶ୍ରୀଭାଗବତକାରଣମ୍ ॥ ୨୪॥

ପ୍ରାକୃତାଦୃଷ୍ଟମାର୍ଗଶ୍ଚ॥॥॥॥॥॥ continued

     ଜ୍ଞାନ-ସାଧନ-ଲୀଲା

॥॥॥॥॥॥॥॥॥॥॥॥ ଶ୍ରୋତବ୍ୟଃ ସକଲାଗମୈଃ ।

କୀର୍ତିତବ୍ୟଃ ଶୁଦ୍ଧଭାବୈଃ ସ୍ମର୍ତବ୍ୟଶ୍ଚାତ୍ମବିତ୍ତମୈଃ ॥ ୨୫॥

ଅନେକମାର୍ଗକର୍ତା ଚ ନାନାବିଧଗତିପ୍ରଦଃ ।

ପୁରୁଷଃ ସକଲାଧାରଃ ସତ୍ତ୍ୱୈକନିଲୟାତ୍ମଭୂଃ ॥ ୨୬॥

ସର୍ୱଧ୍ୟେୟୋ ଯୋଗଗମ୍ୟୋ ଭକ୍ତ୍ୟା ଗ୍ରାହ୍ୟଃ ସୁରପ୍ରିୟଃ ।

ଜନ୍ମାଦିସାର୍ଥକକୃତିର୍ଲୀଲାକର୍ତା ପତିଃ ସତାମ୍ ॥ ୨୭॥

ଆଦିକର୍ତା ତତ୍ତ୍ୱକର୍ତା ସର୍ୱକର୍ତା ବିଶାରଦଃ ।

ନାନାବତାରକର୍ତା ଚ ବ୍ରହ୍ମାବିର୍ଭାବକାରଣମ୍ ॥ ୨୮॥

ଦଶଲୀଲାବିନୋଦୀ ଚ ନାନାସୃଷ୍ଟିପ୍ରବର୍ତକଃ ।

ଅନେକକଲ୍ପକର୍ତା ଚ ସର୍ୱଦୋଷବିବର୍ଜିତଃ ॥ ୨୯॥

     ସର୍ଗଲୀଲା

ବୈରାଗ୍ୟହେତୁସ୍ତୀର୍ଥାତ୍ମା ସର୍ୱତୀର୍ଥଫଲପ୍ରଦଃ ।

ତୀର୍ଥଶୁଦ୍ଧୈକନିଲୟଃ ସ୍ୱମାର୍ଗପରିପୋଷକଃ ॥ ୩୦॥

ତୀର୍ଥକୀର୍ତିର୍ଭକ୍ତଗମ୍ୟୋ ଭକ୍ତାନୁଶୟକାର୍ୟକୃତ୍ ।

ଭକ୍ତତୁଲ୍ୟଃ ସର୍ୱତୁଲ୍ୟଃ ସ୍ୱେଚ୍ଛାସର୍ୱପ୍ରବର୍ତକଃ ॥ ୩୧॥

ଗୁଣାତୀତୋଽନବଦ୍ୟାତ୍ମା ସର୍ଗଲୀଲାପ୍ରବର୍ତକଃ ।

ସାକ୍ଷାତ୍ସର୍ୱଜଗତ୍କର୍ତା ମହଦାଦିପ୍ରବର୍ତକଃ ॥ ୩୨॥

ମାୟାପ୍ରବର୍ତକଃ ସାକ୍ଷୀ ମାୟାରତିବିବର୍ଧନଃ ।

ଆକାଶାତ୍ମା ଚତୁର୍ମୂର୍ତିଶ୍ଚତୁର୍ଧା ଭୂତଭାବନଃ ॥ ୩୩॥

ରଜଃପ୍ରବର୍ତକୋ ବ୍ରହ୍ମା ମରୀଚ୍ୟାଦିପିତାମହଃ ।

ବେଦକର୍ତା ଯଜ୍ଞକର୍ତା ସର୍ୱକର୍ତାଽମିତାତ୍ମକଃ ॥ ୩୪॥

ଅନେକସୃଷ୍ଟିକର୍ତା ଚ ଦଶଧାସୃଷ୍ଟିକାରକଃ ।

ଯଜ୍ଞାଙ୍ଗୋ ଯଜ୍ଞବାରାହୋ ଭୂଧରୋ ଭୂମିପାଲକଃ ॥ ୩୫॥

ସେତୁର୍ୱିଧରଣୋ ଜୈତ୍ରୋ ହିରଣ୍ୟାକ୍ଷାନ୍ତକଃ ସୁରଃ ।

ଦିତିକଶ୍ୟପକାମୈକହେତୁସୃଷ୍ଟିପ୍ରବର୍ତକଃ ॥ ୩୬॥

ଦେବାଭୟପ୍ରଦାତା ଚ ବୈକୁଣ୍ଠାଧିପତିର୍ମହାନ୍ ।

ସର୍ୱଗର୍ୱପ୍ରହାରୀ ଚ ସନକାଦ୍ୟଖିଲାର୍ଥଦଃ ॥ ୩୭॥

ସର୍ୱାଶ୍ୱାସନକର୍ତା ଚ ଭକ୍ତତୁଲ୍ୟାହବପ୍ରଦଃ ।

କାଲଲକ୍ଷଣହେତୁଶ୍ଚ ସର୍ୱାର୍ଥଜ୍ଞାପକଃ ପରଃ ॥ ୩୮॥

ଭକ୍ତୋନ୍ନତିକରଃ ସର୍ୱପ୍ରକାରସୁଖଦାୟକଃ ।

ନାନାୟୁଦ୍ଧପ୍ରହରଣୋ ବ୍ରହ୍ମଶାପବିମୋଚକଃ ॥ ୩୯॥

ପୁଷ୍ଟିସର୍ଗପ୍ରଣେତା ଚ ଗୁଣସୃଷ୍ଟିପ୍ରବର୍ତକଃ ।

କର୍ଦମେଷ୍ଟପ୍ରଦାତା ଚ ଦେବହୂତ୍ୟଖିଲାର୍ଥଦଃ ॥ ୪୦॥

ଶୁକ୍ଲନାରାୟଣଃ ସତ୍ୟକାଲଧର୍ମପ୍ରବର୍ତକଃ ।

ଜ୍ଞାନାବତାରଃ ଶାନ୍ତାତ୍ମା କପିଲଃ କାଲନାଶକଃ ॥ ୪୧॥

ତ୍ରିଗୁଣାଧିପତିଃ ସାଙ୍ଖ୍ୟଶାସ୍ତ୍ରକର୍ତା ବିଶାରଦଃ ।

ସର୍ଗଦୂଷଣହାରୀ ଚ ପୁଷ୍ଟିମୋକ୍ଷପ୍ରବର୍ତକଃ ॥ ୪୨॥

ଲୌକିକାନନ୍ଦଦାତା ଚ ବ୍ରହ୍ମାନନ୍ଦପ୍ରବର୍ତକଃ ।

ଭକ୍ତିସିଦ୍ଧାନ୍ତବକ୍ତା ଚ ସଗୁଣଜ୍ଞାନଦୀପକଃ ॥ ୪୩॥

ଆତ୍ମପ୍ରଦଃ ପୂର୍ଣକାମୋ ଯୋଗାତ୍ମା ଯୋଗଭାବିତଃ ।

ଜୀବନ୍ମୁକ୍ତିପ୍ରଦଃ ଶ୍ରୀମାନନ୍ୟଭକ୍ତିପ୍ରବର୍ତକଃ ॥ ୪୪॥

କାଲସାମର୍ଥ୍ୟଦାତା ଚ କାଲଦୋଷନିବାରକଃ ।

ଗର୍ଭୋତ୍ତମଜ୍ଞାନଦାତା କର୍ମମାର୍ଗନିୟାମକଃ ॥ ୪୫॥

ସର୍ୱମାର୍ଗନିରାକର୍ତା ଭକ୍ତିମାର୍ଗୈକପୋଷକଃ ।

ସିଦ୍ଧିହେତୁଃ ସର୍ୱହେତୁଃ ସର୍ୱାଶ୍ଚର୍ୟୈକକାରଣମ୍ ॥ ୪୬॥

ଚେତନାଚେତନପତିଃ ସମୁଦ୍ରପରିପୂଜିତଃ ।

ସାଙ୍ଖ୍ୟାଚାର୍ୟସ୍ତୁତଃ ସିଦ୍ଧପୂଜିତଃ ସର୍ୱପୂଜିତଃ ॥ ୪୭॥

     ବିସର୍ଗଲୀଲା

ବିସର୍ଗକର୍ତା ସର୍ୱେଶଃ କୋଟିସୂର୍ୟସମପ୍ରଭଃ ।

ଅନନ୍ତଗୁଣଗମ୍ଭୀରୋ ମହାପୁରୁଷପୂଜିତଃ ॥ ୪୮॥

ଅନନ୍ତସୁଖଦାତା ଚ ବ୍ରହ୍ମକୋଟିପ୍ରଜାପତିଃ ।

ସୁଧାକୋଟିସ୍ୱାସ୍ଥ୍ୟହେତୁଃ କାମଧୁକ୍କୋଟିକାମଦଃ ॥ ୪୯॥

ସମୁଦ୍ରକୋଟିଗମ୍ଭୀରସ୍ତୀର୍ଥକୋଟିସମାହ୍ୱୟଃ ।

ସୁମେରୁକୋଟିନିଷ୍କମ୍ପଃ କୋଟିବ୍ରହ୍ମାଣ୍ଡବିଗ୍ରହଃ ॥ ୫୦॥

କୋଟ୍ୟଶ୍ୱମେଧପାପଘ୍ନୋ ବାୟୁକୋଟିମହାବଲଃ ।

କୋଟୀନ୍ଦୁଜଗଦାନନ୍ଦୀ ଶିବକୋଟିପ୍ରସାଦକୃତ୍ ॥ ୫୧॥

ସର୍ୱସଦ୍ଗୁଣମାହାତ୍ମ୍ୟଃ ସର୍ୱସଦ୍ଗୁଣଭାଜନମ୍ ।

ମନ୍ୱାଦିପ୍ରେରକୋ ଧର୍ମୋ ଯଜ୍ଞନାରାୟଣଃ ପରଃ ॥ ୫୨॥

ଆକୂତିସୂନୁର୍ଦେବେନ୍ଦ୍ରୋ ରୁଚିଜନ୍ମାଽଭୟପ୍ରଦଃ ।

ଦକ୍ଷିଣାପତିରୋଜସ୍ୱୀ କ୍ରିୟାଶକ୍ତିଃ ପରାୟଣଃ ॥ ୫୩॥

ଦତ୍ତାତ୍ରେୟୋ ଯୋଗପତିର୍ୟୋଗମାର୍ଗପ୍ରବର୍ତକଃ ।

ଅନସୂୟାଗର୍ଭରତ୍ନମୃଷିବଂଶବିବର୍ଧନଃ ॥ ୫୪॥

ଗୁଣତ୍ରୟବିଭାଗଜ୍ଞଶ୍ଚତୁର୍ୱର୍ଗବିଶାରଦଃ ।

ନାରାୟଣୋ ଧର୍ମସୂନୁର୍ମୂର୍ତିପୁଣ୍ୟଯଶସ୍କରଃ ॥ ୫୫॥

ସହସ୍ରକବଚଚ୍ଛେଦୀ ତପଃସାରୋ ନରପ୍ରିୟଃ ।

ବିଶ୍ୱାନନ୍ଦପ୍ରଦଃ କର୍ମସାକ୍ଷୀ ଭାରତପୂଜିତଃ ॥ ୫୬॥

ଅନନ୍ତାଦ୍ଭୁତମାହାତ୍ମ୍ୟୋ ବଦରୀସ୍ଥାନଭୂଷଣମ୍ ।

ଜିତକାମୋ ଜିତକ୍ରୋଧୋ ଜିତସଙ୍ଗୋ ଜିତେନ୍ଦ୍ରିୟଃ ॥ ୫୭॥

ଉର୍ୱଶୀପ୍ରଭବଃ ସ୍ୱର୍ଗସୁଖଦାୟୀ ସ୍ଥିତିପ୍ରଦଃ ।

ଅମାନୀ ମାନଦୋ ଗୋପ୍ତା ଭଗବଚ୍ଛାସ୍ତ୍ରବୋଧକଃ ॥ ୫୮॥

ବ୍ରହ୍ମାଦିବନ୍ଦ୍ୟୋ ହଂସଶ୍ରୀର୍ମାୟାବୈଭବକାରଣମ୍ ।

ବିବିଧାନନ୍ତସର୍ଗାତ୍ମା ବିଶ୍ୱପୂରଣତତ୍ପରଃ ॥ ୫୯॥

ଯଜ୍ଞଜୀବନହେତୁଶ୍ଚ ଯଜ୍ଞସ୍ୱାମୀଷ୍ଟବୋଧକଃ ।

ନାନାସିଦ୍ଧାନ୍ତଗମ୍ୟଶ୍ଚ ସପ୍ତତନ୍ତୁଶ୍ଚ ଷଡ୍ଗୁଣଃ ॥ ୬୦॥

ପ୍ରତିସର୍ଗଜଗତ୍କର୍ତା ନାନାଲୀଲାବିଶାରଦଃ ।

ଧ୍ରୁବପ୍ରିୟୋ ଧ୍ରୁବସ୍ୱାମୀ ଚିନ୍ତିତାଧିକଦାୟକଃ ॥ ୬୧॥

ଦୁର୍ଲଭାନନ୍ତଫଲଦୋ ଦୟାନିଧିରମିତ୍ରହା ।

ଅଙ୍ଗସ୍ୱାମୀ କୃପାସାରୋ ବୈନ୍ୟୋ ଭୂମିନିୟାମକଃ ॥ ୬୨॥

ଭୂମିଦୋଗ୍ଧା ପ୍ରଜାପ୍ରାଣପାଲନୈକପରାୟଣଃ ।

ଯଶୋଦାତା ଜ୍ଞାନଦାତା ସର୍ୱଧର୍ମପ୍ରଦର୍ଶକଃ ॥ ୬୩॥

ପୁରଞ୍ଜନୋ ଜଗନ୍ମିତ୍ରଂ ବିସର୍ଗାନ୍ତପ୍ରଦର୍ଶକଃ ।

ପ୍ରଚେତସାଂ ପତିଶ୍ଚିତ୍ରଭକ୍ତିହେତୁର୍ଜନାର୍ଦନଃ ॥ ୬୪॥

ସ୍ମୃତିହେତୁବ୍ରହ୍ମଭାବସାୟୁଜ୍ୟାଦିପ୍ରଦଃ ଶୁଭଃ ।

ବିଜୟୀ ॥॥॥॥॥॥॥॥॥॥ continued

     ସ୍ଥାନଲୀଲା

॥॥ ସ୍ଥିତିଲୀଲାବ୍ଧିରଚ୍ୟୁତୋ ବିଜୟପ୍ରଦଃ ॥ ୬୫॥

ସ୍ୱସାମର୍ଥ୍ୟପ୍ରଦୋ ଭକ୍ତକୀର୍ତିହେତୁରଧୋକ୍ଷଜଃ ।

ପ୍ରିୟବ୍ରତପ୍ରିୟସ୍ୱାମୀ ସ୍ୱେଚ୍ଛାବାଦବିଶାରଦଃ ॥ ୬୬॥

ସଙ୍ଗ୍ୟଗମ୍ୟଃ ସ୍ୱପ୍ରକାଶଃ ସର୍ୱସଙ୍ଗବିବର୍ଜିତଃ ।

ଇଚ୍ଛାୟାଂ ଚ ସମର୍ୟାଦସ୍ତ୍ୟାଗମାତ୍ରୋପଲମ୍ଭନଃ ॥ ୬୭॥

ଅଚିନ୍ତ୍ୟକାର୍ୟକର୍ତା ଚ ତର୍କାଗୋଚରକାର୍ୟକୃତ୍ ।

ଶୃଙ୍ଗାରରସମର୍ୟାଦା ଆଗ୍ନୀଧ୍ରରସଭାଜନମ୍ ॥ ୬୮॥

ନାଭୀଷ୍ଟପୂରକଃ କର୍ମମର୍ୟାଦାଦର୍ଶନୋତ୍ସୁକଃ ।

ସର୍ୱରୂପୋଽଦ୍ଭୁତତମୋ ମର୍ୟାଦାପୁରୁଷୋତ୍ତମଃ ॥ ୬୯॥

ସର୍ୱରୂପେଷୁ ସତ୍ୟାତ୍ମା କାଲସାକ୍ଷୀ ଶଶିପ୍ରଭଃ ।

ମେରୁଦେବୀବ୍ରତଫଲମୃଷଭୋ ଭଗଲକ୍ଷଣଃ ॥ ୭୦॥

ଜଗତ୍ସନ୍ତର୍ପକୋ ମେଘରୂପୀ ଦେବେନ୍ଦ୍ରଦର୍ପହା ।

ଜୟନ୍ତୀପତିରତ୍ୟନ୍ତପ୍ରମାଣାଶେଷଲୌକିକଃ ॥ ୭୧॥

ଶତଧାନ୍ୟସ୍ତଭୂତାତ୍ମା ଶତାନନ୍ଦୋ ଗୁଣପ୍ରସୂଃ ।

ବୈଷ୍ଣବୋତ୍ପାଦନପରଃ ସର୍ୱଧର୍ମୋପଦେଶକଃ ॥ ୭୨॥

ପରହଂସକ୍ରିୟାଗୋପ୍ତା ଯୋଗଚର୍ୟାପ୍ରଦର୍ଶକଃ ।

ଚତୁର୍ଥାଶ୍ରମନିର୍ଣେତା ସଦାନନ୍ଦଶରୀରବାନ୍ ॥ ୭୩॥

ପ୍ରଦର୍ଶିତାନ୍ୟଧର୍ମଶ୍ଚ ଭରତସ୍ୱାମ୍ୟପାରକୃତ୍ ।

ଯଥାବତ୍କର୍ମକର୍ତା ଚ ସଙ୍ଗାନିଷ୍ଟପ୍ରଦର୍ଶକଃ ॥ ୭୪॥

ଆବଶ୍ୟକପୁନର୍ଜନ୍ମକର୍ମମାର୍ଗପ୍ରଦର୍ଶକଃ ।

ଯଜ୍ଞରୂପମୃଗଃ ଶାନ୍ତଃ ସହିଷ୍ଣୁଃ ସତ୍ପରାକ୍ରମଃ ॥ ୭୫॥

ରହୂଗଣଗତିଜ୍ଞଶ୍ଚ ରହୂଗଣବିମୋଚକଃ ।

ଭବାଟବୀତତ୍ତ୍ୱବକ୍ତା ବହିର୍ମୁଖହିତେ ରତଃ ॥ ୭୬॥

ଗୟସ୍ୱାମୀ ସ୍ଥାନବଂଶକର୍ତା ସ୍ଥାନବିଭେଦକୃତ୍ ।

ପୁରୁଷାବୟବୋ ଭୂମିବିଶେଷବିନିରୂପକଃ ॥ ୭୭॥

ଜମ୍ବୂଦ୍ୱୀପପତିର୍ମେରୁନାଭିପଦ୍ମରୁହାଶ୍ରୟଃ ।

ନାନାବିଭୂତିଲୀଲାଢ୍ୟୋ ଗଙ୍ଗୋତ୍ପତ୍ତିନିଦାନକୃତ୍ ॥ ୭୮॥

ଗଙ୍ଗାମାହାତ୍ମ୍ୟହେତୁଶ୍ଚ ଗଙ୍ଗାରୂପୋଽତିଗୂଢକୃତ୍ ।

ବୈକୁଣ୍ଠଦେହହେତ୍ୱମ୍ବୁଜନ୍ମକୃତ୍ ସର୍ୱପାବନଃ ॥ ୭୯॥

ଶିବସ୍ୱାମୀ ଶିବୋପାସ୍ୟୋ ଗୂଢଃ ସଙ୍କର୍ଷଣାତ୍ମକଃ ।

ସ୍ଥାନରକ୍ଷାର୍ଥମତ୍ସ୍ୟାଦିରୂପଃ ସର୍ୱୈକପୂଜିତଃ ॥ ୮୦॥

ଉପାସ୍ୟନାନାରୂପାତ୍ମା ଜ୍ୟୋତୀରୂପୋ ଗତିପ୍ରଦଃ ।

ସୂର୍ୟନାରାୟଣୋ ବେଦକାନ୍ତିରୁଜ୍ଜ୍ୱଲବେଷଧୃକ୍ ॥ ୮୧॥

ହଂସୋଽନ୍ତରିକ୍ଷଗମନଃ ସର୍ୱପ୍ରସବକାରଣମ୍ ।

ଆନନ୍ଦକର୍ତା ବସୁଦୋ ବୁଧୋ ବାକ୍ପତିରୁଜ୍ଜ୍ୱଲଃ ॥ ୮୨॥

କାଲାତ୍ମା କାଲକାଲଶ୍ଚ କାଲଚ୍ଛେଦକୃଦୁତ୍ତମଃ ।

ଶିଶୁମାରଃ ସର୍ୱମୂର୍ତିରାଧିଦୈବିକରୂପଧୃକ୍ ॥ ୮୩॥

ଅନନ୍ତସୁଖଭୋଗାଢ୍ୟୋ ବିବରୈଶ୍ୱର୍ୟଭାଜନମ୍ ।

ସଙ୍କର୍ଷଣୋ ଦୈତ୍ୟପତିଃ ସର୍ୱାଧାରୋ ବୃହଦ୍ୱପୁଃ ॥ ୮୪॥

ଅନନ୍ତନରକଚ୍ଛେଦୀ ସ୍ମୃତିମାତ୍ରାର୍ତିନାଶନଃ ।

ସର୍ୱାନୁଗ୍ରହକର୍ତା ଚ ॥॥॥॥॥॥॥॥॥॥ continued

     ପୋଷଣ-ପୁଷ୍ଟି-ଲୀଲା

॥॥॥॥॥॥॥॥ ମର୍ୟାଦାଭିନ୍ନଶାସ୍ତ୍ରକୃତ୍ ॥ ୮୫ ॥

କାଲାନ୍ତକଭୟଚ୍ଛେଦୀ ନାମସାମର୍ଥ୍ୟରୂପଧୃକ୍ ।

ଉଦ୍ଧାରାନର୍ହଗୋପ୍ତ୍ରାତ୍ମା ନାମାଦିପ୍ରେରକୋତ୍ତମଃ ॥ ୮୬॥

ଅଜାମିଲମହାଦୁଷ୍ଟମୋଚକୋଽଘବିମୋଚକଃ ।

ଧର୍ମବକ୍ତାଽକ୍ଲିଷ୍ଟବକ୍ତା ବିଷ୍ଣୁଧର୍ମସ୍ୱରୂପଧୃକ୍ ॥ ୮୭॥

ସନ୍ମାର୍ଗପ୍ରେରକୋ ଧର୍ତା ତ୍ୟାଗହେତୁରଧୋକ୍ଷଜଃ ।

ବୈକୁଣ୍ଠପୁରନେତା ଚ ଦାସସମ୍ବୃଦ୍ଧିକାରକଃ ॥ ୮୮॥

ଦକ୍ଷପ୍ରସାଦକୃଦ୍ଧଂସଗୁହ୍ୟସ୍ତୁତିବିଭାବନଃ ।

ସ୍ୱାଭିପ୍ରାୟପ୍ରବକ୍ତା ଚ ମୁକ୍ତଜୀବପ୍ରସୂତିକୃତ୍ ॥ ୮୯॥

ନାରଦପ୍ରେରଣାତ୍ମା ଚ ହର୍ୟଶ୍ୱବ୍ରହ୍ମଭାବନଃ ।

ଶବଲାଶ୍ୱହିତୋ ଗୂଢବାକ୍ୟାର୍ଥଜ୍ଞାପନକ୍ଷମଃ ॥ ୯୦॥

ଗୂଢାର୍ଥଜ୍ଞାପନଃ ସର୍ୱମୋକ୍ଷାନନ୍ଦପ୍ରତିଷ୍ଠିତଃ ।

ପୁଷ୍ଟିପ୍ରରୋହହେତୁଶ୍ଚ ଦାସୈକଜ୍ଞାତହୃଦ୍ଗତଃ ॥ ୯୧॥

ଶାନ୍ତିକର୍ତା ସୁହିତକୃତ୍ ସ୍ତ୍ରୀପ୍ରସୂଃ ସର୍ୱକାମଧୁକ୍ ।

ପୁଷ୍ଟିବଂଶପ୍ରଣେତା ଚ ବିଶ୍ୱରୂପେଷ୍ଟଦେବତା ॥ ୯୨॥

କବଚାତ୍ମା ପାଲନାତ୍ମା ବର୍ମୋପଚିତିକାରଣମ୍ ।

ବିଶ୍ୱରୂପଶିରଶ୍ଛେଦୀ ତ୍ୱାଷ୍ଟ୍ରୟଜ୍ଞବିନାଶକଃ ॥ ୯୩॥

ବୃତ୍ରସ୍ୱାମୀ ବୃତ୍ରଗମ୍ୟୋ ବୃତ୍ରବ୍ରତପରାୟଣଃ ।

ବୃତ୍ରକୀର୍ତିର୍ୱୃତ୍ରମୋକ୍ଷୋ ମଘବତ୍ପ୍ରାଣରକ୍ଷକଃ ॥ ୯୪॥

ଅଶ୍ୱମେଧହବିର୍ଭୋକ୍ତା ଦେବେନ୍ଦ୍ରାମୀବନାଶକଃ ।

ସଂସାରମୋଚକଶ୍ଚିତ୍ରକେତୁବୋଧନତତ୍ପରଃ ॥ ୯୫॥

ମନ୍ତ୍ରସିଦ୍ଧିଃ ସିଦ୍ଧିହେତୁଃ ସୁସିଦ୍ଧିଫଲଦାୟକଃ ।

ମହାଦେବତିରସ୍କର୍ତା ଭକ୍ତ୍ୟୈ ପୂର୍ୱାର୍ଥନାଶକଃ ॥ ୯୬॥

ଦେବବ୍ରାହ୍ମଣବିଦ୍ୱେଷବୈମୁଖ୍ୟଜ୍ଞାପକଃ ଶିବଃ ।

ଆଦିତ୍ୟୋ ଦୈତ୍ୟରାଜଶ୍ଚ ମହତ୍ପତିରଚିନ୍ତ୍ୟକୃତ୍ ॥ ୯୭॥

ମରୁତାଂ ଭେଦକସ୍ତ୍ରାତା ବ୍ରତାତ୍ମା ପୁମ୍ପ୍ରସୂତିକୃତ୍ ।

     ଊତିଲୀଲା

କର୍ମାତ୍ମା ବାସନାତ୍ମା ଚ ଊତିଲୀଲାପରାୟଣଃ ॥ ୯୮॥

ସମଦୈତ୍ୟସୁରଃ ସ୍ୱାତ୍ମା ବୈଷମ୍ୟଜ୍ଞାନସଂଶ୍ରୟଃ ।

ଦେହାଦ୍ୟୁପାଧିରହିତଃ ସର୍ୱଜ୍ଞଃ ସର୍ୱହେତୁବିଦ୍ ॥ ୯୯॥

ବ୍ରହ୍ମବାକ୍ସ୍ଥାପନପରଃ ସ୍ୱଜନ୍ମାବଧିକାର୍ୟକୃତ୍ ।

ସଦସଦ୍ୱାସନାହେତୁସ୍ତ୍ରିସତ୍ୟୋ ଭକ୍ତମୋଚକଃ ॥ ୧୦୦॥

ହିରଣ୍ୟକଶିପୁଦ୍ୱେଷୀ ପ୍ରବିଷ୍ଟାତ୍ମାଽତିଭୀଷଣଃ ।

ଶାନ୍ତିଜ୍ଞାନାଦିହେତୁଶ୍ଚ ପ୍ରହ୍ଲାଦୋତ୍ପତ୍ତିକାରଣମ୍ ॥ ୧୦୧॥

ଦୈତ୍ୟସିଦ୍ଧାନ୍ତସଦ୍ୱକ୍ତା ତପଃସାର ଉଦାରଧୀଃ ।

ଦୈତ୍ୟହେତୁପ୍ରକଟନୋ ଭକ୍ତିଚିହ୍ନପ୍ରକାଶକଃ ॥ ୧୦୨॥

ସଦ୍ଦ୍ୱେଷହେତୁଃ ସଦ୍ଦ୍ୱେଷବାସନାତ୍ମା ନିରନ୍ତରଃ ।

ନୈଷ୍ଠୁର୍ୟସୀମା ପ୍ରହ୍ଲାଦବତ୍ସଲଃ ସଙ୍ଗଦୋଷହା ॥ ୧୦୩॥

ମହାନୁଭାବଃ ସାକାରଃ ସର୍ୱାକାରଃ ପ୍ରମାଣଭୂଃ ।

ସ୍ତମ୍ଭପ୍ରସୂତିର୍ନୃହରିର୍ନୃସିଂହୋ ଭୀମବିକ୍ରମଃ ॥ ୧୦୪॥

ବିକଟାସ୍ୟୋ ଲଲଜ୍ଜିହ୍ୱୋ ନଖଶସ୍ତ୍ରୋ ଜବୋତ୍କଟଃ ।

ହିରଣ୍ୟକଶିପୁଚ୍ଛେଦୀ କ୍ରୂରଦୈତ୍ୟନିବାରକଃ ॥ ୧୦୫॥

ସିଂହାସନସ୍ଥଃ କ୍ରୋଧାତ୍ମା ଲକ୍ଷ୍ମୀଭୟବିବର୍ଧନଃ ।

ବ୍ରହ୍ମାଦ୍ୟତ୍ୟନ୍ତଭୟଭୂରପୂର୍ୱାଚିନ୍ତ୍ୟରୂପଧୃକ୍ ॥ ୧୦୬॥

ଭକ୍ତୈକଶାନ୍ତହୃଦୟୋ ଭକ୍ତସ୍ତୁତ୍ୟଃ ସ୍ତୁତିପ୍ରିୟଃ ।

ଭକ୍ତାଙ୍ଗଲେହନୋଦ୍ଧୂତକ୍ରୋଧପୁଙ୍ଜଃ ପ୍ରଶାନ୍ତଧୀଃ ॥ ୧୦୭॥

ସ୍ମୃତିମାତ୍ରଭୟତ୍ରାତା ବ୍ରହ୍ମବୁଦ୍ଧିପ୍ରଦାୟକଃ ।

ଗୋରୂପଧାର୍ୟମୃତପାଃ ଶିବକୀର୍ତିବିବର୍ଧନଃ ॥ ୧୦୮॥

ଧର୍ମାତ୍ମା ସର୍ୱକର୍ମାତ୍ମା ବିଶେଷାତ୍ମାଽଽଶ୍ରମପ୍ରଭୁଃ ।

ସଂସାରମଗ୍ନସ୍ୱୋଦ୍ଧର୍ତା ସନ୍ମାର୍ଗାଖିଲତତ୍ତ୍ୱବାକ୍ ॥ ୧୦୯॥

ଆଚାରାତ୍ମା ସଦାଚାରଃ ॥॥॥॥॥॥॥॥॥ continued

     ମନ୍ୱନ୍ତରଲୀଲା

॥॥॥॥॥॥॥॥॥॥ମନ୍ୱନ୍ତରବିଭାବନଃ ।

ସ୍ମୃତ୍ୟାଽଶେଷାଶୁଭହରୋ ଗଜେନ୍ଦ୍ରସ୍ମୃତିକାରଣମ୍ ॥ ୧୧୦॥

ଜାତିସ୍ମରଣହେତ୍ୱୈକପୂଜାଭକ୍ତିସ୍ୱରୂପଦଃ ।

ଯଜ୍ଞୋ ଭୟାନ୍ମନୁତ୍ରାତା ବିଭୁର୍ବ୍ରହ୍ମବ୍ରତାଶ୍ରୟଃ ॥ ୧୧୧॥

ସତ୍ୟସେନୋ ଦୁଷ୍ଟଘାତୀ ହରିର୍ଗଜବିମୋଚକଃ ।

ବୈକୁଣ୍ଠୋ ଲୋକକର୍ତା ଚ ଅଜିତୋଽମୃତକାରଣମ୍ ॥ ୧୧୨॥

ଉରୁକ୍ରମୋ ଭୂମିହର୍ତା ସାର୍ୱଭୌମୋ ବଲିପ୍ରିୟଃ ।

ବିଭୁଃ ସର୍ୱହିତୈକାତ୍ମା ବିଷ୍ୱକ୍ସେନଃ ଶିବପ୍ରିୟଃ ॥ ୧୧୩॥

ଧର୍ମସେତୁର୍ଲୋକଧୃତିଃ ସୁଧାମାନ୍ତରପାଲକଃ ।

ଉପହର୍ତା ଯୋଗପତିର୍ବୃହଦ୍ଭାନୁଃ କ୍ରିୟାପତିଃ ॥ ୧୧୪॥

ଚତୁର୍ଦଶପ୍ରମାଣାତ୍ମା ଧର୍ମୋ ମନ୍ୱାଦିବୋଧକଃ ।

ଲକ୍ଷ୍ମୀଭୋଗୈକନିଲୟୋ ଦେବମନ୍ତ୍ରପ୍ରଦାୟକଃ ॥ ୧୧୫॥

ଦୈତ୍ୟବ୍ୟାମୋହକଃ ସାକ୍ଷାଦ୍ଗରୁଡସ୍କନ୍ଧସଂଶ୍ରୟଃ ।

ଲୀଲାମନ୍ଦରଧାରୀ ଚ ଦୈତ୍ୟବାସୁକିପୂଜିତଃ ॥ ୧୧୬॥

ସମୁଦ୍ରୋନ୍ମଥନାୟତ୍ତୋଽବିଘ୍ନକର୍ତା ସ୍ୱବାକ୍ୟକୃତ୍ ।

ଆଦିକୂର୍ମଃ ପବିତ୍ରାତ୍ମା ମନ୍ଦରାଘର୍ଷଣୋତ୍ସୁକଃ ॥ ୧୧୭॥

ଶ୍ୱାସୈଜଦବ୍ଧିବାର୍ୱୀଚିଃ କଲ୍ପାନ୍ତାବଧିକାର୍ୟକୃତ୍ ।

ଚତୁର୍ଦଶମହାରତ୍ନୋ ଲକ୍ଷ୍ମୀସୌଭାଗ୍ୟବର୍ଧନଃ ॥ ୧୧୮॥

ଧନ୍ୱନ୍ତରିଃ ସୁଧାହସ୍ତୋ ଯଜ୍ଞଭୋକ୍ତାଽଽର୍ତିନାଶନଃ ।

ଆୟୁର୍ୱେଦପ୍ରଣେତା ଚ ଦେବଦୈତ୍ୟାଖିଲାର୍ଚିତଃ ॥ ୧୧୯॥

ବୁଦ୍ଧିବ୍ୟାମୋହକୋ ଦେବକାର୍ୟସାଧନତତ୍ପରଃ ।

ସ୍ତ୍ରୀରୂପୋ ମାୟଯା ବକ୍ତା ଦୈତ୍ୟାନ୍ତଃକରଣପ୍ରିୟଃ ॥ ୧୨୦॥

ପାୟିତାମୃତଦେବାଂଶୋ ଯୁଦ୍ଧହେତୁସ୍ମୃତିପ୍ରଦଃ ।

ସୁମାଲିମାଲିବଧକୃନ୍ମାଲ୍ୟବତ୍ପ୍ରାଣହାରକଃ ॥ ୧୨୧॥

କାଲନେମିଶିରଶ୍ଛେଦୀ ଦୈତ୍ୟଯଜ୍ଞବିନାଶକଃ ।

ଇନ୍ଦ୍ରସାମର୍ଥ୍ୟଦାତା ଚ ଦୈତ୍ୟଶେଷସ୍ଥିତିପ୍ରିୟଃ ॥ ୧୨୨॥

ଶିବବ୍ୟାମୋହକୋ ମାୟୀ ଭୃଗୁମନ୍ତ୍ରସ୍ୱଶକ୍ତିଦଃ ।

ବଲିଜୀବନକର୍ତା ଚ ସ୍ୱର୍ଗହେତୁର୍ୱ୍ରତାର୍ଚିତଃ ॥ ୧୨୩॥

ଅଦିତ୍ୟାନନ୍ଦକର୍ତା ଚ କଶ୍ୟପାଦିତିସମ୍ଭବଃ ।

ଉପେନ୍ଦ୍ର ଇନ୍ଦ୍ରାବରଜୋ ବାମନବ୍ରହ୍ମରୂପଧୃକ୍ ॥ ୧୨୪॥

ବ୍ରହ୍ମାଦିସେବିତବପୁର୍ୟଜ୍ଞପାବନତତ୍ପରଃ ।

ଯାଚ୍ଞୋପଦେଶକର୍ତା ଚ ଜ୍ଞାପିତାଶେଷସଂସ୍ଥିତିଃ ॥ ୧୨୫॥

ସତ୍ୟାର୍ଥପ୍ରେରକଃ ସର୍ୱହର୍ତା ଗର୍ୱବିନାଶକଃ ।

ତ୍ରିବିକ୍ରମସ୍ତ୍ରିଲୋକାତ୍ମା ବିଶ୍ୱମୂର୍ତିଃ ପୃଥୁଶ୍ରବାଃ ॥ ୧୨୬॥

ପାଶବଦ୍ଧବଲିଃ ସର୍ୱଦୈତ୍ୟପକ୍ଷୋପମର୍ଦକଃ ।

ସୁତଲସ୍ଥାପିତବଲିଃ ସ୍ୱର୍ଗାଧିକସୁଖପ୍ରଦଃ ॥ ୧୨୭॥

କର୍ମସମ୍ପୂର୍ତିକର୍ତା ଚ ସ୍ୱର୍ଗସଂସ୍ଥାପିତାମରଃ ।

ଜ୍ଞାତତ୍ରିବିଧଧର୍ମାତ୍ମା ମହାମୀନୋଽବ୍ଧିସଂଶ୍ରୟଃ ॥ ୧୨୮॥

ସତ୍ୟବ୍ରତପ୍ରିୟୋ ଗୋପ୍ତା ମତ୍ସ୍ୟମୂର୍ତିଧୃତଶ୍ରୁତିଃ ।

ଶୃଙ୍ଗବଦ୍ଧଧୃତକ୍ଷୋଣିଃ ସର୍ୱାର୍ଥଜ୍ଞାପକୋ ଗୁରୁଃ ॥ ୧୨୯॥

     ଈଶାନୁକଥାଲୀଲା

ଈଶସେବକଲୀଲାତ୍ମା ସୂର୍ୟବଂଶପ୍ରବର୍ତକଃ ।

ସୋମବଂଶୋଦ୍ଭବକରୋ ମନୁପୁତ୍ରଗତିପ୍ରଦଃ ॥ ୧୩୦॥

ଅମ୍ବରୀଷପ୍ରିୟଃ ସାଧୁର୍ଦୁର୍ୱାସୋଗର୍ୱନାଶକଃ ।

ବ୍ରହ୍ମଶାପୋପସଂହର୍ତା ଭକ୍ତକୀର୍ତିବିବର୍ଧନଃ ॥ ୧୩୧॥

ଇକ୍ଷ୍ୱାକୁବଂଶଜନକଃ ସଗରାଦ୍ୟଖିଲାର୍ଥଦଃ ।

ଭଗୀରଥମହାୟତ୍ନୋ ଗଙ୍ଗାଧୌତାଙ୍ଘ୍ରିପଙ୍କଜଃ ॥ ୧୩୨॥

ବ୍ରହ୍ମସ୍ୱାମୀ ଶିବସ୍ୱାମୀ ସଗରାତ୍ମଜମୁକ୍ତିଦଃ ।

ଖଟ୍ୱାଙ୍ଗମୋକ୍ଷହେତୁଶ୍ଚ ରଘୁବଂଶବିବର୍ଧନଃ ॥ ୧୩୩॥

ରଘୁନାଥୋ ରାମଚନ୍ଦ୍ରୋ ରାମଭଦ୍ରୋ ରଘୁପ୍ରିୟଃ ।

ଅନନ୍ତକୀର୍ତିଃ ପୁଣ୍ୟାତ୍ମା ପୁଣ୍ୟଶ୍ଲୋକୈକଭାସ୍କରଃ ॥ ୧୩୪॥

କୋଶଲେନ୍ଦ୍ରଃ ପ୍ରମାଣାତ୍ମା ସେବ୍ୟୋ ଦଶରଥାତ୍ମଜଃ ।

ଲକ୍ଷ୍ମଣୋ ଭରତଶ୍ଚୈବ ଶତ୍ରୁଘ୍ନୋ ବ୍ୟୂହବିଗ୍ରହଃ ॥ ୧୩୫॥

ବିଶ୍ୱାମିତ୍ରପ୍ରିୟୋ ଦାନ୍ତସ୍ତାଡକାବଧମୋକ୍ଷଦଃ ।

ବାୟବ୍ୟାସ୍ତ୍ରାବ୍ଧିନିକ୍ଷିପ୍ତମାରୀଚଶ୍ଚ ସୁବାହୁହା ॥ ୧୩୬॥

ବୃଷଧ୍ୱଜଧନୁର୍ଭଙ୍ଗପ୍ରାପ୍ତସୀତାମହୋତ୍ସବଃ ।

ସୀତାପତିର୍ଭୃଗୁପତିଗର୍ୱପର୍ୱତନାଶକଃ ॥ ୧୩୭॥

ଅୟୋଧ୍ୟାସ୍ଥମହାଭୋଗୟୁକ୍ତଲକ୍ଷ୍ମୀବିନୋଦବାନ୍ ।

କୈକେୟୀବାକ୍ୟକର୍ତା ଚ ପିତୃବାକ୍ପରିପାଲକଃ ॥ ୧୩୮॥

ବୈରାଗ୍ୟବୋଧକୋଽନନ୍ୟସାତ୍ତ୍ୱିକସ୍ଥାନବୋଧକଃ ।

ଅହଲ୍ୟାଦୁଃଖହାରୀ ଚ ଗୁହସ୍ୱାମୀ ସଲକ୍ଷ୍ମଣଃ ॥ ୧୩୯॥

ଚିତ୍ରକୂଟପ୍ରିୟସ୍ଥାନୋ ଦଣ୍ଡକାରଣ୍ୟପାବନଃ ।

ଶରଭଙ୍ଗସୁତୀକ୍ଷ୍ଣାଦିପୂଜିତୋଽଗସ୍ତ୍ୟଭାଗ୍ୟଭୂଃ ॥ ୧୪୦॥

ଋଷିସମ୍ପ୍ରାର୍ଥିତକୃତିର୍ୱିରାଧବଧପଣ୍ଡିତଃ ।

ଛିନ୍ନଶୂର୍ପଣଖାନାସଃ ଖରଦୂଷଣଘାତକଃ ॥ ୧୪୧॥

ଏକବାଣହତାନେକସହସ୍ରବଲରାକ୍ଷସଃ ।

ମାରୀଚଘାତୀ ନିୟତସୀତାସମ୍ବନ୍ଧଶୋଭିତଃ ॥ ୧୪୨॥

ସୀତାବିୟୋଗନାଟ୍ୟଶ୍ଚ ଜଟାୟୁର୍ୱଧମୋକ୍ଷଦଃ ।

ଶବରୀପୂଜିତୋ ଭକ୍ତହନୁମତ୍ପ୍ରମୁଖାବୃତଃ ॥ ୧୪୩॥

ଦୁନ୍ଦୁଭ୍ୟସ୍ଥିପ୍ରହରଣଃ ସପ୍ତତାଲବିଭେଦନଃ ।

ସୁଗ୍ରୀବରାଜ୍ୟଦୋ ବାଲିଘାତୀ ସାଗରଶୋଷଣଃ ॥ ୧୪୪॥

ସେତୁବନ୍ଧନକର୍ତା ଚ ବିଭୀଷଣହିତପ୍ରଦଃ ।

ରାବଣାଦିଶିରଶ୍ଛେଦୀ ରାକ୍ଷସାଘୌଘନାଶକଃ ॥ ୧୪୫॥

ସୀତାଽଭୟପ୍ରଦାତା ଚ ପୁଷ୍ପକାଗମନୋତ୍ସୁକଃ ।

ଅୟୋଧ୍ୟାପତିରତ୍ୟନ୍ତସର୍ୱଲୋକସୁଖପ୍ରଦଃ ॥ ୧୪୬॥

ମଥୁରାପୁରନିର୍ମାତା ସୁକୃତଜ୍ଞସ୍ୱରୂପଦଃ ।

ଜନକଜ୍ଞାନଗମ୍ୟଶ୍ଚ ଐଲାନ୍ତପ୍ରକଟଶ୍ରୁତିଃ ॥ ୧୪୭॥

ହୈହୟାନ୍ତକରୋ ରାମୋ ଦୁଷ୍ଟକ୍ଷତ୍ରବିନାଶକଃ ।

ସୋମବଂଶହିତୈକାତ୍ମା ଯଦୁବଂଶବିବର୍ଧନଃ ॥ ୧୪୮॥

     ନିରୋଧଲୀଲା

ପରବ୍ରହ୍ମାବତରଣଃ କେଶବଃ କ୍ଲେଶନାଶନଃ ।

ଭୂମିଭାରାବତରଣୋ ଭକ୍ତାର୍ଥାଖିଲମାନସଃ ॥ ୧୪୯॥

ସର୍ୱଭକ୍ତନିରୋଧାତ୍ମା ଲୀଲାନନ୍ତନିରୋଧକୃତ୍ ।

ଭୂମିଷ୍ଠପରମାନନ୍ଦୋ ଦେବକୀଶୁଦ୍ଧିକାରଣମ୍ ॥ ୧୫୦॥

ବସୁଦେବଜ୍ଞାନନିଷ୍ଠସମଜୀବନିବାରକଃ ।

ସର୍ୱବୈରାଗ୍ୟକରଣସ୍ୱଲୀଲାଧାରଶୋଧକଃ ॥ ୧୫୧॥

ମାୟାଜ୍ଞାପନକର୍ତା ଚ ଶେଷସମ୍ଭାରସମ୍ଭୃତିଃ ।

ଭକ୍ତକ୍ଲେଶପରିଜ୍ଞାତା ତନ୍ନିବାରଣତତ୍ପରଃ ॥ ୧୫୨॥

ଆବିଷ୍ଟବସୁଦେବାଂଶୋ ଦେବକୀଗର୍ଭଭୂଷଣମ୍ ।

ପୂର୍ଣତେଜୋମୟଃ ପୂର୍ଣଃ କଂସାଧୃଷ୍ୟପ୍ରତାପବାନ୍ ॥ ୧୫୩॥

ବିବେକଜ୍ଞାନଦାତା ଚ ବ୍ରହ୍ମାଦ୍ୟଖିଲସଂସ୍ତୁତଃ ।

ସତ୍ୟୋ ଜଗତ୍କଲ୍ପତରୁର୍ନାନାରୂପବିମୋହନଃ ॥ ୧୫୪॥

ଭକ୍ତିମାର୍ଗପ୍ରତିଷ୍ଠାତା ବିଦ୍ୱନ୍ମୋହପ୍ରବର୍ତକଃ ।

ମୂଲକାଲଗୁଣଦ୍ରଷ୍ଟା ନୟନାନନ୍ଦଭାଜନମ୍ ॥ ୧୫୫॥

ବସୁଦେବସୁଖାବ୍ଧିଶ୍ଚ ଦେବକୀନୟନାମୃତମ୍ ।

ପିତୃମାତୃସ୍ତୁତଃ ପୂର୍ୱସର୍ୱବୃତ୍ତାନ୍ତବୋଧକଃ ॥ ୧୫୬॥

ଗୋକୁଲାଗତିଲୀଲାପ୍ତବସୁଦେବକରସ୍ଥିତିଃ ।

ସର୍ୱେଶତ୍ୱପ୍ରକଟନୋ ମାୟାବ୍ୟତ୍ୟଯକାରକଃ ॥ ୧୫୭॥

ଜ୍ଞାନମୋହିତଦୁଷ୍ଟେଶଃ ପ୍ରପଞ୍ଚାସ୍ମୃତିକାରଣମ୍ ।

ଯଶୋଦାନନ୍ଦନୋ ନନ୍ଦଭାଗ୍ୟଭୂଗୋକୁଲୋତ୍ସବଃ ॥ ୧୫୮॥

ନନ୍ଦପ୍ରିୟୋ ନନ୍ଦସୂନୁର୍ୟଶୋଦାୟାଃ ସ୍ତନନ୍ଧୟଃ ।

ପୂତନାସୁପୟଃପାତା ମୁଗ୍ଧଭାବାତିସୁନ୍ଦରଃ ॥ ୧୫୯॥

ସୁନ୍ଦରୀହୃଦୟାନନ୍ଦୋ ଗୋପୀମନ୍ତ୍ରାଭିମନ୍ତ୍ରିତଃ ।

ଗୋପାଲାଶ୍ଚର୍ୟରସକୃତ୍ ଶକଟାସୁରଖଣ୍ଡନଃ ॥ ୧୬୦॥

ନନ୍ଦବ୍ରଜଜନାନନ୍ଦୀ ନନ୍ଦଭାଗ୍ୟମହୋଦୟଃ ।

ତୃଣାବର୍ତବଧୋତ୍ସାହୋ ଯଶୋଦାଜ୍ଞାନବିଗ୍ରହଃ ॥ ୧୬୧॥

ବଲଭଦ୍ରପ୍ରିୟଃ କୃଷ୍ଣଃ ସଙ୍କର୍ଷଣସହାୟବାନ୍ ।

ରାମାନୁଜୋ ବାସୁଦେବୋ ଗୋଷ୍ଠାଙ୍ଗଣଗତିପ୍ରିୟଃ ॥ ୧୬୨॥

କିଙ୍କିଣୀରବଭାବଜ୍ଞୋ ବତ୍ସପୁଚ୍ଛାବଲମ୍ବନଃ ।

ନବନୀତପ୍ରିୟୋ ଗୋପୀମୋହସଂସାରନାଶକଃ ॥ ୧୬୩॥

ଗୋପବାଲକଭାବଜ୍ଞଶ୍ଚୌର୍ୟବିଦ୍ୟାବିଶାରଦଃ ।

ମୃତ୍ସ୍ନାଭକ୍ଷଣଲୀଲାସ୍ୟମାହାତ୍ମ୍ୟଜ୍ଞାନଦାୟକଃ ॥ ୧୬୪॥

ଧରାଦ୍ରୋଣପ୍ରୀତିକର୍ତା ଦଧିଭାଣ୍ଡବିଭେଦନଃ ।

ଦାମୋଦରୋ ଭକ୍ତବଶ୍ୟୋ ଯମଲାର୍ଜୁନଭଞ୍ଜନଃ ॥ ୧୬୫॥

ବୃହଦ୍ୱନମହାଶ୍ଚର୍ୟୋ ବୃନ୍ଦାବନଗତିପ୍ରିୟଃ ।

ବତ୍ସଘାତୀ ବାଲକେଲିର୍ବକାସୁରନିଷୂଦନଃ ॥ ୧୬୬॥

ଅରଣ୍ୟଭୋକ୍ତାଽପ୍ୟଥବା ବାଲଲୀଲାପରାୟଣଃ ।

ପ୍ରୋତ୍ସାହଜନକଶ୍ଚୈବମଘାସୁରନିଷୂଦନଃ ॥ ୧୬୭॥

ବ୍ୟାଲମୋକ୍ଷପ୍ରଦଃ ପୁଷ୍ଟୋ ବ୍ରହ୍ମମୋହପ୍ରବର୍ଧନଃ ।

ଅନନ୍ତମୂର୍ତିଃ ସର୍ୱାତ୍ମା ଜଙ୍ଗମସ୍ଥାବରାକୃତିଃ ॥ ୧୬୮॥

ବ୍ରହ୍ମମୋହନକର୍ତା ଚ ସ୍ତୁତ୍ୟ ଆତ୍ମା ସଦାପ୍ରିୟଃ ।

ପୌଗଣ୍ଡଲୀଲାଭିରତିର୍ଗୋଚାରଣପରାୟଣଃ ॥ ୧୬୯॥

ବୃନ୍ଦାବନଲତାଗୁଲ୍ମବୃକ୍ଷରୂପନିରୂପକଃ ।

ନାଦବ୍ରହ୍ମପ୍ରକଟନୋ ବୟଃପ୍ରତିକୃତିସ୍ୱନଃ ॥ ୧୭୦॥

ବର୍ହିନୃତ୍ୟାନୁକରଣୋ ଗୋପାଲାନୁକୃତିସ୍ୱନଃ ।

ସଦାଚାରପ୍ରତିଷ୍ଠାତା ବଲଶ୍ରମନିରାକୃତିଃ ॥ ୧୭୧॥

ତରୁମୂଲକୃତାଶେଷତଲ୍ପଶାୟୀ ସଖିସ୍ତୁତଃ ।

ଗୋପାଲସେବିତପଦଃ ଶ୍ରୀଲାଲିତପଦାମ୍ବୁଜଃ ॥ ୧୭୨॥

ଗୋପସମ୍ପ୍ରାର୍ଥିତଫଲଦାନନାଶିତଧେନୁକଃ ।

କାଲୀୟଫଣିମାଣିକ୍ୟରଞ୍ଜିତଶ୍ରୀପଦାମ୍ବୁଜଃ ॥ ୧୭୩॥

ଦୃଷ୍ଟିସଙ୍ଜୀବିତାଶେଷଗୋପଗୋଗୋପିକାପ୍ରିୟଃ ।

ଲୀଲାସମ୍ପୀତଦାବାଗ୍ନିଃ ପ୍ରଲମ୍ବବଧପଣ୍ଡିତଃ ॥ ୧୭୪॥

ଦାବାଗ୍ନ୍ୟାବୃତଗୋପାଲଦୃଷ୍ଟ୍ୟାଚ୍ଛାଦନବହ୍ନିପଃ ।

ବର୍ଷାଶରଦ୍ୱିଭୂତିଶ୍ରୀର୍ଗୋପୀକାମପ୍ରବୋଧକଃ ॥ ୧୭୫॥

ଗୋପୀରତ୍ନସ୍ତୁତାଶେଷବେଣୁବାଦ୍ୟବିଶାରଦଃ ।

କାତ୍ୟାୟନୀବ୍ରତବ୍ୟାଜସର୍ୱଭାବାଶ୍ରିତାଙ୍ଗନଃ ॥ ୧୭୬॥

ସତ୍ସଙ୍ଗତିସ୍ତୁତିବ୍ୟାଜସ୍ତୁତବୃନ୍ଦାବନାଙ୍ଘ୍ରିପଃ ।

ଗୋପକ୍ଷୁଚ୍ଛାନ୍ତିସମ୍ବ୍ୟାଜବିପ୍ରଭାର୍ୟାପ୍ରସାଦକୃତ୍ ॥ ୧୭୭॥

ହେତୁପ୍ରାପ୍ତେନ୍ଦ୍ରୟାଗସ୍ୱକାର୍ୟଗୋସବବୋଧକଃ ।

ଶୈଲରୂପକୃତାଶେଷରସଭୋଗସୁଖାବହଃ ॥ ୧୭୮॥

ଲୀଲାଗୋବର୍ଧନୋଦ୍ଧାରପାଲିତସ୍ୱବ୍ରଜପ୍ରିୟଃ ।

ଗୋପସ୍ୱଚ୍ଛନ୍ଦଲୀଲାର୍ଥଗର୍ଗବାକ୍ୟାର୍ଥବୋଧକଃ ॥ ୧୭୯॥

ଇନ୍ଦ୍ରଧେନୁସ୍ତୁତିପ୍ରାପ୍ତଗୋବିନ୍ଦେନ୍ଦ୍ରାଭିଧାନବାନ୍ ।

ବ୍ରତାଦିଧର୍ମସଂସକ୍ତନନ୍ଦକ୍ଲେଶବିନାଶକଃ ॥ ୧୮୦॥

ନନ୍ଦାଦିଗୋପମାତ୍ରେଷ୍ଟବୈକୁଣ୍ଠଗତିଦାୟକଃ ।

ବେଣୁବାଦସ୍ମରକ୍ଷୋଭମତ୍ତଗୋପୀବିମୁକ୍ତିଦଃ ॥ ୧୮୧॥

ସର୍ୱଭାବପ୍ରାପ୍ତଗୋପୀସୁଖସମ୍ବର୍ଧନକ୍ଷମଃ ।

ଗୋପୀଗର୍ୱପ୍ରଣାଶାର୍ଥତିରୋଧାନସୁଖପ୍ରଦଃ ॥ ୧୮୨॥

କୃଷ୍ଣଭାବବ୍ୟାପ୍ତବିଶ୍ୱଗୋପୀଭାବିତବେଷଧୃକ୍ ।

ରାଧାବିଶେଷସମ୍ଭୋଗପ୍ରାପ୍ତଦୋଷନିବାରକଃ ॥ ୧୮୩॥

ପରମପ୍ରୀତିସଙ୍ଗୀତସର୍ୱାଦ୍ଭୁତମହାଗୁଣଃ ।

ମାନାପନୋଦନାକ୍ରନ୍ଦଗୋପୀଦୃଷ୍ଟିମହୋତ୍ସବଃ ॥ ୧୮୪॥

ଗୋପିକାବ୍ୟାପ୍ତସର୍ୱାଙ୍ଗଃ ସ୍ତ୍ରୀସମ୍ଭାଷାବିଶାରଦଃ ।

ରାସୋତ୍ସବମହାସୌଖ୍ୟଗୋପୀସମ୍ଭୋଗସାଗରଃ ॥ ୧୮୫॥

ଜଲସ୍ଥଲରତିବ୍ୟାପ୍ତଗୋପୀଦୃଷ୍ଟ୍ୟଭିପୂଜିତଃ ।

ଶାସ୍ତ୍ରାନପେକ୍ଷକାମୈକମୁକ୍ତିଦ୍ୱାରବିବର୍ଧନଃ ॥ ୧୮୬॥

ସୁଦର୍ଶନମହାସର୍ପଗ୍ରସ୍ତନନ୍ଦବିମୋଚକଃ ।

ଗୀତମୋହିତଗୋପୀଧୃକ୍ଷଙ୍ଖଚୂଡବିନାଶକଃ ॥ ୧୮୭॥

ଗୁଣସଙ୍ଗୀତସନ୍ତୁଷ୍ଟିର୍ଗୋପୀସଂସାରବିସ୍ମୃତିଃ ।

ଅରିଷ୍ଟମଥନୋ ଦୈତ୍ୟବୁଦ୍ଧିବ୍ୟାମୋହକାରକଃ ॥ ୧୮୮॥

କେଶିଘାତୀ ନାରଦେଷ୍ଟୋ ବ୍ୟୋମାସୁରବିନାଶକଃ ।

ଅକ୍ରୂରଭକ୍ତିସଂରାଦ୍ଧପାଦରେଣୁମହାନିଧିଃ ॥ ୧୮୯॥

ରଥାବରୋହଶୁଦ୍ଧାତ୍ମା ଗୋପୀମାନସହାରକଃ ।

ହ୍ରଦସନ୍ଦର୍ଶିତାଶେଷବୈକୁଣ୍ଠାକ୍ରୂରସଂସ୍ତୁତଃ ॥ ୧୯୦॥

ମଥୁରାଗମନୋତ୍ସାହୋ ମଥୁରାଭାଗ୍ୟଭାଜନମ୍ ।

ମଥୁରାନଗରୀଶୋଭାଦର୍ଶନୋତ୍ସୁକମାନସଃ ॥ ୧୯୧॥

ଦୁଷ୍ଟରଞ୍ଜକଘାତୀ ଚ ବାୟକାର୍ଚିତବିଗ୍ରହଃ ।

ବସ୍ତ୍ରମାଲାସୁଶୋଭାଙ୍ଗଃ କୁବ୍ଜାଲେପନଭୂଷିତଃ ॥ ୧୯୨॥

କୁବ୍ଜାସୁରୂପକର୍ତା ଚ କୁବ୍ଜାରତିବରପ୍ରଦଃ ।

ପ୍ରସାଦରୂପସନ୍ତୁଷ୍ଟହରକୋଦଣ୍ଡଖଣ୍ଡନଃ ॥ ୧୯୩॥

ଶକଲାହତକଂସାପ୍ତଧନୂରକ୍ଷକସୈନିକଃ ।

ଜାଗ୍ରତ୍ସ୍ୱପ୍ନଭୟବ୍ୟାପ୍ତମୃତ୍ୟୁଲକ୍ଷଣବୋଧକଃ ॥ ୧୯୪॥

ମଥୁରାମଲ୍ଲ ଓଜସ୍ୱୀ ମଲ୍ଲୟୁଦ୍ଧବିଶାରଦଃ ।

ସଦ୍ୟଃ କୁବଲୟାପୀଡଘାତୀ ଚାଣୂରମର୍ଦନଃ ॥ ୧୯୫॥

ଲୀଲାହତମହାମଲ୍ଲଃ ଶଲତୋଶଲଘାତକଃ ।

କଂସାନ୍ତକୋ ଜିତାମିତ୍ରୋ ବସୁଦେବବିମୋଚକଃ ॥ ୧୯୬॥

ଜ୍ଞାତତତ୍ତ୍ୱପିତୃଜ୍ଞାନମୋହନାମୃତବାଙ୍ମୟଃ ।

ଉଗ୍ରସେନପ୍ରତିଷ୍ଠାତା ଯାଦବାଧିବିନାଶକଃ ॥ ୧୯୭॥

ନନ୍ଦାଦିସାନ୍ତ୍ୱନକରୋ ବ୍ରହ୍ମଚର୍ୟବ୍ରତେ ସ୍ଥିତଃ ।

ଗୁରୁଶୁଶ୍ରୂଷଣପରୋ ବିଦ୍ୟାପାରମିତେଶ୍ୱରଃ ॥ ୧୯୮॥

ସାନ୍ଦୀପନିମୃତାପତ୍ୟଦାତା କାଲାନ୍ତକାଦିଜିତ୍ ।

ଗୋକୁଲାଶ୍ୱାସନପରୋ ଯଶୋଦାନନ୍ଦପୋଷକଃ ॥ ୧୯୯॥

ଗୋପିକାବିରହବ୍ୟାଜମନୋଗତିରତିପ୍ରଦଃ ।

ସମୋଦ୍ଧବଭ୍ରମରବାକ୍ ଗୋପିକାମୋହନାଶକଃ ॥ ୨୦୦॥

କୁବ୍ଜାରତିପ୍ରଦୋଽକ୍ରୂରପବିତ୍ରୀକୃତଭୂଗୃହଃ ।

ପୃଥାଦୁଃଖପ୍ରଣେତା ଚ ପାଣ୍ଡବାନାଂ ସୁଖପ୍ରଦଃ ॥ ୨୦୧॥

ଦଶମସ୍କନ୍ଧୋତ୍ତରାର୍ଧନାମାନି ନିରୋଧଲୀଲା

ଜରାସନ୍ଧସମାନୀତସୈନ୍ୟଘାତୀ ବିଚାରକଃ ।

ଯବନବ୍ୟାପ୍ତମଥୁରାଜନଦତ୍ତକୁଶସ୍ଥଲିଃ ॥ ୨୦୨॥

ଦ୍ୱାରକାଦ୍ଭୁତନିର୍ମାଣବିସ୍ମାପିତସୁରାସୁରଃ ।

ମନୁଷ୍ୟମାତ୍ରଭୋଗାର୍ଥଭୂମ୍ୟାନୀତେନ୍ଦ୍ରବୈଭବଃ ॥ ୨୦୩॥

ଯବନବ୍ୟାପ୍ତମଥୁରାନିର୍ଗମାନନ୍ଦବିଗ୍ରହଃ ।

ମୁଚୁକୁନ୍ଦମହାବୋଧୟବନପ୍ରାଣଦର୍ପହା ॥ ୨୦୪॥

ମୁଚୁକୁନ୍ଦସ୍ତୁତାଶେଷଗୁଣକର୍ମମହୋଦୟଃ ।

ଫଲପ୍ରଦାନସନ୍ତୁଷ୍ଟିର୍ଜନ୍ମାନ୍ତରିତମୋକ୍ଷଦଃ ॥ ୨୦୫॥

ଶିବବ୍ରାହ୍ମଣବାକ୍ୟାପ୍ତଜୟଭୀତିବିଭାବନଃ ।

ପ୍ରବର୍ଷଣପ୍ରାର୍ଥିତାଗ୍ନିଦାନପୁଣ୍ୟମହୋତ୍ସବଃ ॥ ୨୦୬॥

ରୁକ୍ମିଣୀରମଣଃ କାମପିତା ପ୍ରଦ୍ୟୁମ୍ନଭାବନଃ ।

ସ୍ୟମନ୍ତକମଣିବ୍ୟାଜପ୍ରାପ୍ତଜାମ୍ବବତୀପତିଃ ॥ ୨୦୭॥

ସତ୍ୟଭାମାପ୍ରାଣପତିଃ କାଲିନ୍ଦୀରତିବର୍ଧନଃ ।

ମିତ୍ରବିନ୍ଦାପତିଃ ସତ୍ୟାପତିର୍ୱୃଷନିଷୂଦନଃ ॥ ୨୦୮॥

ଭଦ୍ରାବାଞ୍ଛିତଭର୍ତା ଚ ଲକ୍ଷ୍ମଣାବରଣକ୍ଷମଃ ।

ଇନ୍ଦ୍ରାଦିପ୍ରାର୍ଥିତବଧନରକାସୁରସୂଦନଃ ॥ ୨୦୯॥

ମୁରାରିଃ ପୀଠହନ୍ତା ଚ ତାମ୍ରାଦିପ୍ରାଣହାରକଃ ।

ଷୋଡଶସ୍ତ୍ରୀସହସ୍ରେଶଃ ଛତ୍ରକୁଣ୍ଡଲଦାନକୃତ୍ ॥ ୨୧୦॥

ପାରିଜାତାପହରଣୋ ଦେବେନ୍ଦ୍ରମଦନାଶକଃ ।

ରୁକ୍ମିଣୀସମସର୍ୱସ୍ତ୍ରୀସାଧ୍ୟଭୋଗରତିପ୍ରଦଃ ॥ ୨୧୧॥

ରୁକ୍ମିଣୀପରିହାସୋକ୍ତିବାକ୍ତିରୋଧାନକାରକଃ ।

ପୁତ୍ରପୌତ୍ରମହାଭାଗ୍ୟଗୃହଧର୍ମପ୍ରବର୍ତକଃ ॥ ୨୧୨॥

ଶମ୍ବରାନ୍ତକସତ୍ପୁତ୍ରବିବାହହତରୁକ୍ମିକଃ ।

ଉଷାପହୃତପୌତ୍ରଶ୍ରୀର୍ବାଣବାହୁନିବାରକଃ ॥ ୨୧୩॥

ଶୀତଜ୍ୱରଭୟବ୍ୟାପ୍ତଜ୍ୱରସଂସ୍ତୁତଷଡ୍ଗୁଣଃ ।

ଶଙ୍କରପ୍ରତିୟୋଦ୍ଧା ଚ ଦ୍ୱନ୍ଦ୍ୱୟୁଦ୍ଧବିଶାରଦଃ ॥ ୨୧୪॥

ନୃଗପାପପ୍ରଭେତ୍ତା ଚ ବ୍ରହ୍ମସ୍ୱଗୁଣଦୋଷଦୃକ୍ ।

ବିଷ୍ଣୁଭକ୍ତିବିରୋଧୈକବ୍ରହ୍ମସ୍ୱବିନିବାରକଃ ॥ ୨୧୫॥

ବଲଭଦ୍ରାହିତଗୁଣୋ ଗୋକୁଲପ୍ରୀତିଦାୟକଃ ।

ଗୋପୀସ୍ନେହୈକନିଲୟୋ ଗୋପୀପ୍ରାଣସ୍ଥିତିପ୍ରଦଃ ॥ ୨୧୬॥

ବାକ୍ୟାତିଗାମିୟମୁନାହଲାକର୍ଷଣବୈଭବଃ ।

ପୌଣ୍ଡ୍ରକତ୍ୟାଜିତସ୍ପର୍ଧଃ କାଶୀରାଜବିଭେଦନଃ ॥ ୨୧୭॥

କାଶୀନିଦାହକରଣଃ ଶିବଭସ୍ମପ୍ରଦାୟକଃ ।

ଦ୍ୱିବିଦପ୍ରାଣଘାତୀ ଚ କୌରବାଖର୍ୱଗର୍ୱନୁତ୍ ॥ ୨୧୮॥

ଲାଙ୍ଗଲାକୃଷ୍ଟନଗରୀସମ୍ବିଗ୍ନାଖିଲନାଗରଃ ।

ପ୍ରପନ୍ନାଭୟଦଃ ସାମ୍ବପ୍ରାପ୍ତସନ୍ମାନଭାଜନମ୍ ॥ ୨୧୯॥

ନାରଦାନ୍ୱିଷ୍ଟଚରଣୋ ଭକ୍ତବିକ୍ଷେପନାଶକଃ ।

ସଦାଚାରୈକନିଲୟଃ ସୁଧର୍ମାଧ୍ୟାସିତାସନଃ ॥ ୨୨୦॥

ଜରାସନ୍ଧାବରୁଦ୍ଧେନ ବିଜ୍ଞାପିତନିଜକ୍ଲମଃ ।

ମନ୍ତ୍ର୍ୟୁଦ୍ଧବାଦିବାକ୍ୟୋକ୍ତପ୍ରକାରୈକପରାୟଣଃ ॥ ୨୨୧॥

ରାଜସୂୟାଦିମଖକୃତ୍ ସମ୍ପ୍ରାର୍ଥିତସହାୟକୃତ୍ ।

ଇନ୍ଦ୍ରପ୍ରସ୍ଥପ୍ରୟାଣାର୍ଥମହତ୍ସମ୍ଭାରସମ୍ଭୃତିଃ ॥ ୨୨୨॥

ଜରାସନ୍ଧବଧବ୍ୟାଜମୋଚିତାଶେଷଭୂମିପଃ ।

ସନ୍ମାର୍ଗବୋଧକୋ ଯଜ୍ଞକ୍ଷିତିବାରଣତତ୍ପରଃ ॥ ୨୨୩॥

ଶିଶୁପାଲହତିବ୍ୟାଜଜୟଶାପବିମୋଚକଃ ।

ଦୁର୍ୟୋଧନାଭିମାନାବ୍ଧିଶୋଷବାଣବୃକୋଦରଃ॥ ୨୨୪॥

ମହାଦେବବରପ୍ରାପ୍ତପୁରଶାଲ୍ୱବିନାଶକଃ ।

ଦନ୍ତବକ୍ତ୍ରବଧବ୍ୟାଜବିଜୟାଘୌଘନାଶକଃ ॥ ୨୨୫॥

ବିଦୂରଥପ୍ରାଣହର୍ତା ନ୍ୟସ୍ତଶସ୍ତ୍ରାସ୍ତ୍ରବିଗ୍ରହଃ ।

ଉପଧର୍ମବିଲିପ୍ତାଙ୍ଗସୂତଘାତୀ ବରପ୍ରଦଃ ॥ ୨୨୬॥

ବଲ୍ୱଲପ୍ରାଣହରଣପାଲିତର୍ଷିଶ୍ରୁତିକ୍ରିୟଃ ।

ସର୍ୱତୀର୍ଥାଘନାଶାର୍ଥତୀର୍ଥୟାତ୍ରାବିଶାରଦଃ ॥ ୨୨୭॥

ଜ୍ଞାନକ୍ରିୟାବିଭେଦେଷ୍ଟଫଲସାଧନତତ୍ପରଃ ।

ସାରଥ୍ୟାଦିକ୍ରିୟାକର୍ତା ଭକ୍ତବଶ୍ୟତ୍ୱବୋଧକଃ ॥ ୨୨୮॥

ସୁଦାମାରଙ୍କଭାର୍ୟାର୍ଥଭୂମ୍ୟାନୀତେନ୍ଦ୍ରବୈଭବଃ ।

ରବିଗ୍ରହନିମିତ୍ତାପ୍ତକୁରୁକ୍ଷେତ୍ରୈକପାବନଃ ॥ ୨୨୯॥

ନୃପଗୋପୀସମସ୍ତସ୍ତ୍ରୀପାବନାର୍ଥାଖିଲକ୍ରିୟଃ ।

ଋଷିମାର୍ଗପ୍ରତିଷ୍ଠାତା ବସୁଦେବମଖକ୍ରିୟଃ ॥ ୨୩୦॥

ବସୁଦେବଜ୍ଞାନଦାତା ଦେବକୀପୁତ୍ରଦାୟକଃ ।

ଅର୍ଜୁନସ୍ତ୍ରୀପ୍ରଦାତା ଚ ବହୁଲାଶ୍ୱସ୍ୱରୂପଦଃ ॥ ୨୩୧॥

ଶ୍ରୁତଦେବେଷ୍ଟଦାତା ଚ ସର୍ୱଶ୍ରୁତିନିରୂପିତଃ ।

ମହାଦେବାଦ୍ୟତିଶ୍ରେଷ୍ଠୋ ଭକ୍ତିଲକ୍ଷଣନିର୍ଣୟଃ ॥ ୨୩୨॥

ବୃକଗ୍ରସ୍ତଶିବତ୍ରାତା ନାନାବାକ୍ୟବିଶାରଦଃ ।

ନରଗର୍ୱବିନାଶାର୍ଥହୃତବ୍ରାହ୍ମଣବାଲକଃ ॥ ୨୩୩॥

ଲୋକାଲୋକପରସ୍ଥାନସ୍ଥିତବାଲକଦାୟକଃ ।

ଦ୍ୱାରକାସ୍ଥମହାଭୋଗନାନାସ୍ତ୍ରୀରତିବର୍ଧନଃ ॥ ୨୩୪॥

ମନସ୍ତିରୋଧାନକୃତବ୍ୟଗ୍ରସ୍ତ୍ରୀଚିତ୍ତଭାବିତଃ ।

     ମୁକ୍ତିଲୀଲା

ମୁକ୍ତିଲୀଲାବିହରଣୋ ମୌଶଲବ୍ୟାଜସଂହୃତିଃ ॥ ୨୩୫॥

ଶ୍ରୀଭାଗବତଧର୍ମାଦିବୋଧକୋ ଭକ୍ତିନୀତିକୃତ୍ ।

ଉଦ୍ଧବଜ୍ଞାନଦାତା ଚ ପଞ୍ଚବିଂଶତିଧା ଗୁରୁଃ ॥ ୨୩୬॥

ଆଚାରଭକ୍ତିମୁକ୍ତ୍ୟାଦିବକ୍ତା ଶବ୍ଦୋଦ୍ଭବସ୍ଥିତିଃ ।

ହଂସୋ ଧର୍ମପ୍ରବକ୍ତା ଚ ସନକାଦ୍ୟୁପଦେଶକୃତ୍ ॥ ୨୩୭॥

ଭକ୍ତିସାଧନବକ୍ତା ଚ ଯୋଗସିଦ୍ଧିପ୍ରଦାୟକଃ ।

ନାନାବିଭୂତିବକ୍ତା ଚ ଶୁଦ୍ଧଧର୍ମାବବୋଧକଃ ॥ ୨୩୮॥

ମାର୍ଗତ୍ରୟବିଭେଦାତ୍ମା ନାନାଶଙ୍କାନିବାରକଃ ।

ଭିକ୍ଷୁଗୀତାପ୍ରବକ୍ତା ଚ ଶୁଦ୍ଧସାଙ୍ଖ୍ୟପ୍ରବର୍ତକଃ ॥ ୨୩୯॥

ମନୋଗୁଣବିଶେଷାତ୍ମା ଜ୍ଞାପକୋକ୍ତପୁରୂରବାଃ ।

ପୂଜାବିଧିପ୍ରବକ୍ତା ଚ ସର୍ୱସିଦ୍ଧାନ୍ତବୋଧକଃ ॥ ୨୪୦॥

ଲଘୁସ୍ୱମାର୍ଗବକ୍ତା ଚ ସ୍ୱସ୍ଥାନଗତିବୋଧକଃ ।

ଯାଦବାଙ୍ଗୋପସଂହର୍ତା ସର୍ୱାଶ୍ଚର୍ୟଗତିକ୍ରିୟଃ ॥ ୨୪୧॥

     ଆଶ୍ରୟଲୀଲା

କାଲଧର୍ମବିଭେଦାର୍ଥବର୍ଣନାଶନତତ୍ପରଃ ।

ବୁଦ୍ଧୋ ଗୁପ୍ତାର୍ଥବକ୍ତା ଚ ନାନାଶାସ୍ତ୍ରବିଧାୟକଃ ॥ ୨୪୨॥

ନଷ୍ଟଧର୍ମମନୁଷ୍ୟାଦିଲକ୍ଷଣଜ୍ଞାପନୋତ୍ସୁକଃ ।

ଆଶ୍ରୟୈକଗତିଜ୍ଞାତା କଲ୍କିଃ କଲିମଲାପହଃ ॥ ୨୪୩॥

ଶାସ୍ତ୍ରବୈରାଗ୍ୟସମ୍ବୋଧୋ ନାନାପ୍ରଲୟବୋଧକଃ ।

ବିଶେଷତଃ ଶୁକବ୍ୟାଜପରୀକ୍ଷିଜ୍ଜ୍ଞାନବୋଧକଃ ॥ ୨୪୪॥

ଶୁକେଷ୍ଟଗତିରୂପାତ୍ମା ପରୀକ୍ଷିଦ୍ଦେହମୋକ୍ଷଦଃ ।

ଶବ୍ଦରୂପୋ ନାଦରୂପୋ ବେଦରୂପୋ ବିଭେଦନଃ ॥ ୨୪୫॥

ବ୍ୟାସଃ ଶାଖାପ୍ରବକ୍ତା ଚ ପୁରାଣାର୍ଥପ୍ରବର୍ତକଃ ।

ମାର୍କଣ୍ଡେୟପ୍ରସନ୍ନାତ୍ମା ବଟପତ୍ରପୁଟେଶୟଃ ॥ ୨୪୬॥

ମାୟାବ୍ୟାପ୍ତମହାମୋହଦୁଃଖଶାନ୍ତିପ୍ରବର୍ତକଃ ।

ମହାଦେବସ୍ୱରୂପଶ୍ଚ ଭକ୍ତିଦାତା କୃପାନିଧିଃ ॥ ୨୪୭॥

ଆଦିତ୍ୟାନ୍ତର୍ଗତଃ କାଲଃ ଦ୍ୱାଦଶାତ୍ମା ସୁପୂଜିତଃ ।

ଶ୍ରୀଭାଗବତରୂପଶ୍ଚ ସର୍ୱାର୍ଥଫଲଦାୟକଃ ॥ ୨୪୮॥

ଇତୀଦଂ କୀର୍ତନୀୟସ୍ୟ ହରେର୍ନାମସହସ୍ରକମ୍ ।

ପଞ୍ଚସପ୍ତତିବିସ୍ତୀର୍ଣଂ ପୁରାଣାନ୍ତରଭାଷିତମ୍ ॥ ୨୪୯॥

ଯ ଏତତ୍ପ୍ରାତରୁତ୍ଥାୟ ଶ୍ରଦ୍ଧାବାନ୍ ସୁସମାହିତଃ ।

ଜପେଦର୍ଥାହିତମତିଃ ସ ଗୋବିନ୍ଦପଦଂ ଲଭେତ୍ ॥ ୨୫୦॥

ସର୍ୱଧର୍ମବିନିର୍ମୁକ୍ତଃ ସର୍ୱସାଧନବର୍ଜିତଃ ।

ଏତଦ୍ଧାରଣମାତ୍ରେଣ କୃଷ୍ଣସ୍ୟ ପଦବୀଂ ବ୍ରଜେତ୍ ॥ ୨୫୧॥

ହର୍ୟାବେଶିତଚିତ୍ତେନ ଶ୍ରୀଭାଗବତସାଗରାତ୍ ।

ସମୁଦ୍ଧୃତାନି ନାମାନି ଚିନ୍ତାମଣିନିଭାନି ହି ॥ ୨୫୨॥

କଣ୍ଠସ୍ଥିତାନ୍ୟର୍ଥଦୀପ୍ତ୍ୟା ବାଧନ୍ତେଽଜ୍ଞାନଜଂ ତମଃ ।

ଭକ୍ତିଂ ଶ୍ରୀକୃଷ୍ଣଦେବସ୍ୟ ସାଧୟନ୍ତି ବିନିଶ୍ଚିତମ୍ ॥ ୨୫୩॥

କିମ୍ବହୂକ୍ତେନ ଭଗବାନ୍ ନାମଭିଃ ସ୍ତୁତଷଡ୍ଗୁଣଃ ।

ଆତ୍ମଭାବଂ ନୟତ୍ୟାଶୁ ଭକ୍ତିଂ ଚ କୁରୁତେ ଦୃଢାମ୍ ॥ ୨୫୪॥

ଯଃ କୃଷ୍ଣଭକ୍ତିମିହ ବାଞ୍ଛତି ସାଧନୌଘୈର୍-

ନାମାନି ଭାସୁରୟଶାଂସି ଜପେତ୍ସ ନିତ୍ୟମ୍ ।

ତଂ ବୈ ହରିଃ ସ୍ୱପୁରୁଷଂ କୁରୁତେଽତିଶୀଘ୍ରମ୍-

ଆତ୍ମାର୍ପଣଂ ସମଧିଗଚ୍ଛତି ଭାବତୁଷ୍ଟଃ ॥ ୨୫୫॥

ଶ୍ରୀକୃଷ୍ଣ କୃଷ୍ଣସଖ ବୃଷ୍ଣିବୃଷାବନିଧ୍ରୁଗ୍-

ରାଜନ୍ୟବଂଶଦହନାନପବର୍ଗବୀର୍ୟ ।

ଗୋବିନ୍ଦ ଗୋପବନିତାବ୍ରଜଭୃତ୍ୟଗୀତ

ତୀର୍ଥଶ୍ରବଃ ଶ୍ରବଣମଙ୍ଗଲ ପାହି ଭୃତ୍ୟାନ୍ ॥ ୨୫୬॥

॥ ଇତି ଶ୍ରୀଭାଗବତସାରସମୁଚ୍ଚୟେ ବୈଶ୍ୱାନରୋକ୍ତଂ

ଶ୍ରୀବଲ୍ଲଭାଚାର୍ୟବିରଚିତଂ

ଶ୍ରୀପୁରୁଷୋତ୍ତମସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥

ଶ୍ରୀଜଗନ୍ନାଥ ପଞ୍ଚରାତ୍ର 👇 click Link

https://skand-puran.blogspot.com/2024/11/SkandPuranA01.html

.

ତୁଳସୀ ପୂଜନ ଦିବସ 

https://jagarnnath-upasana.blogspot.com/2023/12/blog-post_25.html