ସ୍କନ୍ଦପୁରାଣ ୧

 ସ୍କନ୍ଦପୁରାଣ ୧

Video 1  https://youtu.be/tpy_VozP5Gw?si=gBq9CJeos-rvb8sq

Video 2  https://youtu.be/eVZVeZFr6eQ?si=YUlwj-fgulEmhAjz

Video 3  https://youtu.be/yeZnohVgBUU?si=RaTouppKUb8A9r2M

Video 4  https://youtu.be/XeN6E3CHwyg?si=AxP_har7Ure1SecG

Video 5  https://youtu.be/0kKy2WYf6Kk?si=IaYx7dTmNEpqj3fU

Video 6  https://youtu.be/u0uuieY-c20?si=dD4JB2MzkI5dXIi3

Video 7  https://youtu.be/12QjTvFxbQw?si=YEg-IJp_huMWQ9nK







ସ୍କନ୍ଦପୁରାଣ ଅଧ୍ୟାୟ ୧
SP0010011 ନମଃ ପରମଦେବାୟ ତ୍ରୈଗୁଣ୍ୟାବିଜିତାତ୍ମନେ ।
SP0010012 ସର୍ୱତୋ ଯୋଗରୂପାୟ ସଂସାରାଭାବହେତବେ ॥

SP0010021 ସ୍ଥିତିସଂରୋଧସର୍ଗାଣାଂ ହେତବେଽନ୍ତଃପ୍ରସାରିଣେ ।
SP0010022 ଷଡ୍ୱିଂଶାୟ ପ୍ରଧାନାୟ ମହାଦେବାୟ ଧୀମତେ ॥

SP0010031 ପ୍ରଜାପତେର୍ମହାକ୍ଷେତ୍ରେ ଗଶ୍ଣ୍ଗାକାଲିନ୍ଦିସଙ୍ଗମେ ।
SP0010032 ପ୍ରୟାଗେ ପରମେ ପୁଣ୍ୟେ ବ୍ରହ୍ମଣୋ ଲୋକବର୍ତ୍ମନି ॥

SP0010041 ମୁନୟଃ ସଂଶିତାତ୍ମାନସ୍ତପସା କ୍ଷୀଣକଲ୍ମଷାଃ ।
SP0010042 ତୀର୍ଥସମ୍ପ୍ଲବନାର୍ଥାୟ ପୌର୍ଣମାସ୍ୟାଂ କୃତାହ୍ନିକାଃ ॥

SP0010051 ପୌରାଣିକମପଶ୍ୟନ୍ତ ସୂତଂ ସତ୍ୟପରାୟଣମ୍ ।
SP0010052 ସ୍ନାତ୍ୱା ତସ୍ମିନ୍ମହାତୀର୍ଥେ ପ୍ରଣାମାର୍ଥମୁପାଗତମ୍ ॥

SP0010061 ଦୃଷ୍ଟ୍ୱା ତେ ସୂତମାୟାନ୍ତମୃଷୟୋ ହୃଷ୍ଟମାନସାଃ ।
SP0010062 ଆଶାସ୍ୟାସନସଂବେଶଂ ତଦ୍ୟୋଗ୍ୟଂ ସମକଲ୍ପୟନ୍ ॥

SP0010071 ସ ପ୍ରଣମ୍ୟ ଚ ତାନ୍ସର୍ୱାନ୍ସୂତସ୍ତାନ୍ମୁନିପୁଙ୍ଗବାନ୍ ।
SP0010072 ପ୍ରଦତ୍ତମାସନଂ ଭେଜେ ସର୍ୱଧର୍ମସମନ୍ୱିତଃ ॥

SP0010081 ତମାସୀନମପୃଚ୍ଛନ୍ତ ମୁନୟସ୍ତପସୈଧିତାଃ ।
SP0010082 ବ୍ରହ୍ମସତ୍ତ୍ରେ ପୁରା ସାଧୋ ନୈମିଶାରଣ୍ୟବାସିନାମ୍ ॥

SP0010091 କଥିତଂ ଭାରତାଖ୍ୟାନଂ ପୁରାଣଂ ଚ ପରଂ ତ୍ୱୟା ।
SP0010092 ତେନ ନଃ ପ୍ରତିଭାସି ତ୍ୱଂ ସାକ୍ଷାତ୍ସତ୍ୟବତୀସୁତଃ ॥

SP0010101 ସର୍ୱାଗମପରାର୍ଥଜ୍ଞଃ ସତ୍ୟଧର୍ମପରାୟଣଃ ।
SP0010102 ଦ୍ୱିଜପୂଜାରତୋ ନିତ୍ୟଂ ତେନ ପୃଚ୍ଛାଂ ତ୍ୱମର୍ହସି ॥

SP0010111 ଭାରତାଖ୍ୟାନସଦୃଶଂ ପୁରାଣାଦ୍ୟଦ୍ୱିଶିଷ୍ୟତେ ।
SP0010112 ତତ୍ତ୍ୱା ପୃଚ୍ଛାମ ବୈ ଜନ୍ମ କାର୍ତ୍ତିକେୟସ୍ୟ ଧୀମତଃ ॥

SP0010121 ଇମେ ହି ମୁନୟଃ ସର୍ୱେ ତ୍ୱଦୁପାସ୍ତିପରାୟଣାଃ ।
SP0010122 ସ୍କନ୍ଦସମ୍ଭବଶୁଶ୍ରୂଷାସଞ୍ଜାତୌତ୍ସୁକ୍ୟମାନସାଃ ॥

SP0010131 ଏବମୁକ୍ତସ୍ତଦା ସୂତଃ ସଂସିଦ୍ଧୈର୍ମୁନିପୁଙ୍ଗବୈଃ ।
SP0010132 ପ୍ରୋବାଚେଦଂ ମୁନୀନ୍ସର୍ୱାନ୍ୱଚୋ ଭୂତାର୍ଥବାଚକମ୍ ॥

SP0010141 ଶୃଣୁଧ୍ୱଂ ମୁନୟଃ ସର୍ୱେ କାର୍ତ୍ତିକେୟସ୍ୟ ସମ୍ଭବମ୍ ।
SP0010142 ବ୍ରହ୍ମଣ୍ୟତ୍ୱଂ ସମାହାତ୍ମ୍ୟଂ ବୀର୍ୟଂ ଚ ତ୍ରିଦଶାଧିକମ୍ ॥

SP0010151 ମୁମୁକ୍ଷୟା ପରଂ ସ୍ଥାନଂ ଯାତେ ଶୁକମହାତ୍ମନି ।
SP0010152 ସୁତଶୋକାଭିସନ୍ତପ୍ତୋ ବ୍ୟାସସ୍ତ୍ର୍ୟମ୍ବକମୈକ୍ଷତ ॥

SP0010161 ଦୃଷ୍ଟ୍ୱୈବ ସ ମହେଶାନଂ ବ୍ୟାସୋଽଭୂଦ୍ୱିଗତବ୍ୟଥଃ ।
SP0010162 ବିଚରନ୍ସ ତଦା ଲୋକାନ୍ମୁନିଃ ସତ୍ୟବତୀସୁତଃ ॥

SP0010171 ମେରୁଶୃଶ୍ଣ୍ଗେଽଥ ଦଦୃଶେ ବ୍ରହ୍ମଣଃ ସୁତମଗ୍ରଜମ୍ ।
SP0010172 ସନତ୍କୁମାରଂ ବରଦଂ ଯୋଗୈଶ୍ୱର୍ୟସମନ୍ୱିତମ୍ ॥

SP0010181 ବିମାନେ ରବିସଙ୍କାଶେ ତିଷ୍ଠନ୍ତମନଲପ୍ରଭମ୍ ।
SP0010182 ମୁନିଭିର୍ୟୋଗସଂସିଦ୍ଧୈସ୍ତପୋୟୁକ୍ତୈର୍ମହାତ୍ମଭିଃ ॥

SP0010191 ବେଦବେଦାଶ୍ଣ୍ଗତତ୍ତ୍ୱଜ୍ଞୈଃ ସର୍ୱଧର୍ମାଗମାନ୍ୱିତୈଃ ।
SP0010192 ସକଲାବାପ୍ତବିଦ୍ୟୈସ୍ତୁ ଚତୁର୍ୱକ୍ତ୍ରମିବାବୃତମ୍ ॥

SP0010201 ଦୃଷ୍ଟ୍ୱା ତଂ ସୁମହାତ୍ମାନଂ ବ୍ୟାସୋ ମୁନିମଥାସ୍ଥିତମ୍ ।
SP0010202 ବବନ୍ଦେ ପରୟା ଭକ୍ତ୍ୟା ସାକ୍ଷାଦିବ ପିତାମହମ୍ ॥

SP0010211 ବ୍ରହ୍ମସୂନୁରଥ ବ୍ୟାସଂ ସମାୟାତଂ ମହୌଜସମ୍ ।
SP0010212 ପରିଷ୍ୱଜ୍ୟ ପରଂ ପ୍ରେମ୍ଣା ପ୍ରୋବାଚ ବଚନଂ ଶୁଭମ୍ ॥

SP0010221 ଦିଷ୍ଟ୍ୟା ତ୍ୱମସି ଧର୍ମଜ୍ଞ ପ୍ରସାଦାତ୍ପାରମେଶ୍ୱରାତ୍ ।
SP0010222 ଅପେତଶୋକଃ ସମ୍ପ୍ରାପ୍ତଃ ପୃଚ୍ଛସ୍ୱ ପ୍ରବଦାମ୍ୟହମ୍ ॥

SP0010231 ଶ୍ରୁତ୍ୱାଥ ବଚନଂ ସୂନୋର୍ବ୍ରହ୍ମଣୋ ମୁନିପୁଙ୍ଗବଃ ।
SP0010232 ଇଦମାହ ବଚୋ ବିପ୍ରାଶ୍ଚିରଂ ଯଦ୍ଧୃଦୟେ ସ୍ଥିତମ୍ ॥

SP0010241 କୁମାରସ୍ୟ କଥଂ ଜନ୍ମ କାର୍ତ୍ତିକେୟସ୍ୟ ଧୀମତଃ ।
SP0010242 କିଂନିମିତ୍ତଂ କୁତୋ ବାସ୍ୟ ଇଚ୍ଛାମ୍ୟେତଦ୍ଧି ବେଦିତୁମ୍ ॥

SP0010251 କଥଂ ରୁଦ୍ରସୁତଶ୍ଚାସୌ ବହ୍ନିଗଶ୍ଣ୍ଗାସୁତଃ କଥମ୍ ।
SP0010252 ଉମାୟାସ୍ତନୟଶ୍ଚୈବ ସ୍ୱାହାୟାଶ୍ଚ କଥଂ ପୁନଃ ।
SP0010253 ସୁପର୍ଣ୍ୟାଶ୍ଚାଥ ମାତ୍।ର଼୍ଣାଂ କୃତ୍ତିକାନାଂ କଥଂ ଚ ସଃ ॥

SP0010261 କଶ୍ଚାସୌ ପୂର୍ୱମୁତ୍ପନ୍ନଃ କିନ୍ତପାଃ କଶ୍ଚ ବିକ୍ରମଃ ।
SP0010262 ଭୂତସମ୍ମୋହନଂ ହ୍ୟେତତ୍କଥୟସ୍ୱ ଯଥାତଥମ୍ ॥

SP0010270 ସୂତ ଉବାଚ ।
SP0010271 ଏବଂ ସ ପୃଷ୍ଟସ୍ତେଜସ୍ୱୀ ବ୍ରହ୍ମଣଃ ପୁତ୍ରସତ୍ତମଃ ।
SP0010272 ଉବାଚ ସର୍ୱଂ ସର୍ୱଜ୍ଞୋ ବ୍ୟାସାୟାକ୍ଲିଷ୍ଟକାରିଣେ ।
SP0010273 ତଚ୍ଛୃଣୁଧ୍ୱଂ ଯଥାତତ୍ତ୍ୱଂ କୀର୍ତ୍ୟମାନଂ ମୟାନଘାଃ ॥

SP0019999 ଇତି ସ୍କନ୍ଦପୁରାଣେ ପ୍ରଥମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୨
SP0020010 ସନତ୍କୁମାର ଉବାଚ ।
SP0020011 ପ୍ରପଦ୍ୟେ ଦେବମୀଶାନଂ ସର୍ୱଜ୍ଞମପରାଜିତମ୍ ।
SP0020012 ମହାଦେବଂ ମହାତ୍ମାନଂ ବିଶ୍ୱସ୍ୟ ଜଗତଃ ପତିମ୍ ॥

SP0020021 ଶକ୍ତିରପ୍ରତିଘା ଯସ୍ୟ ଐଶ୍ୱର୍ୟଂ ଚୈବ ସର୍ୱଶଃ ।
SP0020022 ସ୍ୱାମିତ୍ୱଂ ଚ ବିଭୁତ୍ୱଂ ଚ ସ୍ୱକୃତାନି ପ୍ରଚକ୍ଷତେ ॥

SP0020031 ତସ୍ମୈ ଦେବାୟ ସୋମାୟ ପ୍ରଣମ୍ୟ ପ୍ରୟତଃ ଶୁଚିଃ ।
SP0020032 ପୁରାଣାଖ୍ୟାନଜିଜ୍ଞାସୋର୍ୱକ୍ଷ୍ୟେ ସ୍କନ୍ଦୋଦ୍ଭବଂ ଶୁଭମ୍ ॥

SP0020041 ଦେହାବତାରୋ ଦେବସ୍ୟ ରୁଦ୍ରସ୍ୟ ପରମାତ୍ମନଃ ।
SP0020042 ପ୍ରାଜାପତ୍ୟାଭିଷେକଶ୍ଚ ହରଣଂ ଶିରସସ୍ତଥା ॥

SP0020051 ଦର୍ଶନଂ ଷଟ୍କୁଲୀୟାନାଂ ଚକ୍ରସ୍ୟ ଚ ବିସର୍ଜନମ୍ ।
SP0020052 ନୈମିଶସ୍ୟୋଦ୍ଭବଶ୍ଚୈବ ସତ୍ତ୍ରସ୍ୟ ଚ ସମାପନମ୍ ॥

SP0020061 ବ୍ରହ୍ମଣଶ୍ଚାଗମସ୍ତତ୍ର ତପସଶ୍ଚରଣଂ ତଥା ।
SP0020062 ଶର୍ୱସ୍ୟ ଦର୍ଶନଂ ଚୈବ ଦେବ୍ୟାଶ୍ଚୈବ ସମୁଦ୍ଭବଃ ॥

SP0020071 ସତ୍ୟା ବିବାଦଶ୍ଚ ତଥା ଦକ୍ଷଶାପସ୍ତଥୈବ ଚ ।
SP0020072 ମେନାୟାଂ ଚ ଯଥୋତ୍ପତ୍ତିର୍ୟଥା ଦେବ୍ୟାଃ ସ୍ୱୟଂବରମ୍ ॥

SP0020081 ଦେବାନାଂ ବରଦାନଂ ଚ ବସିଷ୍ଠସ୍ୟ ଚ ଧୀମତଃ ।
SP0020082 ପରାଶରସ୍ୟ ଚୋତ୍ପତ୍ତିର୍ୱ୍ୟାସସ୍ୟ ଚ ମହାତ୍ମନଃ ॥

SP0020091 ବସିଷ୍ଠକୌଶିକାଭ୍ୟାଂ ଚ ବୈରୋଦ୍ଭବସମାପନମ୍ ।
SP0020092 ବାରାଣସ୍ୟାଶ୍ଚ ଶୂନ୍ୟତ୍ୱଂ କ୍ଷେତ୍ରମାହାତ୍ମ୍ୟବର୍ଣନମ୍ ॥

SP0020101 ରୁଦ୍ରସ୍ୟ ଚାତ୍ର ସାଂନିଧ୍ୟଂ ନନ୍ଦିନଶ୍ଚାପ୍ୟନୁଗ୍ରହଃ ।
SP0020102 ଗଣାନାଂ ଦର୍ଶନଂ ଚୈବ କଥନଂ ଚାପ୍ୟଶେଷତଃ ॥

SP0020111 କାଲୀବ୍ୟାହରଣଂ ଚୈବ ତପଶ୍ଚରଣମେବ ଚ ।
SP0020112 ସୋମନନ୍ଦିସମାଖ୍ୟାନଂ ବରଦାନଂ ତଥୈବ ଚ ॥

SP0020121 ଗୌରୀତ୍ୱଂ ପୁତ୍ରଲମ୍ଭଶ୍ଚ ଦେବ୍ୟା ଉତ୍ପତ୍ତିରେବ ଚ ।
SP0020122 କୌଶିକ୍ୟା ଭୂତମାତୃତ୍ୱଂ ସିଂହାଶ୍ଚ ରଥିନସ୍ତଥା ॥

SP0020131 ଗୌର୍ୟାଶ୍ଚ ନିଲୟୋ ବିନ୍ଧ୍ୟେ ବିନ୍ଧ୍ୟସୂର୍ୟସମାଗମଃ ।
SP0020132 ଅଗସ୍ତ୍ୟସ୍ୟ ଚ ମାହାତ୍ମ୍ୟଂ ବଧଃ ସୁନ୍ଦନିସୁନ୍ଦୟୋଃ ॥

SP0020141 ନିସୁମ୍ଭସୁମ୍ଭନିର୍ୟାଣଂ ମହିଷସ୍ୟ ବଧସ୍ତଥା ।
SP0020142 ଅଭିଷେକଶ୍ଚ କୌଶିକ୍ୟା ବରଦାନମଥାପି ଚ ॥

SP0020151 ଅନ୍ଧକସ୍ୟ ତଥୋତ୍ପତ୍ତିଃ ପୃଥିବ୍ୟାଶ୍ଚୈବ ବନ୍ଧନମ୍ ।
SP0020152 ହିରଣ୍ୟାକ୍ଷବଧଶ୍ଚୈବ ହିରଣ୍ୟକଶିପୋସ୍ତଥା ॥

SP0020161 ବଲିସଂୟମନଂ ଚୈବ ଦେବ୍ୟାଃ ସମୟ ଏବ ଚ ।
SP0020162 ଦେବାନାଂ ଗମନଂ ଚୈବ ଅଗ୍ନେର୍ଦୂତତ୍ୱମେବ ଚ ॥

SP0020171 ଦେବାନାଂ ବରଦାନଂ ଚ ଶୁକ୍ରସ୍ୟ ଚ ବିସର୍ଜନମ୍ ।
SP0020172 ସୁତସ୍ୟ ଚ ତଥୋତ୍ପତ୍ତିର୍ଦେବ୍ୟାଶ୍ଚାନ୍ଧକଦର୍ଶନମ୍ ॥

SP0020181 ଶୈଲାଦିଦୈତ୍ୟସମ୍ମର୍ଦୋ ଦେବ୍ୟାଶ୍ଚ ଶତରୂପତା ।
SP0020182 ଆର୍ୟାବରପ୍ରଦାନଂ ଚ ଶୈଲାଦିସ୍ତବ ଏବ ଚ ॥

SP0020191 ଦେବସ୍ୟାଗମନଂ ଚୈବ ବୃତ୍ତସ୍ୟ କଥନଂ ତଥା ।
SP0020192 ପତିବ୍ରତାୟାଶ୍ଚାଖ୍ୟାନଂ ଗୁରୁଶୁଶ୍ରୂଷଣସ୍ୟ ଚ ॥

SP0020201 ଆଖ୍ୟାନଂ ପଞ୍ଚଚୂଡାୟାସ୍ତେଜସଶ୍ଚାପ୍ୟଧୃଷ୍ୟତା ।
SP0020202 ଦୂତସ୍ୟାଗମନଂ ଚୈବ ସଂବାଦୋଽଥ ବିସର୍ଜନମ୍ ॥

SP0020211 ଅନ୍ଧକାସୁରସଂବାଦୋ ମନ୍ଦରାଗମନଂ ତଥା ।
SP0020212 ଗଣାନାମାଗମଶ୍ଚୈବ ସଙ୍ଖ୍ୟାନଶ୍ରବଣଂ ତଥା ॥

SP0020221 ନିଗ୍ରହଶ୍ଚାନ୍ଧକସ୍ୟାଥ ଯୁଦ୍ଧେନ ମହତା ତଥା ।
SP0020222 ଶରୀରାର୍ଧପ୍ରଦାନଂ ଚ ଅଶୋକସୁତସଙ୍ଗ୍ରହଃ ॥

SP0020231 ଭସ୍ମସୋମୋଦ୍ଭବଶ୍ଚୈବ ଶ୍ମଶାନବସତିସ୍ତଥା ।
SP0020232 ରୁଦ୍ରସ୍ୟ ନୀଲକଣ୍ଠତ୍ୱଂ ତଥାୟତନବର୍ଣନମ୍ ॥

SP0020241 ଉତ୍ପତ୍ତିର୍ୟକ୍ଷରାଜସ୍ୟ କୁବେରସ୍ୟ ଚ ଧୀମତଃ ।
SP0020242 ନିଗ୍ରହୋ ଭୁଜଗେନ୍ଦ୍ରାଣାଂ ଶିଖରସ୍ୟ ଚ ପାତନମ୍ ॥

SP0020251 ତ୍ରୈଲୋକ୍ୟସ୍ୟ ସଶକ୍ରସ୍ୟ ବଶୀକରଣମେବ ଚ ।
SP0020252 ଦେବସେନାପ୍ରଦାନଂ ଚ ସେନାପତ୍ୟାଭିଷେଚନମ୍ ॥

SP0020261 ନାରଦସ୍ୟାଗମଶ୍ଚୈବ ତାରକପ୍ରେଷିତସ୍ୟ ହ ।
SP0020262 ବଧଶ୍ଚ ତାରକସ୍ୟୋଗ୍ରୋ ଯାତ୍ରା ଭଦ୍ରବଟସ୍ୟ ଚ ॥

SP0020271 ମହିଷସ୍ୟ ବଧଶ୍ଚୈବ କ୍ରୌଞ୍ଚସ୍ୟ ଚ ନିବର୍ହଣମ୍ ।
SP0020272 ଶକ୍ତେରୁଦ୍ଧରଣଂ ଚୈବ ତାରକସ୍ୟ ବଧଃ ଶୁଭଃ ॥

SP0020281 ଦେବାସୁରଭୟୋତ୍ପତ୍ତିସ୍ତ୍ରୈପୁରଂ ଯୁଦ୍ଧମେବ ଚ ।
SP0020282 ପ୍ରହ୍ଲାଦବିଗ୍ରହଶ୍ଚୈବ କୃତଘ୍ନାଖ୍ୟାନମେବ ଚ ।
SP0020283 ମହାଭାଗ୍ୟଂ ବ୍ରାହ୍ମଣାନାଂ ବିସ୍ତରେଣ ପ୍ରକୀର୍ତ୍ୟତେ ॥

SP0020291 ଏତଜ୍ଜ୍ଞାତ୍ୱା ଯଥାବଦ୍ଧି କୁମାରାନୁଚରୋ ଭବେତ୍ ।
SP0020292 ବଲବାନ୍ମତିସମ୍ପନ୍ନଃ ପୁତ୍ରଂ ଚାପ୍ନୋତି ସମ୍ମତମ୍ ॥

SP0029999 ଇତି ସ୍କନ୍ଦପୁରାଣେ ଦ୍ୱିତୀୟୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୩
SP0030010 ସନତ୍କୁମାର ଉବାଚ ।
SP0030011 ଶୃଣୁଷ୍ୱେମାଂ କଥାଂ ଦିବ୍ୟାଂ ସର୍ୱପାପପ୍ରଣାଶନୀମ୍ ।
SP0030012 କଥ୍ୟମାନାଂ ମୟା ଚିତ୍ରାଂ ବହ୍ୱର୍ଥାଂ ଶ୍ରୁତିସମ୍ମିତାମ୍ ।
SP0030013 ଯାଂ ଶ୍ରୁତ୍ୱା ପାପକର୍ମାପି ଗଚ୍ଛେଚ୍ଚ ପରମାଂ ଗତିମ୍ ॥

SP0030021 ନ ନାସ୍ତିକାଶ୍ରଦ୍ଦଧାନେ ଶଠେ ଚାପି କଥଞ୍ଚନ ।
SP0030022 ଇମାଂ କଥାମନୁବ୍ରୂୟାତ୍ତଥା ଚାସୂୟକେ ନରେ ॥

SP0030031 ଇଦଂ ପୁତ୍ରାୟ ଶିଷ୍ୟାୟ ଧାର୍ମିକାୟାନସୂୟବେ ।
SP0030032 କଥନୀୟଂ ମହାବ୍ରହ୍ମନ୍ଦେବଭକ୍ତାୟ ବା ଭବେତ୍ ।
SP0030033 କୁମାରଭକ୍ତାୟ ତଥା ଶ୍ରଦ୍ଦଧାନାୟ ଚୈବ ହି ॥

SP0030041 ପୁରା ବ୍ରହ୍ମା ପ୍ରଜାଧ୍ୟକ୍ଷଃ ଅଣ୍ଡେଽସ୍ମିନ୍ସମ୍ପ୍ରସୂୟତେ ।
SP0030042 ସୋଽଜ୍ଞାନାତ୍ପିତରଂ ବ୍ରହ୍ମା ନ ବେଦ ତମସାବୃତଃ ॥

SP0030051 ଅହମେକ ଇତି ଜ୍ଞାତ୍ୱା ସର୍ୱା/ଲ୍ଲୋକାନବୈକ୍ଷତ ।
SP0030052 ନ ଚାପଶ୍ୟତ ତତ୍ରାନ୍ୟଂ ତପୋୟୋଗବଲାନ୍ୱିତଃ ॥

SP0030061 ପୁତ୍ର ପୁତ୍ରେତି ଚାପ୍ୟୁକ୍ତୋ ବ୍ରହ୍ମା ଶର୍ୱେଣ ଧୀମତା ।
SP0030062 ପ୍ରଣତଃ ପ୍ରାଞ୍ଜଲିର୍ଭୂତ୍ୱା ତମେବ ଶରଣଂ ଗତଃ ॥

SP0030071 ସ ଦତ୍ତ୍ୱା ବ୍ରହ୍ମଣେ ଶମ୍ଭୁଃ ସ୍ରଷ୍ଟୃତ୍ୱଂ ଜ୍ଞାନସଂହିତମ୍ ।
SP0030072 ବିଭୁତ୍ୱଂ ଚୈବ ଲୋକାନାମନ୍ତର୍ଧେ ପରମେଶ୍ୱରଃ ॥

SP0030081 ତଦେଷୋପନିଷତ୍ପ୍ରୋକ୍ତା ମୟା ବ୍ୟାସ ସନାତନା ।
SP0030082 ଯାଂ ଶ୍ରୁତ୍ୱା ଯୋଗିନୋ ଧ୍ୟାନାତ୍ପ୍ରପଦ୍ୟନ୍ତେ ମହେଶ୍ୱରମ୍ ॥

SP0030091 ବ୍ରହ୍ମଂ ଚ ଯୋ ବିଦଧେ ପୁତ୍ରମଗ୍ରେ ଜ୍ଞାନଂ ଚ
ଯଃ ପ୍ରହିଣୋତି ସ୍ମ ତସ୍ମୈ ।
SP0030092 ତମାତ୍ମସ୍ଥଂ ଯେଽନୁପଶ୍ୟନ୍ତି ଧୀରାସ୍ତେଷାଂ
ଶାନ୍ତିଃ ଶାଶ୍ୱତୀ ନେତରେଷାମ୍ ॥

SP0030101 ସ ବ୍ୟାସ ପିତରଂ ଦୃଷ୍ଟ୍ୱା ସ୍ୱଦୀପ୍ତ୍ୟା ପରୟା ଯୁତମ୍ ।
SP0030102 ପୁତ୍ରକାମଃ ପ୍ରଜାହେତୋସ୍ତପସ୍ତୀବ୍ରଂ ଚକାର ହ ॥

SP0030111 ମହତା ଯୋଗତପସା ଯୁକ୍ତସ୍ୟ ସୁମହାତ୍ମନଃ ।
SP0030112 ଅଚିରେଣୈବ କାଲେନ ପିତା ସମ୍ପ୍ରତୁତୋଷ ହ ॥

SP0030121 ଦର୍ଶନଂ ଚାଗମତ୍ତସ୍ୟ ବରଦୋଽସ୍ମୀତ୍ୟୁବାଚ ହ ।
SP0030122 ସ ତୁଷ୍ଟାବ ନତୋ ଭୂତ୍ୱା କୃତ୍ୱା ଶିରସି ଚାଞ୍ଜଲିମ୍ ॥

SP0030131 ନମଃ ପରମଦେବାୟ ଦେବାନାମପି ବେଧସେ ।
SP0030132 ସ୍ରଷ୍ଟ୍ରେ ବୈ ଲୋକତନ୍ତ୍ରାୟ ବ୍ରହ୍ମଣଃ ପତୟେ ନମଃ ॥

SP0030141 ଏକସ୍ମୈ ଶକ୍ତିୟୁକ୍ତାୟ ଅଶକ୍ତିରହିତାୟ ଚ ।
SP0030142 ଅନନ୍ତାୟାପ୍ରମେୟାୟ ଇନ୍ଦ୍ରିୟାବିଷୟାୟ ଚ ॥

SP0030151 ବ୍ୟାପିନେ ବ୍ୟାପ୍ତପୂର୍ୱାୟ ଅଧିଷ୍ଠାତ୍ରେ ପ୍ରଚୋଦିନେ ।
SP0030152 କୃତପ୍ରଚେତନାୟୈବ ତତ୍ତ୍ୱବିନ୍ୟାସକାରିଣେ ॥

SP0030161 ପ୍ରଧାନଚୋଦକାୟୈବ ଗୁଣିନାଂ ଶାନ୍ତିଦାୟ ଚ ।
SP0030162 ଦୃଷ୍ଟିଦାୟ ଚ ସର୍ୱେଷାଂ ସ୍ୱୟଂ ବୈ ଦର୍ଶନାୟ ଚ ॥

SP0030171 ବିଷୟଗ୍ରାହିଣେ ଚୈବ ନିୟମସ୍ୟ ଚ କାରିଣେ ।
SP0030172 ମନସଃ କରଣାନାଂ ଚ ତତ୍ରୈବ ନିୟମସ୍ୟ ଚ ॥

SP0030181 ଭୂତାନାଂ ଗୁଣକର୍ତ୍ରେ ଚ ଶକ୍ତିଦାୟ ତଥୈବ ଚ ।
SP0030182 କର୍ତ୍ରେ ହ୍ୟଣ୍ଡସ୍ୟ ମହ୍ୟଂ ଚ ଅଚିନ୍ତ୍ୟାୟାଗ୍ରଜାୟ ଚ ।
SP0030183 ଅପ୍ରମେୟ ପିତର୍ନିତ୍ୟଂ ପ୍ରୀତୋ ନୋ ଦିଶ ଶକ୍ୱରୀମ୍ ॥

SP0030191 ତସ୍ୟୈବଂ ସ୍ତୁବତୋ ବ୍ୟାସ ଦେବଦେବୋ ମହେଶ୍ୱରଃ ।
SP0030192 ତୁଷ୍ଟୋଽବ୍ରବୀତ୍ସ୍ୱୟଂ ପୁତ୍ରଂ ବ୍ରହ୍ମାଣଂ ପ୍ରଣତଂ ତଥା ॥

SP0030201 ଯସ୍ମାତ୍ତେ ବିଦିତଂ ବତ୍ସ ସୂକ୍ଷ୍ମମେତନ୍ମହାଦ୍ୟୁତେ ।
SP0030202 ତସ୍ମାଦ୍ବ୍ରହ୍ମେତି ଲୋକେଷୁ ନାମ୍ନା ଖ୍ୟାତିଂ ଗମିଷ୍ୟସି ॥

SP0030211 ଯସ୍ମାଚ୍ଚାହଂ ପିତେତ୍ୟୁକ୍ତସ୍ତ୍ୱୟା ବୁଦ୍ଧିମତାଂ ବର ।
SP0030212 ତସ୍ମାତ୍ପିତାମହତ୍ୱଂ ତେ ଲୋକେ ଖ୍ୟାତିଂ ଗମିଷ୍ୟତି ॥

SP0030221 ପ୍ରଜାର୍ଥଂ ଯଚ୍ଚ ତେ ତପ୍ତଂ ତପ ଉଗ୍ରଂ ସୁଦୁଶ୍ଚରମ୍ ।
SP0030222 ତସ୍ମାତ୍ପ୍ରଜାପତିତ୍ୱଂ ତେ ଦଦାନି ପ୍ରୟତାତ୍ମନେ ॥

SP0030231 ଏବମୁକ୍ତ୍ୱା ସ ଦେବେଶୋ ମୂର୍ତିମତ୍ୟୋଽସୃଜତ୍ସ୍ତ୍ରିୟଃ ।
SP0030232 ଯାସ୍ତାଃ ପ୍ରକୃତୟସ୍ତ୍ୱଷ୍ଟୌ ବିଶେଷାଶ୍ଚେନ୍ଦ୍ରିୟୈଃ ସହ ।
SP0030233 ଭାବାଶ୍ଚ ସର୍ୱେ ତେ ଦେବମୁପତସ୍ଥୁଃ ସ୍ୱରୂପିଣଃ ॥

SP0030241 ତାନୁବାଚ ତତୋ ଦେବଃ ପତିର୍ୟୁକ୍ତଃ ସ୍ୱତେଜସା ।
SP0030242 ଏତମଦ୍ୟାଭିଷେକେଣ ସମ୍ପାଦୟତ ମା ଚିରମ୍ ॥

SP0030251 ତାଭିଃ ସ୍ୱଂ ସ୍ୱଂ ସମାଦାୟ ଭାବଂ ଦିବ୍ୟମତର୍କିତମ୍ ।
SP0030252 ଅଭିଷିକ୍ତୋ ବଭୂବେତି ପ୍ରଜାପତିରତିଦ୍ୟୁତିଃ ॥

SP0030261 ତତ୍ରୈବଂ ଯୋଗିନଃ ସୂକ୍ଷ୍ମଂ ଦୃଷ୍ଟ୍ୱା ଦିବ୍ୟେନ ଚକ୍ଷୁଷା ।
SP0030262 ପୁରାଣଂ ଯୋଗତତ୍ତ୍ୱଜ୍ଞା ଗାୟନ୍ତି ତ୍ରିଗୁଣାନ୍ୱିତମ୍ ॥

SP0030271 ରୁଦ୍ରଃ ସ୍ରଷ୍ଟା ହି ସର୍ୱେଷାଂ ଭୂତାନାଂ ତବ ଚ ପ୍ରଭୋ ।
SP0030272 ଅସ୍ମାଭିଶ୍ଚ ଭବାନ୍ସାର୍ଧଂ ଜଗତଃ ସମ୍ପ୍ରବର୍ତକଃ ॥

SP0030281 ସ ଦେବସ୍ତୋଷିତଃ ସମ୍ୟକ୍ପରମୈଶ୍ୱର୍ୟଯୋଗଧୃକ୍ ।
SP0030282 ବ୍ରହ୍ମାଣମଗ୍ରଜଂ ପୁତ୍ରଂ ପ୍ରାଜାପତ୍ୟେଽଭ୍ୟଷେଚୟତ୍ ॥

SP0030291 ଯଃ କୃତ୍ୱା ବହୁବିଧମାର୍ଗୟୋଗୟୁକ୍ତଂ ତତ୍ତ୍ୱାଖ୍ୟଂ
ଜଗଦିଦମାଦରାଦ୍ୟୁୟୋଜ ।
SP0030292 ଦେବାନାଂ ପରମମନନ୍ତୟୋଗୟୁକ୍ତଂ
ମାୟାଭିସ୍ତ୍ରିଭୁବନମନ୍ଧମପ୍ରସାଦମ୍ ॥

SP0030301 ସର୍ୱେଷାଂ ମନସି ସଦାବତିଷ୍ଠମାନୋ ଜାନାନଃ ଶୁଭମଶୁଭଂ
ଚ ଭୂତନାଥଃ ।
SP0030302 ତଂ ଦେବଂ ପ୍ରମଥପତିଂ ପ୍ରଣମ୍ୟ ଭକ୍ତ୍ୟା ନିତ୍ୟଂ ବୈ
ଶରଣମୁପୈମି ସୂକ୍ଷ୍ମସୂକ୍ଷ୍ମମ୍ ॥

SP0039999 ଇତି ସ୍କନ୍ଦପୁରାଣେ ତୃତୀୟୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୪
SP0040010 ସନତ୍କୁମାର ଉବାଚ ।
SP0040011 ପ୍ରାଜାପତ୍ୟଂ ତତୋ ଲବ୍ଧ୍ୱା ପ୍ରଜାଃ ସ୍ରଷ୍ଟୁଂ ପ୍ରଚକ୍ରମେ ।
SP0040012 ପ୍ରଜାସ୍ତାଃ ସୃଜ୍ୟମାନାଶ୍ଚ ନ ବିବର୍ଧନ୍ତି ତସ୍ୟ ହ ॥

SP0040021 ସ କୁର୍ୱାଣସ୍ତଥା ସୃଷ୍ଟିଂ ଶକ୍ତିହୀନଃ ପିତାମହଃ ।
SP0040022 ସୃଷ୍ଟ୍ୟର୍ଥଂ ଭୂୟ ଏବାଥ ତପଶ୍ଚର୍ତୁଂ ପ୍ରଚକ୍ରମେ ॥

SP0040031 ସୃଷ୍ଟିହେତୋସ୍ତପସ୍ତସ୍ୟ ଜ୍ଞାତ୍ୱା ତ୍ରିଭୁବନେଶ୍ୱରଃ ।
SP0040032 ତେଜସା ଜଗଦାବିଶ୍ୟ ଆଜଗାମ ତଦନ୍ତିକମ୍ ।
SP0040033 ସ୍ରଷ୍ଟା ତସ୍ୟ ଜଗନ୍ନାଥୋଽଦର୍ଶୟତ୍ସ୍ୱତନୌ ଜଗତ୍ ॥

SP0040041 ସ୍ୱୟମାଗତ୍ୟ ଦେବେଶୋ ମହାଭୂତପତିର୍ହରଃ ।
SP0040042 ବ୍ୟାପ୍ୟେବ ହି ଜଗତ୍କୃତ୍ସ୍ନଂ ପରମେଣ ସ୍ୱତେଜସା ।
SP0040043 ଶମ୍ଭୁଃ ପ୍ରାହ ବରଂ ବତ୍ସ ଯାଚସ୍ୱେତି ପିତାମହମ୍ ॥

SP0040051 ତଂ ବ୍ରହ୍ମା ଲୋକସୃଷ୍ଟ୍ୟର୍ଥଂ ପୁତ୍ରସ୍ତ୍ୱଂ ମନସାବ୍ରବୀତ୍ ।
SP0040052 ସ ଜ୍ଞାତ୍ୱା ତସ୍ୟ ସଙ୍କଲ୍ପଂ ବ୍ରହ୍ମଣଃ ପରମେଶ୍ୱରଃ ।
SP0040053 ମୂଢୋଽୟମିତି ସଞ୍ଚିନ୍ତ୍ୟ ପ୍ରୋବାଚ ବରଦଃ ସ୍ୱୟମ୍ ॥

SP0040061 ଆଗତଂ ପିତରଂ ମା ତ୍ୱଂ ଯସ୍ମାତ୍ପୁତ୍ରଂ ସମୀହସେ ।
SP0040062 ମନ୍ମୂର୍ତିସ୍ତନୟସ୍ତସ୍ମାଦ୍ଭବିଷ୍ୟତି ମମାଜ୍ଞୟା ॥

SP0040071 ସ ଚ ତେ ପୁତ୍ରତାଂ ଯାତ୍ୱା ମଦୀୟୋ ଗଣନାୟକଃ ।
SP0040072 ରୁଦ୍ରୋ ବିଗ୍ରହବାନ୍ଭୂତ୍ୱା ମୂଢ ତ୍ୱାଂ ବିନୟିଷ୍ୟତି ॥

SP0040081 ସର୍ୱବିଦ୍ୟାଧିପତ୍ୟଂ ଚ ଯୋଗାନାଂ ଚୈବ ସର୍ୱଶଃ ।
SP0040082 ବଲସ୍ୟାଧିପତିତ୍ୱଂ ଚ ଅସ୍ତ୍ରାଣାଂ ଚ ପ୍ରୟୋକ୍ତୃତା ॥

SP0040091 ମୟା ଦତ୍ତାନି ତସ୍ୟାଶୁ ଉପସ୍ଥାସ୍ୟନ୍ତି ସର୍ୱଶଃ ।
SP0040092 ଧନୁଃ ପିନାକଂ ଶୂଲଂ ଚ ଖଡ୍ଗଂ ପରଶୁରେବ ଚ ॥

SP0040101 କମଣ୍ଡଲୁସ୍ତଥା ଦଣ୍ଡଃ ଅସ୍ତ୍ରଂ ପାଶୁପତଂ ତଥା ।
SP0040102 ସଂବର୍ତକାଶନିଶ୍ଚୈବ ଚକ୍ରଂ ଚ ପ୍ରତିସର୍ଗିକମ୍ ।
SP0040103 ଏବଂ ସର୍ୱର୍ଦ୍ଧିସମ୍ପନ୍ନଃ ସୁତସ୍ତେ ସ ଭବିଷ୍ୟତି ॥

SP0040111 ଏବମୁକ୍ତ୍ୱା ଗତେ ତସ୍ମିନ୍ନନ୍ତର୍ଧାନଂ ମହାତ୍ମନି ।
SP0040112 ବ୍ରହ୍ମା ଚକ୍ରେ ତଦା ଚେଷ୍ଟିଂ ପୁତ୍ରକାମଃ ପ୍ରଜାପତିଃ ॥

SP0040121 ସ ଜୁହ୍ୱଞ୍ଛ୍ରମସଂୟୁକ୍ତଃ ପ୍ରତିଘାତସମନ୍ୱିତଃ ।
SP0040122 ସମିଦ୍ୟୁକ୍ତେନ ହସ୍ତେନ ଲଲାଟଂ ପ୍ରମମାର୍ଜ ହ ॥

SP0040131 ସମିତ୍ସଂୟୋଗଜସ୍ତସ୍ୟ ସ୍ୱେଦବିନ୍ଦୁର୍ଲଲାଟଜଃ ।
SP0040132 ପପାତ ଜ୍ୱଲନେ ତସ୍ମିନ୍ଦ୍ୱିଗୁଣଂ ତସ୍ୟ ତେଜସା ॥

SP0040141 ତଦ୍ଧି ମାହେଶ୍ୱରଂ ତେଜଃ ସନ୍ଧିତଂ ବ୍ରହ୍ମଣି ସ୍ରୁତମ୍ ।
SP0040142 ପ୍ରେରିତଂ ଦେବଦେବେନ ନିପପାତ ହବିର୍ଭୁଜି ॥

SP0040151 କ୍ଷଣେ ତସ୍ମିନ୍ମହେଶେନ ସ୍ମୃତ୍ୱା ତଂ ବରମୁତ୍ତମମ୍ ।
SP0040152 ପ୍ରେଷିତୋ ଗଣପୋ ରୁଦ୍ରଃ ସଦ୍ୟ ଏବାଭବତ୍ତଦା ॥

SP0040161 ତଚ୍ଚ ସଂସ୍ୱେଦଜଂ ତେଜଃ ପୂର୍ୱଂ ଜ୍ୱଲନୟୋଜିତମ୍ ।
SP0040162 ଭୂତ୍ୱା ଲୋହିତମାଶ୍ୱେବ ପୁନର୍ନୀଲମଭୂତ୍ତଦା ॥

SP0040171 ନୀଲଲୋହିତ ଇତ୍ୟେବ ତେନାସାବଭବତ୍ପ୍ରଭୁଃ ।
SP0040172 ତ୍ର୍ୟକ୍ଷୋ ଦଶଭୁଜଃ ଶ୍ରୀମାନ୍ବ୍ରହ୍ମାଣଂ ଛାଦୟନ୍ନିବ ॥

SP0040181 ଶର୍ୱାଦ୍ୟୈର୍ନାମଭିର୍ବ୍ରହ୍ମା ତନୂଭିଶ୍ଚ ଜଲାଦିଭିଃ ।
SP0040182 ସ୍ତୁତ୍ୱା ତଂ ସର୍ୱଗଂ ଦେବଂ ନୀଲଲୋହିତମବ୍ୟଯମ୍ ॥

SP0040191 ଜ୍ଞାତ୍ୱା ସର୍ୱସୃଜଂ ପଶ୍ଚାନ୍ମହାଭୂତପ୍ରତିଷ୍ଠିତମ୍ ।
SP0040192 ଅସୃଜଦ୍ୱିବିଧାସ୍ତ୍ୱନ୍ୟାଃ ପ୍ରଜାଃ ସ ଜଗତି ପ୍ରଭୁଃ ॥

SP0040201 ସୋଽପି ଯୋଗଂ ସମାସ୍ଥାୟ ଐଶ୍ୱର୍ୟେଣ ସମନ୍ୱିତଃ ।
SP0040202 ଲୋକାନ୍ସର୍ୱାନ୍ସମାବିଶ୍ୟ ଧାରୟାମାସ ସର୍ୱଦା ॥

SP0040211 ବ୍ରହ୍ମଣୋଽପି ତତଃ ପୁତ୍ରା ଦକ୍ଷଧର୍ମାଦୟଃ ଶୁଭାଃ ।
SP0040212 ଅସୃଜନ୍ତ ପ୍ରଜାଃ ସର୍ୱା ଦେବମାନୁଷସଙ୍କୁଲାଃ ॥

SP0040221 ଅଥ କାଲେନ ମହତା କଲ୍ପେଽତୀତେ ପୁନଃ ପୁନଃ ।
SP0040222 ପ୍ରଜା ଧାରୟତୋ ଯୋଗାଦସ୍ମିନ୍କଲ୍ପ ଉପସ୍ଥିତେ ॥

SP0040231 ପ୍ରତିଷ୍ଠିତାୟାଂ ବାର୍ତ୍ତାୟାଂ ପ୍ରବୃତ୍ତେ ବୃଷ୍ଟିସର୍ଜନେ ।
SP0040232 ପ୍ରଜାସୁ ଚ ବିବୃଦ୍ଧାସୁ ପ୍ରୟାଗେ ଯଜତଶ୍ଚ ହ ॥

SP0040241 ବ୍ରହ୍ମଣଃ ଷଟ୍କୁଲୀୟାସ୍ତେ ଋଷୟଃ ସଂଶିତବ୍ରତାଃ ।
SP0040242 ମରୀଚୟୋଽତ୍ରୟଶ୍ଚୈବ ବସିଷ୍ଠାଃ କ୍ରତବସ୍ତଥା ॥

SP0040251 ଭୃଗବୋଽଶ୍ଣ୍ଗିରସଶ୍ଚୈବ ତପସା ଦଗ୍ଧକିଲ୍ବିଷାଃ ।
SP0040252 ଊଚୁର୍ବ୍ରହ୍ମାଣମଭ୍ୟେତ୍ୟ ସହିତାଃ କର୍ମଣୋଽନ୍ତରେ ॥

SP0040261 ଭଗବନ୍ନନ୍ଧକାରେଣ ମହତା ସ୍ମଃ ସମାବୃତାଃ ।
SP0040262 ଖିନ୍ନା ବିବଦମାନାଶ୍ଚ ନ ଚ ପଶ୍ୟାମ ଯତ୍ପରମ୍ ॥

SP0040271 ଏତଂ ନଃ ସଂଶୟଂ ଦେବ ଚିରଂ ହୃଦି ସମାସ୍ଥିତମ୍ ।
SP0040272 ତ୍ୱଂ ହି ବେତ୍ଥ ଯଥାତତ୍ତ୍ୱଂ କାରଣଂ ପରମଂ ହି ନଃ ॥

SP0040281 କିଂ ପରଂ ସର୍ୱଭୂତାନାଂ ବଲୀୟଶ୍ଚାପି ସର୍ୱତଃ ।
SP0040282 କେନ ଚାଧିଷ୍ଠିତଂ ବିଶ୍ୱଂ କୋ ନିତ୍ୟଃ କଶ୍ଚ ଶାଶ୍ୱତଃ ॥

SP0040291 କଃ ସ୍ରଷ୍ଟା ସର୍ୱଭୂତାନାଂ ପ୍ରକୃତେଶ୍ଚ ପ୍ରବର୍ତକଃ ।
SP0040292 କୋଽସ୍ମାନ୍ସର୍ୱେଷୁ କାର୍ୟେଷୁ ପ୍ରୟୁନକ୍ତି ମହାମନାଃ ॥

SP0040301 କସ୍ୟ ଭୂତାନି ବଶ୍ୟାନି କଃ ସର୍ୱବିନିୟୋଜକଃ ।
SP0040302 କଥଂ ପଶ୍ୟେମ ତଂ ଚୈବ ଏତନ୍ନଃ ଶଂସ ସର୍ୱଶଃ ॥

SP0040311 ଏବମୁକ୍ତସ୍ତତୋ ବ୍ରହ୍ମା ସର୍ୱେଷାମେବ ସଂନିଧୌ ।
SP0040312 ଦେବାନାଂ ଚ ଋଷୀଣାଂ ଚ ଗନ୍ଧର୍ୱୋରଗରକ୍ଷସାମ୍ ॥

SP0040321 ଯକ୍ଷାଣାମସୁରାଣାଂ ଚ ଯେ ଚ କୁତ୍ର ପ୍ରବର୍ତକାଃ ।
SP0040322 ପକ୍ଷିଣାଂ ସପିଶାଚାନାଂ ଯେ ଚାନ୍ୟେ ତତ୍ସମୀପଗାଃ ।
SP0040323 ଉତ୍ଥାୟ ପ୍ରାଞ୍ଜଲିଃ ପ୍ରାହ ରୁଦ୍ରେତି ତ୍ରିଃ ପ୍ଲୁତଂ ବଚଃ ॥

SP0040331 ସ ଚାପି ତପସା ଶକ୍ୟୋ ଦ୍ରଷ୍ଟୁଂ ନାନ୍ୟେନ କେନଚିତ୍ ।
SP0040332 ସ ସ୍ରଷ୍ଟା ସର୍ୱଭୂତାନାଂ ବଲବାଂସ୍ତନ୍ମୟଂ ଜଗତ୍ ।
SP0040333 ତସ୍ୟ ବଶ୍ୟାନି ଭୂତାନି ତେନେଦଂ ଧାର୍ୟତେ ଜଗତ୍ ॥

SP0040341 ତତସ୍ତେ ସର୍ୱଲୋକେଶା ନମଶ୍ଚକ୍ରୁର୍ମହାତ୍ମନେ ॥

SP0040350 ଋଷୟ ଊଚୁଃ ।
SP0040351 କିଂ ତନ୍ମହତ୍ତପୋ ଦେବ ଯେନ ଦୃଶ୍ୟେତ ସ ପ୍ରଭୁଃ ।
SP0040352 ତନ୍ନୋ ବଦସ୍ୱ ଦେବେଶ ବରଦଂ ଚାଭିଧତ୍ସ୍ୱ ନଃ ॥

SP0040360 ପିତାମହ ଉବାଚ ।
SP0040361 ସତ୍ତ୍ରଂ ମହତ୍ସମାସଧ୍ୱଂ ବାଶ୍ଣ୍ମନୋଦୋଷବର୍ଜିତାଃ ।
SP0040362 ଦେଶଂ ଚ ବଃ ପ୍ରବକ୍ଷ୍ୟାମି ଯସ୍ମିନ୍ଦେଶେ ଚରିଷ୍ୟଥ ॥

SP0040371 ତତୋ ମନୋମୟଂ ଚକ୍ରଂ ସ ସୃଷ୍ଟ୍ୱା ତାନୁବାଚ ହ ।
SP0040372 କ୍ଷିପ୍ତମେତନ୍ମୟା ଚକ୍ରମନୁବ୍ରଜତ ମା ଚିରମ୍ ॥

SP0040381 ଯତ୍ରାସ୍ୟ ନେମିଃ ଶୀର୍ୟେତ ସ ଦେଶସ୍ତପସଃ ଶୁଭଃ ।
SP0040382 ତତୋ ମୁମୋଚ ତଚ୍ଚକ୍ରଂ ତେ ଚ ତତ୍ସମନୁବ୍ରଜନ୍ ॥

SP0040391 ତସ୍ୟ ବୈ ବ୍ରଜତଃ କ୍ଷିପ୍ରଂ ଯତ୍ର ନେମିରଶୀର୍ୟତ ।
SP0040392 ନୈମିଶଂ ତତ୍ସ୍ମୃତଂ ନାମ୍ନା ପୁଣ୍ୟଂ ସର୍ୱତ୍ର ପୂଜିତମ୍ ॥

SP0040401 ତତ୍ପୂଜିତଂ ଦେବମନୁଷ୍ୟସିଦ୍ଧୈ ରକ୍ଷୋଭିରୁଗ୍ରୈରୁରଗୈଶ୍ଚ ଦିବ୍ୟୈଃ ।
SP0040402 ଯକ୍ଷୈଃ ସଗନ୍ଧର୍ୱପିଶାଚସଙ୍ଘୈଃ ସର୍ୱାପ୍ସରୋଭିଶ୍ଚ
ଦିତେଃ ସୁତୈଶ୍ଚ ॥

SP0040411 ବିପ୍ରୈଶ୍ଚ ଦାନ୍ତୈଃ ଶମୟୋଗୟୁକ୍ତୈସ୍ତୀର୍ଥୈଶ୍ଚ ସର୍ୱୈରପି
ଚାବନୀଧ୍ରୈଃ ।
SP0040412 ଗନ୍ଧର୍ୱବିଦ୍ୟାଧରଚାରଣୈଶ୍ଚ ସାଧ୍ୟୈଶ୍ଚ ବିଶ୍ୱୈଃ
ପିତୃଭିଃ ସ୍ତୁତଂ ଚ ॥

SP0049999 ଇତି ସ୍କନ୍ଦପୁରାଣେ ଚତୁର୍ଥୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୫
SP0050010 ସନତ୍କୁମାର ଉବାଚ ।
SP0050011 ତନ୍ନୈମିଶଂ ସମାସାଦ୍ୟ ଋଷୟୋ ଦୀପ୍ତତେଜସଃ ।
SP0050012 ଦିବ୍ୟଂ ସତ୍ତ୍ରଂ ସମାସନ୍ତ ମହଦ୍ୱର୍ଷସହସ୍ରିକମ୍ ॥

SP0050021 ଏକାଗ୍ରମନସଃ ସର୍ୱେ ନିର୍ମମା ହ୍ୟନହଙ୍କୃତାଃ ।
SP0050022 ଧ୍ୟାୟନ୍ତୋ ନିତ୍ୟମୀଶେଶଂ ସଦାରତନୟାଗ୍ନୟଃ ॥

SP0050031 ତନ୍ନିଷ୍ଠାସ୍ତତ୍ପରାଃ ସର୍ୱେ ତଦ୍ୟୁକ୍ତାସ୍ତଦପାଶ୍ରୟାଃ ।
SP0050032 ସର୍ୱକ୍ରିୟାଃ ପ୍ରକୁର୍ୱାଣାସ୍ତମେବ ମନସା ଗତାଃ ॥

SP0050041 ତେଷାଂ ତଂ ଭାବମାଲକ୍ଷ୍ୟ ମାତରିଶ୍ୱା ମହାତପାଃ ।
SP0050042 ସର୍ୱପ୍ରାଣିଚରଃ ଶ୍ରୀମାନ୍ସର୍ୱଭୂତପ୍ରବର୍ତକଃ ।
SP0050043 ଦଦୌ ସ ରୂପୀ ଭଗବାନ୍ଦର୍ଶନଂ ସତ୍ତ୍ରିଣାଂ ଶୁଭଃ ॥

SP0050051 ତଂ ତେ ଦୃଷ୍ଟ୍ୱାର୍ଚୟିତ୍ୱା ଚ ମାତରିଶ୍ୱାନମବ୍ୟଯମ୍ ।
SP0050052 ଆସୀନମାସନେ ପୁଣ୍ୟେ ଋଷୟଃ ସଂଶିତବ୍ରତାଃ ।
SP0050053 ପପ୍ରଚ୍ଛୁରୁଦ୍ଭବଂ କୃତ୍ସ୍ନଂ ଜଗତଃ ପ୍ରଲୟଂ ତଥା ॥

SP0050061 ସ୍ଥିତିଂ ଚ କୃତ୍ସ୍ନାଂ ବଂଶାଂଶ୍ଚ ଯୁଗମନ୍ୱନ୍ତରାଣି ଚ ।
SP0050062 ବଂଶାନୁଚରିତଂ କୃତ୍ସ୍ନଂ ଦିବ୍ୟମାନଂ ତଥୈବ ଚ ॥

SP0050071 ଅଷ୍ଟାନାଂ ଦେବୟୋନୀନାମୁତ୍ପତ୍ତିଂ ପ୍ରଲୟଂ ତଥା ।
SP0050072 ପିତୃସର୍ଗଂ ତଥାଶେଷଂ ବ୍ରହ୍ମଣୋ ମାନମେବ ଚ ॥

SP0050081 ଚନ୍ଦ୍ରାଦିତ୍ୟଗତିଂ ସର୍ୱାଂ ତାରାଗ୍ରହଗତିଂ ତଥା ।
SP0050082 ସ୍ଥିତିଂ ସର୍ୱେଶ୍ୱରାଣାଂ ଚ ଦ୍ୱୀପଧର୍ମମଶେଷତଃ ।
SP0050083 ବର୍ଣାଶ୍ରମବ୍ୟବସ୍ଥାନଂ ଯଜ୍ଞାନାଂ ଚ ପ୍ରବର୍ତନମ୍ ॥

SP0050091 ଏତତ୍ସର୍ୱମଶେଷେଣ କଥୟାମାସ ସ ପ୍ରଭୁଃ ।
SP0050092 ଦିବ୍ୟଂ ବର୍ଷସହସ୍ରଂ ଚ ତେଷାଂ ତଦଭିୟାତ୍ତଥା ॥

SP0050101 ଅଥ ଦିବ୍ୟେନ ରୂପେଣ ସାମବାଗ୍ଦିଶ୍ଣ୍ନିରୀକ୍ଷଣା ।
SP0050102 ଯଜୁର୍ଘ୍ରାଣାଥର୍ୱଶିରାଃ ଶବ୍ଦଜିହ୍ୱା ଶୁଭା ସତୀ ॥

SP0050111 ନ୍ୟାୟଶ୍ରୋତ୍ରା ନିରୁକ୍ତତ୍ୱଗୃକ୍ପାଦପଦଗାମିନୀ ।
SP0050112 କାଲବାହୂର୍ୱର୍ଷକରା ଦିବସାଶ୍ଣ୍ଗୁଲିଧାରିଣୀ ॥

SP0050121 କଲାଦିଭିଃ ପର୍ୱଭିଶ୍ଚ ମାସୈଃ କରରୁହୈସ୍ତଥା ।
SP0050122 କଲ୍ପସାଧାରଣା ଦିବ୍ୟା ଶିକ୍ଷାବିଦ୍ୟୋନ୍ନତସ୍ତନୀ ॥

SP0050131 ଛନ୍ଦୋବିଚିତିମଧ୍ୟା ଚ ମୀମାଂସାନାଭିରେବ ଚ ।
SP0050132 ପୁରାଣବିସ୍ତୀର୍ଣକଟିର୍ଧର୍ମଶାସ୍ତ୍ରମନୋରଥା ॥

SP0050141 ଆଶ୍ରମୋରୂର୍ୱର୍ଣଜାନୁର୍ୟଜ୍ଞଗୁଲ୍ଫା ଫଲାଶ୍ଣ୍ଗୁଲିଃ ।
SP0050142 ଲୋକବେଦଶରୀରା ଚ ରୋମଭିଶ୍ଛାନ୍ଦସୈଃ ଶୁଭୈଃ ॥

SP0050151 ଶ୍ରଦ୍ଧାଶୁଭାଚାରବସ୍ତ୍ରା ଯୋଗଧର୍ମାଭିଭାଷିଣୀ ।
SP0050152 ବେଦୀମଧ୍ୟାଦ୍ୱିନିଃସୃତ୍ୟ ପ୍ରବୃତ୍ତା ପରମାମ୍ଭସା ॥

SP0050161 ତସ୍ୟାନ୍ତେଽବଭୃଥେ ପ୍ଲୁତ୍ୟ ବାୟୁନା ସହ ସଙ୍ଗତାଃ ।
SP0050162 ତାମପୃଚ୍ଛନ୍ତ କା ନ୍ୱେଷା ବାୟୁଂ ଦେବଂ ମହାଧିୟମ୍ ॥

SP0050171 ଉବାଚ ସ ମହାତେଜା ଋଷୀନ୍ଧର୍ମାନୁଭାବିତାନ୍ ।
SP0050172 ଶୁଦ୍ଧାଃ ସ୍ଥ ତପସା ସର୍ୱେ ମହାନ୍ଧର୍ମଶ୍ଚ ବଃ କୃତଃ ॥

SP0050181 ଯସ୍ମାଦିୟଂ ନଦୀ ପୁଣ୍ୟା ବ୍ରହ୍ମଲୋକାଦିହାଗତା ।
SP0050182 ଇୟଂ ସରସ୍ୱତୀ ନାମ ବ୍ରହ୍ମଲୋକବିଭୂଷଣା ॥

SP0050191 ପ୍ରଥମଂ ମର୍ତ୍ୟଲୋକେଽସ୍ମିନ୍ୟୁଷ୍ମତ୍ସିଦ୍ଧ୍ୟର୍ଥମାଗତା ।
SP0050192 ନାସ୍ୟାଃ ପୁଣ୍ୟତମା କାଚିତ୍ତ୍ରିଷୁ ଲୋକେଷୁ ବିଦ୍ୟତେ ॥

SP0050200 ଋଷୟ ଊଚୁଃ ।
SP0050201 କଥମେଷା ମହାପୁଣ୍ୟା ପ୍ରବୃତ୍ତା ବ୍ରହ୍ମଲୋକଗା ।
SP0050202 କାରଣଂ କିଂ ଚ ତତ୍ରାସୀଦେତଦିଚ୍ଛାମ ବେଦିତୁମ୍ ॥

SP0050210 ବାୟୁରୁବାଚ ।
SP0050211 ଅତ୍ର ବୋ ବର୍ତୟିଷ୍ୟାମି ଇତିହାସଂ ପୁରାତନମ୍ ।
SP0050212 ବ୍ରହ୍ମଣଶ୍ଚୈବ ସଂବାଦଂ ପୁରା ଯଜ୍ଞସ୍ୟ ଚୈବ ହ ॥

SP0050221 ଯଜ୍ଞୈରିଷ୍ଟ୍ୱା ପୁରା ଦେବୋ ବ୍ରହ୍ମା ଦୀପ୍ତେନ ତେଜସା ।
SP0050222 ଅସୃଜତ୍ସର୍ୱଭୂତାନି ସ୍ଥାବରାଣି ଚରାଣି ଚ ॥

SP0050231 ସ ଦୃଷ୍ଟ୍ୱା ଦୀପ୍ତିମାନ୍ଦେବୋ ଦୀପ୍ତ୍ୟା ପରମୟା ଯୁତଃ ।
SP0050232 ଅବେକ୍ଷମାଣଃ ସ୍ୱା/ଲ୍ଲୋକାଂଶ୍ଚତୁର୍ଭିର୍ମୁଖପଶ୍ଣ୍କଜୈଃ ॥

SP0050241 ଦେବାଦୀନ୍ମନୁଷ୍ୟାଦୀଂଶ୍ଚ ଦୃଷ୍ଟ୍ୱା ଦୃଷ୍ଟ୍ୱା ମହାମନାଃ ।
SP0050242 ଅମନ୍ୟତ ନ ମେଽନ୍ୟୋଽସ୍ତି ସମୋ ଲୋକେ ନ ଚାଧିକଃ ॥

SP0050251 ଯୋଽହମେତାଃ ପ୍ରଜାଃ ସର୍ୱାଃ ସପ୍ତଲୋକପ୍ରତିଷ୍ଠିତାଃ ।
SP0050252 ଦେବମାନୁଷତିର୍ୟକ୍ଷୁ ଗ୍ରସାମି ବିସୃଜାମି ଚ ॥

SP0050261 ଅହଂ ସ୍ରଷ୍ଟା ହି ଭୂତାନାଂ ନାନ୍ୟଃ କଶ୍ଚନ ବିଦ୍ୟତେ ।
SP0050262 ନିୟନ୍ତା ଲୋକକର୍ତା ଚ ନ ମୟାସ୍ତି ସମଃ କ୍ୱଚିତ୍ ॥

SP0050271 ତସ୍ୟୈବଂ ମନ୍ୟମାନସ୍ୟ ଯଜ୍ଞ ଆଗାନ୍ମହାମନାଃ ।
SP0050272 ଉବାଚ ଚୈନଂ ଦୀପ୍ତାତ୍ମା ମୈବଂ ମଂସ୍ଥା ମହାମତେ ।
SP0050273 ଅୟଂ ହି ତବ ସମ୍ମୋହୋ ବିନାଶାୟ ଭବିଷ୍ୟତି ॥

SP0050281 ନ ଯୁକ୍ତମୀଦୃଶଂ ତେଽଦ୍ୟ ସତ୍ତ୍ୱସ୍ଥସ୍ୟାତ୍ମୟୋନିନଃ ।
SP0050282 ସ୍ରଷ୍ଟା ତ୍ୱଂ ଚୈବ ନାନ୍ୟୋଽସ୍ତି ତଥାପି ନ ଯଶସ୍କରମ୍ ॥

SP0050291 ଅହଂ କର୍ତା ହି ଭୂତାନାଂ ଭୁବନସ୍ୟ ତଥୈବ ଚ ।
SP0050292 କରୋମି ନ ଚ ସମ୍ମୋହଂ ଯଥା ତ୍ୱଂ ଦେବ କତ୍ଥସେ ॥

SP0050301 ତମୁବାଚ ତଦା ବ୍ରହ୍ମା ନ ତ୍ୱଂ ଧାରୟିତା ବିଭୋ ।
SP0050302 ଅହମେବ ହି ଭୂତାନାଂ ଧର୍ତା ଭର୍ତା ତଥୈବ ଚ ।
SP0050303 ମୟା ସୃଷ୍ଟାନି ଭୂତାନି ତ୍ୱମେବାତ୍ର ବିମୁହ୍ୟସେ ॥

SP0050311 ଅଥାଗାତ୍ତତ୍ର ସଂବିଗ୍ନୋ ବେଦଃ ପରମଦୀପ୍ତିମାନ୍ ।
SP0050312 ଉବାଚ ଚୈବ ତୌ ବେଦୋ ନୈତଦେବମିତି ପ୍ରଭୁଃ ॥

SP0050321 ଅହଂ ଶ୍ରେଷ୍ଠୋ ମହାଭାଗୌ ନ ବଦାମ୍ୟନୃତଂ କ୍ୱଚିତ୍ ।
SP0050322 ଶୃଣୁଧ୍ୱଂ ମମ ଯଃ କର୍ତା ଭୂତାନାଂ ଯୁବୟୋଶ୍ଚ ହ ॥

SP0050331 ପରମେଶୋ ମହାଦେବୋ ରୁଦ୍ରଃ ସର୍ୱଗତଃ ପ୍ରଭୁଃ ।
SP0050332 ଯେନାହଂ ତବ ଦତ୍ତଶ୍ଚ କୃତସ୍ତ୍ୱଂ ଚ ପ୍ରଜାପତିଃ ॥

SP0050341 ଯଜ୍ଞୋଽୟଂ ଯତ୍ପ୍ରସୂତିଶ୍ଚ ଅଣ୍ଡଂ ଯତ୍ରାସ୍ତି ସଂସ୍ଥିତମ୍ ।
SP0050342 ସର୍ୱଂ ତସ୍ମାତ୍ପ୍ରସୂତଂ ବୈ ନାନ୍ୟଃ କର୍ତାସ୍ତି ନଃ କ୍ୱଚିତ୍ ॥

SP0050351 ତମେବଂବାଦିନଂ ଦେବୋ ବ୍ରହ୍ମା ବେଦମଭାଷତ ।
SP0050352 ଅହଂ ଶ୍ରୁତୀନାଂ ସର୍ୱାସାଂ ନେତା ସ୍ରଷ୍ଟା ତଥୈବ ଚ ॥

SP0050361 ମତ୍ପ୍ରସାଦାଦ୍ଧି ବେଦସ୍ତ୍ୱଂ ଯଜ୍ଞଶ୍ଚାୟଂ ନ ସଂଶୟଃ ।
SP0050362 ମୂଢୌ ଯୁବାମଧର୍ମୋ ବା ଭବଦ୍ଭ୍ୟାମନ୍ୟଥା କୃତଃ ।
SP0050363 ପ୍ରାୟଶ୍ଚିତ୍ତଂ ଚରଧ୍ୱଂ ବଃ କିଲ୍ବିଷାନ୍ମୋକ୍ଷ୍ୟଥସ୍ତତଃ ॥

SP0050371 ଏବମୁକ୍ତେ ତଦା ତେନ ମହାଞ୍ଛବ୍ଦୋ ବଭୂବ ହ ।
SP0050372 ଆଦିତ୍ୟମଣ୍ଡଲାକାରମଦୃଶ୍ୟତ ଚ ମଣ୍ଡଲମ୍ ।
SP0050373 ମହଚ୍ଛବ୍ଦେନ ମହତା ଉପରିଷ୍ଟାଦ୍ୱିୟତ୍ସ୍ଥିତମ୍ ॥

SP0050381 ସ ଚାପି ତସ୍ମାଦ୍ୱିଭ୍ରଷ୍ଟୋ ଭୂତଲଂ ସମୁପାଶ୍ରିତଃ ।
SP0050382 ହିମବତ୍କୁଞ୍ଜମାସାଦ୍ୟ ନାନାବିହଗନାଦିତମ୍ ।
SP0050383 ବ୍ୟୋମଗଶ୍ଚ ଚିରଂ ଭୂତ୍ୱା ଭୂମିଗଃ ସମ୍ବଭୂବ ହ ॥

SP0050391 ତତୋ ବ୍ରହ୍ମା ଦିଶଃ ସର୍ୱା ନିରୀକ୍ଷ୍ୟ ମୁଖପଶ୍ଣ୍କଜୈଃ ।
SP0050392 ଚତୁର୍ଭିର୍ନ ବିୟତ୍ସ୍ଥଂ ତମପଶ୍ୟତ୍ସ ପିତାମହଃ ॥

SP0050401 ସ ମୁଖଂ ପଞ୍ଚମଂ ଦୀପ୍ତମସୃଜନ୍ମୂର୍ଧ୍ନି ସଂସ୍ଥିତମ୍ ।
SP0050402 ତେନାପଶ୍ୟଦ୍ୱିୟତ୍ସ୍ଥଂ ତଂ ସୂର୍ୟାୟୁତସମପ୍ରଭମ୍ ।
SP0050403 ଆଦିତ୍ୟମଣ୍ଡଲାକାରଂ ଶବ୍ଦବଦ୍ଘୋରଦର୍ଶନମ୍ ॥

SP0050411 ତଂ ଦୃଷ୍ଟ୍ୱା ପଞ୍ଚମଂ ତସ୍ୟ ଶିରୋ ବୈ କ୍ରୋଧଜଂ ମହତ୍ ।
SP0050412 ସଂବର୍ତକାଗ୍ନିସଦୃଶଂ ଗ୍ରସିଷ୍ୟତ୍ତମବର୍ଧତ ॥

SP0050421 ବର୍ଧମାନଂ ତଦା ତତ୍ତୁ ବଡବାମୁଖସଂନିଭମ୍ ।
SP0050422 ଦୀପ୍ତିମଚ୍ଛବ୍ଦବଚ୍ଚୈବ ଦେବୋଽସୌ ଦୀପ୍ତମଣ୍ଡଲଃ ॥

SP0050431 ହସ୍ତାଶ୍ଣ୍ଗୁଷ୍ଠନଖେନାଶୁ ବାମେନାବଜ୍ଞୟୈବ ହି ।
SP0050432 ଚକର୍ତ ତନ୍ମହଦ୍ଘୋରଂ ବ୍ରହ୍ମଣଃ ପଞ୍ଚମଂ ଶିରଃ ॥

SP0050441 ଦୀପ୍ତିକୃତ୍ତଶିରାଃ ସୋଽଥ ଦୁଃଖେନୋସ୍ରେଣ ଚାର୍ଦିତଃ ।
SP0050442 ପପାତ ମୂଢଚେତା ବୈ ଯୋଗଧର୍ମବିବର୍ଜିତଃ ॥

SP0050451 ତତଃ ସୁପ୍ତୋତ୍ଥିତ ଇବ ସଞ୍ଜ୍ଞାଂ ଲବ୍ଧ୍ୱା ମହାତପାଃ ।
SP0050452 ମଣ୍ଡଲସ୍ଥଂ ମହାଦେବମସ୍ତୌଷୀଦ୍ଦୀନୟା ଗିରା ॥

SP0050460 ବ୍ରହ୍ମୋବାଚ ।
SP0050461 ନମଃ ସହସ୍ରନେତ୍ରାୟ ଶତନେତ୍ରାୟ ବୈ ନମଃ ।
SP0050462 ନମୋ ବିବୃତବକ୍ତ୍ରାୟ ଶତବକ୍ତ୍ରାୟ ବୈ ନମଃ ॥

SP0050471 ନମଃ ସହସ୍ରବକ୍ତ୍ରାୟ ସର୍ୱବକ୍ତ୍ରାୟ ବୈ ନମଃ ।
SP0050472 ନମଃ ସହସ୍ରପାଦାୟ ସର୍ୱପାଦାୟ ବୈ ନମଃ ॥

SP0050481 ସହସ୍ରପାଣୟେ ଚୈବ ସର୍ୱତଃପାଣୟେ ନମଃ ।
SP0050482 ନମଃ ସର୍ୱସ୍ୟ ସ୍ରଷ୍ଟ୍ରେ ଚ ଦ୍ରଷ୍ଟ୍ରେ ସର୍ୱସ୍ୟ ତେ ନମଃ ॥

SP0050491 ଆଦିତ୍ୟବର୍ଣାୟ ନମଃ ଶିରସଶ୍ଛେଦନାୟ ଚ ।
SP0050492 ସୃଷ୍ଟିପ୍ରଲୟକର୍ତ୍ରେ ଚ ସ୍ଥିତିକର୍ତ୍ରେ ତଥା ନମଃ ॥

SP0050501 ନମଃ ସହସ୍ରଲିଶ୍ଣ୍ଗାୟ ସହସ୍ରଚରଣାୟ ଚ ।
SP0050502 ସଂହାରଲିଶ୍ଣ୍ଗିନେ ଚୈବ ଜଲଲିଶ୍ଣ୍ଗାୟ ବୈ ନମଃ ॥

SP0050511 ଅନ୍ତଶ୍ଚରାୟ ସର୍ୱାୟ ପ୍ରକୃତେଃ ପ୍ରେରଣାୟ ଚ ।
SP0050512 ବ୍ୟାପିନେ ସର୍ୱସତ୍ତ୍ୱାନାଂ ପୁରୁଷପ୍ରେରକାୟ ଚ ॥

SP0050521 ଇନ୍ଦ୍ରିୟାର୍ଥବିଶେଷାୟ ତଥା ନିୟମକାରିଣେ ।
SP0050522 ଭୂତଭବ୍ୟାୟ ଶର୍ୱାୟ ନିତ୍ୟଂ ସତ୍ତ୍ୱବଦାୟ ଚ ॥

SP0050531 ତ୍ୱମେବ ସ୍ରଷ୍ଟା ଲୋକାନାଂ ମନ୍ତା ଦାତା ତଥା ବିଭୋ ।
SP0050532 ଶରଣାଗତାୟ ଦାନ୍ତାୟ ପ୍ରସାଦଂ କର୍ତୁମର୍ହସି ॥

SP0050541 ତସ୍ୟୈବଂ ସ୍ତୁବତଃ ସମ୍ୟଗ୍ଭାବେନ ପରମେଣ ହ ।
SP0050542 ସ ତସ୍ମୈ ଦେବଦେବେଶୋ ଦିବ୍ୟଂ ଚକ୍ଷୁରଦାତ୍ତଦା ॥

SP0050551 ଚକ୍ଷୁଷା ତେନ ସ ତଦା ବ୍ରହ୍ମା ଲୋକପିତାମହଃ ।
SP0050552 ବିମାନେ ସୂର୍ୟସଙ୍କାଶେ ତେଜୋରାଶିମପଶ୍ୟତ ॥

SP0050561 ତସ୍ୟ ମଧ୍ୟାତ୍ତତୋ ବାଚଂ ମହତୀଂ ସମଶୃଣ୍ୱତ ।
SP0050562 ଗମ୍ଭୀରାଂ ମଧୁରାଂ ଯୁକ୍ତାମଥ ସମ୍ପନ୍ନଲକ୍ଷଣାମ୍ ।
SP0050563 ବିଶଦାଂ ପୁତ୍ର ପୁତ୍ରେତି ପୂର୍ୱଂ ଦେବେନ ଚୋଦିତାମ୍ ॥

SP0050571 ସଂସ୍ୱେଦାତ୍ପୁତ୍ର ଉତ୍ପନ୍ନୋ ଯତ୍ତୁଭ୍ୟଂ ନୀଲଲୋହିତଃ ।
SP0050572 ଯଚ୍ଚ ପୂର୍ୱଂ ମୟା ପ୍ରୋକ୍ତସ୍ତ୍ୱଂ ତଦା ସୁତମାର୍ଗଣେ ॥

SP0050581 ମଦୀୟୋ ଗଣପୋ ଯସ୍ତେ ମନ୍ମୂର୍ତିଶ୍ଚ ଭବିଷ୍ୟତି ।
SP0050582 ସ ପ୍ରାପ୍ୟ ପରମଂ ଜ୍ଞାନଂ ମୂଢ ତ୍ୱା ବିନୟିଷ୍ୟତି ॥

SP0050591 ତସ୍ୟେୟଂ ଫଲନିଷ୍ପତ୍ତିଃ ଶିରସଶ୍ଛେଦନଂ ତବ ।
SP0050592 ମୟୈବ କାରିତା ତେନ ନିର୍ୱୃତଶ୍ଚାଧୁନା ଭବ ॥

SP0050601 ତସ୍ୟ ଚୈବୋତ୍ପଥସ୍ଥସ୍ୟ ଯଜ୍ଞସ୍ୟ ତୁ ମହାମତେ ।
SP0050602 ଶିରଶ୍ଛେତ୍ସ୍ୟତ୍ୟସାବେବ କସ୍ମିଂଶ୍ଚିତ୍କାରଣାନ୍ତରେ ।
SP0050603 ସ୍ତବେନାନେନ ତୁଷ୍ଟୋଽସ୍ମି କିଂ ଦଦାନି ଚ ତେଽନଘ ॥

SP0050611 ବାୟୁରୁବାଚ ।
SP0050612 ତତଃ ସ ଭଗବାନ୍ହୃଷ୍ଟଃ ପ୍ରଣମ୍ୟ ଶୁଭୟା ଗିରା ।
SP0050613 ଉବାଚ ପ୍ରାଞ୍ଜଲିର୍ଭୂତ୍ୱା ଲକ୍ଷ୍ୟାଲକ୍ଷ୍ୟଂ ତମୀଶ୍ୱରମ୍ ॥

SP0050621 ଭଗବନ୍ନୈବ ମେ ଦୁଃଖଂ ଦର୍ଶନାତ୍ତେ ପ୍ରବାଧତେ ।
SP0050622 ଇଚ୍ଛାମି ଶିରସୋ ହ୍ୟସ୍ୟ ଧାରଣଂ ସର୍ୱଦା ତ୍ୱୟା ।
SP0050623 ନନୁ ସ୍ମରେୟମେତଚ୍ଚ ଶିରସଶ୍ଛେଦନଂ ବିଭୋ ॥

SP0050631 ଭୂୟଶ୍ଚାଧର୍ମକାର୍ୟେଭ୍ୟସ୍ତ୍ୱୟୈବେଚ୍ଛେ ନିବାରଣମ୍ ।
SP0050632 ତଥା ଚ କୃତ୍ୟମୁଦ୍ଦିଶ୍ୟ ପଶ୍ୟେୟଂ ତ୍ୱା ଯଥାସୁଖମ୍ ॥

SP0050641 ବିଜ୍ଞପ୍ତିଂ ବ୍ରହ୍ମଣଃ ଶ୍ରୁତ୍ୱା ପ୍ରୋବାଚ ଭୁବନେଶ୍ୱରଃ ।
SP0050642 ସ ଏବ ସୁତସଞ୍ଜ୍ଞସ୍ତେ ମନ୍ମୂର୍ତିର୍ନୀଲଲୋହିତଃ ।
SP0050643 ଶିରଶ୍ଛେତ୍ସ୍ୟତି ଯଜ୍ଞସ୍ୟ ବିଭର୍ତ୍ସ୍ୟତି ଶିରଶ୍ଚ ତେ ॥

SP0050651 ଇତ୍ୟୁକ୍ତ୍ୱା ଦେବଦେବେଶସ୍ତତ୍ରୈବାନ୍ତରଧୀୟତ ।
SP0050652 ଗତେ ତସ୍ମିନ୍ମହାଦେବେ ବ୍ରହ୍ମା ଲୋକପିତାମହଃ ।
SP0050653 ସୟଜ୍ଞଃ ସହବେଦଶ୍ଚ ସ୍ୱଂ ଲୋକଂ ପ୍ରତ୍ୟପଦ୍ୟତ ॥

SP0050661 ବାୟୁରୁବାଚ ।
SP0050662 ଯ ଇମଂ ଶୃଣୁୟାନ୍ମର୍ତ୍ୟୋ ଗୁହ୍ୟଂ ବେଦାର୍ଥସମ୍ମିତମ୍ ।
SP0050663 ସ ଦେହଭେଦମାସାଦ୍ୟ ସାୟୁଜ୍ୟଂ ବ୍ରହ୍ମଣୋ ବ୍ରଜେତ୍ ॥

SP0050671 ଯଶ୍ଚେମଂ ପଠତେ ନିତ୍ୟଂ ବ୍ରାହ୍ମଣାନାଂ ସମୀପତଃ ।
SP0050672 ସ ସର୍ୱପାପନିର୍ମୁକ୍ତୋ ରୁଦ୍ରଲୋକେ ମହୀୟତେ ॥

SP0050681 ନାପୁତ୍ରଶିଷ୍ୟଯୋଗିଭ୍ୟ ଇଦମାଖ୍ୟାନମୈଶ୍ୱରମ୍ ।
SP0050682 ଆଖ୍ୟେୟଂ ନାପି ଚାଜ୍ଞାୟ ନ ଶଠାୟ ନ ମାନିନେ ॥

SP0050691 ଇଦଂ ମହଦ୍ଦିବ୍ୟମଧର୍ମଶାସନଂ ପଠେତ୍ସଦା ବ୍ରାହ୍ମଣବୈଦ୍ୟସଂସଦି ।
SP0050692 କୃତାବକାଶୋ ଭବତୀହ ମାନବଃ ଶରୀରଭେଦେ ପ୍ରବିଶେତ୍ପିତାମହମ୍ ॥

SP0059999 ଇତି ସ୍କନ୍ଦପୁରାଣେ ପଞ୍ଚମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୬
SP0060010 ସନତ୍କୁମାର ଉବାଚ ।
SP0060011 ତତଃ ସ ଭଗବାନ୍ଦେବଃ କପର୍ଦୀ ନୀଲଲୋହିତଃ ।
SP0060012 ଆଜ୍ଞୟା ପରମେଶସ୍ୟ ଜଗ୍ରାହ ବ୍ରହ୍ମଣଃ ଶିରଃ ॥

SP0060021 ତଦ୍ଗୃହୀତ୍ୱା ଶିରୋ ଦୀପ୍ତଂ ରୂପଂ ବିକୃତମାସ୍ଥିତଃ ।
SP0060022 ଯୋଗକ୍ରୀଡାଂ ସମାସ୍ଥାୟ ଭୈକ୍ଷାୟ ପ୍ରଚଚାର ହ ॥

SP0060031 ସ ଦେବବେଶ୍ମନି ତଦା ଭିକ୍ଷାର୍ଥମଗମଦ୍ଦ୍ୱିଜାଃ ।
SP0060032 ନ ଚାସ୍ୟ କଶ୍ଚିତ୍ତାଂ ଭିକ୍ଷାମନୁରୂପାମଦାଦ୍ୱିଭୋଃ ॥

SP0060041 ଅଭ୍ୟଗାତ୍ସଙ୍କ୍ରମେଣୈବ ବେଶ୍ମ ବିଷ୍ଣୋର୍ମହାତ୍ମନଃ ।
SP0060042 ତସ୍ୟାତିଷ୍ଠତ ସ ଦ୍ୱାରି ଭିକ୍ଷାମୁଚ୍ଚାରୟଞ୍ଛୁଭାମ୍ ॥

SP0060051 ସ ଦୃଷ୍ଟ୍ୱା ତଦୁପସ୍ଥଂ ତୁ ବିଷ୍ଣୁର୍ୱୈ ଯୋଗଚକ୍ଷୁଷା ।
SP0060052 ଶିରାଂ ଲଲାଟାତ୍ସମ୍ଭିଦ୍ୟ ରକ୍ତଧାରାମପାତୟତ୍ ।
SP0060053 ପପାତ ସା ଚ ବିସ୍ତୀର୍ଣା ଯୋଜନାର୍ଧଶତଂ ତଦା ॥

SP0060061 ତୟା ପତନ୍ତ୍ୟା ବିପ୍ରେନ୍ଦ୍ରା ବହୂନ୍ୟବ୍ଦାନି ଧାରୟା ।
SP0060062 ପିତାମହକପାଲସ୍ୟ ନାର୍ଧମପ୍ୟଭିପୂରିତମ୍ ।
SP0060063 ତମୁବାଚ ତତୋ ଦେବଃ ପ୍ରହସ୍ୟ ବଚନଂ ଶୁଭମ୍ ॥

SP0060071 ସକୃତ୍କନ୍ୟାଃ ପ୍ରଦୀୟନ୍ତେ ସକୃଦଗ୍ନିଶ୍ଚ ଜାୟତେ ।
SP0060072 ସକୃଦ୍ରାଜାନୋ ବ୍ରୁବତେ ସକୃଦ୍ଭିକ୍ଷା ପ୍ରଦୀୟତେ ॥

SP0060081 ତୁଷ୍ଟୋଽସ୍ମି ତବ ଦାନେନ ଯୁକ୍ତେନାନେନ ମାନଦ ।
SP0060082 ବରଂ ବରୟ ଭଦ୍ରଂ ତେ ବରଦୋଽସ୍ମି ତବାଦ୍ୟ ବୈ ॥

SP0060091 ବିଷ୍ଣୁରୁବାଚ ।
SP0060092 ଏଷ ଏବ ବରଃ ଶ୍ଲାଘ୍ୟୋ ଯଦହଂ ଦେବତାଧିପମ୍ ।
SP0060093 ପଶ୍ୟାମି ଶଙ୍କରଂ ଦେବମୁଗ୍ରଂ ଶର୍ୱଂ କପର୍ଦିନମ୍ ॥

SP0060101 ଦେବଶ୍ଛାୟାଂ ତତୋ ବୀକ୍ଷ୍ୟ କପାଲସ୍ଥେ ତଦା ରସେ ।
SP0060102 ସସର୍ଜ ପୁରୁଷଂ ଦୀପ୍ତଂ ବିଷ୍ଣୋଃ ସଦୃଶମୂର୍ଜିତମ୍ ॥

SP0060111 ତମାହାଥାକ୍ଷୟଶ୍ଚାସି ଅଜରାମର ଏବ ଚ ।
SP0060112 ଯୁଦ୍ଧେଷୁ ଚାପ୍ରତିଦ୍ୱନ୍ଦ୍ୱୀ ସଖା ବିଷ୍ଣୋରନୁତ୍ତମଃ ।
SP0060113 ଦେବକାର୍ୟକରଃ ଶ୍ରୀମାନ୍ସହାନେନ ଚରସ୍ୱ ଚ ॥

SP0060121 ନାରାସୁ ଜନ୍ମ ଯସ୍ମାତ୍ତେ ବିଷ୍ଣୁଦେହୋଦ୍ଭବାସୁ ଚ ।
SP0060122 ନରସ୍ତସ୍ମାଦ୍ଧି ନାମ୍ନା ତ୍ୱଂ ପ୍ରିୟଶ୍ଚାସ୍ୟ ଭବିଷ୍ୟସି ॥

SP0060130 ବାୟୁରୁବାଚ ।
SP0060131 ତଂ ତଦାଶ୍ୱାସ୍ୟ ନିକ୍ଷିପ୍ୟ ନରଂ ବିଷ୍ଣୋଃ ସ୍ୱୟଂ ପ୍ରଭୁଃ ।
SP0060132 ଅଗମଦ୍ବ୍ରହ୍ମସଦନଂ ତୌ ଚାବିବିଶତୁର୍ଗୃହମ୍ ॥

SP0060141 ଯ ଇଦଂ ନରଜନ୍ମେହ ଶୃଣୁୟାଦ୍ୱା ପଠେତ ବା ।
SP0060142 ସ କୀର୍ତ୍ୟା ପରୟା ଯୁକ୍ତୋ ବିଷ୍ଣୁଲୋକେ ମହୀୟତେ ॥

SP0069999 ଇତି ସ୍କନ୍ଦପୁରାଣେ ଷଷ୍ଠୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୭
SP0070010 ବାୟୁରୁବାଚ ।
SP0070011 ବ୍ରହ୍ମଲୋକଂ ସମାସାଦ୍ୟ ଭଗବାନ୍ସର୍ୱଲୋକପଃ ।
SP0070012 ଭୈକ୍ଷ୍ୟଂ ଭୈକ୍ଷ୍ୟମିତି ପ୍ରୋଚ୍ୟ ଦ୍ୱାରେ ସମବତିଷ୍ଠତ ॥

SP0070021 ତଂ ଦୃଷ୍ଟ୍ୱା ବିକୃତଂ ବ୍ରହ୍ମା କପାଲକରଭୂଷଣମ୍ ।
SP0070022 ଜ୍ଞାତ୍ୱା ଯୋଗେନ ମହତା ତୁଷ୍ଟାବ ଭୁବନେଶ୍ୱରମ୍ ॥

SP0070031 ତସ୍ୟ ତୁଷ୍ଟସ୍ତଦା ଦେବୋ ବରଦୋଽସ୍ମୀତ୍ୟଭାଷତ ।
SP0070032 ବୃଣୀଷ୍ୱ ବରମବ୍ୟଗ୍ରୋ ଯସ୍ତେ ମନସି ବର୍ତତେ ॥

SP0070040 ବ୍ରହ୍ମୋବାଚ ।
SP0070041 ଇଚ୍ଛାମି ଦେବଦେବେଶ ତ୍ୱୟା ଚିହ୍ନମିଦଂ କୃତମ୍ ।
SP0070042 ଯେନ ଚିହ୍ନେନ ଲୋକୋଽୟଂ ଚିହ୍ନିତଃ ସ୍ୟାଜ୍ଜଗତ୍ପତେ ॥

SP0070051 ତସ୍ୟ ତଦ୍ୱଚନଂ ଶ୍ରୁତ୍ୱା ଭଗବାନ୍ୱଦତାଂ ବରଃ ।
SP0070052 ସର୍ୱଶ୍ରୁତିମୟଂ ବ୍ରହ୍ମ ଓମିତି ବ୍ୟାଜହାର ହ ॥

SP0070061 ଶମ୍ଭୋର୍ୱ୍ୟାହାରମାତ୍ରେଣ ବାଗିୟଂ ଦିବ୍ୟରୂପିଣୀ ।
SP0070062 ନିଃସୃତା ବଦନାଦ୍ଦେବୀ ପ୍ରହ୍ୱା ସମବତିଷ୍ଠତ ॥

SP0070071 ତାମୁବାଚ ତଦା ଦେବୋ ବାଚା ସଞ୍ଜୀବୟନ୍ନିବ ।
SP0070072 ଯସ୍ମାତ୍ତ୍ୱମକ୍ଷରୋ ଭୂତ୍ୱା ମମ ବାଚୋ ବିନିଃସୃତା ।
SP0070073 ସର୍ୱବିଦ୍ୟାଧିଦେବୀ ତ୍ୱଂ ତସ୍ମାଦ୍ଦେବି ଭବିଷ୍ୟସି ॥

SP0070081 ଯସ୍ମାଦ୍ବ୍ରହ୍ମସରଶ୍ଚେଦଂ ମୁଖଂ ମମ ସମାଶ୍ରିତା ।
SP0070082 ତସ୍ମାତ୍ସରସ୍ୱତୀତ୍ୟେବ ଲୋକେ ଖ୍ୟାତିଂ ଗମିଷ୍ୟସି ॥

SP0070091 ଇମଂ ଲୋକଂ ବରାମ୍ଭୋଭିଃ ପାବୟିତ୍ୱା ଚ ସୁପ୍ରଭେ ।
SP0070092 ସର୍ୱା/ଲ୍ଲୋକାଂସ୍ତାରୟିତ୍ରୀ ପୁନସ୍ତ୍ୱଂ ନାତ୍ର ସଂଶୟଃ ॥

SP0070101 ଯଜ୍ଞଭାଗଂ ଚ ଦେବାସ୍ତେ ଦାସ୍ୟନ୍ତି ସପିତାମହାଃ ।
SP0070102 ପୁଣ୍ୟା ଚ ସର୍ୱସରିତାଂ ଭବିଷ୍ୟସି ନ ସଂଶୟଃ ॥

SP0070111 ତତଃ ସା ସମନୁଜ୍ଞାତା ଶଙ୍କରେଣ ବିଭାବିନୀ ।
SP0070112 ଚକ୍ରେ ବ୍ରହ୍ମସରଃ ପୁଣ୍ୟଂ ବ୍ରହ୍ମଲୋକେଽତିପାବନମ୍ ॥

SP0070121 ତୋୟାମୃତସୁସମ୍ପୂର୍ଣଂ ସ୍ୱର୍ଣପଦ୍ମୋପଶୋଭିତମ୍ ।
SP0070122 ନାନାପକ୍ଷିଗଣାକୀର୍ଣଂ ମୀନସଙ୍କ୍ଷୋଭିତୋଦକମ୍ ।
SP0070123 ତତୋ ବିନିଃସୃତା ଭୂୟଃ ସେମଂ ଲୋକମପାବୟତ୍ ॥

SP0070131 ତଂ ଗୃହୀତ୍ୱା ମହାଦେବଃ କପାଲମମିତୌଜସମ୍ ।
SP0070132 ଇମଂ ଲୋକମନୁପ୍ରାପ୍ୟ ଦେଶେ ଶ୍ରେଷ୍ଠେଽବତିଷ୍ଠତ ॥

SP0070141 ତତ୍ର ତଚ୍ଚ ମହଦ୍ଦିବ୍ୟଂ କପାଲଂ ଦେବତାଧିପଃ ।
SP0070142 ସ୍ଥାପୟାମାସ ଦୀପ୍ତାର୍ଚିର୍ଗଣାନାମଗ୍ରତଃ ପ୍ରଭୁଃ ॥

SP0070151 ତତ୍ସ୍ଥାପିତମଥୋ ଦୃଷ୍ଟ୍ୱା ଗଣାଃ ସର୍ୱେ ମହାତ୍ମନଃ ।
SP0070152 ଅନଦନ୍ସୁମହାନାଦଂ ନାଦୟନ୍ତୋ ଦିଶୋ ଦଶ ।
SP0070153 କ୍ଷୁବ୍ଧାର୍ଣବାଶନିପ୍ରଖ୍ୟଂ ନଭୋ ଯେନ ବ୍ୟଶୀର୍ୟତ ॥

SP0070161 ତେନ ଶବ୍ଦେନ ଘୋରେଣ ଅସୁରୋ ଦେବକଣ୍ଟକଃ ।
SP0070162 ହାଲାହଲ ଇତି ଖ୍ୟାତସ୍ତଂ ଦେଶଂ ସୋଽଭ୍ୟଗଚ୍ଛତ ॥

SP0070171 ଅମୃଷ୍ୟମାଣଃ କ୍ରୋଧାନ୍ଧୋ ଦୁରାତ୍ମା ଯଜ୍ଞନାଶକଃ ।
SP0070172 ବ୍ରହ୍ମଦତ୍ତବରଶ୍ଚୈବ ଅବଧ୍ୟଃ ସର୍ୱଜନ୍ତୁଭିଃ ।
SP0070173 ମହିଷଶ୍ଛନ୍ନରୂପାଣାମସୁରାଣାଂ ଶତୈର୍ୱୃତଃ ॥

SP0070181 ତମାପତନ୍ତଂ ସକ୍ରୋଧଂ ମହିଷଂ ଦେବକଣ୍ଟକମ୍ ।
SP0070182 ସମ୍ପ୍ରେକ୍ଷ୍ୟାହ ଗଣାଧ୍ୟକ୍ଷୋ ଗଣାନ୍ସର୍ୱାନ୍ପିନାକିନଃ ॥

SP0070191 ଦୈତ୍ୟୋଽୟଂ ଗଣପା ଦୁଷ୍ଟସ୍ତ୍ରୈଲୋକ୍ୟସୁରକଣ୍ଟକଃ ।
SP0070192 ଆୟାତି ତ୍ୱରିତୋ ଯୂୟଂ ତସ୍ମାଦେନଂ ନିହନ୍ୟଥ ॥

SP0070201 ତତସ୍ତେ ଗଣପାଃ ସର୍ୱେ ସମାୟାନ୍ତଂ ସୁରଦ୍ୱିଷମ୍ ।
SP0070202 ଭିତ୍ତ୍ୱା ଶୂଲେନ ସଙ୍କ୍ରୁଦ୍ଧା ବିଗତାସୁଂ ଚ ଚକ୍ରିରେ ॥

SP0070211 ହତେ ତସ୍ମିଂସ୍ତଦା ଦେବୋ ଦିଶଃ ସର୍ୱା ଅବୈକ୍ଷତ ।
SP0070212 ତାଭ୍ୟଃ ପିଶାଚା ବୃତ୍ତାସ୍ୟାଃ ପିଶାଚ୍ୟଶ୍ଚ ମହାବଲାଃ ।
SP0070213 ଅଭ୍ୟଗଚ୍ଛନ୍ତ ଦେବେଶଂ ତାଭ୍ୟସ୍ତଂ ବିନିବେଦୟତ୍ ॥

SP0070221 ସ ତାଭିରୁପୟୁକ୍ତଶ୍ଚ ବିନିୟୁକ୍ତଶ୍ଚ ସର୍ୱଶଃ ।
SP0070222 ତମେବ ଚାପ୍ୟଥାବାସଂ ଦେବାଦିଷ୍ଟଂ ପ୍ରପେଦିରେ ॥

SP0070231 ଭକ୍ଷୟନ୍ତି ସ୍ମ ମହିଷଂ ମିତ୍ୱା ମିତ୍ୱା ଯତସ୍ତୁ ତାଃ ।
SP0070232 କପାଲମାତରଃ ପ୍ରୋକ୍ତାସ୍ତସ୍ମାଦ୍ଦେବେନ ଧୀମତା ॥

SP0070241 କପାଲଂ ସ୍ଥାପିତଂ ଯସ୍ମାତ୍ତସ୍ମିନ୍ଦେଶେ ପିନାକିନା ।
SP0070242 ମହାକପାଲଂ ତତ୍ତସ୍ମାତ୍ତ୍ରିଷୁ ଲୋକେଷୁ ଗଦ୍ୟତେ ॥

SP0070251 ସ୍ଥାପିତସ୍ୟ କପାଲସ୍ୟ ଯଥୋକ୍ତମଭବତ୍ତଦା ।
SP0070252 ଖ୍ୟାତଂ ଶିବତଡାଗଂ ତତ୍ସର୍ୱପାପପ୍ରମୋଚନମ୍ ॥

SP0070261 ଆଗତ୍ୟାଥ ତତୋ ବ୍ରହ୍ମା ଦେବତାନାଂ ଗଣୈର୍ୱୃତଃ ।
SP0070262 କପର୍ଦିନମୁପାମନ୍ତ୍ର୍ୟ ତଂ ଦେଶଂ ସୋଽନ୍ୱଗୃହ୍ଣତ ॥

SP0070271 ଅର୍ଧୟୋଜନବିସ୍ତୀର୍ଣଂ କ୍ଷେତ୍ରମେତତ୍ସମନ୍ତତଃ ।
SP0070272 ଭବିଷ୍ୟତି ନ ସନ୍ଦେହଃ ସିଦ୍ଧକ୍ଷେତ୍ରଂ ମହାତ୍ମନଃ ॥

SP0070281 ଶ୍ମେତି ହି ପ୍ରୋଚ୍ୟତେ ପାପଂ କ୍ଷୟଂ ଶାନଂ ବିଦୁର୍ବୁଧାଃ ।
SP0070282 ଧ୍ୟାନେନ ନିୟମୈଶ୍ଚୈବ ଶ୍ମଶାନଂ ତେନ ସଞ୍ଜ୍ଞିତମ୍ ।
SP0070283 ଗୁହ୍ୟଂ ଦେବାତିଦେବସ୍ୟ ପରଂ ପ୍ରିୟମନୁତ୍ତମମ୍ ॥

SP0070291 ଏବଂ ତତ୍ର ନରଃ ପାପଂ ସର୍ୱମେବ ପ୍ରହାସ୍ୟତି ।
SP0070292 ତ୍ରିରାତ୍ରୋପୋଷିତଶ୍ଚୈବ ଅର୍ଚୟିତ୍ୱା ବୃଷଧ୍ୱଜମ୍ ।
SP0070293 ରାଜସୂୟାଶ୍ୱମେଧାଭ୍ୟାଂ ଫଲଂ ଯତ୍ତଦବାପ୍ସ୍ୟତି ॥

SP0070301 ଯଶ୍ଚ ପ୍ରାଣାନ୍ପ୍ରିୟାଂସ୍ତତ୍ର ପରିତ୍ୟକ୍ଷ୍ୟତି ମାନବଃ ।
SP0070302 ସ ଗୁହ୍ୟଗଣଦେବାନାଂ ସମତାଂ ସମବାପ୍ସ୍ୟତି ॥

SP0070311 ବାୟୁରୁବାଚ ।
SP0070312 ତତଃ ସ ତତ୍ର ସଂସ୍ଥାପ୍ୟ ଦେବସ୍ୟାର୍ଚାଦ୍ୱୟଂ ଶୁଭମ୍ ।
SP0070313 ଶୂଲେଶ୍ୱରଂ ମହାକାୟଂ ରୁଦ୍ରସ୍ୟାୟତନଂ ଶୁଭମ୍ ॥

SP0070321 ତତ୍ରାଭିଗମନାଦେବ କୃତ୍ୱା ପାପସ୍ୟ ସଙ୍କ୍ଷୟମ୍ ।
SP0070322 ରୁଦ୍ରଲୋକମବାପ୍ନୋତି ସ ପ୍ରାହୈବଂ ପିତାମହଃ ॥

SP0070331 ଯତ୍ର ଚାପି ଶିରସ୍ତସ୍ୟ ଚିଚ୍ଛେଦ ଭୁବନେଶ୍ୱରଃ ।
SP0070332 କଶ୍ମୀରଃ ସୋଽଭବନ୍ନାମ୍ନା ଦେଶଃ ପୁଣ୍ୟତମଃ ସଦା ॥

SP0070341 ତତୋ ଦେବଃ ସହ ଗଣୈ ରୂପଂ ବିକୃତମାସ୍ଥିତଃ ।
SP0070342 ପଶ୍ୟତାଂ ସର୍ୱଦେବାନାମନ୍ତର୍ଧାନମଗାତ୍ପ୍ରଭୁଃ ॥

SP0070351 ଗତେ ଚ ଦେବନାଥେଽଥ କପାଲସ୍ଥାନମବ୍ୟଯମ୍ ।
SP0070352 ସର୍ୱତୀର୍ଥାଭିଷେକସ୍ୟ ଫଲେନ ସମୟୋଜୟତ୍ ॥

SP0070361 ତଦଦ୍ୟାପି ମହଦ୍ଦିବ୍ୟଂ ସରସ୍ତତ୍ର ପ୍ରଦୃଶ୍ୟତେ ।
SP0070362 ମହାକପାଲଂ ବିପ୍ରେନ୍ଦ୍ରାଃ ସ୍ୱର୍ଗାସ୍ତତ୍ରାକ୍ଷୟାଃ ସ୍ମୃତାଃ ॥

SP0070371 ଇଦଂ ଶୁଭଂ ଦିବ୍ୟମଧର୍ମନାଶନଂ ମହାଫଲଂ ସେନ୍ଦ୍ରସୁରାସୁରାର୍ଚିତମ୍ ।
SP0070372 ମହାକପାଲଂ ପ୍ରକୃତୋପଦର୍ଶନଂ ସୁରେଶଲୋକାଦିବିଗାହନେ ହିତମ୍ ॥

SP0070381 ତପୋଧନୈଃ ସିଦ୍ଧଗଣୈଶ୍ଚ ସଂସ୍ତୁତଂ ଦିବିଷ୍ଠତୁଲ୍ୟଦ୍ୱିଜରାଜମଣ୍ଡଲେ ।
SP0070382 ପଠେନ୍ନରୋ ଯଃ ଶୃଣୁୟାଚ୍ଚ ସର୍ୱଦା ତ୍ରିପିଷ୍ଟପଂ ଗଚ୍ଛତି
ସୋଽଭିନନ୍ଦିତଃ ॥

SP0079999 ଇତି ସ୍କନ୍ଦପୁରାଣେ ସପ୍ତମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୮
SP0080010 ବାୟୁରୁବାଚ ।
SP0080011 ଏବମେଷା ଭଗବତୀ ବ୍ରହ୍ମଲୋକାନୁସାରିଣୀ ।
SP0080012 ଯୁଷ୍ମାକଂ ଧର୍ମସିଦ୍ଧ୍ୟର୍ଥଂ ବେଦୀମଧ୍ୟାଦ୍ୱ୍ୟବର୍ତତ ॥

SP0080020 ସନତ୍କୁମାର ଉବାଚ ।
SP0080021 ଏବଂ ତେଷାଂ ସମାପ୍ତେଽଥ ସତ୍ତ୍ରେ ବର୍ଷସହସ୍ରିକେ ।
SP0080022 ପ୍ରବୃତ୍ତାୟାଂ ସରସ୍ୱତ୍ୟାମଗାତ୍ତତ୍ର ପିତାମହଃ ॥

SP0080030 ବ୍ରହ୍ମୋବାଚ ।
SP0080031 ଭୂୟୋଽନ୍ୟେନ ହ ସତ୍ତ୍ରେଣ ଯଜଧ୍ୱଂ ଦେବମୀଶ୍ୱରମ୍ ।
SP0080032 ଯଦା ବୋ ଭବିତା ବିଘ୍ନଂ ତଦା ନିଷ୍କଲ୍ମଷଂ ତପଃ ॥

SP0080041 ବିଘ୍ନଂ ତଚ୍ଚୈବ ସନ୍ତୀର୍ୟ ତପସ୍ତପ୍ତ୍ୱା ଚ ଭାସ୍ୱରମ୍ ।
SP0080042 ଯୋଗଂ ପ୍ରାପ୍ୟ ମହଦ୍ୟୁକ୍ତାସ୍ତତୋ ଦ୍ରକ୍ଷ୍ୟଥ ଶଙ୍କରମ୍ ॥

SP0080051 ତଥେତ୍ୟୁକ୍ତ୍ୱା ଗତେ ତସ୍ମିନ୍ସତ୍ତ୍ରାଣ୍ୟାଜହ୍ରିରେ ତଦା ।
SP0080052 ବହୂନି ବିବିଧାକାରାଣ୍ୟଭିୟୁକ୍ତା ମହାବ୍ରତାଃ ॥

SP0080061 ନିଃସୋମାଂ ପୃଥିବୀଂ କୃତ୍ୱା କୃତ୍ସ୍ନାମେତାଂ ତତୋ ଦ୍ୱିଜାଃ ।
SP0080062 ରାଜାନଂ ସୋମମାନାୟ୍ୟ ଅଭିଷେକ୍ତୁମିୟେଷିରେ ॥

SP0080071 ଅଥ ସୋଽପି କୃତାତିଥ୍ୟଃ ଅଦୃଶ୍ୟେନ ଦୁରାତ୍ମନା ।
SP0080072 ସ୍ୱର୍ଭାନୁନା ହୃତଃ ସୋମସ୍ତତସ୍ତେ ଦୁଃଖିତାଭବନ୍ ॥

SP0080081 ତେ ଗତ୍ୱା ମୁନୟଃ ସର୍ୱେ କଲାପଗ୍ରାମବାସିନଃ ।
SP0080082 ପୁରୂରବସମାନୀୟ ରାଜାନଂ ତେଽଭ୍ୟଷେଚୟନ୍ ॥

SP0080091 ଊଚୁଶ୍ଚୈନଂ ମହାଭାଗା ହୃତଃ ସୋମୋ ହି ନଃ ପ୍ରଭୋ ।
SP0080092 କେନାପି ତଦ୍ଭବାନ୍କ୍ଷିପ୍ରମିହାନୟତୁ ମା ଚିରମ୍ ॥

SP0080101 ସ ଏବମୁକ୍ତୋ ମୃଗୟନ୍ନ ତମାସାଦୟତ୍ପ୍ରଭୁଃ ।
SP0080102 ଉବାଚ ସ ତଦା ବିପ୍ରାନ୍ପ୍ରଣମ୍ୟ ଭୟପୀଡିତଃ ॥

SP0080111 ପରମଂ ଯତ୍ନମାସ୍ଥାୟ ମୟା ସୋମୋଽଭିମାର୍ଗିତଃ ।
SP0080112 ନ ଚ ତଂ ବେଦ୍ମି କେନାସୌ କ୍ୱ ବା ନୀତ ଇତି ପ୍ରଭୁଃ ॥

SP0080121 ତମେବଂବାଦିନଂ କ୍ରୁଦ୍ଧା ଋଷୟଃ ସଂଶିତବ୍ରତାଃ ।
SP0080122 ଊଚୁଃ ସର୍ୱେ ସୁସଂରବ୍ଧା ଇଲାପୁତ୍ରଂ ମହାମତିମ୍ ॥

SP0080131 ଭବାନ୍ରାଜା କୁତସ୍ତ୍ରାତା କୃତୋଽସ୍ମାଭିର୍ଭୟାର୍ଦିତୈଃ ।
SP0080132 ନ ଚ ନସ୍ତଦ୍ଭୟଂ ଶକ୍ତୋ ବିନାଶୟିତୁମାଶ୍ୱପି ॥

SP0080141 ବିଷୟେଷ୍ୱତିସକ୍ତାତ୍ମା ଯୋଗାତ୍ତଂ ନାନୁପଶ୍ୟସି ।
SP0080142 ତସ୍ମାଦ୍ୱିରୋଧମାସ୍ଥାୟ ଦ୍ୱିଜେଭ୍ୟୋ ବଧମାପ୍ସ୍ୟସି ॥

SP0080151 ବୟମେବ ହି ରାଜାନମାନୟିଷ୍ୟାମ ଦୁର୍ୱିଦମ୍ ।
SP0080152 ତପସା ସ୍ୱେନ ରାଜେନ୍ଦ୍ର ପଶ୍ୟ ନୋ ବଲମୁତ୍ତମମ୍ ॥

SP0080161 ତତସ୍ତେ ଋଷୟଃ ସର୍ୱେ ତପସା ଦଗ୍ଧକିଲ୍ବିଷାଃ ।
SP0080162 ଅସ୍ତୁବନ୍ୱାଗ୍ଭିରିଷ୍ଟାଭିର୍ଗାୟତ୍ରୀଂ ବେଦଭାବିନୀମ୍ ॥

SP0080171 ସ୍ତୁବତାଂ ତୁ ତତସ୍ତେଷାଂ ଗାୟତ୍ରୀ ବେଦଭାବିନୀ ।
SP0080172 ରୂପିଣୀ ଦର୍ଶନଂ ପ୍ରାଦାଦୁବାଚେଦଂ ଚ ତାନ୍ଦ୍ୱିଜାନ୍ ॥

SP0080181 ତୁଷ୍ଟାସ୍ମି ବତ୍ସାଃ କିଂ ବୋଽଦ୍ୟ କରୋମି ବରଦାସ୍ମି ବଃ ।
SP0080182 ବ୍ରୂତ ତତ୍କୃତମେବେହ ଭବିଷ୍ୟତି ନ ସଂଶୟଃ ॥

SP0080190 ଋଷୟ ଊଚୁଃ ।
SP0080191 ସୋମୋ ନୋଽପହୃତୋ ଦେବି କେନାପି ସୁଦୁରାତ୍ମନା ।
SP0080192 ତମାନୟ ନମସ୍ତେଽସ୍ତୁ ଏଷ ନୋ ବର ଉତ୍ତମଃ ॥

SP0080200 ସନତ୍କୁମାର ଉବାଚ ।
SP0080201 ସା ତଥୋକ୍ତା ବିନିଶ୍ଚିତ୍ୟ ଦୃଷ୍ଟ୍ୱା ଦିବ୍ୟେନ ଚକ୍ଷୁଷା ।
SP0080202 ଶ୍ୟେନୀଭୂତା ଜଗାମାଶୁ ସ୍ୱର୍ଭାନୁମସୁରଂ ପ୍ରତି ॥

SP0080211 ବ୍ୟଗ୍ରାଣାମସୁରାଣାଂ ସା ଗୃହୀତ୍ୱା ସୋମମାଗତା ।
SP0080212 ଆଗମ୍ୟ ତାନୃଷୀନ୍ପ୍ରାହ ଅୟଂ ସୋମୋଽଭିଷୂୟତାମ୍ ॥

SP0080221 ତେ ତମାସାଦ୍ୟ ଋଷୟଃ ପ୍ରାପ୍ୟ ଯଜ୍ଞଫଲଂ ମହତ୍ ।
SP0080222 ଅମନ୍ୟନ୍ତ ତପୋଽସ୍ମାକଂ ନିଷ୍କଲ୍ମଷମିତି ଦ୍ୱିଜାଃ ॥

SP0080231 ତତସ୍ତତ୍ର ସ୍ୱୟଂ ବ୍ରହ୍ମା ସହ ଦେବୋରଗାଦିଭିଃ ।
SP0080232 ଆଗତ୍ୟ ତାନୃଷୀନ୍ପ୍ରାହ ତପଃ କୁରୁତ ମା ଚିରମ୍ ॥

SP0080241 ତେ ସହ ବ୍ରହ୍ମଣା ଗତ୍ୱା ମୈନାକଂ ପର୍ୱତୋତ୍ତମମ୍ ।
SP0080242 ସର୍ୱୈର୍ଦେବଗଣୈଃ ସାର୍ଧଂ ତପଶ୍ଚେରୁଃ ସମାହିତାଃ ॥

SP0080251 ତେଷାଂ କାଲେନ ମହତା ତପସା ଭାବିତାତ୍ମନାମ୍ ।
SP0080252 ଯୋଗପ୍ରବୃତ୍ତିରଭବତ୍ସୂକ୍ଷ୍ମୟୁକ୍ତାସ୍ତତସ୍ତୁ ତେ ॥

SP0080261 ତେ ଯୁକ୍ତା ବ୍ରହ୍ମଣା ସାର୍ଧମୃଷୟଃ ସହ ଦେବତୈଃ ।
SP0080262 ମହେଶ୍ୱରେ ମନଃ ସ୍ଥାପ୍ୟ ନିଶ୍ଚଲୋପଲବତ୍ସ୍ଥିତାଃ ॥

SP0080271 ଅଥ ତେଷାଂ ମହାଦେବଃ ପିନାକୀ ନୀଲଲୋହିତଃ ।
SP0080272 ଅଭ୍ୟଗଚ୍ଛତ ତଂ ଦେଶଂ ବିମାନେନାର୍କତେଜସା ॥

SP0080281 ତଦ୍ଭାବଭାବିତାଞ୍ଜ୍ଞାତ୍ୱା ସଦ୍ଭାବେନ ପରେଣ ହ ।
SP0080282 ଉବାଚ ମେଘନିର୍ହ୍ରାଦଃ ଶତଦୁନ୍ଦୁଭିନିସ୍ୱନଃ ॥

SP0080291 ଭୋ ଭୋ ସବ୍ରହ୍ମକା ଦେବାଃ ସବିଷ୍ଣୁଋଷିଚାରଣାଃ ।
SP0080292 ଦିବ୍ୟଂ ଚକ୍ଷୁଃ ପ୍ରୟଚ୍ଛାମି ପଶ୍ୟଧ୍ୱଂ ମାଂ ଯଥେପ୍ସିତମ୍ ॥

SP0080300 ସନତ୍କୁମାର ଉବାଚ ।
SP0080301 ଅପଶ୍ୟନ୍ତ ତତଃ ସର୍ୱେ ସୂର୍ୟାୟୁତସମପ୍ରଭମ୍ ।
SP0080302 ବିମାନଂ ମେରୁସଙ୍କାଶଂ ନାନାରତ୍ନବିଭୂଷିତମ୍ ॥

SP0080311 ତସ୍ୟ ମଧ୍ୟେଽଗ୍ନିକୂଟଂ ଚ ସୁମହଦ୍ଦୀପ୍ତିମାସ୍ଥିତମ୍ ।
SP0080312 ଜ୍ୱାଲାମାଲାପରିକ୍ଷିପ୍ତମର୍ଚିଭିରୁପଶୋଭିତମ୍ ॥

SP0080321 ଦଂଷ୍ଟ୍ରାକରାଲବଦନଂ ପ୍ରଦୀପ୍ତାନଲଲୋଚନମ୍ ।
SP0080322 ତ୍ରେତାଗ୍ନିପିଶ୍ଣ୍ଗଲଜଟଂ ଭୁଜଗାବଦ୍ଧମେଖଲମ୍ ॥

SP0080331 ମୃଷ୍ଟକୁଣ୍ଡଲିନଂ ଚୈବ ଶୂଲାସକ୍ତମହାକରମ୍ ।
SP0080332 ପିନାକିନଂ ଦଣ୍ଡହସ୍ତଂ ମୁଦ୍ଗରାଶନିପାଣିନମ୍ ॥

SP0080341 ଅସିପଟ୍ଟିସହସ୍ତଂ ଚ ଚକ୍ରିଣଂ ଚୋର୍ଧ୍ୱମେହନମ୍ ।
SP0080342 ଅକ୍ଷସୂତ୍ରକରଂ ଚୈବ ଦୁଷ୍ପ୍ରେକ୍ଷ୍ୟମକୃତାତ୍ମଭିଃ ।
SP0080343 ଚନ୍ଦ୍ରାଦିତ୍ୟଗ୍ରହୈଶ୍ଚୈବ କୃତସ୍ରଗୁପଭୂଷଣମ୍ ॥

SP0080351 ତମପଶ୍ୟନ୍ତ ତେ ସର୍ୱେ ଦେବା ଦିବ୍ୟେନ ଚକ୍ଷୁଷା ।
SP0080352 ଯଂ ଦୃଷ୍ଟ୍ୱା ନ ଭବେନ୍ମୃତ୍ୟୁର୍ମର୍ତ୍ୟସ୍ୟାପି କଦାଚନ ॥

SP0080361 ତପସା ବିନିୟୋଗୟୋଗିନଃ ପ୍ରଣମନ୍ତୋ ଭବମିନ୍ଦୁନିର୍ମଲମ୍ ।
SP0080362 ବିୟତୀଶ୍ୱରଦତ୍ତଚକ୍ଷୁଷଃ ସହ ଦେବୈର୍ମୁନୟୋ ମୁଦାନ୍ୱିତାଃ ॥

SP0080371 ପ୍ରସମୀକ୍ଷ୍ୟ ମହାସୁରେଶକାଲଂ ମନସା ଚାପି ବିଚାର୍ୟ ଦୁର୍ୱିସହ୍ୟମ୍ ।
SP0080372 ପ୍ରଣମନ୍ତି ଗତାତ୍ମଭାବଚିନ୍ତାଃ ସହ ଦେବୈର୍ଜଗଦୁଦ୍ଭବଂ ସ୍ତୁବନ୍ତଃ ॥

SP0089999 ଇତି ସ୍କନ୍ଦପୁରାଣେ ଅଷ୍ଟମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୯
SP0090010 ସନତ୍କୁମାର ଉବାଚ ।
SP0090011 ତେ ଦୃଷ୍ଟ୍ୱା ଦେବଦେବେଶଂ ସର୍ୱେ ସବ୍ରହ୍ମକାଃ ସୁରାଃ ।
SP0090012 ଅସ୍ତୁବନ୍ୱାଗ୍ଭିରିଷ୍ଟାଭିଃ ପ୍ରଣମ୍ୟ ବୃଷବାହନମ୍ ॥

SP0090020 ପିତାମହ ଉବାଚ ।
SP0090021 ନମଃ ଶିବାୟ ସୋମାୟ ଭକ୍ତାନାଂ ଭୟହାରିଣେ ।
SP0090022 ନମଃ ଶୂଲାଗ୍ରହସ୍ତାୟ କମଣ୍ଡଲୁଧରାୟ ଚ ॥

SP0090031 ଦଣ୍ଡିନେ ନୀଲକଣ୍ଠାୟ କରାଲଦଶନାୟ ଚ ।
SP0090032 ତ୍ରେତାଗ୍ନିଦୀପ୍ତନେତ୍ରାୟ ତ୍ରିନେତ୍ରାୟ ହରାୟ ଚ ॥

SP0090041 ନମଃ ପିନାକିନେ ଚୈବ ନମୋଽସ୍ତ୍ୱଶନିଧାରିଣେ ।
SP0090042 ବ୍ୟାଲୟଜ୍ଞୋପବୀତାୟ କୁଣ୍ଡଲାଭରଣାୟ ଚ ॥

SP0090051 ନମଶ୍ଚକ୍ରଧରାୟୈବ ବ୍ୟାଘ୍ରଚର୍ମଧରାୟ ଚ ।
SP0090052 କୃଷ୍ଣାଜିନୋତ୍ତରୀୟାୟ ସର୍ପମେଖଲିନେ ତଥା ॥

SP0090061 ବରଦାତ୍ରେ ଚ ରୁଦ୍ରାୟ ସରସ୍ୱତୀସୃଜେ ତଥା ।
SP0090062 ସୋମସୂର୍ୟର୍କ୍ଷମାଲାୟ ଅକ୍ଷସୂତ୍ରକରାୟ ଚ ॥

SP0090071 ଜ୍ୱାଲାମାଲାସହସ୍ରାୟ ଊର୍ଧ୍ୱଲିଶ୍ଣ୍ଗାୟ ବୈ ନମଃ ।
SP0090072 ନମଃ ପର୍ୱତବାସାୟ ଶିରୋହର୍ତ୍ରେ ଚ ମେ ପୁରା ॥

SP0090081 ହାଲାହଲବିନାଶାୟ କପାଲବରଧାରିଣେ ।
SP0090082 ବିମାନବରବାହାୟ ଜନକାୟ ମମୈବ ଚ ।
SP0090083 ବରଦାୟ ବରିଷ୍ଠାୟ ଶ୍ମଶାନରତୟେ ନମଃ ॥

SP0090091 ନମୋ ନରସ୍ୟ କର୍ତ୍ରେ ଚ ସ୍ଥିତିକର୍ତ୍ରେ ନମଃ ସଦା ।
SP0090092 ଉତ୍ପତ୍ତିପ୍ରଲୟାନାଂ ଚ କର୍ତ୍ରେ ସର୍ୱସହାୟ ଚ ॥

SP0090101 ଋଷିଦୈବତନାଥାୟ ସର୍ୱଭୂତାଧିପାୟ ଚ ।
SP0090102 ଶିବଃ ସୌମ୍ୟଶ୍ଚ ଦେବେଶ ଭବ ନୋ ଭକ୍ତବତ୍ସଲ ॥

SP0090110 ସନତ୍କୁମାର ଉବାଚ ।
SP0090111 ବ୍ରହ୍ମଣ୍ୟଥୈବଂ ସ୍ତୁବତି ଦେବଦେବଃ ସ ଲୋକପଃ ।
SP0090112 ଉବାଚ ତୁଷ୍ଟସ୍ତାନ୍ଦେବାନୃଷୀଂଶ୍ଚ ତପସୈଧିତାନ୍ ॥

SP0090121 ତୁଷ୍ଟୋଽସ୍ମ୍ୟନେନ ବଃ ସମ୍ୟକ୍ତପସା ଋଷିଦେବତାଃ ।
SP0090122 ବରଂ ବ୍ରୂତ ପ୍ରଦାସ୍ୟାମି ସୁନିଶ୍ଚିନ୍ତ୍ୟ ସ ଉଚ୍ୟତାମ୍ ॥

SP0090130 ସନତ୍କୁମାର ଉବାଚ ।
SP0090131 ଅଥ ସର୍ୱାନଭିପ୍ରେକ୍ଷ୍ୟ ସନ୍ତୁଷ୍ଟାଂସ୍ତପସୈଧିତାନ୍ ।
SP0090132 ଦର୍ଶନେନୈବ ବିପ୍ରେନ୍ଦ୍ର ବ୍ରହ୍ମା ବଚନମବ୍ରବୀତ୍ ॥

SP0090140 ବ୍ରହ୍ମୋବାଚ ।
SP0090141 ଯଦି ତୁଷ୍ଟୋଽସି ଦେବେଶ ଯଦି ଦେୟୋ ବରଶ୍ଚ ନଃ ।
SP0090142 ତସ୍ମାଚ୍ଛିବଶ୍ଚ ସୌମ୍ୟଶ୍ଚ ଦୃଶ୍ୟଶ୍ଚୈବ ଭବସ୍ୱ ନଃ ॥

SP0090151 ସୁଖସଂବ୍ୟବହାର୍ୟଶ୍ଚ ନିତ୍ୟଂ ତୁଷ୍ଟମନାସ୍ତଥା ।
SP0090152 ସର୍ୱକାର୍ୟେଷୁ ଚ ସଦା ହିତଃ ପଥ୍ୟଶ୍ଚ ଶଙ୍କରଃ ॥

SP0090161 ସହ ଦେବ୍ୟା ସସୂନୁଶ୍ଚ ସହ ଦେବଗଣୈରପି ।
SP0090162 ଏଷ ନୋ ଦୀୟତାଂ ଦେବ ବରୋ ବରସହସ୍ରଦ ॥

SP0090170 ସନତ୍କୁମାର ଉବାଚ ।
SP0090171 ଏବମୁକ୍ତଃ ସ ଭଗବାନ୍ବ୍ରହ୍ମଣା ଦେବସତ୍ତମଃ ।
SP0090172 ସ୍ୱକଂ ତେଜୋ ମହଦ୍ଦିବ୍ୟଂ ବ୍ୟସୃଜତ୍ସର୍ୱୟୋଗବିତ୍ ॥

SP0090181 ଅର୍ଧେନ ତେଜସଃ ସ୍ୱସ୍ୟ ମୁଖାଦୁଲ୍କାଂ ସସର୍ଜ ହ ।
SP0090182 ତାମାହ ଭବ ନାରୀତି ଭଗବାନ୍ୱିଶ୍ୱରୂପଧୃକ୍ ॥

SP0090191 ସାକାଶଂ ଦ୍ୟାଂ ଚ ଭୂମିଂ ଚ ମହିମ୍ନା ବ୍ୟାପ୍ୟ ବିଷ୍ଠିତା ।
SP0090192 ଉପତସ୍ଥେ ଚ ଦେବେଶଂ ଦୀପ୍ୟମାନା ଯଥା ତଡିତ୍ ॥

SP0090201 ତାମାହ ପ୍ରହସନ୍ଦେବୋ ଦେବୀଂ କମଲଲୋଚନାମ୍ ।
SP0090202 ବ୍ରହ୍ମାଣଂ ଦେବି ବରଦମାରାଧୟ ଶୁଚିସ୍ମିତେ ॥

SP0090211 ସା ତଥେତି ପ୍ରତିଜ୍ଞାୟ ତପସ୍ତପ୍ତୁଂ ପ୍ରଚକ୍ରମେ ।
SP0090212 ରୁଦ୍ରଶ୍ଚ ତାନୃଷୀନାହ ଶୃଣୁଧ୍ୱଂ ମମ ତୋଷଣେ ।
SP0090213 ଫଲଂ ଫଲବତାଂ ଶ୍ରେଷ୍ଠା ଯଦ୍ବ୍ରବୀମି ତପୋଧନାଃ ॥

SP0090221 ଅମରା ଜରୟା ତ୍ୟକ୍ତା ଅରୋଗା ଜନ୍ମବର୍ଜିତାଃ ।
SP0090222 ମଦ୍ଭକ୍ତାସ୍ତପସା ଯୁକ୍ତା ଇହୈବ ଚ ନିବତ୍ସ୍ୟଥ ॥

SP0090231 ଅୟଂ ଚୈବାଶ୍ରମଃ ଶ୍ରେଷ୍ଠଃ ସ୍ୱର୍ଣଶୃଶ୍ଣ୍ଗୋଽଚଲୋତ୍ତମଃ ।
SP0090232 ପୁଣ୍ୟଂ ପବିତ୍ରଂ ସ୍ଥାନଂ ବୈ ଭବିଷ୍ୟତି ନ ସଂଶୟଃ ॥

SP0090241 ମୈନାକେ ପର୍ୱତେ ଶ୍ରେଷ୍ଠେ ସ୍ୱର୍ଣୋଽହମଭବଂ ଯତଃ ।
SP0090242 ସ୍ୱର୍ଣାକ୍ଷୀଂ ଚାସୃଜଂ ଦେବୀଂ ସ୍ୱର୍ଣାକ୍ଷଂ ତେନ ତତ୍ସ୍ମୃତମ୍ ॥

SP0090251 ସ୍ୱର୍ଣାକ୍ଷେ ଋଷୟୋ ଯୂୟଂ ଷଟ୍କୁଲୀୟାସ୍ତପୋଧନାଃ ।
SP0090252 ନିବତ୍ସ୍ୟଥ ମୟାଜ୍ଞପ୍ତାଃ ସ୍ୱର୍ଣାକ୍ଷଂ ବୈ ତତଶ୍ଚ ହ ।
SP0090253 ସମନ୍ତାଦ୍ୟୋଜନଂ କ୍ଷେତ୍ରଂ ପବିତ୍ରଂ ତନ୍ନ ସଂଶୟଃ ॥

SP0090261 ଦେବଗନ୍ଧର୍ୱଚରିତମପ୍ସରୋଗଣସେବିତମ୍ ।
SP0090262 ସିଂହେଭଶରଭାକୀର୍ଣଂ ଶାର୍ଦୂଲର୍କ୍ଷମୃଗାକୁଲମ୍ ।
SP0090263 ଅନେକବିହଗାକୀର୍ଣଂ ଲତାବୃକ୍ଷକ୍ଷୁପାକୁଲମ୍ ॥

SP0090271 ବ୍ରହ୍ମଚାରୀ ନିୟମବାଞ୍ଜିତକ୍ରୋଧୋ ଜିତେନ୍ଦ୍ରିୟଃ ।
SP0090272 ଉପୋଷ୍ୟ ତ୍ରିଗୁଣାଂ ରାତ୍ରିଂ ଚରୁଂ କୃତ୍ୱା ନିବେଦ୍ୟ ଚ ।
SP0090273 ଯତ୍ର ତତ୍ର ମୃତଃ ସୋଽପି ବ୍ରହ୍ମଲୋକେ ନିବତ୍ସ୍ୟତି ॥

SP0090281 ଯୋଽପ୍ୟେବମେବ କାମାତ୍ମା ପଶ୍ୟେତ୍ତତ୍ର ବୃଷଧ୍ୱଜମ୍ ।
SP0090282 ଗୋସହସ୍ରଫଲଂ ସୋଽପି ମତ୍ପ୍ରସାଦାଦବାପ୍ସ୍ୟତି ।
SP0090283 ନିୟମେନ ମୃତଶ୍ଚାତ୍ର ମୟା ସହ ଚରିଷ୍ୟତି ॥

SP0090291 ଯାବତ୍ସ୍ଥାସ୍ୟନ୍ତି ଲୋକାଶ୍ଚ ମୈନାକଶ୍ଚାପ୍ୟଯଂ ଗିରିଃ ।
SP0090292 ତାବତ୍ସହ ମୟା ଦେବା ମତ୍ପ୍ରସାଦାଚ୍ଚରିଷ୍ୟଥ ॥

SP0090301 ଏବଂ ସ ତାନୃଷୀନୁକ୍ତ୍ୱା ଦୃଷ୍ଟ୍ୱା ସୌମ୍ୟେନ ଚକ୍ଷୁଷା ।
SP0090302 ପଶ୍ୟତାମେବ ସର୍ୱେଷାଂ ତତ୍ରୈବାନ୍ତରଧୀୟତ ॥

SP0090310 ସନତ୍କୁମାର ଉବାଚ ।
SP0090311 ଯ ଇମଂ ଶୃଣୁୟାନ୍ମର୍ତ୍ୟୋ ଦ୍ୱିଜାତୀଞ୍ଛ୍ରାବୟେତ ବା ।
SP0090312 ସୋଽପି ତତ୍ଫଲମାସାଦ୍ୟ ଚରେନ୍ମୃତ୍ୟୁବିବର୍ଜିତଃ ॥

SP0090321 ଜୟତି ଜଲଦବାହଃ ସର୍ୱଭୂତାନ୍ତକାଲଃ ଶମଦମନିୟତାନାଂ
କ୍ଲେଶହର୍ତା ଯତୀନାମ୍ ।
SP0090322 ଜନନମରଣହର୍ତା ଚେଷ୍ଟତାଂ ଧାର୍ମିକାଣାଂ ବିବିଧକରଣୟୁକ୍ତଃ
ଖେଚରଃ ପାଦଚାରୀ ॥

SP0090331 ମଦନପୁରବିଦାରୀ ନେତ୍ରଦନ୍ତାବପାତୀ ବିଗତଭୟବିଷାଦଃ
ସର୍ୱଭୂତପ୍ରଚେତାଃ ।
SP0090332 ସତତମଭିଦଧାନଶ୍ଚେକିତାନାତ୍ମଚିତ୍ତଃ କରଚରଣଲଲାମଃ
ସର୍ୱଦୃଗ୍ଦେବଦେବଃ ॥

SP0099999 ଇତି ସ୍କନ୍ଦପୁରାଣେ ନବମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୦
SP0100010 ସନତ୍କୁମାର ଉବାଚ ।
SP0100011 ସା ଦେବୀ ତ୍ର୍ୟମ୍ବକପ୍ରୋକ୍ତା ତତାପ ସୁଚିରଂ ତପଃ ।
SP0100012 ନିରାହାରା କଦାଚିଚ୍ଚ ଏକପର୍ଣାଶନା ପୁନଃ ।
SP0100013 ବାୟ୍ୱାହାରା ପୁନଶ୍ଚାପି ଅବ୍ଭକ୍ଷା ଭୂୟ ଏବ ଚ ॥

SP0100021 ତାଂ ତପଶ୍ଚରଣେ ଯୁକ୍ତାଂ ବ୍ରହ୍ମା ଜ୍ଞାତ୍ୱାତିଭାସ୍ୱରାମ୍ ।
SP0100022 ଉବାଚ ବ୍ରୂହି ତୁଷ୍ଟୋଽସ୍ମି ଦେବି କିଂ କରବାଣି ତେ ॥

SP0100031 ସାବ୍ରବୀତ୍ ତ୍ର୍ୟମ୍ବକଂ ଦେବଂ ପତିଂ ପ୍ରାପ୍ୟେନ୍ଦୁବର୍ଚସମ୍ ।
SP0100032 ବିଚରେୟଂ ସୁଖଂ ଦେବ ସର୍ୱା/ଲ୍ଲୋକାନ୍ନମସ୍ତବ ॥

SP0100040 ବ୍ରହ୍ମୋବାଚ ।
SP0100041 ନ ହି ଯେନ ଶରୀରେଣ କ୍ରିୟତେ ପରମଂ ତପଃ ।
SP0100042 ତେନୈବ ପରମେଶୋଽସୌ ପତିଃ ଶମ୍ଭୁରବାପ୍ୟତେ ॥

SP0100051 ତସ୍ମାଦ୍ଧି ଯୋଗାଦ୍ଭବତୀ ଦକ୍ଷସ୍ୟେହ ପ୍ରଜାପତେଃ ।
SP0100052 ଜାୟସ୍ୱ ଦୁହିତା ଭୂତ୍ୱା ପତିଂ ରୁଦ୍ରମବାପ୍ସ୍ୟସି ॥

SP0100061 ତତଃ ସା ତଦ୍ୱଚଃ ଶ୍ରୁତ୍ୱା ଯୋଗାଦ୍ଦେବୀ ମନସ୍ୱିନୀ ।
SP0100062 ଦକ୍ଷସ୍ୟ ଦୁହିତା ଜଜ୍ଞେ ସତୀ ନାମାତିୟୋଗିନୀ ॥

SP0100071 ତାଂ ଦକ୍ଷସ୍ତ୍ର୍ୟମ୍ବକାୟୈବ ଦଦୌ ଭାର୍ୟାମନିନ୍ଦିତାମ୍ ।
SP0100072 ବ୍ରହ୍ମଣୋ ବଚନାଦ୍ୟସ୍ୟାଂ ମାନସାନସୃଜତ୍ସୁତାନ୍ ॥

SP0100081 ଆତ୍ମତୁଲ୍ୟବଲାନ୍ଦୀପ୍ତାଞ୍ଜରାମରଣବର୍ଜିତାନ୍ ।
SP0100082 ଅନେକାନି ସହସ୍ରାଣି ରୁଦ୍ରାଣାମମିତୌଜସାମ୍ ॥

SP0100091 ତାନ୍ଦୃଷ୍ଟ୍ୱା ସୃଜ୍ୟମାନାଂଶ୍ଚ ବ୍ରହ୍ମା ତଂ ପ୍ରତ୍ୟଷେଧୟତ୍ ।
SP0100092 ମା ସ୍ରାକ୍ଷୀର୍ଦେବଦେବେଶ ପ୍ରଜା ମୃତ୍ୟୁବିବର୍ଜିତାଃ ॥

SP0100101 ଅନ୍ୟାଃ ସୃଜସ୍ୱ ଭଦ୍ରଂ ତେ ପ୍ରଜା ମୃତ୍ୟୁସମନ୍ୱିତାଃ ।
SP0100102 ତେନ ଚୋକ୍ତଂ ସ୍ଥିତୋଽସ୍ମୀତି ସ୍ଥାଣୁସ୍ତେନ ତତଃ ସ୍ମୃତଃ ॥

SP0100110 ଦେବ ଉବାଚ ।
SP0100111 ନ ସ୍ରକ୍ଷ୍ୟେ ମୃତ୍ୟୁସଂୟୁକ୍ତାଃ ପ୍ରଜା ବ୍ରହ୍ମନ୍କଥଞ୍ଚନ ।
SP0100112 ସ୍ଥିତୋଽସ୍ମି ବଚନାତ୍ତେଽଦ୍ୟ ବକ୍ତବ୍ୟୋ ନାସ୍ମି ତେ ପୁନଃ ॥

SP0100121 ଯେ ତ୍ୱିମେ ମାନସାଃ ସୃଷ୍ଟା ମହାତ୍ମାନୋ ମହାବଲାଃ ।
SP0100122 ଚରିଷ୍ୟନ୍ତି ମୟା ସାର୍ଧଂ ସର୍ୱ ଏତେ ହି ଯାଜ୍ଞିକାଃ ॥

SP0100130 ସନତ୍କୁମାର ଉବାଚ ।
SP0100131 ଅଥ କାଲେ ଗତେ ବ୍ୟାସ ସ ଦକ୍ଷଃ ଶାପକାରଣାତ୍ ।
SP0100132 ଅନ୍ୟାନାହୂୟ ଜାମାତ୍।ର଼୍ନ୍ସଦାରାନର୍ଚୟଦ୍ଗୃହେ ॥

SP0100141 ସତୀଂ ସହ ତ୍ର୍ୟମ୍ବକେନ ନାଜୁହାବ ରୁଷାନ୍ୱିତଃ ।
SP0100142 ସତୀ ଜ୍ଞାତ୍ୱା ତୁ ତତ୍ସର୍ୱଂ ଗତ୍ୱା ପିତରମବ୍ରବୀତ୍ ॥

SP0100151 ଅହଂ ଜ୍ୟେଷ୍ଠା ବରିଷ୍ଠା ଚ ଜାମାତ୍ରା ସହ ସୁବ୍ରତ ।
SP0100152 ମାଂ ହିତ୍ୱା ନାର୍ହସେ ହ୍ୟେତାଃ ସହ ଭର୍ତୃଭିରର୍ଚିତୁମ୍ ॥

SP0100161 କ୍ରୋଧେନାଥ ସମାବିଷ୍ଟଃ ସ କ୍ରୋଧୋପହତେନ୍ଦ୍ରିୟଃ ।
SP0100162 ନିରୀକ୍ଷ୍ୟ ପ୍ରାବ୍ରବୀଦ୍ଦକ୍ଷଶ୍ଚକ୍ଷୁଷା ନିର୍ଦହନ୍ନିବ ॥

SP0100171 ମାମେତାଃ ସତି ସସ୍ନେହାଃ ପୂଜୟନ୍ତି ସଭର୍ତୃକାଃ ।
SP0100172 ନ ତ୍ୱଂ ତଥା ପୂଜୟସେ ସହ ଭର୍ତ୍ରା ମହାବ୍ରତେ ॥

SP0100181 ଗୃହାଂଶ୍ଚ ମେ ସପତ୍ନୀକାଃ ପ୍ରବିଶନ୍ତି ତପୋଧନାଃ ।
SP0100182 ଶ୍ରେଷ୍ଠାଂସ୍ତସ୍ମାତ୍ସଦା ମନ୍ୟେ ତତସ୍ତାନର୍ଚୟାମ୍ୟହମ୍ ॥

SP0100191 ତସ୍ମାଦ୍ୟତ୍ତେ କରୋମ୍ୟଦ୍ୟ ଶୁଭଂ ବା ଯଦି ବାଶୁଭମ୍ ।
SP0100192 ପୂଜାଂ ଗୃହାଣ ତାଂ ପୁତ୍ରି ଗଚ୍ଛ ବା ଯତ୍ର ରୋଚତେ ॥

SP0100200 ସନତ୍କୁମାର ଉବାଚ ।
SP0100201 ତତଃ ସା କ୍ରୋଧଦୀପ୍ତାସ୍ୟା ନ ଜଗ୍ରାହାତିକୋପିତା ।
SP0100202 ପୂଜାମସମ୍ମତାଂ ହୀନାମିଦଂ ଚୋବାଚ ତଂ ଶୁଭା ॥

SP0100211 ଯସ୍ମାଦସମ୍ମତାମେତାଂ ପୂଜାଂ ତ୍ୱଂ କୁରୁଷେ ମୟି ।
SP0100212 ଶ୍ଲାଘ୍ୟାଂ ଚୈବାପ୍ୟଦୁଷ୍ଟାଂ ଚ ଶ୍ରେଷ୍ଠାଂ ମାଂ ଗର୍ହସେ ପିତଃ ॥

SP0100221 ତସ୍ମାଦିମଂ ସ୍ୱକଂ ଦେହଂ ତ୍ୟଜାମ୍ୟେଷା ତବାତ୍ମଜା ।
SP0100222 ଅସତ୍କୃତାୟାଃ କିଂ ମେଽଦ୍ୟ ଜୀବିତେନାଶୁଭେନ ହ ॥

SP0100230 ସନତ୍କୁମାର ଉବାଚ ।
SP0100231 ତତଃ କୃତ୍ୱା ନମସ୍କାରଂ ମନସା ତ୍ର୍ୟମ୍ବକାୟ ହ ।
SP0100232 ଉବାଚେଦଂ ସୁସଂରବ୍ଧା ବଚନଂ ବଚନାରଣିଃ ॥

SP0100241 ଯତ୍ରାହମୁପପଦ୍ୟେୟଂ ପୁନର୍ଦେହେ ସ୍ୱୟେଚ୍ଛୟା ।
SP0100242 ଏବଂ ତତ୍ରାପ୍ୟସମ୍ମୂଢା ସମ୍ଭୂତା ଧାର୍ମିକା ସତୀ ।
SP0100243 ଗଚ୍ଛେୟଂ ଧର୍ମପତ୍ନୀତ୍ୱଂ ତ୍ର୍ୟମ୍ବକସ୍ୟୈବ ଧୀମତଃ ॥

SP0100251 ତତଃ ସା ଧାରଣାଂ କୃତ୍ୱା ଆଗ୍ନେୟୀଂ ସହସା ସତୀ ।
SP0100252 ଦଦାହ ବୈ ସ୍ୱକଂ ଦେହଂ ସ୍ୱସମୁତ୍ଥେନ ବହ୍ନିନା ॥

SP0100261 ତାଂ ଜ୍ଞାତ୍ୱା ତ୍ର୍ୟମ୍ବକୋ ଦେବୀଂ ତଥାଭୂତାଂ ମହାୟଶାଃ ।
SP0100262 ଉବାଚ ଦକ୍ଷଂ ସଙ୍ଗମ୍ୟ ଇଦଂ ବଚନକୋବିଦଃ ॥

SP0100271 ଯସ୍ମାତ୍ତେ ନିନ୍ଦିତଶ୍ଚାହଂ ପ୍ରଶସ୍ତାଶ୍ଚେତରେ ପୃଥକ୍ ।
SP0100272 ଜାମାତରଃ ସପତ୍ନୀକାସ୍ତସ୍ମାଦ୍ୱୈବସ୍ୱତେଽନ୍ତରେ ।
SP0100273 ଉତ୍ପତ୍ସ୍ୟନ୍ତେ ପୁନର୍ୟଜ୍ଞେ ତବ ଜାମାତରସ୍ତ୍ୱିମେ ॥

SP0100281 ତ୍ୱଂ ଚୈବ ମମ ଶାପେନ କ୍ଷତ୍ରିୟୋ ଭବିତା ନୃପଃ ।
SP0100282 ପ୍ରଚେତସାଂ ସୁତଶ୍ଚୈବ କନ୍ୟାୟାଂ ଶାଖିନାଂ ପୁନଃ ।
SP0100283 ଧର୍ମବିଘ୍ନଂ ଚ ତେ ତତ୍ର କରିଷ୍ୟେ କ୍ରୂରକର୍ମଣଃ ॥

SP0100290 ସନତ୍କୁମାର ଉବାଚ ।
SP0100291 ତମୁବାଚ ତଦା ଦକ୍ଷୋ ଦୂୟତା ହୃଦୟେନ ବୈ ।
SP0100292 ମୟା ଯଦି ସୁତା ସ୍ୱା ବୈ ପ୍ରୋକ୍ତା ତ୍ୟକ୍ତାପି ବା ପୁନଃ ।
SP0100293 କିଂ ତବାତ୍ର କୃତଂ ଦେବ ଅହଂ ତସ୍ୟାଃ ପ୍ରଭୁଃ ସଦା ॥

SP0100301 ଯସ୍ମାତ୍ତ୍ୱଂ ମାମଭ୍ୟଶପସ୍ତସ୍ମାତ୍ତ୍ୱମପି ଶଙ୍କର ।
SP0100302 ଭୂର୍ଲୋକେ ବତ୍ସ୍ୟସେ ନିତ୍ୟଂ ନ ସ୍ୱର୍ଲୋକେ କଦାଚନ ॥

SP0100311 ଭାଗଂ ଚ ତବ ଯଜ୍ଞେଷୁ ଦତ୍ତ୍ୱା ସର୍ୱେ ଦ୍ୱିଜାତୟଃ ।
SP0100312 ଅପଃ ସ୍ପ୍ରକ୍ଷ୍ୟନ୍ତି ସର୍ୱତ୍ର ମହାଦେବ ମହାଦ୍ୟୁତେ ॥

SP0100320 ସନତ୍କୁମାର ଉବାଚ ।
SP0100321 ତତଃ ସ ଦେବଃ ପ୍ରହସଂସ୍ତମୁବାଚ ତ୍ରିଲୋଚନଃ ।
SP0100322 ସର୍ୱେଷାମେବ ଲୋକାନାଂ ମୂଲଂ ଭୂର୍ଲୋକ ଉଚ୍ୟତେ ॥

SP0100331 ତମହଂ ଧାରୟାମ୍ୟେକୋ ଲୋକାନାଂ ହିତକାମ୍ୟଯା ।
SP0100332 ଭୂର୍ଲୋକେ ହି ଧୃତେ ଲୋକାଃ ସର୍ୱେ ତିଷ୍ଠନ୍ତି ଶାଶ୍ୱତାଃ ।
SP0100333 ତସ୍ମାତ୍ତିଷ୍ଠାମ୍ୟହଂ ନିତ୍ୟମିହୈବ ନ ତବାଜ୍ଞୟା ॥

SP0100341 ଭାଗାନ୍ଦତ୍ତ୍ୱା ତଥାନ୍ୟେଭ୍ୟୋ ଦିତ୍ସବୋ ମେ ଦ୍ୱିଜାତୟଃ ।
SP0100342 ଅପଃ ସ୍ପୃଶନ୍ତି ଶୁଦ୍ଧ୍ୟର୍ଥଂ ଭାଗଂ ଯଚ୍ଛନ୍ତି ମେ ତତଃ ।
SP0100343 ଦତ୍ତ୍ୱା ସ୍ପୃଶନ୍ତି ଭୂୟଶ୍ଚ ଧର୍ମସ୍ୟୈବାଭିବୃଦ୍ଧୟେ ॥

SP0100351 ଯଥା ହି ଦେବନିର୍ମାଲ୍ୟଂ ଶୁଚୟୋ ଧାରୟନ୍ତ୍ୟୁତ ।
SP0100352 ଅଶୁଚିଂ ସ୍ପ୍ରଷ୍ଟୁକାମାଶ୍ଚ ତ୍ୟକ୍ତ୍ୱାପଃ ସଂସ୍ପୃଶନ୍ତି ଚ ॥

SP0100361 ଦେବାନାମେବମନ୍ୟେଷାଂ ଦିତ୍ସବୋ ବ୍ରାହ୍ମଣର୍ଷଭାଃ ।
SP0100362 ଭାଗାନପଃ ସ୍ପୃଶନ୍ତି ସ୍ମ ତତ୍ର କା ପରିଦେବନା ॥

SP0100371 ତ୍ୱଂ ତୁ ମଚ୍ଛାପନିର୍ଦଗ୍ଧୋ ବିପରୀତୋ ନରାଧମଃ ।
SP0100372 ସ୍ୱସ୍ୟାଂ ସୁତାୟାଂ ମୂଢାତ୍ମା ପୁତ୍ରମୁତ୍ପାଦୟିଷ୍ୟସି ॥

SP0100380 ସନତ୍କୁମାର ଉବାଚ ।
SP0100381 ଏବଂ ସ ଭଗବାଞ୍ଛପ୍ତ୍ୱା ଦକ୍ଷଂ ଦେବୋ ଜଗତ୍ପତିଃ ।
SP0100382 ବିରରାମ ମହାତେଜା ଜଗାମ ଚ ଯଥାଗତମ୍ ॥

SP0100391 ଚନ୍ଦ୍ରଦିବାକରବହ୍ନିସମାକ୍ଷଂ ଚନ୍ଦ୍ରନିଭାନନପଦ୍ମଦଲାକ୍ଷମ୍ ।
SP0100392 ଗୋବୃଷବାହମମେୟଗୁଣୌଘଂ ସତତମିହେନ୍ଦୁବହଂ ପ୍ରଣତାଃ ସ୍ମଃ ॥

SP0100401 ଯ ଇମଂ ଦକ୍ଷଶାପାଶ୍ଣ୍କଂ ଦେବ୍ୟାଶ୍ଚୈବାଶରୀରତାମ୍ ।
SP0100402 ଶୃଣୁୟାଦ୍ୱାଥ ବିପ୍ରାନ୍ୱା ଶ୍ରାବୟୀତ ଯତବ୍ରତଃ ।
SP0100403 ସର୍ୱପାପବିନିର୍ମୁକ୍ତୋ ରୁଦ୍ରଲୋକମବାପ୍ନୁୟାତ୍ ॥

SP0109999 ଇତି ସ୍କନ୍ଦପୁରାଣେ ଦଶମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୧
SP0110010 ସନତ୍କୁମାର ଉବାଚ ।
SP0110011 କଦାଚିତ୍ସ୍ୱଗୃହଂ ପ୍ରାପ୍ତଂ କଶ୍ୟପଂ ଦ୍ୱିପଦାଂ ବରମ୍ ।
SP0110012 ଅପୃଚ୍ଛଦ୍ଧିମବାନ୍ପ୍ରଶ୍ନଂ ଲୋକେ ଖ୍ୟାତିକରଂ ନୁ କିମ୍ ॥

SP0110021 କେନାକ୍ଷୟାଶ୍ଚ ଲୋକାଃ ସ୍ୟୁଃ ଖ୍ୟାତିଶ୍ଚ ପରମା ମୁନେ ।
SP0110022 ତଥୈବ ଚାର୍ଚନୀୟତ୍ୱଂ ସତ୍ସୁ ତଂ କଥୟସ୍ୱ ମେ ॥

SP0110030 କଶ୍ୟପ ଉବାଚ ।
SP0110031 ଅପତ୍ୟେନ ମହାବାହୋ ସର୍ୱମେତଦବାପ୍ୟତେ ।
SP0110032 ମମ ଖ୍ୟାତିରପତ୍ୟେନ ବ୍ରହ୍ମଣୋ ଋଷିଭିଶ୍ଚ ହ ॥

SP0110041 କିଂ ନ ପଶ୍ୟସି ଶୈଲେନ୍ଦ୍ର ଯତୋ ମାଂ ପରିପୃଚ୍ଛସି ।
SP0110042 ବର୍ତୟିଷ୍ୟାମି ତଚ୍ଚାପି ଯନ୍ମେ ଦୃଷ୍ଟଂ ପୁରାଚଲ ॥

SP0110051 ବାରାଣସୀମହଂ ଗଚ୍ଛନ୍ନପଶ୍ୟଂ ସଂସ୍ଥିତଂ ଦିବି ।
SP0110052 ବିମାନଂ ସ୍ୱନବଦ୍ଦିବ୍ୟମନୌପମ୍ୟମନିନ୍ଦିତମ୍ ॥

SP0110061 ତସ୍ୟାଧସ୍ତାଦାର୍ତନାଦଂ ଗର୍ତାସ୍ଥାନେ ଶୃଣୋମ୍ୟହମ୍ ।
SP0110062 ତାନହଂ ତପସା ଜ୍ଞାତ୍ୱା ତତ୍ରୈବାନ୍ତର୍ହିତଃ ସ୍ଥିତଃ ॥

SP0110071 ଅଥାଗାତ୍ତତ୍ର ଶୈଲେନ୍ଦ୍ର ବିପ୍ରୋ ନିୟମବାଞ୍ଛୁଚିଃ ।
SP0110072 ତୀର୍ଥାଭିଷେକପୂତାତ୍ମା ପରେ ତପସି ସଂସ୍ଥିତଃ ॥

SP0110081 ଅଥ ସ ବ୍ରଜମାନସ୍ତୁ ବ୍ୟାଘ୍ରେଣାଭୀଷିତୋ ଦ୍ୱିଜଃ ।
SP0110082 ବିବେଶ ତଂ ତଦା ଦେଶଂ ସା ଗର୍ତା ଯତ୍ର ଭୂଧର ॥

SP0110091 ଗର୍ତାୟାଂ ବୀରଣସ୍ତମ୍ବେ ଲମ୍ବମାନାଂସ୍ତଦା ମୁନୀନ୍ ।
SP0110092 ଅପଶ୍ୟଦାର୍ତୋ ଦୁଃଖାର୍ତାନପୃଚ୍ଛତ୍ତାଂଶ୍ଚ ସ ଦ୍ୱିଜଃ ॥

SP0110101 କେ ଯୂୟଂ ବୀରଣସ୍ତମ୍ବେ ଲମ୍ବମାନା ହ୍ୟଧୋମୁଖାଃ ।
SP0110102 ଦୁଃଖିତାଃ କେନ ମୋକ୍ଷଶ୍ଚ ଯୁଷ୍ମାକଂ ଭବିତାନଘାଃ ॥

SP0110110 ପିତର ଊଚୁଃ ।
SP0110111 ବୟଂ ତେଽକୃତପୁଣ୍ୟସ୍ୟ ପିତରଃ ସପିତାମହାଃ ।
SP0110112 ପ୍ରପିତାମହାଶ୍ଚ କ୍ଲିଶ୍ୟାମସ୍ତବ ଦୁଷ୍ଟେନ କର୍ମଣା ॥

SP0110121 ନରକୋଽୟଂ ମହାଭାଗ ଗର୍ତାରୂପଂ ସମାସ୍ଥିତଃ ।
SP0110122 ତ୍ୱଂ ଚାପି ବୀରଣସ୍ତମ୍ବସ୍ତ୍ୱୟି ଲମ୍ବାମହେ ବୟମ୍ ॥

SP0110131 ଯାବତ୍ତ୍ୱଂ ଜୀବସେ ବିପ୍ର ତାବଦେବ ବୟଂ ସ୍ଥିତାଃ ।
SP0110132 ମୃତେ ତ୍ୱୟି ଗମିଷ୍ୟାମୋ ନରକଂ ପାପଚେତସଃ ॥

SP0110141 ଯଦି ତ୍ୱଂ ଦାରସଂୟୋଗଂ କୃତ୍ୱାପତ୍ୟଂ ଗୁଣୋତ୍ତରମ୍ ।
SP0110142 ଉତ୍ପାଦୟସି ତେନାସ୍ମାନ୍ମୁଚ୍ୟେମ ବୟମେକଶଃ ॥

SP0110151 ନାନ୍ୟେନ ତପସା ପୁତ୍ର ନ ତୀର୍ଥାନାଂ ଫଲେନ ଚ ।
SP0110152 ତତ୍କୁରୁଷ୍ୱ ମହାବୁଦ୍ଧେ ତାରୟସ୍ୱ ପିତ୍।ର଼୍ନ୍ଭୟାତ୍ ॥

SP0110161 ସ ତଥେତି ପ୍ରତିଜ୍ଞାୟ ଆରାଧ୍ୟ ଚ ବୃଷଧ୍ୱଜମ୍ ।
SP0110162 ପିତ୍।ର଼୍ନ୍ଗର୍ତାତ୍ସମୁଦ୍ଧୃତ୍ୟ ଗଣପାନ୍ପ୍ରଚକାର ହ ॥

SP0110171 ସ୍ୱୟଂ ଚ ରୁଦ୍ରଦୟିତଃ ସୁକେଶୋ ନାମ ନାମତଃ ।
SP0110172 ସମ୍ମତୋ ବଲବାଂଶ୍ଚୈବ ରୁଦ୍ରସ୍ୟ ଗଣପୋଽଭବତ୍ ॥

SP0110181 ତସ୍ମାତ୍କୃତ୍ୱା ତପୋ ଘୋରମପତ୍ୟଂ ଗୁଣବତ୍ତରମ୍ ।
SP0110182 ଉତ୍ପାଦୟସ୍ୱ ଶୈଲେନ୍ଦ୍ର ତତଃ କୀର୍ତିମବାପ୍ସ୍ୟସି ॥

SP0110190 ସନତ୍କୁମାର ଉବାଚ ।
SP0110191 ସ ଏବମୁକ୍ତୋ ଋଷିଣା ଶୈଲେନ୍ଦ୍ରୋ ନିୟମେ ସ୍ଥିତଃ ।
SP0110192 ତପଶ୍ଚକାର ବିପୁଲଂ ଯେନ ବ୍ରହ୍ମା ତୁତୋଷ ହ ॥

SP0110201 ତମାଗତ୍ୟ ତଦା ବ୍ରହ୍ମା ବରଦୋଽସ୍ମୀତ୍ୟଭାଷତ ।
SP0110202 ବ୍ରୂହି ତୁଷ୍ଟୋଽସ୍ମି ତେ ଶୈଲ ତପସାନେନ ସୁବ୍ରତ ॥

SP0110210 ହିମବାନୁବାଚ ।
SP0110211 ଭଗବନ୍ପୁତ୍ରମିଚ୍ଛାମି ଗୁଣୈଃ ସର୍ୱୈରଲଙ୍କୃତମ୍ ।
SP0110212 ଏତଦ୍ୱରଂ ପ୍ରୟଚ୍ଛସ୍ୱ ଯଦି ତୁଷ୍ଟୋଽସି ନଃ ପ୍ରଭୋ ॥

SP0110220 ବ୍ରହ୍ମୋବାଚ ।
SP0110221 କନ୍ୟା ଭବିତ୍ରୀ ଶୈଲେନ୍ଦ୍ର ସୁତା ତେ ବରବର୍ଣିନୀ ।
SP0110222 ଯସ୍ୟାଃ ପ୍ରଭାବାତ୍ସର୍ୱତ୍ର କୀର୍ତିମାପ୍ସ୍ୟସି ପୁଷ୍କଲାମ୍ ॥

SP0110231 ଅର୍ଚିତଃ ସର୍ୱଦେବାନାଂ ତୀର୍ଥକୋଟୀସମାବୃତଃ ।
SP0110232 ପାବନଶ୍ଚୈବ ପୁଣ୍ୟଶ୍ଚ ଦେବାନାମପି ସର୍ୱତଃ ।
SP0110233 ଜ୍ୟେଷ୍ଠା ଚ ସା ଭବିତ୍ରୀ ତେ ଅନ୍ୟେ ଚାନୁ ତତଃ ଶୁଭେ ॥

SP0110240 ସନତ୍କୁମାର ଉବାଚ ।
SP0110241 ଏବମୁକ୍ତ୍ୱା ତତୋ ବ୍ରହ୍ମା ତତ୍ରୈବାନ୍ତରଧୀୟତ ।
SP0110242 ସୋଽପି କାଲେନ ଶୈଲେନ୍ଦ୍ରୋ ମେନାୟାମୁପପାଦୟତ୍ ।
SP0110243 ଅପର୍ଣାମେକପର୍ଣାଂ ଚ ତଥା ଚାପ୍ୟେକପାଟଲାମ୍ ॥

SP0110251 ନ୍ୟଗ୍ରୋଧମେକପର୍ଣା ତୁ ପାଟଲଂ ଚୈକପାଟଲା ।
SP0110252 ଆଶ୍ରିତେ ଦ୍ୱେ ଅପର୍ଣା ତୁ ଅନିକେତା ତପୋଽଚରତ୍ ।
SP0110253 ଶତଂ ବର୍ଷସହସ୍ରାଣାଂ ଦୁଶ୍ଚରଂ ଦେବଦାନବୈଃ ॥

SP0110261 ଆହାରମେକପର୍ଣେନ ସୈକପର୍ଣା ସମାଚରତ୍ ।
SP0110262 ପାଟଲେନ ତଥୈକେନ ବିଦଧାତ୍ୟେକପାଟଲା ॥

SP0110271 ପୂର୍ଣେ ପୂର୍ଣେ ସହସ୍ରେ ତୁ ଆହାରଂ ତେନ ଚକ୍ରତୁଃ ।
SP0110272 ଅପର୍ଣା ତୁ ନିରାହାରା ତାଂ ମାତା ପ୍ରତ୍ୟଭାଷତ ।
SP0110273 ନିଷେଧୟନ୍ତୀ ହ୍ୟୁ ମେତି ମାତୃସ୍ନେହେନ ଦୁଃଖିତା ॥

SP0110281 ସା ତଥୋକ୍ତା ତଦା ମାତ୍ରା ଦେବୀ ଦୁଶ୍ଚରଚାରିଣୀ ।
SP0110282 ତେନୈବ ନାମ୍ନା ଲୋକେଷୁ ବିଖ୍ୟାତା ସୁରପୂଜିତା ॥

SP0110291 ଏତତ୍ତତ୍ତ୍ରିକୁମାରୀଣାଂ ଜଗତ୍ସ୍ଥାବରଜଶ୍ଣ୍ଗମମ୍ ।
SP0110292 ଏତାସାଂ ତପସା ଲବ୍ଧଂ ଯାବଦ୍ଭୂମିର୍ଧରିଷ୍ୟତି ॥

SP0110301 ତପଃଶରୀରାସ୍ତାଃ ସର୍ୱାସ୍ତିସ୍ରୋ ଯୋଗବଲାନ୍ୱିତାଃ ।
SP0110302 ସର୍ୱାଶ୍ଚୈବ ମହାଭାଗାଃ ସର୍ୱାଶ୍ଚ ସ୍ଥିରୟୌବନାଃ ॥

SP0110311 ତା ଲୋକମାତରଶ୍ଚୈବ ବ୍ରହ୍ମଚାରିଣ୍ୟ ଏବ ଚ ।
SP0110312 ଅନୁଗୃହ୍ଣନ୍ତି ଲୋକାଂଶ୍ଚ ତପସା ସ୍ୱେନ ସର୍ୱଦା ॥

SP0110321 ଉମା ତାସାଂ ବରିଷ୍ଠା ଚ ଶ୍ରେଷ୍ଠା ଚ ବରବର୍ଣିନୀ ।
SP0110322 ମହାୟୋଗବଲୋପେତା ମହାଦେବମୁପସ୍ଥିତା ॥

SP0110331 ଦତ୍ତକଶ୍ଚୋଶନା ତସ୍ୟାଃ ପୁତ୍ରଃ ସ ଭୃଗୁନନ୍ଦନଃ ।
SP0110332 ଅସିତସ୍ୟୈକପର୍ଣା ତୁ ଦେବଲଂ ସୁଷୁବେ ସୁତମ୍ ॥

SP0110341 ଯା ତୁ ତାସାଂ କୁମାରୀଣାଂ ତୃତୀୟା ହ୍ୟେକପାଟଲା ।
SP0110342 ପୁତ୍ରଂ ଶତଶଲାକସ୍ୟ ଜୈଗୀଷବ୍ୟମୁପସ୍ଥିତା ।
SP0110343 ତସ୍ୟାପି ଶଶ୍ଣ୍ଖଲିଖିତୌ ସ୍ମୃତୌ ପୁତ୍ରାବୟୋନିଜୌ ॥

SP0110351 ଉମା ତୁ ଯା ମୟା ତୁଭ୍ୟଂ କୀର୍ତିତା ବରବର୍ଣିନୀ ।
SP0110352 ଅଥ ତସ୍ୟାସ୍ତପୋୟୋଗାତ୍ତ୍ରୈଲୋକ୍ୟମଖିଲଂ ତଦା ।
SP0110353 ପ୍ରଧୂପିତଂ ସମାଲକ୍ଷ୍ୟ ବ୍ରହ୍ମା ବଚନମବ୍ରବୀତ୍ ॥

SP0110360 ବ୍ରହ୍ମୋବାଚ ।
SP0110361 ଦେବି କିଂ ତପସା ଲୋକାଂସ୍ତାପୟସ୍ୟତିଶୋଭନେ ।
SP0110362 ତ୍ୱୟା ସୃଷ୍ଟମିଦଂ ବିଶ୍ୱଂ ମା କୃତ୍ୱା ତଦ୍ୱିନାଶୟ ॥

SP0110371 ତ୍ୱଂ ହି ଧାରୟସେ ଲୋକାନିମାନ୍ସର୍ୱାନ୍ସ୍ୱତେଜସା ।
SP0110372 ବ୍ରୂହି କିଂ ତେ ଜଗନ୍ମାତଃ ପ୍ରାର୍ଥିତଂ ସମ୍ପ୍ରସୀଦ ନଃ ॥

SP0110380 ଦେବ୍ୟୁବାଚ ।
SP0110381 ଯଦର୍ଥଂ ତପସୋ ହ୍ୟସ୍ୟ ଚରଣଂ ମେ ପିତାମହ ।
SP0110382 ଜାନୀଷେ ତତ୍ତ୍ୱମେତନ୍ମେ ତତଃ ପୃଚ୍ଛସି କିଂ ପୁନଃ ॥

SP0110390 ବ୍ରହ୍ମୋବାଚ ।
SP0110391 ଯଦର୍ଥଂ ଦେବି ତପସା ଶ୍ରାମ୍ୟସେ ଲୋକଭାବନି ।
SP0110392 ସ ତ୍ୱାଂ ସ୍ୱୟଂ ସମାଗମ୍ୟ ଇହୈବ ବରୟିଷ୍ୟତି ॥

SP0110401 ସର୍ୱଦେବପତିଃ ଶ୍ରେଷ୍ଠଃ ସର୍ୱଲୋକେଶ୍ୱରେଶ୍ୱରଃ ।
SP0110402 ବୟଂ ସଦେବା ଯସ୍ୟେଶେ ବଶ୍ୟାଃ କିଙ୍କରବାଦିନଃ ॥

SP0110411 ସ ଦେବଦେବଃ ପରମେଶ୍ୱରେଶ୍ୱରଃ ସ୍ୱୟଂ ତବାୟାସ୍ୟତି ଲୋକପୋଽନ୍ତିକମ୍ ।
SP0110412 ଉଦାରରୂପୋ ବିକୃତାଭିରୂପବାନ୍ସମାନରୂପୋ ନ ହି ଯସ୍ୟ କସ୍ୟଚିତ୍ ॥

SP0110421 ମହେଶ୍ୱରଃ ପର୍ୱତଲୋକବାସୀ ଚରାଚରେଶଃ ପ୍ରଥମୋଽପ୍ରମେୟଃ ।
SP0110422 ବିନେନ୍ଦୁନା ଇନ୍ଦୁସମାନବକ୍ତ୍ରୋ ବିଭୀଷଣଂ ରୂପମିହାସ୍ଥିତୋଽଗ୍ରମ୍ ॥

SP0119999 ଇତି ସ୍କନ୍ଦପୁରାଣେ ଏକାଦଶୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୨
SP0120010 ସନତ୍କୁମାର ଉବାଚ ।
SP0120011 ତତଃ ସ ଭଗବାନ୍ଦେବୋ ବ୍ରହ୍ମା ତାମାହ ସୁସ୍ୱରମ୍ ।
SP0120012 ଦେବି ଯେନୈବ ସୃଷ୍ଟାସି ମନସା ଯସ୍ତ୍ୱୟା ବୃତଃ ।
SP0120013 ସ ଭର୍ତା ତବ ଦେବେଶୋ ଭବିତା ମା ତପଃ କୃଥାଃ ॥

SP0120021 ତତଃ ପ୍ରଦକ୍ଷିଣଂ କୃତ୍ୱା ବ୍ରହ୍ମା ବ୍ୟାସ ଗିରେଃ ସୁତାମ୍ ।
SP0120022 ଜଗାମାଦର୍ଶନଂ ତସ୍ୟାଃ ସା ଚାପି ବିରରାମ ହ ॥

SP0120031 ସା ଦେବୀ ଯୁକ୍ତମିତ୍ୟେବମୁକ୍ତ୍ୱା ସ୍ୱସ୍ୟାଶ୍ରମସ୍ୟ ହ ।
SP0120032 ଦ୍ୱାରି ଜାତମଶୋକଂ ବୈ ସମୁପାଶ୍ରିତ୍ୟ ସଂସ୍ଥିତା ॥

SP0120041 ଅଥାଗାଚ୍ଚନ୍ଦ୍ରତିଲକସ୍ତ୍ରିଦଶାର୍ତିହରୋ ହରଃ ।
SP0120042 ବିକୃତଂ ରୂପମାସ୍ଥାୟ ହ୍ରସ୍ୱୋ ବାହୁକ ଏବ ଚ ॥

SP0120051 ବିଭୁଗ୍ନନାସିକୋ ଭୂତ୍ୱା କୁବ୍ଜଃ କେଶାନ୍ତପିଶ୍ଣ୍ଗଲଃ ।
SP0120052 ଉବାଚ ବିକୃତାସ୍ୟଶ୍ଚ ଦେବି ତ୍ୱାଂ ବରୟାମ୍ୟହମ୍ ॥

SP0120061 ଅଥୋମା ଯୋଗସଂସିଦ୍ଧା ଜ୍ଞାତ୍ୱା ଶଙ୍କରମାଗତମ୍ ।
SP0120062 ଅନ୍ତର୍ଭାବବିଶୁଦ୍ଧା ସା କ୍ରିୟାନୁଷ୍ଠାନଲିପ୍ସୟା ॥

SP0120071 ତମୁବାଚାର୍ଘ୍ୟମାନାୟ୍ୟ ମଧୁପର୍କେଣ ଚୈବ ହି ।
SP0120072 ସମ୍ପୂଜ୍ୟ ସସୁଖାସୀନଂ ବ୍ରାହ୍ମଣଂ ବ୍ରାହ୍ମଣପ୍ରିୟା ॥

SP0120080 ଦେବ୍ୟୁବାଚ ।
SP0120081 ଭଗବନ୍ନସ୍ୱତନ୍ତ୍ରାସ୍ମି ପିତା ମେଽସ୍ତ୍ୟରଣୀ ତଥା ।
SP0120082 ତୌ ପ୍ରଭୂ ମମ ଦାନେ ବୈ କନ୍ୟାହଂ ଦ୍ୱିଜପୁଙ୍ଗବ ॥

SP0120091 ଗତ୍ୱା ଯାଚସ୍ୱ ପିତରଂ ମମ ଶୈଲେନ୍ଦ୍ରମବ୍ୟଯମ୍ ।
SP0120092 ସ ଚେଦ୍ଦଦାତି ମାଂ ବିପ୍ର ତୁଭ୍ୟଂ ତଦ୍ରୁଚିତଂ ମମ ॥

SP0120100 ସନତ୍କୁମାର ଉବାଚ ।
SP0120101 ତତଃ ସ ଭଗବାନ୍ଦେବସ୍ତଥୈବ ବିକୃତଃ ପ୍ରଭୁଃ ।
SP0120102 ଉବାଚ ଶୈଲରାଜଂ ତମୁମାଂ ମେ ଯଚ୍ଛ ଶୈଲରାଟ୍ ॥

SP0120111 ସ ତଂ ବିକୃତରୂପେଣ ଜ୍ଞାତ୍ୱା ରୁଦ୍ରମଥାବ୍ୟଯମ୍ ।
SP0120112 ଭୀତଃ ଶାପାଚ୍ଚ ବିମନା ଇଦଂ ବଚନମବ୍ରବୀତ୍ ॥

SP0120121 ଭଗବନ୍ନାବମନ୍ୟାମି ବ୍ରାହ୍ମଣାନ୍ଭୂମିଦୈବତାନ୍ ।
SP0120122 ମନୀଷିତଂ ତୁ ଯତ୍ପୂର୍ୱଂ ତଚ୍ଛୃଣୁଷ୍ୱ ମହାତପଃ ॥

SP0120131 ସ୍ୱୟଂବରୋ ମେ ଦୁହିତୁର୍ଭବିତା ବିପ୍ରପୂଜିତଃ ।
SP0120132 ବରୟେଦ୍ୟଂ ସ୍ୱୟଂ ତତ୍ର ସ ଭର୍ତାସ୍ୟା ଭବେଦିତି ॥

SP0120140 ସନତ୍କୁମାର ଉବାଚ ।
SP0120141 ତଚ୍ଛ୍ରୁତ୍ୱା ଶୈଲବଚନଂ ଭଗବାନ୍ଗୋବୃଷଧ୍ୱଜଃ ।
SP0120142 ଦେବ୍ୟାଃ ସମୀପମାଗତ୍ୟ ଇଦମାହ ମହାମନାଃ ॥

SP0120151 ଦେବି ପିତ୍ରା ତବାଜ୍ଞପ୍ତଃ ସ୍ୱୟଂବର ଇତି ଶ୍ରୁତମ୍ ।
SP0120152 ତତ୍ର ତ୍ୱଂ ବରୟିତ୍ରୀ ଯଂ ସ ତେ ଭର୍ତା କିଲାନଘେ ॥

SP0120161 ତଦାପୃଚ୍ଛେ ଗମିଷ୍ୟାମି ଦୁର୍ଲଭା ତ୍ୱଂ ବରାନନେ ।
SP0120162 ରୂପବନ୍ତଂ ସମୁତ୍ସୃଜ୍ୟ ବୃଣୀଥା ମାଦୃଶଂ କଥମ୍ ॥

SP0120170 ସନତ୍କୁମାର ଉବାଚ ।
SP0120171 ତେନୋକ୍ତା ସା ତଦା ତତ୍ର ଭାବୟନ୍ତୀ ତଦୀରିତମ୍ ।
SP0120172 ଭାବଂ ଚ ରୁଦ୍ରନିହିତଂ ପ୍ରସାଦଂ ମନସସ୍ତଥା ॥

SP0120181 ସମ୍ପ୍ରାପ୍ୟୋବାଚ ଦେବେଶଂ ମା ତେ ଭୂଦ୍ବୁଦ୍ଧିରନ୍ୟଥା ।
SP0120182 ଅହଂ ତ୍ୱାଂ ବରୟିଷ୍ୟାମି ନାନ୍ୟଦ୍ଭୂତଂ କଥଞ୍ଚନ ॥

SP0120191 ଅଥ ବା ତେଽସ୍ତି ସନ୍ଦେହୋ ମୟି ବିପ୍ର କଥଞ୍ଚନ ।
SP0120192 ଇହୈବ ତ୍ୱାଂ ମହାଭାଗ ବରୟାମି ମନୋରଥମ୍ ॥

SP0120200 ସନତ୍କୁମାର ଉବାଚ ।
SP0120201 ଗୃହୀତ୍ୱା ସ୍ତବକଂ ସା ତୁ ହସ୍ତାଭ୍ୟାଂ ତତ୍ର ସଂସ୍ଥିତମ୍ ।
SP0120202 ସ୍କନ୍ଧେ ଶମ୍ଭୋଃ ସମାଦାୟ ଦେବୀ ପ୍ରାହ ବୃତୋଽସି ମେ ॥

SP0120211 ତତଃ ସ ଭଗବାନ୍ଦେବସ୍ତଥା ଦେବ୍ୟା ବୃତସ୍ତଦା ।
SP0120212 ଉବାଚ ତମଶୋକଂ ବୈ ବାଚା ସଞ୍ଜୀବୟନ୍ନିବ ॥

SP0120221 ଯସ୍ମାତ୍ତବ ସୁପୁଷ୍ପେଣ ସ୍ତବକେନ ବୃତୋ ହ୍ୟହମ୍ ।
SP0120222 ତସ୍ମାତ୍ତ୍ୱଂ ଜରୟା ତ୍ୟକ୍ତଃ ଅମରଃ ସମ୍ଭବିଷ୍ୟସି ॥

SP0120231 କାମରୂପଃ କାମପୁଷ୍ପଃ କାମଗୋ ଦୟିତୋ ମମ ।
SP0120232 ସର୍ୱାଭରଣପୁଷ୍ପାଢ୍ୟଃ ସର୍ୱବୃକ୍ଷଫଲୋପଗଃ ॥

SP0120241 ସର୍ୱାନ୍ନଭକ୍ଷଦଶ୍ଚୈବ ଅମୃତସ୍ରବ ଏବ ଚ ।
SP0120242 ସର୍ୱଗନ୍ଧଶ୍ଚ ଦେବ୍ୟାସ୍ତ୍ୱଂ ଭବିଷ୍ୟସି ଦୃଢଂ ପ୍ରିୟଃ ।
SP0120243 ନିର୍ଭୟଃ ସର୍ୱଲୋକେଷୁ ଚରିଷ୍ୟସି ସୁନିର୍ୱୃତଃ ॥

SP0120251 ଆଶ୍ରମଂ ଚୈବମତ୍ୟର୍ଥଂ ଚିତ୍ରକୂଟେତି ବିଶ୍ରୁତମ୍ ।
SP0120252 ଯୋଽଭିୟାସ୍ୟତି ପୁଣ୍ୟାର୍ଥୀ ସୋଽଶ୍ୱମେଧମବାପ୍ସ୍ୟତି ।
SP0120253 ଯତ୍ର ତତ୍ର ମୃତଶ୍ଚାପି ବ୍ରହ୍ମଲୋକଂ ଗମିଷ୍ୟତି ॥

SP0120261 ଯଶ୍ଚାତ୍ର ନିୟମୈର୍ୟୁକ୍ତଃ ପ୍ରାଣାନ୍ସମ୍ୟକ୍ପରିତ୍ୟଜେତ୍ ।
SP0120262 ସ ଦେବ୍ୟାସ୍ତପସା ଯୁକ୍ତୋ ମହାଗଣପତିର୍ଭବେତ୍ ॥

SP0120270 ସନତ୍କୁମାର ଉବାଚ ।
SP0120271 ଏବମୁକ୍ତ୍ୱା ତଦା ଦେବ ଆପୃଚ୍ଛ୍ୟ ହିମବତ୍ସୁତାମ୍ ।
SP0120272 ଅନ୍ତର୍ଦଧେ ଜଗତ୍ସ୍ରଷ୍ଟା ସର୍ୱଭୂତପ ଈଶ୍ୱରଃ ॥

SP0120281 ସାପି ଦେବୀ ଗତେ ତସ୍ମିନ୍ଭଗବତ୍ୟମିତାତ୍ମନି ।
SP0120282 ତତ ଏବୋନ୍ମୁଖୀ ସ୍ଥିତ୍ୱା ଶିଲାୟାଂ ସଂବିବେଶ ହ ॥

SP0120291 ଉନ୍ମୁଖୀ ସା ଗତେ ତସ୍ମିନ୍ମହେଷ୍ୱାସେ ପ୍ରଜାପତୌ ।
SP0120292 ନିଶେବ ଚନ୍ଦ୍ରରହିତା ସା ବଭୌ ବିମନାସ୍ତଦା ॥

SP0120301 ଅଥ ଶୁଶ୍ରାବ ସା ଶବ୍ଦଂ ବାଲସ୍ୟାର୍ତସ୍ୟ ଶୈଲଜା ।
SP0120302 ସରସ୍ୟୁଦକସମ୍ପୂର୍ଣେ ସମୀପେ ଚାଶ୍ରମସ୍ୟ ହ ॥

SP0120311 ସ କୃତ୍ୱା ବାଲରୂପଂ ତୁ ଦେବଦେବଃ ସ୍ୱୟଂ ଶିବଃ ।
SP0120312 କ୍ରୀଡାହେତୋଃ ସରୋମଧ୍ୟେ ଗ୍ରାହଗ୍ରସ୍ତୋଽଭବତ୍ତଦା ॥

SP0120321 ଯୋଗମାୟାମଥାସ୍ଥାୟ ପ୍ରପଞ୍ଚୋଦ୍ଭବକାରଣମ୍ ।
SP0120322 ତଦ୍ରୂପଂ ସରସୋ ମଧ୍ୟେ କୃତ୍ୱେଦଂ ସମଭାଷତ ।
SP0120323 ତ୍ରାତୁ ମାଂ କଶ୍ଚିଦେତ୍ୟେହ ଗ୍ରାହେଣ ହୃତଚେତସମ୍ ॥

SP0120331 ଧିକ୍କଷ୍ଟଂ ବାଲ ଏବାହମପ୍ରାପ୍ତାର୍ଥମନୋରଥଃ ।
SP0120332 ଯାସ୍ୟାମି ନିଧନଂ ବକ୍ତ୍ରେ ଗ୍ରାହସ୍ୟାସ୍ୟ ଦୁରାତ୍ମନଃ ॥

SP0120341 ଶୋଚାମି ନ ସ୍ୱକଂ ଦେହଂ ଗ୍ରାହଗ୍ରସ୍ତୋଽପି ଦୁଃଖିତଃ ।
SP0120342 ଯଥା ଶୋଚାମି ପିତରଂ ମାତରଂ ଚ ତପସ୍ୱିନୀମ୍ ॥

SP0120351 ମାଂ ଶ୍ରୁତ୍ୱା ଗ୍ରାହବଦନେ ପ୍ରାପ୍ତଂ ନିଧନମୁତ୍ସୁକୌ ।
SP0120352 ପ୍ରିୟପୁତ୍ରାବେକପୁତ୍ରୌ ପ୍ରାଣାନ୍ନୂନଂ ବିହାସ୍ୟତଃ ॥

SP0120360 ସନତ୍କୁମାର ଉବାଚ ।
SP0120361 ଶ୍ରୁତ୍ୱା ତୁ ଦେବୀ ତଂ ନାଦଂ ବିପ୍ରସ୍ୟାର୍ତସ୍ୟ ଶୋଭନା ।
SP0120362 ଉତ୍ଥାୟ ପ୍ରଦ୍ରୁତା ତତ୍ର ଯତ୍ର ତିଷ୍ଠତ୍ୟସୌ ଦ୍ୱିଜଃ ॥

SP0120371 ସାପଶ୍ୟଦିନ୍ଦୁବଦନା ବାଲକଂ ଚାରୁରୂପିଣମ୍ ।
SP0120372 ଗ୍ରାହେଣ ଗ୍ରସ୍ୟମାନଂ ତଂ ବେପମାନମବସ୍ଥିତମ୍ ॥

SP0120381 ସୋଽପି ଗ୍ରାହବରଃ ଶ୍ରୀମାନ୍ଦୃଷ୍ଟ୍ୱା ଦେବୀମୁପାଗତାମ୍ ।
SP0120382 ତଂ ଗୃହୀତ୍ୱା ଦ୍ରୁତଂ ଯାତୋ ମଧ୍ୟଂ ସରସ ଏବ ହ ॥

SP0120391 ସ କୃଷ୍ୟମାଣସ୍ତେଜସ୍ୱୀ ନାଦମାର୍ତଂ ତଦାକରୋତ୍ ।
SP0120392 ଅଥାହ ଦେବୀ ଦୁଃଖାର୍ତା ବାଲଂ ଦୃଷ୍ଟ୍ୱା ମହାବ୍ରତା ॥

SP0120401 ଗ୍ରାହରାଜ ମହାସତ୍ତ୍ୱ ବାଲକଂ ହ୍ୟେକପୁତ୍ରକମ୍ ।
SP0120402 ବିସୃଜୈନଂ ମହାଦଂଷ୍ଟ୍ର କ୍ଷିପ୍ରଂ ଭୀମପରାକ୍ରମ ॥

SP0120410 ଗ୍ରାହ ଉବାଚ ।
SP0120411 ଯୋ ଦେବି ଦିବସେ ଷଷ୍ଠେ ପ୍ରଥମଂ ସମୁପୈତି ମାମ୍ ।
SP0120412 ସ ଆହାରୋ ମମ ପୁରା ବିହିତୋ ଲୋକକର୍ତୃଭିଃ ॥

SP0120421 ସୋଽୟଂ ମମ ମହାଭାଗେ ଷଷ୍ଠେଽହନି ଗିରୀନ୍ଦ୍ରଜେ ।
SP0120422 ବ୍ରହ୍ମଣା ବିହିତୋ ନୂନଂ ନୈନଂ ମୋକ୍ଷ୍ୟେ କଥଞ୍ଚନ ॥

SP0120430 ଦେବ୍ୟୁବାଚ ।
SP0120431 ଯନ୍ମୟା ହିମବଚ୍ଛୃଶ୍ଣ୍ଗେ ଚରିତଂ ତପ ଉତ୍ତମମ୍ ।
SP0120432 ତେନ ବାଲମିମଂ ମୁଞ୍ଚ ଗ୍ରାହରାଜ ନମୋଽସ୍ତୁ ତେ ॥

SP0120440 ଗ୍ରାହ ଉବାଚ ।
SP0120441 ମା ବ୍ୟଯଂ ତପସୋ ଦେବି କାର୍ଷୀଃ ଶୈଲେନ୍ଦ୍ରନନ୍ଦନେ ।
SP0120442 ନୈନଂ ମୋଚୟିତୁଂ ଶକ୍ତୋ ଦେବରାଜୋଽପି ସ ସ୍ୱୟମ୍ ॥

SP0120451 ମହ୍ୟମୀଶେନ ତୁଷ୍ଟେନ ଶର୍ୱେଣୋଗ୍ରେଣ ଶୂଲିନା ।
SP0120452 ଅମରତ୍ୱମବଧ୍ୟତ୍ୱମକ୍ଷୟଂ ବଲମେବ ଚ ॥

SP0120461 ସ୍ୱୟଙ୍ଗ୍ରହଣମୋକ୍ଷଶ୍ଚ ଜ୍ଞାନଂ ଚୈବାବ୍ୟଯଂ ପୁନଃ ।
SP0120462 ଦତ୍ତଂ ତତୋ ବ୍ରବୀମି ତ୍ୱାଂ ନାୟଂ ମୋକ୍ଷମବାପ୍ସ୍ୟତି ॥

SP0120471 ଅଥ ବା ତେ କୃପା ଦେବି ଭୃଶଂ ବାଲେ ଶୁଭାନନେ ।
SP0120472 ବ୍ରବୀମି ଯତ୍କୁରୁ ତଥା ତତୋ ମୋକ୍ଷମବାପ୍ସ୍ୟତି ॥

SP0120480 ଦେବ୍ୟୁବାଚ ।
SP0120481 ଗ୍ରାହାଧିପ ବଦସ୍ୱାଶୁ ଯତ୍ସତାମବିଗର୍ହିତମ୍ ।
SP0120482 ତତ୍କୃତଂ ନାତ୍ର ସନ୍ଦେହୋ ମାନ୍ୟା ମେ ବ୍ରାହ୍ମଣା ଦୃଢମ୍ ॥

SP0120490 ଗ୍ରାହ ଉବାଚ ।
SP0120491 ଯତ୍କୃତଂ ବୈ ତପଃ କିଞ୍ଚିଦ୍ଭବତ୍ୟା ସ୍ୱଲ୍ପମନ୍ତଶଃ ।
SP0120492 ତତ୍ସର୍ୱଂ ମେ ପ୍ରୟଚ୍ଛସ୍ୱ ତତୋ ମୋକ୍ଷମବାପ୍ସ୍ୟତି ॥

SP0120500 ଦେବ୍ୟୁବାଚ ।
SP0120501 ଜନ୍ମପ୍ରଭୃତି ଯତ୍ପୁଣ୍ୟଂ ମହାଗ୍ରାହ କୃତଂ ମୟା ।
SP0120502 ତତ୍ତେ ସର୍ୱଂ ମୟା ଦତ୍ତଂ ବାଲଂ ମୁଞ୍ଚ ମମାଗ୍ରତଃ ॥

SP0120510 ସନତ୍କୁମାର ଉବାଚ ।
SP0120511 ପ୍ରଜଜ୍ୱାଲ ତତୋ ଗ୍ରାହସ୍ତପସା ତେନ ବୃଂହିତଃ ।
SP0120512 ଆଦିତ୍ୟ ଇବ ମଧ୍ୟାହ୍ନେ ଦୁର୍ନିରୀକ୍ଷ୍ୟସ୍ତଦାଭବତ୍ ॥

SP0120521 ଉବାଚ ଚେଦଂ ତୁଷ୍ଟାତ୍ମା ଦେବୀଂ ଲୋକସ୍ୟ ଧାରିଣୀମ୍ ।
SP0120522 ଦେବି କିଂ କୃତମେତତ୍ତେ ଅନିଶ୍ଚିତ୍ୟ ମହାବ୍ରତେ ।
SP0120523 ତପସୋ ହ୍ୟର୍ଜନଂ ଦୁଃଖଂ ତସ୍ୟ ତ୍ୟାଗୋ ନ ଶସ୍ୟତେ ॥

SP0120531 ଗୃହାଣ ତପ ଏତଚ୍ଚ ବାଲଂ ଚେମଂ ଶୁଚିସ୍ମିତେ ।
SP0120532 ତୁଷ୍ଟୋଽସ୍ମି ତେ ବିପ୍ରଭକ୍ତ୍ୟା ବରଂ ତସ୍ମାଦ୍ଦଦାମି ତେ ॥

SP0120541 ସା ତ୍ୱେବମୁକ୍ତା ଗ୍ରାହେଣ ଉବାଚେଦଂ ମହାବ୍ରତା ।
SP0120542 ସୁନିଶ୍ଚିତ୍ୟ ମହାଗ୍ରାହ କୃତଂ ବାଲସ୍ୟ ମୋକ୍ଷଣମ୍ ।
SP0120543 ନ ବିପ୍ରେଭ୍ୟସ୍ତପଃ ଶ୍ରେଷ୍ଠଂ ଶ୍ରେଷ୍ଠା ମେ ବ୍ରାହ୍ମଣା ମତାଃ ॥

SP0120551 ଦତ୍ତ୍ୱା ଚାହଂ ନ ଗୃହ୍ଣାମି ଗ୍ରାହେନ୍ଦ୍ର ବିଦିତଂ ହି ତେ ।
SP0120552 ନ ହି କଶ୍ଚିନ୍ନରୋ ଗ୍ରାହ ପ୍ରଦତ୍ତଂ ପୁନରାହରେତ୍ ॥

SP0120561 ଦତ୍ତମେତନ୍ମୟା ତୁଭ୍ୟଂ ନାଦଦାନି ହି ତତ୍ପୁନଃ ।
SP0120562 ତ୍ୱୟ୍ୟେବ ରମତାମେତଦ୍ବାଲଶ୍ଚାୟଂ ବିମୁଚ୍ୟତାମ୍ ॥

SP0120571 ତଥୋକ୍ତସ୍ତାଂ ପ୍ରଶସ୍ୟାଥ ମୁକ୍ତ୍ୱା ବାଲଂ ନମସ୍ୟ ଚ ।
SP0120572 ଦେବୀମାଦିତ୍ୟସଦ୍ଭାସଂ ତତ୍ରୈବାନ୍ତରଧୀୟତ ॥

SP0120581 ବାଲୋଽପି ସରସସ୍ତୀରେ ମୁକ୍ତୋ ଗ୍ରାହେଣ ବୈ ତଦା ।
SP0120582 ସ୍ୱପ୍ନଲବ୍ଧ ଇବାର୍ଥୌଘସ୍ତତ୍ରୈବାନ୍ତରଧୀୟତ ॥

SP0120591 ତପସୋଽଥ ବ୍ୟଯଂ ମତ୍ୱା ଦେବୀ ହିମଗିରୀନ୍ଦ୍ରଜା ।
SP0120592 ଭୂୟ ଏବ ତପଃ କର୍ତୁମାରେଭେ ଯତ୍ନମାସ୍ଥିତା ॥

SP0120601 କର୍ତୁକାମାଂ ତପୋ ଭୂୟୋ ଜ୍ଞାତ୍ୱା ତାଂ ଶଙ୍କରଃ ସ୍ୱୟମ୍ ।
SP0120602 ପ୍ରୋବାଚ ବଚନଂ ବ୍ୟାସ ମା କୃଥାସ୍ତପ ଇତ୍ୟୁତ ॥

SP0120611 ମହ୍ୟମେତତ୍ତପୋ ଦେବି ତ୍ୱୟା ଦତ୍ତଂ ମହାବ୍ରତେ ।
SP0120612 ତେନୈବମକ୍ଷୟଂ ତୁଭ୍ୟଂ ଭବିଷ୍ୟତି ସହସ୍ରଧା ॥

SP0120621 ଇତି ଲବ୍ଧ୍ୱା ବରଂ ଦେବୀ ତପସୋଽକ୍ଷୟ୍ୟମୁତ୍ତମମ୍ ।
SP0120622 ସ୍ୱୟଂବରମୁଦୀକ୍ଷନ୍ତୀ ତସ୍ଥୌ ପ୍ରୀତିମୁଦାୟୁତା ॥

SP0120631 ଇଦଂ ପଠେଦ୍ୟୋ ହି ନରଃ ସଦୈବ ବାଲାନୁଭାବାଚରଣଂ ହି ଶମ୍ଭୋଃ ।
SP0120632 ସ ଦେହଭେଦଂ ସମବାପ୍ୟ ପୂତୋ ଭବେଦ୍ଗଣସ୍ତସ୍ୟ କୁମାରତୁଲ୍ୟଃ ॥

SP0129999 ଇତି ସ୍କନ୍ଦପୁରାଣେ ଦ୍ୱାଦଶମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୩
SP0130010 ସନତ୍କୁମାର ଉବାଚ ।
SP0130011 ବିସ୍ତୃତେ ହିମବତ୍ପୃଷ୍ଠେ ବିମାନଶତସଙ୍କୁଲେ ।
SP0130012 ଅଭବତ୍ସ ତୁ କାଲେନ ଶୈଲପୁତ୍ର୍ୟାଃ ସ୍ୱୟଂବରଃ ॥

SP0130021 ଅଥ ପର୍ୱତରାଜୋଽସୌ ହିମବାନ୍ଧ୍ୟାନକୋବିଦଃ ।
SP0130022 ଦୁହିତୁର୍ଦେବଦେବେନ ଜ୍ଞାତ୍ୱା ତଦଭିମନ୍ତ୍ରିତମ୍ ॥

SP0130031 ଜାନନ୍ନପି ମହାଶୈଲଃ ସମାଚାରକ୍ରିୟେପ୍ସୟା ।
SP0130032 ସ୍ୱୟଂବରଂ ତତୋ ଦେବ୍ୟାଃ ସର୍ୱଲୋକେଷ୍ୱଘୋଷୟତ୍ ॥

SP0130041 ଦେବଦାନବସିଦ୍ଧାନାଂ ସର୍ୱଲୋକନିବାସିନାମ୍ ।
SP0130042 ବୃଣୁୟାତ୍ପରମେଶାନଂ ସମକ୍ଷଂ ଯେନ ମେ ସୁତା ॥

SP0130051 ତଦେବ ସୁକୃତଂ ଶ୍ଲାଘ୍ୟଂ ମମାଭ୍ୟୁଦୟସମ୍ମତମ୍ ।
SP0130052 ଇତି ସଞ୍ଚିନ୍ତ୍ୟ ଶୈଲେନ୍ଦ୍ରଃ କୃତ୍ୱା ହୃଦି ମହେଶ୍ୱରମ୍ ॥

SP0130061 ଆବ୍ରହ୍ମକେଷୁ ଲୋକେଷୁ ଦେବ୍ୟାଃ ଶୈଲେନ୍ଦ୍ରସତ୍ତମଃ ।
SP0130062 କୃତ୍ୱା ରତ୍ନାକୁଲଂ ଦେଶଂ ସ୍ୱୟଂବରମଚୀକରତ୍ ॥

SP0130071 ଅଥୈବମାଘୋଷିତମାତ୍ର ଏବ ସ୍ୱୟଂବରେ ବ୍ୟାସ ମହୀଧ୍ରପୁତ୍ର୍ୟାଃ ।
SP0130072 ଦେବାଦୟଃ ସର୍ୱଜଗନ୍ନିବାସାଃ ସମାୟଯୁର୍ଦିବ୍ୟଗୃହୀତବେଷାଃ ॥

SP0130081 ପ୍ରଫୁଲ୍ଲପଦ୍ମାସନସଂନିବିଷ୍ଟଃ ସିଦ୍ଧୈର୍ୱୃତୋ ଯୋଗିଭିରପ୍ରମେୟୈଃ ।
SP0130082 ବିଜ୍ଞାପିତସ୍ତେନ ମହୀଧ୍ରରାଜ୍ଞା ପିତାମହସ୍ତତ୍ର ସମାଜଗାମ ॥

SP0130091 ଅକ୍ଷ୍ଣାଂ ସହସ୍ରଂ ସୁରରାଟ୍ ସ ବିଭ୍ରଦ୍ଦିବ୍ୟାଶ୍ଣ୍ଗହାରସ୍ରଗୁଦାତ୍ତରୂପଃ ।
SP0130092 ଐରାବତଂ ସର୍ୱଗଜେନ୍ଦ୍ରମୁଖ୍ୟଂ ସ୍ରବନ୍ମଦାସାରକୃତପ୍ରବାହମ୍ ।
SP0130093 ଆରୁହ୍ୟ ସର୍ୱାମରରାଟ୍ ସ ବଜ୍ରଂ ବିଭ୍ରତ୍ସମାଗାତ୍ପୁରତଃ ସୁରାଣାମ୍ ॥

SP0130101 ତେଜଃପ୍ରତାପାଧିକଦିବ୍ୟରୂପଃ ପ୍ରୋଦ୍ଭାସୟନ୍ସର୍ୱଦିଶୋ ବିବସ୍ୱାନ୍ ।
SP0130102 ହୈମଂ ବିମାନଂ ସଚଲତ୍ପତାକମାରୁହ୍ୟ ଆଗାତ୍ତ୍ୱରିତଂ ଜବେନ ॥

SP0130111 ମଣିପ୍ରଦୀପ୍ତୋଜ୍ଜ୍ୱଲକୁଣ୍ଡଲଶ୍ଚ ବହ୍ନ୍ୟର୍କତେଜଃପ୍ରତିମେ ବିମାନେ ।
SP0130112 ସମଭ୍ୟଗାତ୍କଶ୍ୟପବିପ୍ରସୂନୁରାଦିତ୍ୟ ଆଗାଦ୍ଭଗନାମଧାରୀ ॥

SP0130121 ପୀନାଶ୍ଣ୍ଗୟଷ୍ଟିଃ ସୁକୃତାଶ୍ଣ୍ଗହାରସ୍ତେଜୋବଲାଜ୍ଞାସଦୃଶପ୍ରଭାବଃ ।
SP0130122 ଦଣ୍ଡଂ ସମାଦାୟ କୃତାନ୍ତ ଆଗାଦାରୁହ୍ୟ ଭୀମଂ ମହିଷଂ ଜବେନ ॥

SP0130131 ମହାମହୀଧ୍ରୋଚ୍ଛ୍ରୟପୀନଗାତ୍ରଃ ସ୍ୱର୍ଣାଦିରତ୍ନାଚିତଚାରୁବେଷଃ ।
SP0130132 ସମୀରଣଃ ସର୍ୱଜଗଦ୍ୱିଭର୍ତା ବିମାନମାରୁହ୍ୟ ସମଭ୍ୟଗାଦ୍ଧି ॥

SP0130141 ସନ୍ତାପୟନ୍ସର୍ୱସୁରାସୁରେଶାଂସ୍ତେଜୋଧିକସ୍ତେଜସି ସଂନିବିଶ୍ୟ ।
SP0130142 ବହ୍ନିଃ ସମଭ୍ୟେତ୍ୟ ସୁରେନ୍ଦ୍ରମଧ୍ୟେ ଜ୍ୱଲନ୍ପ୍ରତସ୍ଥୌ ବରବେଷଧାରୀ ॥

SP0130151 ନାନାମଣିପ୍ରଜ୍ୱଲିତାଶ୍ଣ୍ଗୟଷ୍ଟିର୍ଜଗଚ୍ଚରନ୍ଦିବ୍ୟବିମାନମଗ୍ର୍ୟମ୍ ।
SP0130152 ଆରୁହ୍ୟ ସର୍ୱଦ୍ରବିଣାଧିପେଶଃ ସ ରାଜରାଜସ୍ତ୍ୱରିତୋଽଭ୍ୟଗାଚ୍ଚ ॥

SP0130161 ଆପ୍ୟାୟଯନ୍ସର୍ୱସୁରାସୁରେଶାନ୍କାନ୍ତ୍ୟା ଚ ବେଷେଣ ଚ ଚାରୁରୂପଃ ।
SP0130162 ଜ୍ୱଲନ୍ମହାରତ୍ନବିଚିତ୍ରରୂପଂ ବିମାନମାରୁହ୍ୟ ଶଶୀ ସମାଗାତ୍ ॥

SP0130171 ଶ୍ୟାମାଶ୍ଣ୍ଗୟଷ୍ଟିଃ ସୁବିଚିତ୍ରବେଷଃ ସର୍ୱସ୍ରଗାବଦ୍ଧସୁଗନ୍ଧମାଲୀ ।
SP0130172 ତାର୍କ୍ଷ୍ୟଂ ସମାରୁହ୍ୟ ମହୀଧ୍ରକଲ୍ପଂ ଗଦାଧରୋଽସୌ ତ୍ୱରିତଂ ସମେତଃ ॥

SP0130181 ତଥାଶ୍ୱିନୌ ଦେବଭିଷଗ୍ୱରୌ ତୁ ଏକଂ ବିମାନଂ ତ୍ୱରୟାଭିରୁହ୍ୟ ।
SP0130182 ମନୋହରାବୁଜ୍ଜ୍ୱଲଚାରୁବେଷାବାଜଗ୍ମତୁର୍ଦେବସଦଃ ସୁବୀରୌ ॥

SP0130191 ଶେଷଃ ସହସ୍ରଂ ସ୍ଫୁରଦଗ୍ନିବର୍ଣଂ ବିଭ୍ରତ୍ସ୍ଫଟାନାଂ ଜ୍ୱଲନାର୍କତେଜାଃ ।
SP0130192 ସାର୍ଧଂ ସ ନାଗୈରପରୈର୍ମହାତ୍ମା ବିମାନମାରୁହ୍ୟ ସମଭ୍ୟଗାଚ୍ଚ ॥

SP0130201 ଦିତେଃ ସୁତାନାଂ ଚ ମହାସୁରାଣାଂ ବହ୍ନ୍ୟର୍କଶକ୍ରାନିଲତୁଲ୍ୟଭାସାମ୍ ।
SP0130202 ବରାନୁରୂପଂ ପ୍ରବିଧାୟ ବେଷଂ ବୃନ୍ଦଂ ସମାଗାତ୍ପୁରତଃ ସୁରାଣାମ୍ ॥

SP0130211 ଗନ୍ଧର୍ୱରାଜଃ ସ ଚ ଚାରୁରୂପୀ ଦିବ୍ୟଶ୍ଣ୍ଗମୋ ଦିବ୍ୟବିମାନଚାରୀ ।
SP0130212 ଗନ୍ଧର୍ୱସଙ୍ଘୈଃ ସହିତୋଽପ୍ସରୋଭିଃ ଶକ୍ରାଜ୍ଞୟା ତତ୍ର ସମାଜଗାମ ॥

SP0130221 ଅନ୍ୟେ ଚ ଦେବାସ୍ତ୍ରିଦିବୌକସେଶାଃ ପୃଥକ୍ପୃଥକ୍ଚାରୁଗୃହୀତବେଷାଃ ।
SP0130222 ଆଜଗ୍ମୁରାରୁହ୍ୟ ବିମାନପୃଷ୍ଠଂ ଗନ୍ଧର୍ୱୟକ୍ଷୋରଗକିଂନରାଶ୍ଚ ॥

SP0130231 ଶଚୀପତିସ୍ତତ୍ର ସୁରେନ୍ଦ୍ରମଧ୍ୟେ ରାଜାଧିକାରାଧିକଲକ୍ଷ୍ୟମୂର୍ତିଃ ।
SP0130232 ଆଜ୍ଞାବଲୈଶ୍ୱର୍ୟକୃତପ୍ରମୋହୋ ବୃଥାଧିକଂ ଯତ୍ନମୁପାଚକାର ॥

SP0130241 ହେତୁସ୍ତ୍ରିଲୋକସ୍ୟ ଜଗତ୍ପ୍ରସୂତେର୍ମାତା ଚ ତେଷାଂ ସସୁରାସୁରାଣାମ୍ ।
SP0130242 ପତ୍ନୀ ଚ ଶମ୍ଭୋଃ ପୁରୁଷସ୍ୟ ଧାମ୍ନୋ ଗୀତା ପୁରାଣେ ପ୍ରକୃତିଃ ପରାର୍ଥା ।
SP0130243 ଦକ୍ଷସ୍ୟ କୋପାଦ୍ଧିମବଦ୍ଗୃହଂ ସା କାର୍ୟାର୍ଥମାଗାତ୍ପରମେଶପତ୍ନୀ ॥

SP0130251 ଏବଂ ଯତସ୍ତାଂ ନ ବିଦୁଃ ସୁରେଶା ମୋହସ୍ତତସ୍ତାନ୍ପର ଆବିବେଶ ।
SP0130252 ବରାର୍ଥମାଜଗ୍ମୁରତୋ ବିମୂଢା ଈଶେନ ଯସ୍ମାଦ୍ୱୃଡିତାଃ କୃତାସ୍ତେ ॥

SP0130261 ତତଃ ପ୍ରନୃତ୍ତାଭିରଥାପ୍ସରୋଭିର୍ଗନ୍ଧର୍ୱସଙ୍ଘୈଶ୍ଚ ସୁଗୀତଶବ୍ଦୈଃ ।
SP0130262 ସ୍ଥିତୈଶ୍ଚ ନାନାବିଧରୂପବେଷୈର୍ଦେବାସୁରାଦିତ୍ରିଦିବୌକସଙ୍ଘୈଃ ॥

SP0130271 ବିମାନପୃଷ୍ଠେ ମଣିହେମଚିତ୍ରେ ସ୍ଥିତା ଚଲଚ୍ଚାମରବୀଜିତାଶ୍ଣ୍ଗୀ ।
SP0130272 ସର୍ୱର୍ତୁପୁଷ୍ପାଂ ସୁସୁଗନ୍ଧମାଲାଂ ପ୍ରଗୃହ୍ୟ ଦେବୀ ପ୍ରସଭଂ ପ୍ରତସ୍ଥେ ॥

SP0130280 ସନତ୍କୁମାର ଉବାଚ ।
SP0130281 ମାଲାଂ ପ୍ରଗୃହ୍ୟ ଦେବ୍ୟାଂ ତୁ ସ୍ଥିତାୟାଂ ଦେବସଂସଦି ।
SP0130282 ଶକ୍ରାଦ୍ୟୈରାଗତୈର୍ଦେବୈଃ ସ୍ୱୟଂବରମୁପାଗତୈଃ ॥

SP0130291 ଦେବ୍ୟା ଜିଜ୍ଞାସୟା ଶମ୍ଭୁର୍ଭୂତ୍ୱା ପଞ୍ଚଶିଖଃ ଶିଶୁଃ ।
SP0130292 ଉତ୍ସଶ୍ଣ୍ଗତଲସଂସୁପ୍ତୋ ବଭୂବ ସହସା ବିଭୁଃ ॥

SP0130301 ଅକସ୍ମାଦଥ ତଂ ଦେବୀ ଶିଶୁଂ ପଞ୍ଚଶିଖଂ ସ୍ଥିତମ୍ ।
SP0130302 ଜ୍ଞାତ୍ୱା ଯୋଗସମାଧାନାଜ୍ଜହୃଷେ ପ୍ରୀତିସଂୟୁତା ॥

SP0130311 ଅଥ ସା ଶୁଦ୍ଧସଙ୍କଲ୍ପା କାଶ୍ଣ୍କ୍ଷିତପ୍ରାପ୍ତସତ୍ଫଲା ।
SP0130312 ନିର୍ୱୃତେବ ତଦା ତସ୍ଥୌ କୃତ୍ୱା ହୃଦି ତମେବ ତୁ ॥

SP0130321 ତତୋ ଦୃଷ୍ଟ୍ୱା ଶିଶୁଂ ଦେବା ଦେବ୍ୟା ଉତ୍ସଶ୍ଣ୍ଗବର୍ତିନମ୍ ।
SP0130322 କୋଽୟମତ୍ରେତି ସମ୍ମନ୍ତ୍ର୍ୟ ଚୁକ୍ରୁଧୁର୍ଭୃଶମାର୍ଦିତାଃ ॥

SP0130331 ବଜ୍ରମାକାରୟତ୍ତସ୍ୟ ବାହୁମୁତ୍କ୍ଷିପ୍ୟ ବୃତ୍ରହା ।
SP0130332 ସ ବାହୁରୁତ୍ଥିତସ୍ତସ୍ୟ ତଥୈବ ସମତିଷ୍ଠତ ॥

SP0130341 ସ୍ତମ୍ଭିତଃ ଶିଶୁରୂପେଣ ଦେବଦେବେନ ଶମ୍ଭୁନା ।
SP0130342 ବଜ୍ରଂ କ୍ଷେପ୍ତୁଂ ନ ଶଶାକ ବାହୁଂ ଚାଲୟିତୁଂ ନ ଚ ॥

SP0130351 ଭଗୋ ନାମ ତତୋ ଦେବ ଆଦିତ୍ୟଃ କାଶ୍ୟପୋ ବଲୀ ।
SP0130352 ଉତ୍କ୍ଷିପ୍ୟ ମୁଶଲଂ ଦୀପ୍ତଂ କ୍ଷେପ୍ତୁମୈଚ୍ଛଦ୍ୱିମୋହିତଃ ।
SP0130353 ତସ୍ୟାପି ଭଗବାନ୍ବାହୁଂ ତଥୈବାସ୍ତମ୍ଭୟତ୍ତଦା ॥

SP0130361 ଶିରଃ ପ୍ରକମ୍ପୟନ୍ୱିଷ୍ଣୁଃ ସକ୍ରୋଧସ୍ତମବୈକ୍ଷତ ।
SP0130362 ତସ୍ୟାପି ଶିରସୋ ଦେବଃ ଖାଲିତ୍ୟଂ ପ୍ରଚକାର ହ ॥

SP0130371 ପୂଷା ଦନ୍ତାନ୍ଦଶନ୍ଦନ୍ତୈଃ ଶର୍ୱମୈକ୍ଷତ ମୋହିତଃ ।
SP0130372 ତସ୍ୟାପି ଦଶନାଃ ପେତୁର୍ଦୃଷ୍ଟମାତ୍ରସ୍ୟ ଶମ୍ଭୁନା ॥

SP0130381 ଯମସ୍ୟ ସ୍ତମ୍ଭିତୋ ଦଣ୍ଡସ୍ତେଜୋ ବହ୍ନେଃ ଶଶେଃ ପ୍ରଭା ।
SP0130382 ବଲଂ ବାୟୋସ୍ତଥାନ୍ୟେଷାଂ ତସ୍ମିନ୍ସର୍ୱଦିବୌକସାମ୍ ।
SP0130383 ବଲଂ ତେଜଶ୍ଚ ଯୋଗଂ ଚ ତଥୈବାସ୍ତମ୍ଭୟଦ୍ୱିଭୁଃ ॥

SP0130391 ଅଥ ତେଷୁ ସ୍ଥିତେଷ୍ୱେବଂ ମନ୍ୟୁମତ୍ସୁ ସୁରେଷୁ ତୁ ।
SP0130392 ବ୍ରହ୍ମା ପରମସଂବିଗ୍ନୋ ଧ୍ୟାନମାସ୍ଥାୟ ସାଦରମ୍ ।
SP0130393 ବୁବୁଧେ ଦେବଦେବେଶମୁମୋତ୍ସଶ୍ଣ୍ଗସମାସ୍ଥିତମ୍ ॥

SP0130401 ସ ବୁଦ୍ଧ୍ୱା ପରମେଶାନଂ ଶୀଘ୍ରମୁତ୍ଥାୟ ସାଦରମ୍ ।
SP0130402 ବବନ୍ଦେ ଚରଣୌ ଶମ୍ଭୋରସ୍ତୁବଚ୍ଚ ପିତାମହଃ ।
SP0130403 ପୌରାଣୈଃ ସାମସଙ୍ଗୀତୈଃ ପୁଣ୍ୟାଖ୍ୟୈର୍ଗୁହ୍ୟନାମଭିଃ ॥

SP0130411 ଅଜସ୍ତ୍ୱମମରୋ ଦେବ ସ୍ରଷ୍ଟା ହର୍ତା ବିଭୁଃ ପରଃ ।
SP0130412 ପ୍ରଧାନପୁରୁଷସ୍ତତ୍ତ୍ୱଂ ବ୍ରହ୍ମ ଧ୍ୟେୟଂ ତଦକ୍ଷୟମ୍ ॥

SP0130421 ଅମୃତଂ ପରମାତ୍ମା ଚ ଈଶ୍ୱରଃ କାରଣଂ ମହତ୍ ।
SP0130422 ବ୍ରହ୍ମକୃତ୍ପ୍ରକୃତେଃ ସ୍ରଷ୍ଟା ସର୍ୱସୃକ୍ପରମେଶ୍ୱରଃ ॥

SP0130431 ଇୟଂ ଚ ପ୍ରକୃତିର୍ଦେବୀ ସଦା ତେ ସୃଷ୍ଟିକାରଣମ୍ ।
SP0130432 ପତ୍ନୀରୂପଂ ସମାସ୍ଥାୟ ଜଗତ୍କାରଣମାଗତା ॥

SP0130441 ନମସ୍ତୁଭ୍ୟଂ ସଦେଶାନ ଦେବ୍ୟାଶ୍ଚୈବ ସଦା ନମଃ ।
SP0130442 ପ୍ରସାଦାତ୍ତବ ଦେବେଶ ନିୟୋଗାଚ୍ଚ ମୟା ପ୍ରଜାଃ ॥

SP0130451 ଦେବାଦ୍ୟାସ୍ତ ଇମେ ସୃଷ୍ଟା ମୂଢାସ୍ତ୍ୱଦ୍ୟୋଗମୋହିତାଃ ।
SP0130452 କୁରୁ ପ୍ରସାଦମେତେଷାଂ ଯଥାପୂର୍ୱଂ ଭବନ୍ତ୍ୱିମେ ॥

SP0130461 ତତ ଏବଂ ତଦା ବ୍ରହ୍ମା ବିଜ୍ଞାପ୍ୟ ପରମେଶ୍ୱରମ୍ ।
SP0130462 ସ୍ତମ୍ଭିତାନ୍ସର୍ୱଦେବାଂସ୍ତାନିଦମାହ ମହାଦ୍ୟୁତିଃ ॥

SP0130471 ମୂଢାଃ ସ୍ଥ ଦେବତାଃ ସର୍ୱେ ନୈନଂ ବୁଧ୍ୟତ ଶଙ୍କରମ୍ ।
SP0130472 ଦେବଦେବମିହାୟାତଂ ମମୈବୋତ୍ପତ୍ତିକାରଣମ୍ ॥

SP0130481 ଅୟଂ ରୁଦ୍ରୋ ମହାଦେବଃ ଶର୍ୱୋ ଭୀମଃ କପର୍ଦିମାନ୍ ।
SP0130482 ଉଗ୍ର ଈଶାନ ଆତ୍ମା ଚ ଅଜଃ ଶଙ୍କର ଏବ ଚ ॥

SP0130491 ଦେବଦେବଃ ପରଂ ଧାମ ଈଶଃ ପଶୁପତିଃ ପତିଃ ।
SP0130492 ଜଗତ୍ସ୍ରଷ୍ଟା ଜଗଦ୍ଧର୍ତା ଜଗତ୍ସଂସ୍ଥିତିକାରଣମ୍ ॥

SP0130501 ଗଚ୍ଛଧ୍ୱଂ ଶରଣଂ ଶୀଘ୍ରମେବମେବାମରେଶ୍ୱରାଃ ।
SP0130502 ସାର୍ଧଂ ମୟୈବ ଦେବେଶଂ ପରମାତ୍ମାନମବ୍ୟଯମ୍ ॥

SP0130511 ତତସ୍ତେ ସ୍ତମ୍ଭିତାଃ ସର୍ୱେ ତଥୈବ ତ୍ରିଦିବୌକସଃ ।
SP0130512 ପ୍ରଣେମୁର୍ମନସା ଶର୍ୱଂ ଭାବଶୁଦ୍ଧେନ ଚେତସା ॥

SP0130521 ଅଥ ତେଷାଂ ପ୍ରସନ୍ନୋଽଭୂଦ୍ଦେବଦେବୋ ମହେଶ୍ୱରଃ ।
SP0130522 ଯଥାପୂର୍ୱଂ ଚକାରାଶୁ ଦେବତାନାଂ ତନୂସ୍ତଦା ॥

SP0130531 ତତ ଏବଂ ପ୍ରବୃତ୍ତେ ତୁ ସର୍ୱଦେବନିବାରଣେ ।
SP0130532 ବପୁଶ୍ଚକାର ଦେବେଶସ୍ତ୍ର୍ୟକ୍ଷଂ ପରମମଦ୍ଭୁତମ୍ ।
SP0130533 ତେଜସା ଯସ୍ୟ ଦେବାସ୍ତେ ଚକ୍ଷୁରପ୍ରାର୍ଥୟନ୍ୱିଭୁମ୍ ॥

SP0130541 ତେଭ୍ୟଃ ପରମକଂ ଚକ୍ଷୁଃ ସ୍ୱବପୁର୍ଦୃଷ୍ଟିଶକ୍ତିମତ୍ ।
SP0130542 ପ୍ରାଦାତ୍ପରମଦେବେଶଃ ଅପଶ୍ୟଂସ୍ତେ ତଦା ପ୍ରଭୁମ୍ ॥

SP0130551 ତେ ଦୃଷ୍ଟ୍ୱା ପରମେଶାନଂ ତୃତୀୟେକ୍ଷଣଧାରିଣମ୍ ।
SP0130552 ବ୍ରହ୍ମାଦ୍ୟା ନେମିରେ ତୂର୍ଣଂ ସର୍ୱ ଏବ ସୁରେଶ୍ୱରାଃ ॥

SP0130561 ତସ୍ୟ ଦେବୀ ତଦା ହୃଷ୍ଟା ସମକ୍ଷଂ ତ୍ରିଦିବୌକସାମ୍ ।
SP0130562 ପାଦୟୋଃ ସ୍ଥାପୟାମାସ ସ୍ରଗ୍ମାଲାମମିତଦ୍ୟୁତେଃ ॥

SP0130571 ସାଧୁ ସାଧ୍ୱିତି ସମ୍ପ୍ରୋଚ୍ୟ ଦେବତାସ୍ତେ ପୁନର୍ୱିଭୁମ୍ ।
SP0130572 ସହ ଦେବ୍ୟା ନମଶ୍ଚକ୍ରୁଃ ଶିରୋଭିର୍ଭୂତଲାଶ୍ରିତୈଃ ॥

SP0130581 ଅଥାସ୍ମିନ୍ନନ୍ତରେ ବ୍ୟାସ ବ୍ରହ୍ମା ଲୋକପିତାମହଃ ।
SP0130582 ହିମବନ୍ତଂ ମହାଶୈଲମିଦମାହ ମହାଦ୍ୟୁତିଃ ॥

SP0130591 ଶ୍ଲାଘ୍ୟଃ ପୂଜ୍ୟଶ୍ଚ ବନ୍ଦ୍ୟଶ୍ଚ ସର୍ୱେଷାଂ ନସ୍ତ୍ୱମଦ୍ୟ ହି ।
SP0130592 ଶର୍ୱେଣ ସହ ସମ୍ବନ୍ଧୋ ଯସ୍ୟ ତେଽଭୂଦୟଂ ମହାନ୍ ।
SP0130593 କ୍ରିୟତାଂ ଚାଶୁ ଉଦ୍ୱାହଃ କିମର୍ଥଂ ସ୍ଥୀୟତେ ପରମ୍ ॥

SP0130601 ତତଃ ପ୍ରଣମ୍ୟ ହିମବାଂସ୍ତଂ ଦେବଂ ପ୍ରତ୍ୟଭାଷତ ।
SP0130602 ତ୍ୱମେବ କାରଣଂ ଦେବ ଯେନ ଶର୍ୱାଦୟଂ ମମ ॥

SP0130611 ପ୍ରସାଦଃ ସହସୋତ୍ପନ୍ନୋ ହେତୁଶ୍ଚାପି ତ୍ୱମେବ ହି ।
SP0130612 ଉଦ୍ୱାହଂ ତୁ ଯଥା ଯାଦୃକ୍ତଦ୍ୱିଧତ୍ସ୍ୱ ପିତାମହ ॥

SP0130621 ତତ ଏବଂ ବଚଃ ଶ୍ରୁତ୍ୱା ଗିରିରାଜ୍ଞଃ ପିତାମହଃ ।
SP0130622 ଉଦ୍ୱାହଃ କ୍ରିୟତାଂ ଦେବ ଇତି ଦେବମୁବାଚ ହ ।
SP0130623 ତମାହ ଶଙ୍କରୋ ଦେବଂ ଯଥେଷ୍ଟମିତି ଲୋକପଃ ॥

SP0130631 ତତ୍କ୍ଷଣାଚ୍ଚ ତତୋ ବ୍ୟାସ ବ୍ରହ୍ମଣା କଲ୍ପିତଂ ପୁରମ୍ ।
SP0130632 ଉଦ୍ୱାହାର୍ଥଂ ମହେଶସ୍ୟ ନାନାରତ୍ନୋପଶୋଭିତମ୍ ॥

SP0130641 ରତ୍ନାନି ମଣୟଶ୍ଚିତ୍ରା ହେମ ମୌକ୍ତିକମେବ ଚ ।
SP0130642 ମୂର୍ତିମନ୍ତ ଉପାଗମ୍ୟ ଅଲଞ୍ଚକ୍ରୁଃ ପୁରୋତ୍ତମମ୍ ॥

SP0130651 ଚିତ୍ରା ମାରକତୀ ଭୂମିଃ ସୌବର୍ଣସ୍ତମ୍ଭଶୋଭିତା ।
SP0130652 ଭାସ୍ୱତ୍ସ୍ଫଟିକଭିତ୍ତୀଭିର୍ମୁକ୍ତାହାରପ୍ରଲମ୍ବିତା ॥

SP0130661 ତସ୍ମିଞ୍ଛିବପୁରେ ରମ୍ୟେ ଉଦ୍ୱାହାର୍ଥଂ ବିନିର୍ମିତେ ।
SP0130662 ଶୁଶୁଭେ ଦେବଦେବସ୍ୟ ମହେଶସ୍ୟ ମହାତ୍ମନଃ ॥

SP0130671 ସୋମାଦିତ୍ୟୌ ସମଂ ତତ୍ର ଭାସୟନ୍ତୌ ମହାମଣୀ ।
SP0130672 ସୌରଭେୟଂ ମନୋରମ୍ୟଂ ଗନ୍ଧମାଘ୍ରାୟ ମାରୁତଃ ।
SP0130673 ପ୍ରବବୌ ସୁଖସଂସ୍ପର୍ଶ ଈଶେ ଭକ୍ତିଂ ପ୍ରସାଦୟନ୍ ॥

SP0130681 ସମୁଦ୍ରାସ୍ତତ୍ର ଚତ୍ୱାରଃ ଶକ୍ରାଦ୍ୟାଶ୍ଚ ସୁରୋତ୍ତମାଃ ।
SP0130682 ଦେବନଦ୍ୟୋ ମହାନଦ୍ୟଃ ସିଦ୍ଧା ମୁନୟ ଏବ ଚ ॥

SP0130691 ଗନ୍ଧର୍ୱାପ୍ସରସଃ ସର୍ୱେ ନାଗା ଯକ୍ଷାଃ ସରାକ୍ଷସାଃ ।
SP0130692 ଗୁହ୍ୟକାଃ ଖେଚରାଶ୍ଚାନ୍ୟେ କିଂନରା ଦେବଚାରଣାଃ ॥

SP0130701 ତୁମ୍ବୁରୁର୍ନାରଦୋ ହାହା ହୂହୂ ଚୈବ ତୁ ସାମଗାଃ ।
SP0130702 ରତ୍ନାନ୍ୟାଦାୟ ବାଦ୍ୟାଂଶ୍ଚ ତତ୍ରାଜଗ୍ମୁସ୍ତଦା ପୁରମ୍ ॥

SP0130711 ଋଷୟଃ କୃତ୍ସ୍ନଶସ୍ତତ୍ର ବେଦଗୀତାଂସ୍ତପୋଧନାଃ ।
SP0130712 ପୁଣ୍ୟାନ୍ୱୈବାହିକାନ୍ମନ୍ତ୍ରାଞ୍ଜେପୁଃ ସଂହୃଷ୍ଟମାନସାଃ ॥

SP0130721 ଜଗତୋ ମାତରଃ ସର୍ୱା ଦେବକନ୍ୟାଶ୍ଚ କୃତ୍ସ୍ନଶଃ ।
SP0130722 ଗାୟନ୍ତି ହୃଷିତାଃ ସର୍ୱା ଉଦ୍ୱାହେ ପରମେଷ୍ଠିନଃ ॥

SP0130731 ଋତବଃ ଷଟ୍ ସମଂ ତତ୍ର ନାନାଗନ୍ଧସୁଖାବହାଃ ।
SP0130732 ଉଦ୍ୱାହଃ ଶଙ୍କରସ୍ୟେତି ମୂର୍ତିମନ୍ତ ଉପସ୍ଥିତାଃ ॥

SP0130741 ନୀଲଜୀମୂତସଙ୍ଘାତମନ୍ଦ୍ରଧ୍ୱାନପ୍ରହର୍ଷିତୈଃ ।
SP0130742 କେକାୟମାନୈଃ ଶିଖିଭିର୍ନୃତ୍ୟମାନୈଶ୍ଚ ସର୍ୱଶଃ ॥

SP0130751 ବିଲୋଲପିଶ୍ଣ୍ଗଲସ୍ପଷ୍ଟବିଦ୍ୟୁଲ୍ଲେଖାବଭାସିତା ।
SP0130752 କୁମୁଦାପୀତଶୁକ୍ଲାଭିର୍ବଲାକାଭିଶ୍ଚ ଶୋଭିତା ॥

SP0130761 ପ୍ରତ୍ୟଗ୍ରସଞ୍ଜାତଶିଲୀନ୍ଧ୍ରକନ୍ଦଲା ଲତାଦ୍ରୁମାଭ୍ୟୁଦ୍ଗତଚାରୁପଲ୍ଲବା ।
SP0130762 ଶୁଭାମ୍ବୁଧାରାପ୍ରଣୟପ୍ରବୋଧିତୈର୍ମଦାଲସୈର୍ଭେକଗଣୈଶ୍ଚ ନାଦିତା ॥

SP0130771 ପ୍ରିୟେଷୁ ମାନୋନ୍ନତମାନସାନାଂ ସୁନିଶ୍ଚିତାନାମପି କାମିନୀନାମ୍ ।
SP0130772 ମୟୂରକେକାଭିରୁତୈଃ କ୍ଷଣେନ ମନୋହରୈର୍ମାନବିଭଶ୍ଣ୍ଗକର୍ତ୍ରୀ ॥

SP0130781 ତଥା ତ୍ରିବର୍ଣୋଜ୍ଜ୍ୱଲଚାରୁମୂର୍ତିନା ଶଶାଶ୍ଣ୍କଲେଖାକୁଟିଲେନ ସର୍ୱତଃ ।
SP0130782 ପୟୋଦସଙ୍ଘାତସମୀପବର୍ତିନା ମହେନ୍ଦ୍ରଚାପେନ ଭୃଶଂ ବିରାଜିତା ॥

SP0130791 ବିଚିତ୍ରପୁଷ୍ପସ୍ପର୍ଶାତ୍ସୁଗନ୍ଧିଭିର୍ଘନାମ୍ବୁସମ୍ପର୍କତୟା ସୁଶୀତଲୈଃ ।
SP0130792 ବିକମ୍ପୟନ୍ତୀ ପବନୈର୍ମନୋହରୈଃ ସୁରାଶ୍ଣ୍ଗନାନାମଲକାବଲୀଃ ଶୁଭାଃ ॥

SP0130801 ଗର୍ଜତ୍ପୟୋଦସ୍ଥଗିତେନ୍ଦୁବିମ୍ବା ନବାମ୍ବୁସେକୋଦ୍ଗତଚାରୁଦୂର୍ୱା ।
SP0130802 ନିରୀକ୍ଷିତା ସାଦରମୁତ୍ସୁକାଭିର୍ନିଶ୍ୱାସଧୂମ୍ରଂ ପଥିକାଶ୍ଣ୍ଗନାଭିଃ ॥

SP0130811 ହଂସନୂପୁରଶବ୍ଦାଢ୍ୟା ସମୁନ୍ନତପୟୋଧରା ।
SP0130812 ଚଲଦ୍ୱିଦ୍ୟୁଲ୍ଲତାକାଞ୍ଚୀ ସ୍ପଷ୍ଟପଦ୍ମବିଲୋଚନା ॥

SP0130821 ଅସିତଜଲଦବୃନ୍ଦଧ୍ୱାନବିତ୍ରସ୍ତହଂସା
ବିମଲସଲିଲଧାରାପାତନମ୍ରୋତ୍ପଲାଗ୍ରା ।
SP0130822 ସୁରଭିକୁସୁମରେଣୁକ୍।ଲ୍ପ୍ତସର୍ୱାଶ୍ଣ୍ଗଶୋଭା ଗିରିଦୁହିତୃବିବାହେ
ପ୍ରାବୃଡାଗାଦ୍ୱିଭୂତ୍ୟୈ ॥

SP0130831 ମେଘକଞ୍ଚୁକନିର୍ମୁକ୍ତା ପଦ୍ମକୋଶୋଦ୍ଗତସ୍ତନୀ ।
SP0130832 ହଂସନୂପୁରନିର୍ହ୍ରାଦା ସର୍ୱରମ୍ୟଦିଗନ୍ତରା ॥

SP0130841 ବିସ୍ତୀର୍ଣପୁଲିନଶ୍ରୋଣୀ କୂଜତ୍ସାରସମେଖଲା ।
SP0130842 ପ୍ରଫୁଲ୍ଲେନ୍ଦୀବରାଭୋଗବିଲୋଚନମନୋହରା ॥

SP0130851 ପକ୍ୱବିମ୍ବାଧରପୁଟା କୁନ୍ଦଦନ୍ତପ୍ରହାସିନୀ ।
SP0130852 ନବଶ୍ୟାମାଲତାଶ୍ୟାମରୋମରାଜୀପରିଷ୍କୃତା ॥

SP0130861 ଚନ୍ଦ୍ରାଂଶୁହାରବର୍ୟେଣ ସୌଧୋରଃସ୍ଥଲସର୍ପିଣା ।
SP0130862 ପ୍ରହ୍ଲାଦୟନ୍ତୀ ଚେତାଂସି ସର୍ୱେଷାଂ ତ୍ରିଦିବୌକସାମ୍ ॥

SP0130871 ସମଦାଲିକୁଲୋଦ୍ଗୀତମଧୁରସ୍ୱରଭାଷିଣୀ ।
SP0130872 ଚଲତ୍କୁମୁଦସଙ୍ଘାତଚାରୁକୁଣ୍ଡଲଶୋଭିନୀ ॥

SP0130881 ରକ୍ତାଶୋକାଗ୍ରଶାଖୋତ୍ଥପଲ୍ଲବାଶ୍ଣ୍ଗୁଲିଧାରିଣୀ ।
SP0130882 ତତ୍ପୁଷ୍ପସଞ୍ଚୟମୟୈର୍ୱାସୋଭିଃ ସମଲଙ୍କୃତା ॥

SP0130891 ରକ୍ତୋତ୍ପଲାଗ୍ରଚରଣା ଜାତୀପୁଷ୍ପନଖାବଲୀ ।
SP0130892 କଦଲୀସ୍ତମ୍ଭଚାରୂରୁଃ ଶଶାଶ୍ଣ୍କବଦନା ତଥା ॥

SP0130901 ପଦ୍ମକିଞ୍ଜଲ୍କସମ୍ପୃକ୍ତପବନାଗ୍ରକରୈଃ ସୁରାନ୍ ।
SP0130902 ପ୍ରେମ୍ଣା ସ୍ପୃଶନ୍ତୀ କାନ୍ତେବ ଶରଦାଗାନ୍ମନୋରମା ॥

SP0130911 ନିର୍ମୁକ୍ତାସିତମେଘକଞ୍ଚୁକପୁଟା ପୂର୍ଣେନ୍ଦୁବିମ୍ବାନନା
SP0130912 ନୀଲାମ୍ଭୋଜବିଲୋଚନାରବିନ୍ଦମୁକୁଲପ୍ରୋଦ୍ଭିନ୍ନଚାରୁସ୍ତନୀ ।
SP0130913 ନାନାପୁଷ୍ପରଜଃସୁଗନ୍ଧିପବନପ୍ରହ୍ଲାଦନୀ ଚେତସାଂ
SP0130914 ତତ୍ରାଗାତ୍କଲହଂସନୂପୁରରବା ଦେବ୍ୟା ବିବାହେ ଶରତ୍ ॥

SP0130921 ଅତ୍ୟର୍ଥଶୀତଲାମ୍ଭୋଭିଃ ପ୍ଲାବୟନ୍ତୌ ଗିରେଃ ଶିଲାଃ ।
SP0130922 ଋତୂ ଶିଶିରହେମନ୍ତାବାଜଗ୍ମତୁରତିଦ୍ୟୁତୀ ॥

SP0130931 ତାଭ୍ୟାମୃତୁଭ୍ୟାଂ ପ୍ରାପ୍ତାଭ୍ୟାଂ ହିମବାନ୍ସ ନଗୋତ୍ତମଃ ।
SP0130932 ପ୍ରାଲେୟଚୂର୍ଣବର୍ଷିଭ୍ୟାଂ କ୍ଷିପ୍ରଂ ରୌପ୍ୟ ଇବାବଭୌ ॥

SP0130941 ତେନ ପ୍ରାଲେୟବର୍ଷେଣ ଘନେନ ସ ହିମାଚଲଃ ।
SP0130942 ଅଗାଧେନ ତଦା ରେଜେ କ୍ଷୀରୋଦ ଇବ ସାଗରଃ ॥

SP0130951 ହିମସ୍ଥାନେଷୁ ହିମବାନ୍ନାଶୟାମାସ ପାଦପାନ୍ ।
SP0130952 ସାଧୂପଚାରାନ୍ସହସା କୃତାର୍ଥ ଇବ ଦୁର୍ଜନଃ ॥

SP0130961 ପ୍ରାଲେୟପଟଲଚ୍ଛନ୍ନୈଃ ଶୃଶ୍ଣ୍ଗୈଃ ସ ଶୁଶୁଭେ ନଗଃ ।
SP0130962 ଛତ୍ରୈରିବ ମହାଭୋଗୈଃ ପାଣ୍ଡରୈଃ ପୃଥିବୀପତିଃ ॥

SP0130971 ପାଣ୍ଡରାଣି ବିଶାଲାନି ଶ୍ରୀମନ୍ତି ସୁଭଗାନି ଚ ।
SP0130972 ତୁଶ୍ଣ୍ଗାନି ଚାଦ୍ରିଶୃଶ୍ଣ୍ଗାଣି ସୌଧାନୀବ ଚକାଶିରେ ॥

SP0130981 ତସ୍ୟାଚଲେନ୍ଦ୍ରସ୍ୟ ଦରୀଷ୍ୱତୀବ ବିଚିତ୍ରସାରଶ୍ଣ୍ଗକୁଲାକୁଲାସୁ ।
SP0130982 ପ୍ରାଲେୟଧାରାଃ ଶଶିପାଦଗୌରା ଗୋକ୍ଷୀରଧାରା ଇବ ସଂନିପେତୁଃ ॥

SP0130991 ବହୁକୁସୁମରଜୋଭିରୁତ୍କରାଶ୍ଣ୍ଗା ହିମକଣସଶ୍ଣ୍ଗସୁଶୀତଲାଃ ସମୀରାଃ ।
SP0130992 ବବୁରମରଗଣେଶ୍ୱରାମ୍ବରାଣି ପ୍ରତନୁତମାନି ଶନୈର୍ୱିକମ୍ପୟନ୍ତଃ ॥

SP0131001 ନିର୍ଧୂତରୂକ୍ଷାନିଲଶୀତଦୋଷଃ ପ୍ରୋଦ୍ଭିନ୍ନଚୂତାଶ୍ଣ୍କୁରକର୍ଣପୂରଃ ।
SP0131002 ବସନ୍ତକାଲଶ୍ଚ ତମଦ୍ରିପୁତ୍ରୀସେବାର୍ଥମାଗାଦ୍ଧିମବନ୍ତମାଶୁ ॥

SP0131011 ତସ୍ମିନ୍ନୃତାବଦ୍ରିସୁତାବିବାହସିଷେବୟା ତଂ ଗିରିମଭ୍ୟୁପେତେ ।
SP0131012 ପ୍ରାଦୁର୍ବଭୂବୁଃ କୁସୁମାବତଂସାଃ ସମନ୍ତତଃ ପାଦପଗୁଲ୍ମଷଣ୍ଡାଃ ॥

SP0131021 ବବୁଃ ସୁଗନ୍ଧାଃ ସୁଭଗାଃ ସୁଶୀତା ବିଚିତ୍ରପୁଷ୍ପାଗ୍ରରଜୋତ୍କରାଶ୍ଣ୍ଗାଃ ।
SP0131022 ମନୋଭବୋଦ୍ରେକକରାଃ ସୁରାଣାଂ ସୁରାଶ୍ଣ୍ଗନାନାଂ ଚ ମୁହୁଃ ସମୀରାଃ ॥

SP0131031 ସ୍ୱଚ୍ଛାମ୍ବୁପୂର୍ଣାଶ୍ଚ ତଥା ନଲିନ୍ୟଃ ପଦ୍ମୋତ୍ପଲାନାଂ ମୁକୁଲୈରୁପେତାଃ ।
SP0131032 ଈଷତ୍ସମୁଦ୍ଭିନ୍ନପୟୋଧରାଗ୍ରା ନାର୍ୟୋ ଯଥା ରମ୍ୟତମା ବଭୂବୁଃ ॥

SP0131041 ଋତୋଃ ସ୍ୱଭାବାଚ୍ଚ ମଦୋଦ୍ଭବାଚ୍ଚ ଫୁଲ୍ଲାସୁ ଶାଖାସୁ ନିଲୀନପକ୍ଷାଃ ।
SP0131042 ଚେତୋଭିରାମଂ ତ୍ରିଦଶାଶ୍ଣ୍ଗନାନାଂ ପୁଂସ୍କୋକିଲାଶ୍ଚାତିକଲଂ ବିନେଦୁଃ ॥

SP0131051 ନାତ୍ୟୁଷ୍ଣଶୀତାନି ସରଃପୟାଂସି କିଞ୍ଜଲ୍କଚୂର୍ଣୈଃ କପିଲୀକୃତାନି ।
SP0131052 ଚକ୍ରାହ୍ୱୟୁଗ୍ମୈରୁପନାଦିତାନି ପପୁଃ ପ୍ରହୃଷ୍ଟାଃ ସୁରଦନ୍ତିମୁଖ୍ୟାଃ ॥

SP0131061 ପ୍ରିୟଶ୍ଣ୍ଗୂଶ୍ଚୂତତରବଶ୍ଚୂତାଂଶ୍ଚାପି ପ୍ରିୟଶ୍ଣ୍ଗବଃ ।
SP0131062 ତର୍ଜୟନ୍ତ ଇବାନ୍ୟୋନ୍ୟଂ ମଞ୍ଜରୀଭିଶ୍ଚକାଶିରେ ॥

SP0131071 ହିମଶୁକ୍ଲେଷୁ ଶୃଶ୍ଣ୍ଗେଷୁ ତିଲକାଃ କୁସୁମୋତ୍କରାଃ ।
SP0131072 ଶୁଶୁଭୁଃ କାର୍ୟମୁଦ୍ଦିଶ୍ୟ ବୃଦ୍ଧା ଇବ ସମାଗତାଃ ॥

SP0131081 ଫୁଲ୍ଲାଶୋକଲତାସ୍ତତ୍ର ରେଜିରେ ଶାଲସଂଶ୍ରିତାଃ ।
SP0131082 କାମିନ୍ୟ ଇବ କାନ୍ତାନାଂ କଣ୍ଠାଲମ୍ବିତମୂର୍ତୟଃ ॥

SP0131091 ସମଦାଲିକୁଲୋଦ୍ଗୀତଲତାକୁସୁମସଞ୍ଚୟାଃ ।
SP0131092 ପରସ୍ପରଂ ହି ମାଲତ୍ୟୋ ଭାଷନ୍ତ୍ୟ ଇବ ରେଜିରେ ॥

SP0131101 ନୀଲାନି ନୀଲାମ୍ବୁରୁହୈଃ ପୟାଂସି ଗୌରାଣି ଗୌରୈଶ୍ଚ ସନାଲଦଣ୍ଡୈଃ ।
SP0131102 ରକ୍ତୈଶ୍ଚ ରକ୍ତାନି ଭୃଶଂ କୃତାନି
ମତ୍ତଦ୍ୱିରେଫାର୍ଧବିଦଷ୍ଟପତ୍ରୈଃ ॥

SP0131111 ହୈମାନି ବିସ୍ତୀର୍ଣଜଲେଷୁ କେଷୁଚିନ୍ନିରନ୍ତରଂ ମାରକତାନି କେଷୁଚିତ୍ ।
SP0131112 ବୈଦୂର୍ୟନାଲାନି ସରଃସୁ କେଷୁଚିତ୍ପ୍ରଜଜ୍ଞିରେ ପଦ୍ମବନାନି ସର୍ୱତଃ ॥

SP0131121 ବାପ୍ୟସ୍ତତ୍ରାଭବନ୍ରମ୍ୟାଃ କମଲୋତ୍ପଲଭୂଷିତାଃ ।
SP0131122 ନାନାବିହଗସଙ୍ଘୁଷ୍ଟା ହେମସୋପାନପଶ୍ଣ୍କ୍ତୟଃ ॥

SP0131131 ଶୃଶ୍ଣ୍ଗାଣି ତସ୍ୟ ତୁ ଗିରେଃ କର୍ଣିକାରୈଃ ସୁପୁଷ୍ପିତୈଃ ।
SP0131132 ସମୁଚ୍ଛ୍ରିତାନ୍ୟବିରଲୈର୍ହୈମାନୀବ ବଭୁର୍ମୁନେ ॥

SP0131141 ଈଷଦୁଦ୍ଭିନ୍ନକୁସୁମୈଃ ପାଟଲୈଶ୍ଚାପି ପାଟଲାଃ ।
SP0131142 ସମ୍ବଭୂବୁର୍ଦିଶଃ ସର୍ୱାଃ ପବନାକମ୍ପିମୂର୍ତିଭିଃ ॥

SP0131151 କୃଷ୍ଣାଞ୍ଜନାଦ୍ରିଶୃଶ୍ଣ୍ଗାଭା ନୀଲାଶୋକମହୀରୁହାଃ ।
SP0131152 ଗିରୌ ବବୃଧିରେ ଫୁଲ୍ଲାଃ ସ୍ପର୍ଧୟେବ ପରସ୍ପରମ୍ ॥

SP0131161 ଚୀରୁବାକବିଘୁଷ୍ଟାନି କିଂଶୁକାନାଂ ବନାନି ଚ ।
SP0131162 ପର୍ୱତସ୍ୟ ନିତମ୍ବେଷୁ ସର୍ୱେଷ୍ୱେବାଭିଜଜ୍ଞିରେ ॥

SP0131171 ତମାଲଗୁଲ୍ମୈସ୍ତସ୍ୟାସୀଚ୍ଛୋଭା ହିମବତସ୍ତଦା ।
SP0131172 ନୀଲଜୀମୂତସଙ୍ଘାତୈର୍ନିଲୀନୈରିବ ସନ୍ଧିଷୁ ॥

SP0131181 ନିକାମପୁଷ୍ପୈଃ ସୁବିଶାଲଶାଖୈଃ ସମୁଚ୍ଛ୍ରିତୈଶ୍ଚମ୍ପକପାଦପୈଶ୍ଚ ।
SP0131182 ପ୍ରମତ୍ତପୁଂସ୍କୋକିଲସମ୍ପ୍ରଲାପୈର୍ହିମାଚଲୋଽତୀବ ତଦା ରରାଜ ॥

SP0131191 ଶ୍ରୁତ୍ୱା ଶବ୍ଦଂ ଋତୁମଦକଲଂ ସର୍ୱତଃ କୋକିଲାନାଂ
SP0131192 ଚଞ୍ଚତ୍ପକ୍ଷାଃ ସୁମଧୁରରୁତଂ ନୀଲକଣ୍ଠା ବିନେଦୁଃ ।
SP0131193 ତେଷାଂ ଶବ୍ଦୈରୁପଚିତବଲଃ ପୁଷ୍ପଚାପେଷୁହସ୍ତଃ
SP0131194 ସଜ୍ଜୀଭୂତସ୍ତ୍ରିଦଶବନିତା ବେଦ୍ଧୁମଶ୍ଣ୍ଗେଷ୍ୱନଶ୍ଣ୍ଗଃ ॥

SP0131201 ପଟୁସୂର୍ୟାତପଶ୍ଚାପି ପ୍ରାୟଃ ସୋଷ୍ଣଜଲାଶୟଃ ।
SP0131202 ଦେବୀବିବାହସେବାର୍ଥଂ ଗ୍ରୀଷ୍ମ ଆଗାଦ୍ଧିମାଚଲମ୍ ॥

SP0131211 ସ ଚାପି ତରୁଭିସ୍ତତ୍ର ବହୁଭିଃ କୁସୁମୋତ୍କରୈଃ ।
SP0131212 ଶୋଭୟାମାସ ଶୃଶ୍ଣ୍ଗାଣି ପ୍ରାଲେୟାଦ୍ରେଃ ସମନ୍ତତଃ ॥

SP0131221 ତସ୍ୟାପି ଚ ଋତୋସ୍ତତ୍ର ବାୟବଃ ସୁମନୋହରାଃ ।
SP0131222 ବବୁଃ ପାଟଲବିସ୍ତୀର୍ଣକଦମ୍ବାର୍ଜୁନଗନ୍ଧିନଃ ॥

SP0131231 ବାପ୍ୟଃ ପ୍ରଫୁଲ୍ଲପଦ୍ମୌଘାଃ କେସରାରୁଣମୂର୍ତୟଃ ।
SP0131232 ଅଭବଂସ୍ତଟସଙ୍ଘୁଷ୍ଟକଲହଂସକଦମ୍ବକାଃ ॥

SP0131241 ତଥା କୁରବକାଶ୍ଚାପି କୁସୁମାପାଣ୍ଡୁମୂର୍ତୟଃ ।
SP0131242 ସର୍ୱେଷୁ ଜଜ୍ଞୁଃ ଶୃଶ୍ଣ୍ଗେଷୁ ଭ୍ରମରାବଲିସେବିତାଃ ॥

SP0131251 ବକୁଲାଶ୍ଚ ନିତମ୍ବେଷୁ ବିଶାଲେଷୁ ମହୀଭୃତଃ ।
SP0131252 ଉତ୍ସସର୍ଜୁର୍ମନୋଜ୍ଞାନି କୁସୁମାନି ସମନ୍ତତଃ ॥

SP0131261 ଇତି କୁସୁମବିଚିତ୍ରସର୍ୱବୃକ୍ଷା ବିବିଧବିହଙ୍ଗମନାଦରମ୍ୟଦେଶାଃ ।
SP0131262 ହିମଗିରିତନୟାବିବାହଭୂତ୍ୟୈ ଷଡୁପୟଯୁରୃତବୋ ମୁନିପ୍ରବୀର ॥

SP0131271 ତତ ଏବଂ ପ୍ରବୃତ୍ତେ ତୁ ସର୍ୱଭୂତସମାଗମେ ।
SP0131272 ନାନାବାଦ୍ୟଶତାକୀର୍ଣେ ବ୍ରହ୍ମା ମମ ପିତା ସ୍ୱୟମ୍ ॥

SP0131281 ଶୈଲପୁତ୍ରୀମଲଙ୍କୃତ୍ୟ ଯୋଗ୍ୟାଭରଣସମ୍ପଦା ।
SP0131282 ପୁରଂ ପ୍ରବେଶୟାମାସ ସ୍ୱୟମାଦାୟ ଲୋକଧୃକ୍ ॥

SP0131291 ତତସ୍ତୁ ପୁନରେବେଶଂ ବ୍ରହ୍ମା ବ୍ୟଜ୍ଞାପୟଦ୍ୱିଭୁମ୍ ।
SP0131292 ହବିର୍ଜୁହୋମି ବହ୍ନୌ ତୁ ଉପାଧ୍ୟାୟପଦେ ସ୍ଥିତଃ ।
SP0131293 ଦଦାସି ମହ୍ୟଂ ଯଦ୍ୟାଜ୍ଞାଂ କର୍ତବ୍ୟୋଽୟଂ କ୍ରିୟାବିଧିଃ ॥

SP0131301 ତମାହ ଶଙ୍କରୋ ଦେବଂ ଦେବଦେବୋ ଜଗତ୍ପତିଃ ।
SP0131302 ଯଦ୍ୟଦିଷ୍ଟଂ ସୁରେଶାନ ତତ୍କୁରୁଷ୍ୱ ଯଥେପ୍ସିତମ୍ ।
SP0131303 କର୍ତାସ୍ମି ବଚନଂ ସର୍ୱଂ ବ୍ରହ୍ମଂସ୍ତବ ଜଗଦ୍ୱିଭୋ ॥

SP0131311 ତତଃ ପ୍ରଣମ୍ୟ ହୃଷ୍ଟାତ୍ମା ବ୍ରହ୍ମା ଲୋକପିତାମହଃ ।
SP0131312 ହସ୍ତଂ ଦେବସ୍ୟ ଦେବ୍ୟାଶ୍ଚ ଯୋଗବନ୍ଧେ ଯୁୟୋଜ ହ ॥

SP0131321 ଜ୍ୱଲନଂ ଚ ସ୍ୱୟଂ କୃତ୍ୱା କୃତାଞ୍ଜଲିମୁପସ୍ଥିତମ୍ ।
SP0131322 ଶ୍ରୁତିଗୀତୈର୍ମହାମନ୍ତ୍ରୈର୍ମୂର୍ତିମଦ୍ଭିରୁପସ୍ଥିତୈଃ ॥

SP0131331 ଯଥୋକ୍ତବିଧିନା ହୁତ୍ୱା ସର୍ପିସ୍ତଦମୃତଂ ଚ ହି ।
SP0131332 ତ୍ରିଶ୍ଚ ତଂ ଜ୍ୱଲନଂ ଦେବଂ କାରୟିତ୍ୱା ପ୍ରଦକ୍ଷିଣମ୍ ॥

SP0131341 ମୁକ୍ତ୍ୱା ହସ୍ତସମାୟୋଗଂ ସହିତଃ ସର୍ୱଦେବତୈଃ ।
SP0131342 ସୁତୈଶ୍ଚ ମାନସୈଃ ସର୍ୱୈଃ ପ୍ରହୃଷ୍ଟେନାନ୍ତରାତ୍ମନା ।
SP0131343 ବୃତ୍ତେ ଉଦ୍ୱାହକାଲେ ତୁ ପ୍ରଣନାମ ବୃଷଧ୍ୱଜମ୍ ॥

SP0131351 ଯୋଗେନୈବ ତୟୋର୍ୱ୍ୟାସ ତଦୋମାପରମେଶୟୋଃ ।
SP0131352 ଉଦ୍ୱାହଃ ସ ପରୋ ବୃତ୍ତୋ ଯଂ ଦେବା ନ ବିଦୁଃ କ୍ୱଚିତ୍ ॥

SP0131361 ଇତି ତେ ସର୍ୱମାଖ୍ୟାତଂ ସ୍ୱୟଂବରମିଦଂ ଶୁଭମ୍ ।
SP0131362 ଉଦ୍ୱାହଶ୍ଚୈବ ଦେବସ୍ୟ ଶୃଣ୍ୱତଃ ପରମାଦ୍ଭୁତମ୍ ॥

SP0139999 ଇତି ସ୍କନ୍ଦପୁରାଣେ ନାମ ତ୍ରୟୋଦଶୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୪
SP0140010 ସନତ୍କୁମାର ଉବାଚ ।
SP0140011 ଅଥ ବୃତ୍ତେ ବିବାହେ ତୁ ଭବସ୍ୟାମିତତେଜସଃ ।
SP0140012 ପ୍ରହର୍ଷମତୁଲଂ ଗତ୍ୱା ଦେବାଃ ସହପିତାମହାଃ ।
SP0140013 ତୁଷ୍ଟୁବୁର୍ୱାଗ୍ଭିରିଷ୍ଟାଭିଃ ପ୍ରଣମନ୍ତୋ ମହେଶ୍ୱରମ୍ ॥

SP0140021 ନମଃ ପର୍ୱତଲିଶ୍ଣ୍ଗାୟ ପର୍ୱତେଶାୟ ବୈ ନମଃ ।
SP0140022 ନମଃ ପବନବେଗାୟ ବିରୂପାୟାଜିତାୟ ଚ ॥

SP0140031 ନମଃ କ୍ଲେଶବିନାଶାୟ ଦାତ୍ରେ ଚ ଶୁଭସମ୍ପଦାମ୍ ।
SP0140032 ନମୋ ନୀଲଶିଖଣ୍ଡାୟ ଅମ୍ବିକାପତୟେ ନମଃ ॥

SP0140041 ନମଃ ପବନରୂପାୟ ଶତରୂପାୟ ବୈ ନମଃ ।
SP0140042 ନମୋ ଭୈରବରୂପାୟ ବିରୂପନୟନାୟ ଚ ॥

SP0140051 ନମଃ ସହସ୍ରନେତ୍ରାୟ ସହସ୍ରଚରଣାୟ ଚ ।
SP0140052 ନମୋ ବେଦରହସ୍ୟାୟ ବେଦାଶ୍ଣ୍ଗାୟ ନମୋ ନମଃ ॥

SP0140061 ବିଷ୍ଟମ୍ଭନାୟ ଶକ୍ରସ୍ୟ ବାହୋର୍ୱେଦାଶ୍ଣ୍କୁରାୟ ଚ ।
SP0140062 ଚରାଚରାଧିପତୟେ ଶମନାୟ ନମୋ ନମଃ ॥

SP0140071 ସଲିଲେଶୟଲିଶ୍ଣ୍ଗାୟ ଯୁଗାନ୍ତାୟତଲିଶ୍ଣ୍ଗିନେ ।
SP0140072 ନମଃ କପାଲମାଲାୟ କପାଲସ୍ରଗ୍ମିଣେ ନମଃ ॥

SP0140081 ନମଃ କପାଲହସ୍ତାୟ ଦଂଷ୍ଟ୍ରିଣେ ଗଦିନେ ନମଃ ।
SP0140082 ନମସ୍ତ୍ରୈଲୋକ୍ୟବାହାୟ ସପ୍ତଲୋକରଥାୟ ଚ ॥

SP0140091 ନମଃ ଖଟ୍ୱାଶ୍ଣ୍ଗହସ୍ତାୟ ପ୍ରମଥାର୍ତିହରାୟ ଚ ।
SP0140092 ନମୋ ଯଜ୍ଞଶିରୋହର୍ତ୍ରେ କୃଷ୍ଣକେଶାପହାରିଣେ ॥

SP0140101 ଭଗନେତ୍ରନିପାତାୟ ପୂଷ୍ଣୋ ଦନ୍ତହରାୟ ଚ ।
SP0140102 ନମଃ ପିନାକଶୂଲାସିଖଡ୍ଗମୁଦ୍ଗରଧାରିଣେ ॥

SP0140111 ନମୋଽସ୍ତୁ କାଲକାଲାୟ ତୃତୀୟନୟନାୟ ଚ ।
SP0140112 ଅନ୍ତକାନ୍ତକୃତେ ଚୈବ ନମଃ ପର୍ୱତବାସିନେ ॥

SP0140121 ସୁବର୍ଣରେତସେ ଚୈବ ସର୍ପକୁଣ୍ଡଲଧାରିଣେ ।
SP0140122 ବାଡ୍ୱଲେର୍ୟୋଗନାଶାୟ ଯୋଗିନାଂ ଗୁରବେ ନମଃ ॥

SP0140131 ଶଶାଶ୍ଣ୍କାଦିତ୍ୟନେତ୍ରାୟ ଲଲାଟନୟନାୟ ଚ ।
SP0140132 ନମଃ ଶ୍ମଶାନରତୟେ ଶ୍ମଶାନବରଦାୟ ଚ ॥

SP0140141 ନମୋ ଦୈବତନାଥାୟ ତ୍ର୍ୟମ୍ବକାୟ ନମୋ ନମଃ ।
SP0140142 ଅଶନୀଶତହାସାୟ ବ୍ରହ୍ମଣ୍ୟାୟାଜିତାୟ ଚ ॥

SP0140151 ଗୃହସ୍ଥସାଧବେ ନିତ୍ୟଂ ଜଟିନେ ବ୍ରହ୍ମଚାରିଣେ ।
SP0140152 ନମୋ ମୁଣ୍ଡାର୍ଧମୁଣ୍ଡାୟ ପଶୂନାଂ ପତୟେ ନମଃ ॥

SP0140161 ସଲିଲେ ତପ୍ୟମାନାୟ ଯୋଗୈଶ୍ୱର୍ୟପ୍ରଦାୟ ଚ ।
SP0140162 ନମଃ ଶାନ୍ତାୟ ଦାନ୍ତାୟ ପ୍ରଲୟୋତ୍ପତ୍ତିକାରିଣେ ॥

SP0140171 ନମୋଽନୁଗ୍ରହକର୍ତ୍ରେ ଚ ସ୍ଥିତିକର୍ତ୍ରେ ନମୋ ନମଃ ।
SP0140172 ନମୋ ରୁଦ୍ରାୟ ବସବେ ଆଦିତ୍ୟାୟାଶ୍ୱିନେ ନମଃ ॥

SP0140181 ନମଃ ପିତ୍ରେଽଥ ସାଧ୍ୟାୟ ବିଶ୍ୱେଦେବାୟ ବୈ ନମଃ ।
SP0140182 ନମଃ ଶର୍ୱାୟ ସର୍ୱାୟ ଉଗ୍ରାୟ ବରଦାୟ ଚ ॥

SP0140191 ନମୋ ଭୀମାୟ ସେନାନ୍ୟେ ପଶୂନାଂ ପତୟେ ନମଃ ।
SP0140192 ଶୁଚୟେ ରେରିହାଣାୟ ସଦ୍ୟୋଜାତାୟ ବୈ ନମଃ ॥

SP0140201 ମହାଦେବାୟ ଚିତ୍ରାୟ ନମଶ୍ଚିତ୍ରରଥାୟ ଚ ।
SP0140202 ପ୍ରଧାନାୟ ପ୍ରମେୟାୟ କାର୍ୟାୟ କରଣାୟ ଚ ॥

SP0140211 ପୁରୁଷାୟ ନମସ୍ତେଽସ୍ତୁ ପୁରୁଷେଚ୍ଛାକରାୟ ଚ ।
SP0140212 ନମଃ ପୁରୁଷସଂୟୋଗପ୍ରଧାନଗୁଣକାରିଣେ ॥

SP0140221 ପ୍ରବର୍ତକାୟ ପ୍ରକୃତେଃ ପୁରୁଷସ୍ୟ ଚ ସର୍ୱଶଃ ।
SP0140222 କୃତାକୃତସ୍ୟ ସଂବେତ୍ତ୍ରେ ଫଲସଂୟୋଗଦାୟ ଚ ॥

SP0140231 କାଲଜ୍ଞାୟ ଚ ସର୍ୱତ୍ର ନମୋ ନିୟମକାରିଣେ ।
SP0140232 ନମୋ ବୈଷମ୍ୟକର୍ତ୍ରେ ଚ ଗୁଣାନାଂ ବୃତ୍ତିଦାୟ ଚ ॥

SP0140241 ନମସ୍ତେ ଦେବଦେବେଶ ନମସ୍ତେ ଭୂତଭାବନ ।
SP0140242 ଶିବଃ ସୌମ୍ୟଃ ସୁଖୋ ଦ୍ରଷ୍ଟୁଂ ଭବ ସୋମୋ ହି ନଃ ପ୍ରଭୋ ॥

SP0140250 ସନତ୍କୁମାର ଉବାଚ ।
SP0140251 ଏବଂ ସ ଭଗବାନ୍ଦେବୋ ଜଗତ୍ପତିରୁମାପତିଃ ।
SP0140252 ସ୍ତୂୟମାନଃ ସୁରୈଃ ସର୍ୱୈରମରାନିଦମବ୍ରବୀତ୍ ॥

SP0140261 ଦ୍ରଷ୍ଟୁଂ ସୁଖଶ୍ଚ ସୌମ୍ୟଶ୍ଚ ଦେବାନାମସ୍ମି ଭୋ ସୁରାଃ ।
SP0140262 ବରଂ ବ୍ରୂତ ଯଥେଷ୍ଟଂ ଚ ଦାତାସ୍ମି ବଦତାନଘାଃ ॥

SP0140271 ତତସ୍ତେ ପ୍ରଣତାଃ ସର୍ୱେ ଊଚୁଃ ସବ୍ରହ୍ମକାଃ ସୁରାଃ ।
SP0140272 ତବୈବ ଭଗବନ୍ହସ୍ତେ ବର ଏଷୋଽବତିଷ୍ଠତାମ୍ ।
SP0140273 ଯଦା କାର୍ୟଂ ତଦା ନସ୍ତ୍ୱଂ ଦାସ୍ୟସେ ବରମୀପ୍ସିତମ୍ ॥

SP0140281 ଏବମସ୍ତ୍ୱିତି ତାନୁକ୍ତ୍ୱା ବିସୃଜ୍ୟ ଚ ସୁରାନ୍ହରଃ ।
SP0140282 ଲୋକାଂଶ୍ଚ ପ୍ରମଥୈଃ ସାର୍ଧଂ ବିବେଶ ଭବନଂ ତତଃ ॥

SP0140291 ଯସ୍ତୁ ହରୋତ୍ସବମଦ୍ଭୁତମେତଂ ଗାୟତି ଦୈବତବିପ୍ରସମକ୍ଷମ୍ ।
SP0140292 ସୋଽପ୍ରତିରୂପଗଣେଶସମାନୋ ଦେହବିପର୍ୟଯମେତ୍ୟ ସୁଖୀ ସ୍ୟାତ୍ ॥

SP0140300 ସନତ୍କୁମାର ଉବାଚ ।
SP0140301 ପାରାଶର୍ୟ ସ୍ତବଂ ହୀଦଂ ଶୃଣୁୟାଦ୍ୟଃ ପଠେତ ବା ।
SP0140302 ସ ସ୍ୱର୍ଗଲୋକଗୋ ଦେବୈଃ ପୂଜ୍ୟତେଽମରରାଡିବ ॥

SP0149999 ଇତି ସ୍କନ୍ଦପୁରାଣେ ଚତୁର୍ଦଶମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୫
SP0150010 ସନତ୍କୁମାର ଉବାଚ ।
SP0150011 ପ୍ରବିଷ୍ଟେ ଭବନଂ ଦେବେ ସୂପବିଷ୍ଟେ ବରାସନେ ।
SP0150012 ସ ବହିର୍ମନ୍ମଥଃ କ୍ରୂରୋ ଦେବଂ ବେଦ୍ଧୁମନାଭବତ୍ ॥

SP0150021 ତମନାଚାରସଂୟୁକ୍ତଂ ଦୁରାତ୍ମାନଂ କୁଲାଧମମ୍ ।
SP0150022 ଲୋକାନ୍ସର୍ୱାଂସ୍ତାପୟାନଂ ସର୍ୱେଷ୍ୱକରୁଣାତ୍ମକମ୍ ॥

SP0150031 ଋଷୀଣାଂ ବିଘ୍ନକର୍ତାରଂ ନିୟମାନାଂ ବ୍ରତୈଃ ସହ ।
SP0150032 ଚକ୍ରାହ୍ୱୟସ୍ୟ ରୂପେଣ ରତ୍ୟା ସହ ତମାଗତମ୍ ॥

SP0150041 ଅଥାତତାୟିନଂ ବ୍ୟାସ ବେଦ୍ଧୁକାମଂ ସୁରେଶ୍ୱରମ୍ ।
SP0150042 ନୟନେନ ତୃତୀୟେନ ସାବଜ୍ଞଂ ତମବୈକ୍ଷତ ॥

SP0150051 ତତୋଽସ୍ୟ ନେତ୍ରଜୋ ବହ୍ନିର୍ଜ୍ୱାଲାମାଲାସହସ୍ରବାନ୍ ।
SP0150052 ସଂବୃତ୍ୟ ରତିଭର୍ତାରମଦହତ୍ସପରିଚ୍ଛଦମ୍ ॥

SP0150061 ସ ଦହ୍ୟମାନଃ କରୁଣମାର୍ତୋଽକ୍ରୋଶତ ବିସ୍ୱରମ୍ ।
SP0150062 ପ୍ରସାଦୟଂଶ୍ଚ ତଂ ଦେବଂ ପପାତ ସ ମହୀତଲେ ॥

SP0150071 ଆଶୁ ସୋଽଗ୍ନିପରୀତାଶ୍ଣ୍ଗୋ ମନ୍ମଥୋ ଲୋକତାପନଃ ।
SP0150072 ପପାତ ଭସ୍ମସାଚ୍ଚୈବ କ୍ଷଣେନ ସମପଦ୍ୟତ ॥

SP0150081 ପତ୍ନୀ ତୁ କରୁଣଂ ତସ୍ୟ ବିଲଲାପ ସୁଦୁଃଖିତା ।
SP0150082 ଦେବଂ ଦେବୀଂ ଚ ଦୁଃଖାର୍ତା ଅୟାଚତ୍କରୁଣାୟତୀ ॥

SP0150091 ତସ୍ୟାଶ୍ଚ କରୁଣାଂ ଶ୍ରୁତ୍ୱା ଦେବୌ ତୌ କରୁଣାତ୍ମକୌ ।
SP0150092 ଊଚତୁସ୍ତାଂ ସମାଲୋକ୍ୟ ସମାଶ୍ୱାସ୍ୟ ଚ ଦୁଃଖିତାମ୍ ॥

SP0150101 ଦଗ୍ଧ ଏଷ ଧ୍ରୁବଂ ଭଦ୍ରେ ନାସ୍ୟୋତ୍ପତ୍ତିରିହେଷ୍ୟତେ ।
SP0150102 ଅଶରୀରୋଽପି ତେ କାଲେ କାର୍ୟଂ ସର୍ୱଂ କରିଷ୍ୟତି ॥

SP0150111 ଯଦା ତୁ ବିଷ୍ଣୁର୍ଭବିତା ବସୁଦେବସୁତଃ ଶୁଭେ ।
SP0150112 ତଦା ତସ୍ୟ ସୁତୋଽୟଂ ସ୍ୟାତ୍ପତିସ୍ତେ ସ ଭବିଷ୍ୟତି ॥

SP0150120 ସନତ୍କୁମାର ଉବାଚ ।
SP0150121 ତତଃ ସା ତଂ ବରଂ ଲବ୍ଧ୍ୱା କାମପତ୍ନୀ ଶୁଭାନନା ।
SP0150122 ଜଗାମେଷ୍ଟଂ ତଦା ଦେଶଂ ପ୍ରୀତିୟୁକ୍ତା ଗତକ୍ଲମା ॥

SP0150130 ସନତ୍କୁମାର ଉବାଚ ।
SP0150131 ଏବଂ ଦଗ୍ଧ୍ୱା ସ କାମଂ ତୁ ଶଙ୍କରୋ ମୂଢଚେତସମ୍ ।
SP0150132 ପ୍ରୋବାଚ ହିମବତ୍ପୁତ୍ରୀଂ ଭକ୍ତ୍ୟା ମୁନିବରସ୍ୟ ହ ॥

SP0150141 ବସିଷ୍ଠୋ ନାମ ବିପ୍ରେନ୍ଦ୍ରୋ ମାଂ କୃତ୍ୱା ହୃଦି ତପ୍ୟତେ ।
SP0150142 ତସ୍ୟାହଂ ବରଦାନାୟ ପ୍ରୟାସ୍ୟାମି ମହାବ୍ରତେ ॥

SP0150151 ଏବମୁକ୍ତ୍ୱା ସ ଦେବୀଂ ତୁ ଭକ୍ତିପ୍ରୀତ୍ୟା ତଦା ବିଭୁଃ ।
SP0150152 ଜଗାମ ତପ୍ୟତୋଽଭ୍ୟାଶଂ ବସିଷ୍ଠସ୍ୟ ମୁନେର୍ୱିଭୁଃ ॥

SP0150161 ତତୋ ମୁନିବରଶ୍ରେଷ୍ଠଂ ବରିଷ୍ଠଂ ତପତାଂ ବରମ୍ ।
SP0150162 ବସିଷ୍ଠମୃଷିଶାର୍ଦୂଲଂ ତପ୍ୟମାନଂ ପରଂ ତପଃ ॥

SP0150171 ପୂର୍ଣେ ବର୍ଷସହସ୍ରେ ତୁ ଜ୍ୱଲମାନମିବାନଲମ୍ ।
SP0150172 ଉବାଚ ଭଗବାନ୍ଗତ୍ୱା ବ୍ରୂହି କିଂ ତେ ଦଦାନି ତେ ।
SP0150173 ଦଦାମି ଦିବ୍ୟଂ ଚକ୍ଷୁସ୍ତେ ପଶ୍ୟ ମାଂ ସଗଣଂ ଦ୍ୱିଜ ॥

SP0150181 ଦୃଷ୍ଟ୍ୱା ସ ତୁ ତମୀଶାନଂ ପ୍ରଣମ୍ୟ ଶିରସା ପ୍ରଭୁମ୍ ।
SP0150182 ଶିରସ୍ୟଞ୍ଜଲିମାଧାୟ ତୁଷ୍ଟାବ ହୃଷିତାନନଃ ॥

SP0150190 ବସିଷ୍ଠ ଉବାଚ ।
SP0150191 ନମଃ କନକଲିଶ୍ଣ୍ଗାୟ ବେଦଲିଶ୍ଣ୍ଗାୟ ବୈ ନମଃ ।
SP0150192 ନମଃ ସହସ୍ରଲିଶ୍ଣ୍ଗାୟ ବହ୍ନିଲିଶ୍ଣ୍ଗାୟ ବୈ ନମଃ ॥

SP0150201 ନମଃ ପୁରାଣଲିଶ୍ଣ୍ଗାୟ ଶ୍ରୁତିଲିଶ୍ଣ୍ଗାୟ ବୈ ନମଃ ।
SP0150202 ନମଃ ପବନଲିଶ୍ଣ୍ଗାୟ ବ୍ରହ୍ମଲିଶ୍ଣ୍ଗାୟ ବୈ ନମଃ ॥

SP0150211 ନମସ୍ତ୍ରୈଲୋକ୍ୟଲିଶ୍ଣ୍ଗାୟ ଦାହଲିଶ୍ଣ୍ଗାୟ ବୈ ନମଃ ।
SP0150212 ନମଃ ପର୍ୱତଲିଶ୍ଣ୍ଗାୟ ସ୍ଥିତିଲିଶ୍ଣ୍ଗାୟ ବୈ ନମଃ ॥

SP0150221 ନମୋ ରହସ୍ୟଲିଶ୍ଣ୍ଗାୟ ସପ୍ତଦ୍ୱୀପୋର୍ଧ୍ୱଲିଶ୍ଣ୍ଗିନେ ।
SP0150222 ନମଃ ସର୍ୱାର୍ଥଲିଶ୍ଣ୍ଗାୟ ସର୍ୱଲୋକାଶ୍ଣ୍ଗଲିଶ୍ଣ୍ଗିନେ ॥

SP0150231 ନମୋଽସ୍ତ୍ୱବ୍ୟକ୍ତଲିଶ୍ଣ୍ଗାୟ ବୁଦ୍ଧିଲିଶ୍ଣ୍ଗାୟ ବୈ ନମଃ ।
SP0150232 ନମୋଽହଙ୍କାରଲିଶ୍ଣ୍ଗାୟ ଭୂତଲିଶ୍ଣ୍ଗାୟ ବୈ ନମଃ ॥

SP0150241 ନମ ଇନ୍ଦ୍ରିୟଲିଶ୍ଣ୍ଗାୟ ନମସ୍ତନ୍ମାତ୍ରଲିଶ୍ଣ୍ଗିନେ ।
SP0150242 ନମଃ ପୁରୁଷଲିଶ୍ଣ୍ଗାୟ ଭାବଲିଶ୍ଣ୍ଗାୟ ବୈ ନମଃ ॥

SP0150251 ନମଃ ସର୍ୱାର୍ଥଲିଶ୍ଣ୍ଗାୟ ତମୋଲିଶ୍ଣ୍ଗାୟ ବୈ ନମଃ ।
SP0150252 ନମୋ ରଜୋର୍ଧ୍ୱଲିଶ୍ଣ୍ଗାୟ ସତ୍ତ୍ୱଲିଶ୍ଣ୍ଗାୟ ବୈ ନମଃ ॥

SP0150261 ନମୋ ଗଗନଲିଶ୍ଣ୍ଗାୟ ତେଜୋଲିଶ୍ଣ୍ଗାୟ ବୈ ନମଃ ।
SP0150262 ନମୋ ବାୟୂର୍ଧ୍ୱଲିଶ୍ଣ୍ଗାୟ ଶବ୍ଦଲିଶ୍ଣ୍ଗାୟ ବୈ ନମଃ ॥

SP0150271 ନମୋ ଋକ୍ସ୍ତୁତଲିଶ୍ଣ୍ଗାୟ ଯଜୁର୍ଲିଶ୍ଣ୍ଗାୟ ବୈ ନମଃ ।
SP0150272 ନମସ୍ତେଽଥର୍ୱଲିଶ୍ଣ୍ଗାୟ ସାମଲିଶ୍ଣ୍ଗାୟ ବୈ ନମଃ ॥

SP0150281 ନମୋ ଯଜ୍ଞାଶ୍ଣ୍ଗଲିଶ୍ଣ୍ଗାୟ ଯଜ୍ଞଲିଶ୍ଣ୍ଗାୟ ବୈ ନମଃ ।
SP0150282 ନମସ୍ତେଽନନ୍ତଲିଶ୍ଣ୍ଗାୟ ଦେବାନୁଗତଲିଶ୍ଣ୍ଗିନେ ॥

SP0150291 ଦିଶ ନଃ ପରମଂ ଯୋଗମପତ୍ୟଂ ମତ୍ସମଂ ତଥା ।
SP0150292 ବ୍ରହ୍ମ ଚୈବାକ୍ଷୟଂ ଦେବ ଶମଂ ଚୈବ ପରଂ ବିଭୋ ।
SP0150293 ଅକ୍ଷୟତ୍ୱଂ ଚ ବଂଶସ୍ୟ ଧର୍ମେ ଚ ମତିମକ୍ଷୟାମ୍ ॥

SP0150300 ସନତ୍କୁମାର ଉବାଚ ।
SP0150301 ଏବଂ ସ ଭଗବାନ୍ୱ୍ୟାସ ବସିଷ୍ଠେନାମିତାତ୍ମନା ।
SP0150302 ସ୍ତୂୟମାନସ୍ତୁତୋଷାଥ ତୁଷ୍ଟଶ୍ଚେଦଂ ତମବ୍ରବୀତ୍ ॥

SP0150310 ଭଗବାନୁବାଚ ।
SP0150311 ତୁଷ୍ଟସ୍ତେଽହଂ ଦଦାନ୍ୟେତତ୍ତବ ସର୍ୱଂ ମନୋଗତମ୍ ।
SP0150312 ଯୋଗଂ ଚ ପରମଂ ସୂକ୍ଷ୍ମମକ୍ଷୟଂ ସର୍ୱକାମିକମ୍ ॥

SP0150321 ପୌତ୍ରଂ ଚ ତ୍ୱତ୍ସମଂ ଦିବ୍ୟଂ ତପୋୟୋଗବଲାନ୍ୱିତମ୍ ।
SP0150322 ଦଦାନି ତେ ଋଷିଶ୍ରେଷ୍ଠ ପ୍ରତିଭାସ୍ୟନ୍ତି ଚୈବ ତେ ॥

SP0150331 ଦମଃ ଶମସ୍ତଥା କୀର୍ତିସ୍ତୁଷ୍ଟିରକ୍ରୋଧ ଏବ ଚ ।
SP0150332 ନିତ୍ୟଂ ତବ ଭବିଷ୍ୟନ୍ତି ଅମରତ୍ୱଂ ଚ ସର୍ୱଶଃ ॥

SP0150341 ଅବଧ୍ୟତ୍ୱମସହ୍ୟତ୍ୱମକ୍ଷୟତ୍ୱଂ ଚ ସର୍ୱଦା ।
SP0150342 ବଂଶସ୍ୟ ଚାକ୍ଷତିର୍ୱିପ୍ର ଧର୍ମେ ଚ ରତିରବ୍ୟଯା ।
SP0150343 ବ୍ରୂହି ଚାନ୍ୟାନପି ବରାନ୍ଦଦାମି ଋଷିସତ୍ତମ ॥

SP0150350 ବସିଷ୍ଠ ଉବାଚ ।
SP0150351 ଭଗବନ୍ୱିଦିତଂ ସର୍ୱଂ ଭବିଷ୍ୟଂ ଦେବସତ୍ତମ ।
SP0150352 ନ ସ୍ୟାଦ୍ଧି ତତ୍ତଥା ଦେବ ଯଥା ବା ମନ୍ୟସେ ପ୍ରଭୋ ॥

SP0150360 ଦେବ ଉବାଚ ।
SP0150361 ଭବିଷ୍ୟଂ ନାନ୍ୟଥା କୁର୍ୟାଦିତି ମେ ନିଶ୍ଚିତା ମତିଃ ।
SP0150362 ଅହଂ କର୍ତା ଭବିଷ୍ୟସ୍ୟ କଥଂ କୁର୍ୟାତ୍ତଦନ୍ୟଥା ॥

SP0150371 ତଥା ତନ୍ନାତ୍ର ସନ୍ଦେହୋ ବିହିତଂ ଯଦ୍ୟଥା ମୟା ।
SP0150372 ତସ୍ମାତ୍ତେଽନୁଗ୍ରହଂ କର୍ତା ଭୂୟଃ ପୁତ୍ରସ୍ତବାବ୍ୟଯଃ ॥

SP0150380 ସନତ୍କୁମାର ଉବାଚ ।
SP0150381 ଏବମୁକ୍ତ୍ୱା ତତୋ ଦେବଃ କପର୍ଦୀ ନୀଲଲୋହିତଃ ।
SP0150382 ପଶ୍ୟତସ୍ତସ୍ୟ ବିପ୍ରର୍ଷେଃ କ୍ଷଣାଦନ୍ତରଧୀୟତ ॥

SP0159999 ଇତି ସ୍କନ୍ଦପୁରାଣେ ପଞ୍ଚଦଶମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୬
SP0160010 ବ୍ୟାସ ଉବାଚ ।
SP0160011 ବରାନ୍ସ ଲବ୍ଧ୍ୱା ଭଗବାନ୍ୱସିଷ୍ଠୋଽସ୍ମତ୍ପିତାମହଃ ।
SP0160012 କଂ ପୁତ୍ରଂ ଜନୟାମାସ ଆତ୍ମନଃ ସଦୃଶଦ୍ୟୁତିମ୍ ॥

SP0160020 ସନତ୍କୁମାର ଉବାଚ ।
SP0160021 ତେନାସୌ ବରଦାନେନ ଦେବଦେବସ୍ୟ ଶୂଲିନଃ ।
SP0160022 ଅରୁନ୍ଧତ୍ୟାମଜନୟତ୍ତପୋୟୋଗବଲାନ୍ୱିତମ୍ ।
SP0160023 ବ୍ରହ୍ମିଷ୍ଠଂ ଶକ୍ତିନାମାନଂ ପୁତ୍ରଂ ପୁତ୍ରଶତାଗ୍ରଜମ୍ ॥

SP0160031 ତସ୍ୟ ବାଲ୍ୟାତ୍ପ୍ରଭୃତ୍ୟେବ ବାସିଷ୍ଠସ୍ୟ ମହାତ୍ମନଃ ।
SP0160032 ପରେଣ ଚେତସା ଭକ୍ତିରଭବଦ୍ଗୋବୃଷଧ୍ୱଜେ ॥

SP0160041 ସ କଦାଚିଦପତ୍ୟାର୍ଥମାରାଧୟଦୁମାପତିମ୍ ।
SP0160042 ତସ୍ୟ ତୁଷ୍ଟୋ ମହାଦେବୋ ବରଦୋଽସ୍ମୀତ୍ୟଭାଷତ ॥

SP0160051 ଅଥ ଦୃଷ୍ଟ୍ୱା ତମୀଶାନମିଦମାହାନତାନନଃ ।
SP0160052 କେନ ସ୍ତୋଷ୍ୟାମି ତେ ଦେବ ଯସ୍ତ୍ୱଂ ସର୍ୱଜଗତ୍ପତିଃ ।
SP0160053 ସର୍ୱାନ୍ଧାରୟସେ ଲୋକାନାତ୍ମନା ସମୟାଦ୍ୱିଭୋ ॥

SP0160061 ତ୍ୱମେବ ଭୋକ୍ତା ଭୋଜ୍ୟଂ ଚ କର୍ତା କାର୍ୟଂ ତଥା କ୍ରିୟା ।
SP0160062 ଉତ୍ପାଦକସ୍ତଥୋତ୍ପାଦ୍ୟ ଉତ୍ପତ୍ତିଶ୍ଚୈବ ସର୍ୱଶଃ ॥

SP0160071 ଆତ୍ମାନଂ ପୁତ୍ରନାମାନଂ ମମ ତୁଲ୍ୟଂ ଗୁଣୈର୍ୱିଭୋ ।
SP0160072 ଇଚ୍ଛାମି ଦତ୍ତଂ ଦେବେଶ ଏଷ ମେ ଦୀୟତାଂ ବରଃ ॥

SP0160080 ସନତ୍କୁମାର ଉବାଚ ।
SP0160081 ତମେବଂବାଦିନଂ ଦେବଃ ପ୍ରହସ୍ୟ ବଦତାଂ ବରଃ ।
SP0160082 ଉବାଚ ବଚସା ବ୍ୟାସ ଦିଶଃ ସର୍ୱା ବିନାଦୟନ୍ ॥

SP0160091 ତ୍ୱୟାହଂ ଯାଚିତଃ ଶକ୍ତେ ସ ଚ ତେ ସମ୍ଭବିଷ୍ୟତି ।
SP0160092 ତ୍ୱତ୍ସମଃ ସର୍ୱବେଦଜ୍ଞସ୍ତ୍ୱଦୀୟୋ ମୁନିପୁଙ୍ଗବ ॥

SP0160101 ବୀଜାତ୍ମା ଚ ତଥୋଦ୍ଭୂତଃ ସ୍ୱୟମେବାଶ୍ଣ୍କୁରାତ୍ମନା ।
SP0160102 ବୀଜାତ୍ମନା ନ ଭବତି ପରିଣାମାନ୍ତରଂ ଗତଃ ॥

SP0160111 ଏବଂ ସ ଆତ୍ମନାତ୍ମା ବଃ ସମ୍ଭୂତୋଽପତ୍ୟସଞ୍ଜ୍ଞିତଃ ।
SP0160112 ସ୍ୱେନାତ୍ମନା ନ ଭବିତା ପରିଣାମାନ୍ତରଂ ଗତଃ ॥

SP0160120 ସନତ୍କୁମାର ଉବାଚ ।
SP0160121 ଏବମୁକ୍ତ୍ୱା ତୁ ତଂ ଦେବଃ ପ୍ରହସ୍ୟ ଚ ନିରୀକ୍ଷ୍ୟ ଚ ।
SP0160122 ଜଗାମ ସହସା ଯୋଗୀ ଅଦୃଶ୍ୟତ୍ୱମତିଦ୍ୟୁତିଃ ॥

SP0160131 ତସ୍ମିନ୍ଗତେ ମହାଦେବେ ଶକ୍ତିସ୍ତବ ପିତାମହଃ ।
SP0160132 ବଚସ୍ତତ୍ପରିନିଶ୍ଚିନ୍ତ୍ୟ ଏବମେବେତ୍ୟମନ୍ୟତ ॥

SP0160141 ଅଥ କାଲେଽତିମହତି ସମତୀତେ ଶୁଭବ୍ରତେ ।
SP0160142 ତପସା ଭାବିତଶ୍ଚାପି ମହତାଗ୍ନିସମପ୍ରଭଃ ।
SP0160143 ଅଦୃଶ୍ୟନ୍ତ୍ୟାଂ ମହାପ୍ରଜ୍ଞ ଆଦଧେ ଗର୍ଭମୁତ୍ତମମ୍ ॥

SP0160151 ତସ୍ୟାମାପନ୍ନସତ୍ତ୍ୱାୟାଂ ରାଜା କଲ୍ମାଷପାଦୃଷିମ୍ ।
SP0160152 ଭକ୍ଷୟାମାସ ସଂରବ୍ଧୋ ରକ୍ଷସା ହୃତଚେତନଃ ॥

SP0169999 ଇତି ସ୍କନ୍ଦପୁରାଣେ ଷୋଡଶୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୭
SP0170010 ବ୍ୟାସ ଉବାଚ ।
SP0170011 କସ୍ମାତ୍ସ ରାଜା ତମୃଷିଂ ଚଖାଦ ତପସାନ୍ୱିତମ୍ ।
SP0170012 ରକ୍ଷସା ସ କିମର୍ଥଂ ଚ ହୃତଚେତାଭବନ୍ନୃପଃ ॥

SP0170020 ସନତ୍କୁମାର ଉବାଚ ।
SP0170021 ବସିଷ୍ଠୟାଜ୍ୟୋ ରାଜାସୀନ୍ନାମ୍ନା ମିତ୍ରସହଃ ପ୍ରଭୁଃ ।
SP0170022 ସୁଦାସପୁତ୍ରୋ ବଲବାନିନ୍ଦ୍ରଚନ୍ଦ୍ରସମଦ୍ୟୁତିଃ ॥

SP0170031 ତମାଗମ୍ୟୋଚିବାଞ୍ଛକ୍ତିଶ୍ଚରିଷ୍ୟେ ଦୀକ୍ଷିତୋ ବ୍ରତମ୍ ।
SP0170032 ତତ୍ର ମେ ନିଶି ରାଜେନ୍ଦ୍ର ସଦୈବ ପିଶିତାଶନମ୍ ॥

SP0170041 ଇହାଗତସ୍ୟ ଯଚ୍ଛସ୍ୱ ଶୁଚି ସର୍ୱଗୁଣାନ୍ୱିତମ୍ ।
SP0170042 ଅପ୍ରତୀକାରସଂୟୁକ୍ତମେକଦୈକାନ୍ତ ଏବ ଚ ॥

SP0170051 ଏବମସ୍ତ୍ୱିତି ତେନୋକ୍ତୋ ଜଗାମ ସ ମହାମନାଃ ।
SP0170052 ଅଥାସ୍ୟାନ୍ତର୍ହିତଂ ରକ୍ଷୋ ନୃପତେରଭବତ୍ତଦା ।
SP0170053 ନାଜ୍ଞାପୟତ୍ତଦା ସୂଦଂ ତସ୍ୟାର୍ଥେ ମୁନିସତ୍ତମ ॥

SP0170061 ଗତେଽଥ ଦିବସେ ତାତ ସଂସ୍ମୃତ୍ୟ ପ୍ରୟତାତ୍ମବାନ୍ ।
SP0170062 ସୂଦମାହୂୟ ଚୋବାଚ ଆର୍ତବତ୍ସ ନରାଧିପଃ ॥

SP0170070 ସୌଦାସ ଉବାଚ ।
SP0170071 ମୟାମୃତବସୋ ପ୍ରାତର୍ଗୁରୁପୁତ୍ରସ୍ୟ ଧୀମତଃ ।
SP0170072 ପିଶିତଂ ସମ୍ପ୍ରତିଜ୍ଞାତଂ ଭୋଜନଂ ନିଶି ସଂସ୍କୃତମ୍ ।
SP0170073 ତତ୍କୁରୁଷ୍ୱ ତଥା କ୍ଷିପ୍ରଂ କାଲୋ ନୋ ନାତ୍ୟଗାଦ୍ୟଥା ॥

SP0170081 ସ ଏବମୁକ୍ତଃ ପ୍ରୋବାଚ ସୂଦୋଽମୃତବସୁସ୍ତଦା ।
SP0170082 ରାଜଂସ୍ତ୍ୱୟା ନୋ ନାଖ୍ୟାତଂ ପ୍ରାଗେବ ନରପୁଙ୍ଗବ ।
SP0170083 ସାମ୍ପ୍ରତଂ ନାସ୍ତି ପିଶିତଂ ସ୍ତୋକମପ୍ୟଭିକାଶ୍ଣ୍କ୍ଷିତମ୍ ॥

SP0170091 ପିଶିତସ୍ୟୈବ ଚାଲ୍ପତ୍ୱାଦ୍ବହୂନାଂ ଚୈବ ତଦ୍ଭୁଜାମ୍ ।
SP0170092 ଅମିତସ୍ୟ ପ୍ରଦାନାଚ୍ଚ ନ କିଞ୍ଚିଦବଶିଷ୍ୟତେ ॥

SP0170100 ରାଜୋବାଚ ।
SP0170101 ଜାନେ ସର୍ୱୋପୟୋଗଂ ଚ ଜାନେ ଚାଦୁଷ୍ଟତାଂ ତବ ।
SP0170102 ଜାନେ ସ୍ତୋକଂ ଚ ପିଶିତଂ କାର୍ୟଂ ଚେଦଂ ତଥାବିଧମ୍ ।
SP0170103 ମୃଗ୍ୟତାଂ ପିଶିତଂ କ୍ଷିପ୍ରଂ ଲବ୍ଧବ୍ୟଂ ଯତ୍ର ମନ୍ୟସେ ॥

SP0170110 ସନତ୍କୁମାର ଉବାଚ ।
SP0170111 ଏବମୁକ୍ତୋଽମୃତବସୁଃ ପ୍ରୟତ୍ନଂ ମହଦାସ୍ଥିତଃ ।
SP0170112 ପିଶିତଂ ମୃଗୟନ୍ସମ୍ୟଶ୍ଣ୍ନାପ୍ୟବିନ୍ଦତ କର୍ହିଚିତ୍ ॥

SP0170121 ଯଦା ନ ଲବ୍ଧବାନ୍ମାଂସଂ ତଦୋବାଚ ନରାଧିପମ୍ ।
SP0170122 ଗତ୍ୱା ନିଶି ମହାରାଜମିଦଂ ବଚନମର୍ଥବତ୍ ॥

SP0170131 ରାଜନ୍ନ ପିଶିତଂ ତ୍ୱସ୍ତି ପୁରେଽସ୍ମିଞ୍ଛୁଚି କର୍ହିଚିତ୍ ।
SP0170132 ମୃଗୟନ୍ପରିଖିନ୍ନୋଽସ୍ମି ଶାଧି କିଂ କରବାଣି ତେ ॥

SP0170140 ସନତ୍କୁମାର ଉବାଚ ।
SP0170141 ସ ଏବମୁକ୍ତଃ ସୂଦେନ ତସ୍ମିନ୍କାଲେ ନରାଧିପଃ ।
SP0170142 ନୋବାଚ କିଞ୍ଚିତ୍ତଂ ସୂଦଂ ତୂଷ୍ଣୀମେବ ବଭୂବ ହ ॥

SP0170151 ତଦନ୍ତରମଭିପ୍ରେକ୍ଷ୍ୟ ବିଶ୍ୱାମିତ୍ରସମୀରିତଃ ।
SP0170152 ରାକ୍ଷସୋ ରୁଧିରୋ ନାମ ସଂବିବେଶ ନରାଧିପମ୍ ॥

SP0170161 ରକ୍ଷସା ସ ତଦାବିଷ୍ଟୋ ରୁଧିରେଣ ଦୁରାତ୍ମନା ।
SP0170162 ଉବାଚ ସୂଦଂ ଶନକୈଃ କର୍ଣମୂଲେ ମହାଦ୍ୟୁତିଃ ॥

SP0170171 ଗଚ୍ଛ ଯତ୍କିଞ୍ଚିଦାନୀୟ ମାଂସଂ ମାନୁଷମନ୍ତତଃ ।
SP0170172 ଗାର୍ଦଭଂ ବାପ୍ୟଥୌଷ୍ଟ୍ରଂ ବା ସର୍ୱଂ ସଂସ୍କର୍ତୁମର୍ହସି ॥

SP0170181 କିମସୌ ଜ୍ଞାସ୍ୟତେ ରାତ୍ରୌ ତ୍ୱୟା ଭୂୟଶ୍ଚ ସଂସ୍କୃତମ୍ ।
SP0170182 ରସବଦ୍ଗନ୍ଧବଚ୍ଚୈବ କ୍ଷିପ୍ରମେବ ସମାଚର ॥

SP0170190 ସନତ୍କୁମାର ଉବାଚ ।
SP0170191 ସ ଏବମୁକ୍ତସ୍ତେନାଥ ମାନୁଷଂ ମାଂସମାଦଦେ ।
SP0170192 ରାଜାପକାରିଣୋ ବ୍ୟାସ ମୃତୋତ୍ସୃଷ୍ଟସ୍ୟ କସ୍ୟଚିତ୍ ॥

SP0170201 ଅଥାର୍ଧରାତ୍ରସମୟେ ଭାସ୍କରାକାରବର୍ଚସମ୍ ।
SP0170202 ଶତାନଲସମପ୍ରଖ୍ୟମପଶ୍ୟନ୍ମୁନିସତ୍ତମମ୍ ॥

SP0170211 ସ ତମର୍ଘ୍ୟେଣ ପାଦ୍ୟେନ ଆସନାଗ୍ର୍ୟବରେଣ ଚ ।
SP0170212 ସମର୍ଚୟିତ୍ୱା ବିଧିବଦନ୍ନମସ୍ୟୋପପାଦୟତ୍ ॥

SP0170221 ସ ତଦନ୍ନଂ ସମାନୀତଂ ସମାଲଭ୍ୟ ମହାତପାଃ ।
SP0170222 ଚୁକୋପ କୁପିତଶ୍ଚାହ ପାର୍ଥିବଂ ପ୍ରଦହନ୍ନିବ ॥

SP0170230 ଶକ୍ତିରୁବାଚ ।
SP0170231 ପାର୍ଥିବାଧମ ବିପ୍ରାଣାଂ ଭୋଜନଂ ରାକ୍ଷସୋଚିତମ୍ ।
SP0170232 ନ ଦୀୟତେ ବିଧିଜ୍ଞେନ ତ୍ୱଂ ତୁ ମାମବମନ୍ୟସେ ॥

SP0170241 ଯସ୍ମାତ୍ତ୍ୱଂ ରାକ୍ଷସମିଦଂ ମହ୍ୟଂ ଦିତ୍ସସି ଭୋଜନମ୍ ।
SP0170242 ତସ୍ମାତ୍ତ୍ୱଂ କର୍ମଣା ତେନ ପୁରୁଷାଦୋ ଭବିଷ୍ୟସି ॥

SP0170250 ସନତ୍କୁମାର ଉବାଚ ।
SP0170251 ଏବମୁକ୍ତସ୍ତୁ ତେଜସ୍ୱୀ ରାଜା ସଞ୍ଚିନ୍ତ୍ୟ ତତ୍ତଦା ।
SP0170252 ଉବାଚ କ୍ରୋଧରକ୍ତାକ୍ଷୋ ରାକ୍ଷସାବିଷ୍ଟଚେତନଃ ॥

SP0170261 ପୁରୁଷାଦୋ ଭବେତ୍ୟେବଂ ମାମବୋଚଦ୍ଭବାନ୍ୟତଃ ।
SP0170262 ତତସ୍ତ୍ୱାଂ ଭକ୍ଷୟିଷ୍ୟାମି ଭ୍ରାତୃଭିଃ ସହିତଂ ଦ୍ୱିଜ ॥

SP0170271 ଭକ୍ଷୟିତ୍ୱା ବିଶୁଦ୍ଧ୍ୟର୍ଥଂ ମୁକ୍ତଶାପସ୍ତତଃ ପରମ୍ ।
SP0170272 ଚରିଷ୍ୟାମି ତପଃ ଶୁଦ୍ଧଂ ସଂୟମ୍ୟେନ୍ଦ୍ରିୟସଂହତିମ୍ ।
SP0170273 ପିତ୍ରା ତବାଭ୍ୟନୁଜ୍ଞାତଃ ସ୍ୱର୍ଗେ ବତ୍ସ୍ୟେ ଯଥେପ୍ସିତମ୍ ॥

SP0179999 ଇତି ସ୍କନ୍ଦପୁରାଣେ ସପ୍ତଦଶମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୮
SP0180010 ସନତ୍କୁମାର ଉବାଚ ।
SP0180011 ତତଃ ସ ରାଜା ସ୍ୱଂ ରାଜ୍ୟମୁତ୍ସୃଜ୍ୟ ସହ ଭାର୍ୟଯା ।
SP0180012 ବନଂ ବିବେଶ ତତ୍ରାଭୂତ୍ପୁରୁଷାଦୋ ମହାବଲଃ ॥

SP0180021 ସୋଽଭକ୍ଷୟତ ତତ୍ରାଗ୍ରେ ଶକ୍ତିମେବ ମହାମୁନିମ୍ ।
SP0180022 ତତୋ ଭ୍ରାତୃଶତଂ ତସ୍ୟ ବସିଷ୍ଠସ୍ୟୈବ ପଶ୍ୟତଃ ॥

SP0180031 ତତଃ ପୁତ୍ରବଧଂ ଘୋରଂ ଦୃଷ୍ଟ୍ୱା ବ୍ରହ୍ମସୁତଃ ପ୍ରଭୁଃ ।
SP0180032 ନୋତ୍ସସର୍ଜ ତଦା କ୍ରୋଧଂ ବସିଷ୍ଠଃ କୌଶିକଂ ପ୍ରତି ।
SP0180033 ପୁତ୍ରଶୋକେନ ମହତା ଭୃଶମେବାନ୍ୱକୀର୍ୟତ ॥

SP0180041 ସ ବଦ୍ଧ୍ୱା ମହତୀଂ କଣ୍ଠେ ଶିଲାଂ ବ୍ରହ୍ମସୁତଃ ପ୍ରଭୁଃ ।
SP0180042 ନଦ୍ୟାମାତ୍ମାନମୁତ୍ସୃଜ୍ୟ ଶତଧା ସାଦ୍ରବଦ୍ଭୟାତ୍ ।
SP0180043 ଶତଦ୍ରୂରିତି ତାଂ ପ୍ରାହୁର୍ମୁନୟଃ ସଂଶିତବ୍ରତାଃ ॥

SP0180051 ପୁନଃ ପାଶୈର୍ଦୃଢୈର୍ବଦ୍ଧ୍ୱା ଅନ୍ୟସ୍ୟାମସୃଜଦ୍ୱଶୀ ।
SP0180052 ତସ୍ୟାଂ ବିପାଶଃ ସଂବୃତ୍ତୋ ବିପାଶା ସାଭବତ୍ତତଃ ॥

SP0180061 ତତୋଽଟବୀଂ ସମାସାଦ୍ୟ ନିରାହାରୋ ଜିତେନ୍ଦ୍ରିୟଃ ।
SP0180062 ବାୟୁଭକ୍ଷସ୍ତଦା ତସ୍ଥୌ ସ୍ୱଂ ଦେହଂ ପରିତାପୟନ୍ ॥

SP0180071 ଅଥ ଶୁଶ୍ରାବ ବେଦାନାଂ ଧ୍ୱନିମେକସ୍ୟ ସୁସ୍ୱରମ୍ ।
SP0180072 ଅଧୀୟାନସ୍ୟ ତତ୍ରାଶୁ ଧ୍ୟାନମେବାନ୍ୱପଦ୍ୟତ ॥

SP0180081 ଅଥୈନଂ ଚାରୁସର୍ୱାଶ୍ଣ୍ଗୀ ପୀନୋନ୍ନତପୟୋଧରା ।
SP0180082 ଉପତସ୍ଥେଽଗ୍ରତଃ ପତ୍ନୀ ଶକ୍ତେର୍ଦୀନାନନେକ୍ଷଣା ॥

SP0180091 ତାମୁବାଚ କୁତସ୍ତ୍ୱଂ ବୈ କସ୍ୟୈଷ ଶ୍ରୂୟତେ ଧ୍ୱନିଃ ।
SP0180092 ସୋବାଚ ଦୀନୟା ବାଚା ରୁଦତୀ ଶ୍ୱଶୁରଂ ତଦା ॥

SP0180100 ଅଦୃଶ୍ୟନ୍ତ୍ୟୁବାଚ ।
SP0180101 ଯଦୈବ ସୁତଦୁଃଖେନ ନିର୍ଗତୋଽସ୍ୟାଶ୍ରମାଦ୍ଗୁରୋ ।
SP0180102 ତଦାପ୍ରଭୃତ୍ୟେବାଦୃଶ୍ୟା ଭଗବନ୍ତମନୁବ୍ରତା ॥

SP0180111 ଅଧୀୟାନସ୍ୟ ଚୈବାୟଂ ଧ୍ୱନିଃ ପୁତ୍ରସ୍ୟ ତେ ବିଭୋ ।
SP0180112 ଉଦରସ୍ଥସ୍ୟ ତେ ସୂନୋର୍ମା ଦୁଃଖେ ତ୍ୱଂ ମନଃ କୃଥାଃ ॥

SP0180120 ସନତ୍କୁମାର ଉବାଚ ।
SP0180121 ଇଦାନୀମସ୍ତି ମେ ବତ୍ସେ ଜୀବିତାଶେତି ସୋଽବ୍ରବୀତ୍ ।
SP0180122 କ୍ଷାନ୍ତିଂ ଧୃତିଂ ଚ ସଂସ୍ଥିତ୍ୟ ପ୍ରୟଯାବାଶ୍ରମଂ ମୁନିଃ ॥

SP0180131 ତଦାଶ୍ରମପଦଂ ଗଚ୍ଛନ୍ପଥି ରାଜାନମୈକ୍ଷତ ।
SP0180132 ବସାରୁଧିରଦିଗ୍ଧାଶ୍ଣ୍ଗଂ ସୌଦାସଂ ରକ୍ତଲୋଚନମ୍ ॥

SP0180141 ଅଭିଦ୍ରବନ୍ତଂ ବେଗେନ ମନ୍ତ୍ରୈରସ୍ତମ୍ଭୟନ୍ମୁନିଃ ।
SP0180142 ତତୋଽସ୍ୟ ନିର୍ଗତଃ କାୟାଦ୍ରକ୍ଷଃ ପରମଦାରୁଣଃ ॥

SP0180151 ଉବାଚ ଚୈନଂ ଦୁଷ୍ଟାତ୍ମନ୍ଦହେୟଂ ତ୍ୱାଂ ସବାନ୍ଧବମ୍ ।
SP0180152 ଦଗ୍ଧେନ ଚ ତ୍ୱୟା କିଂ ମେ ଗଚ୍ଛ ମୁକ୍ତୋଽସି ଦୁର୍ମତେ ॥

SP0180161 ତତଃ ସ ମୁକ୍ତୋ ଦୀନାତ୍ମା ରାକ୍ଷସଃ କ୍ରୂରକର୍ମକୃତ୍ ।
SP0180162 ପ୍ରଣମ୍ୟ ଶିରସା ଭୀତୋ ଜଗାମ କୁଶିକାନ୍ତିକମ୍ ॥

SP0180171 ଗତେ ନିଶାଚରେ ରାଜା ପ୍ରଣମ୍ୟ ଶିରସା ମୁନିମ୍ ।
SP0180172 ପ୍ରସାଦୟାମାସ ତଦା ସ ଚୋବାଚେଦମର୍ଥବତ୍ ॥

SP0180181 ନ ଦୋଷସ୍ତବ ରାଜେନ୍ଦ୍ର ରକ୍ଷସାଧିଷ୍ଠିତସ୍ୟ ବୈ ।
SP0180182 କୃତାନ୍ତେନ ହତାଃ ପୁତ୍ରା ନିମିତ୍ତଂ ତତ୍ର ରାକ୍ଷସଃ ॥

SP0180191 ପ୍ରଶାଧି ରାଜ୍ୟଂ ରାଜେନ୍ଦ୍ର ପିତୃପୈତାମହଂ ବିଭୋ ।
SP0180192 ବ୍ରୂହି କିଂ ବା ପ୍ରିୟଂ ତେଽଦ୍ୟ କରୋମି ନରପୁଙ୍ଗବ ॥

SP0180200 ରାଜୋବାଚ ।
SP0180201 ଇଚ୍ଛାମି ଭଗବନ୍ପୁତ୍ରଂ ତ୍ୱୟୋତ୍ପାଦିତମଚ୍ୟୁତ ।
SP0180202 ଦେବ୍ୟାମସ୍ୟାଂ ମହାସତ୍ତ୍ୱଂ ତତ୍କୁରୁଷ୍ୱ ମମ ପ୍ରିୟମ୍ ॥

SP0180210 ସନତ୍କୁମାର ଉବାଚ ।
SP0180211 ଏବମସ୍ତ୍ୱିତ୍ୟଥୋକ୍ତ୍ୱାସୌ ତସ୍ୟାଂ ପତ୍ନ୍ୟାଂ ମହାବ୍ରତଃ ।
SP0180212 ପୁତ୍ରଂ ଚ ଶୋଣକଂ ନାମ ଜନୟାମାସ ନିର୍ୱୃତଃ ॥

SP0180221 ତଂ ଶୋଣକଂ ତତୋ ରାଜ୍ୟେ ସ୍ୱଂ ପୁତ୍ରମଭିଷିଚ୍ୟ ସଃ ।
SP0180222 ଜଗାମ ବନମେବାଶୁ ସଭାର୍ୟସ୍ତପସି ସ୍ଥିତଃ ॥

SP0180231 ବସିଷ୍ଠସ୍ୟାପି କାଲେନ ଶକ୍ତେଃ ପୁତ୍ରଃ ପ୍ରତାପବାନ୍ ।
SP0180232 ଅଦୃଶ୍ୟନ୍ତ୍ୟାଂ ସମଭବତ୍ପୁତ୍ରୋ ନାମ୍ନା ପରାଶରଃ ॥

SP0180241 ବସିଷ୍ଠଂ ତୁ ତଦା ଧୀମାଂସ୍ତାତମେବାଭ୍ୟମନ୍ୟତ ।
SP0180242 ତାତ ତାତେତି ଚ ମୁହୁର୍ୱ୍ୟାଜହାର ପିତୁର୍ଗୁରୁମ୍ ॥

SP0180251 ତତଃ କଦାଚିଦ୍ୱିଜ୍ଞାୟ ଭକ୍ଷିତଂ ରକ୍ଷସା ଶୁଚିମ୍ ।
SP0180252 ପିତରଂ ତପସା ମନ୍ତ୍ରୈରୀଜେ ରକ୍ଷଃକ୍ରତୌ ତଦା ॥

SP0180261 ତତ୍ର କୋଟୀଃ ସ ପଞ୍ଚାଶଦ୍ରକ୍ଷସାଂ କ୍ରୂରକର୍ମଣାମ୍ ।
SP0180262 ଜୁହାବାଗ୍ନୌ ମହାତେଜାସ୍ତତୋ ବ୍ରହ୍ମାଭ୍ୟଗାଦ୍ଦ୍ରୁତମ୍ ॥

SP0180271 ସୁତମଭ୍ୟେତ୍ୟ ସମ୍ପୂଜ୍ୟ ବସିଷ୍ଠସହିତଃ ପ୍ରଭୁଃ ।
SP0180272 ଋଷିଭିର୍ଦୈବତୈଶ୍ଚୈବ ଇଦମାହ ପରାଶରମ୍ ॥

SP0180280 ବ୍ରହ୍ମୋବାଚ ।
SP0180281 ଦେବତାସ୍ତେ ପତନ୍ତି ସ୍ମ ଯଜ୍ଞୈର୍ମନ୍ତ୍ରପୁରସ୍କୃତୈଃ ।
SP0180282 ଅଷ୍ଟମଂ ସ୍ଥାନମେତଦ୍ଧି ଦେବାନାମାଦ୍ୟମୀଦୃଶମ୍ ॥

SP0180290 ପରାଶର ଉବାଚ ।
SP0180291 ସହ ଦେବୈରହଂ ସର୍ୱା/ଲ୍ଲୋକାନ୍ଧକ୍ଷ୍ୟାମି ପାବକୈଃ ।
SP0180292 ଦଗ୍ଧ୍ୱାନ୍ୟାନ୍ପ୍ରଥୟିଷ୍ୟାମି ତତ୍ର ଲୋକାନ୍ନ ସଂଶୟଃ ॥

SP0180300 ସନତ୍କୁମାର ଉବାଚ ।
SP0180301 ତସ୍ୟୈବଂ ଗର୍ୱିତଂ ବାକ୍ୟଂ ଶ୍ରୁତ୍ୱା ଦେବଃ ପିତାମହଃ ।
SP0180302 ଉବାଚ ଶ୍ଲକ୍ଷ୍ଣୟା ବାଚା ସାନ୍ତ୍ୱୟଂସ୍ତମିଦଂ ବଚଃ ॥

SP0180310 ପିତାମହ ଉବାଚ ।
SP0180311 କୃତମେତନ୍ନ ସନ୍ଦେହୋ ଯଥା ବ୍ରୂଷେ ମହାମତେ ।
SP0180312 କ୍ଷନ୍ତବ୍ୟଂ ସର୍ୱମେତତ୍ତୁ ଅସ୍ମତ୍ପ୍ରିୟଚିକୀର୍ଷୟା ॥

SP0180321 ଯୈସ୍ତେ ପିତା ମହାଭାଗ ଭକ୍ଷିତଃ ସହ ସୋଦରୈଃ ।
SP0180322 ତ ଏବାଗ୍ନୌ ଚ ହୋତବ୍ୟା ବିଶ୍ୱାମିତ୍ରସ୍ୟ ପଶ୍ୟତଃ ।
SP0180323 ଅନ୍ୟେଷାଂ ସ୍ୱସ୍ତି ସର୍ୱତ୍ର ଦେବାନାଂ ସହ ରାକ୍ଷସୈଃ ॥

SP0180331 ତସ୍ୟ ସଙ୍କଲ୍ପସନ୍ତପ୍ତୋ ମନ୍ୟୁମୂଲମୁଦାହରତ୍ ।
SP0180332 ବସିଷ୍ଠସ୍ୟ ମହାଭାଗ ତ୍ୱଂ ନିବାରୟ ପୁତ୍ରକ ॥

SP0180341 ଦେବାଃ ପ୍ରାଞ୍ଜଲୟଃ ସର୍ୱେ ପ୍ରଣେମୁସ୍ତେ ମହାମୁନିମ୍ ।
SP0180342 ଋଷୟଶ୍ଚୈବ ତେ ସର୍ୱେ ବାଗ୍ଭିସ୍ତୁଷ୍ଟୁବିରେ ତଦା ॥

SP0180351 ତତସ୍ତେଷାଂ ମହାତେଜା ବଚାଂସି ପ୍ରତ୍ୟପୂଜୟତ୍ ।
SP0180352 ବିଶ୍ୱାମିତ୍ରସ୍ୟ ମିଷତ ଇଦଂ ପ୍ରୋବାଚ ସୁସ୍ୱରମ୍ ॥

SP0180361 ଯ ଏଷାଂ ବ୍ରାହ୍ମଣୋ ବାପି କ୍ଷତ୍ରିୟୋ ବା ଦୁରାତ୍ମବାନ୍ ।
SP0180362 ରକ୍ଷସାଂ ପକ୍ଷମାସ୍ଥାୟ ପ୍ରତୀକାରଂ କରିଷ୍ୟତି ॥

SP0180371 ତମପ୍ୟତ୍ରାପି ସଙ୍କ୍ରୁଦ୍ଧସ୍ତପୋୟୋଗବଲାନ୍ୱିତଃ ।
SP0180372 ବିହତ୍ୟ ତପସୋ ଯୋଗାଦ୍ଧୋଷ୍ୟେ ଦୀପ୍ତେ ବିଭାବସୌ ॥

SP0180380 ସନତ୍କୁମାର ଉବାଚ ।
SP0180381 ତତୋ ଦେବାଃ ସଗନ୍ଧର୍ୱାଃ ପିତାମହପୁରଃସରାଃ ।
SP0180382 ପ୍ରଭାବଂ ତସ୍ୟ ତଂ ଜ୍ଞାତ୍ୱା ପରାଶରମପୂଜୟନ୍ ॥

SP0180391 ହୁତେଷୁ ଚ ତତସ୍ତେଷୁ ରାକ୍ଷସେଷୁ ଦୁରାତ୍ମସୁ ।
SP0180392 ସଞ୍ଜହାର ତତଃ ସତ୍ତ୍ରଂ ବ୍ରହ୍ମଣୋଽନୁମତେ ତଦା ॥

SP0180400 ସନତ୍କୁମାର ଉବାଚ ।
SP0180401 ଯ ଇମଂ ଶ୍ରାଦ୍ଧକାଲେ ବା ଦୈବେ କର୍ମଣି ବା ଦ୍ୱିଜାନ୍ ।
SP0180402 ଶ୍ରାବୟୀତ ଶୁଚିର୍ଭୂତ୍ୱା ନ ତଂ ହିଂସନ୍ତି ରାକ୍ଷସାଃ ॥

SP0180411 ପରାଶରସ୍ୟେଦମଦୀନସମ୍ଭବଂ ବିଶୁଦ୍ଧବାକ୍କର୍ମବିଧାନସମ୍ଭବମ୍ ।
SP0180412 ନିଶାମ୍ୟ ବିପ୍ରଃ କୁଲସିଦ୍ଧିସମ୍ଭବଂ ନ ରାକ୍ଷସଂ ଗଚ୍ଛତି
ଯୋନିସମ୍ଭବମ୍ ॥

SP0189999 ଇତି ସ୍କନ୍ଦପୁରାଣେଽଷ୍ଟାଦଶମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୧୯
SP0190010 ସନତ୍କୁମାର ଉବାଚ ।
SP0190011 ଏବଂ ତବ ପିତା ବ୍ୟାସ ରକ୍ଷଃସତ୍ତ୍ରଂ ସମାହରତ୍ ।
SP0190012 ସମାପୟିତ୍ୱା ଚ ପୁନସ୍ତପସ୍ତେପେ ଚ ଭାସ୍ୱରମ୍ ॥

SP0190021 ତମାଗତ୍ୟ ବସିଷ୍ଠସ୍ତୁ ତପସା ଭାସ୍କରଦ୍ୟୁତିମ୍ ।
SP0190022 ଉବାଚ ପ୍ରୀତିସମ୍ପନ୍ନମିଦମର୍ଥବଦବ୍ୟଯଃ ॥

SP0190030 ବସିଷ୍ଠ ଉବାଚ ।
SP0190031 ପିତରଃ ପୁତ୍ରକାମା ବୈ ତପଃ କୃତ୍ୱାତିଦୁଶ୍ଚରମ୍ ।
SP0190032 ପୁତ୍ରମୁତ୍ପାଦୟନ୍ତି ସ୍ମ ତପୋଜ୍ଞାନସମନ୍ୱିତମ୍ ॥

SP0190041 ଅୟଂ ନଃ ସନ୍ତତିଂ ଚୈବ ଜ୍ଞାନବାଂସ୍ତପସାନ୍ୱିତଃ ।
SP0190042 କରିଷ୍ୟତି ଗତିଂ ଚୈବ ଇତି ବେଦବିଦୋ ବିଦୁଃ ॥

SP0190051 ସ ତ୍ୱଂ ତପୋନ୍ୱିତଶ୍ଚୈବ ଜ୍ଞାନବାନ୍ୟଶସାନ୍ୱିତଃ ।
SP0190052 ପୁତ୍ରଃ ପୁତ୍ରବତାଂ ଶ୍ରେଷ୍ଠୋ ବିହୀନଃ ପ୍ରଜୟା ବିଭୋ ॥

SP0190061 ତସ୍ମାତ୍ପିତ୍।ର଼୍ଣାମାନୃଣ୍ୟଂ ଗଚ୍ଛ ବ୍ରତବତାଂ ବର ।
SP0190062 ସୁତମୁତ୍ପାଦୟ କ୍ଷିପ୍ରମଧିକଂ ସମମେବ ବା ॥

SP0190070 ସନତ୍କୁମାର ଉବାଚ ।
SP0190071 ସ ଏବମୁକ୍ତସ୍ତେଜସ୍ୱୀ ବସିଷ୍ଠେନାମିତାତ୍ମନା ।
SP0190072 ମୈନାକଂ ପର୍ୱତଂ ପ୍ରାପ୍ୟ ତପସ୍ତେପେ ସୁଦୁଶ୍ଚରମ୍ ॥

SP0190081 ତସ୍ୟ କାଲେନ ମହତା ତପସା ଭାବିତସ୍ୟ ତୁ ।
SP0190082 ଉମାପତିର୍ୱରଂ ପ୍ରାଦାତ୍ସ ଚ ବବ୍ରେ ସୁତଂ ଶୁଭମ୍ ॥

SP0190091 ସ ଲବ୍ଧବର ଆଗମ୍ୟ ଯୟାଚେ ପୁତ୍ରକାରଣାତ୍ ।
SP0190092 କ୍ଷେତ୍ରଂ ସୁପରିଶୁଦ୍ଧଂ ଚ ସ୍ୱପୁତ୍ରୋ ଯତ୍ର ସମ୍ଭବେତ୍ ॥

SP0190101 ସମ୍ଭ୍ରମନ୍ଦାଶରାଜସ୍ୟ ଦୁହିତୃତ୍ୱମୁପାଗତାମ୍ ।
SP0190102 ପିତୃକନ୍ୟାଂ ତତଃ କାଲୀମପଶ୍ୟଦ୍ଦିବ୍ୟରୂପିଣୀମ୍ ॥

SP0190111 ମତ୍ସୀଗର୍ଭସମୁତ୍ପନ୍ନାଂ ବସୋର୍ବୀଜାଶନାତ୍ପୁରା ।
SP0190112 ଅଦ୍ରିକାମପ୍ସରଃଶ୍ରେଷ୍ଠାଂ ବ୍ରହ୍ମତେଜୋମୟୀଂ ଶୁଭାମ୍ ॥

SP0190121 ତସ୍ୟାଂ ସ ଜନୟାମାସ ବରଂ ଦତ୍ତ୍ୱା ମହାତପାଃ ।
SP0190122 ଭବନ୍ତଂ ତପସାଂ ଯୋନିଂ ଶ୍ରୌତସ୍ମାର୍ତପ୍ରବର୍ତକମ୍ ॥

SP0190131 ତବ ପୁତ୍ରୋଽଭବଚ୍ଚାପି ଶୁକୋ ଯୋଗବିଦାଂ ବରଃ ।
SP0190132 ତସ୍ୟ ପୁତ୍ରାଶ୍ଚ ଚତ୍ୱାରଃ କନ୍ୟା ଚୈକା ସୁମଧ୍ୟମା ॥

SP0190140 ବ୍ୟାସ ଉବାଚ ।
SP0190141 କଥଂ ବୈରଂ ସମଭବଦ୍ୱିଶ୍ୱାମିତ୍ରବସିଷ୍ଠୟୋଃ ।
SP0190142 କଥଂ ଚାପଗତଂ ଭୂୟ ଏତଦିଚ୍ଛାମି ବେଦିତୁମ୍ ॥

SP0190150 ସନତ୍କୁମାର ଉବାଚ ।
SP0190151 ପରାଶରେ ତୁ ଗର୍ଭସ୍ଥେ ବିପ୍ରତ୍ୱଂ ଗାଧିଜେ ଗତେ ।
SP0190152 ସରସ୍ୱତ୍ୟାଂ କୁରୁକ୍ଷେତ୍ରେ ଦ୍ୱୟୋରପ୍ୟାଶ୍ରମୌ ତୟୋଃ ॥

SP0190161 ତତ୍ର ବୈରମନୁସ୍ମୃତ୍ୟ ବିଶ୍ୱାମିତ୍ରେଣ ଧୀମତା ।
SP0190162 ମିଷତସ୍ତୁ ବସିଷ୍ଠସ୍ୟ ହତଂ ପୁତ୍ରଶତଂ ରୁଷା ॥

SP0190171 ମୁନିରପ୍ୟାହ ତତ୍ରାସୌ ବିଶ୍ୱାମିତ୍ରଃ ପ୍ରତାପବାନ୍ ।
SP0190172 ସରସ୍ୱତୀମଥୈକାନ୍ତେ ବସିଷ୍ଠଂ ମେ ମହାପଗେ ।
SP0190173 ସ୍ରୋତସା ମହତାକ୍ଷିପ୍ୟ ସ୍ନାୟମାନମିହାନୟ ॥

SP0190181 ସୈବମୁକ୍ତା ତୁ ତଂ ଗତ୍ୱା ବସିଷ୍ଠଂ ପ୍ରାହ ଦୁଃଖିତା ।
SP0190182 ଯଦୁକ୍ତବାଂସ୍ତୁ ଗାଧେୟଃ ସ ଚୋବାଚ ମହାନଦୀମ୍ ॥

SP0190191 ଏବଂ କୁରୁ ମହାଭାଗେ ମାଂ ନୟସ୍ୱ ଯଥେପ୍ସିତମ୍ ।
SP0190192 ମା ତେ କ୍ରୂରଃ ସ ଗାଧେୟଃ ଶାପଂ ଦଦ୍ୟାତ୍ସୁଦୁସ୍ତରମ୍ ॥

SP0190200 ସନତ୍କୁମାର ଉବାଚ ।
SP0190201 ଗାଧେୟସ୍ୟ ତତଃ ସା ତୁ ଜୁହ୍ୱତୋଽଗ୍ନିଂ ଦିବାକରେ ।
SP0190202 ମଧ୍ୟଂ ପ୍ରାପ୍ତେଽନୟଦ୍ୱେଗାଦ୍ୱସିଷ୍ଠଂ ସ୍ରୋତସା ଶୁଭା ॥

SP0190211 ତଂ ଦୃଷ୍ଟ୍ୱାପହୃତଂ ବ୍ୟାସ ସ୍ରୋତସା ମୁନିସତ୍ତମମ୍ ।
SP0190212 ଉବାଚ ଚ୍ଛଦ୍ମନା ଯସ୍ମାଦ୍ୱେଗେନାପହୃତସ୍ତ୍ୱୟା ।
SP0190213 ତସ୍ମାତ୍ତ୍ୱଂ କର୍ମଣାନେନ ସାସୃକ୍ତୋୟା ଭବିଷ୍ୟସି ॥

SP0190221 ବିଶ୍ୱାମିତ୍ରେଣ ସା ଶପ୍ତା ନଦୀ ଲୋକସୁଖପ୍ରଦା ।
SP0190222 ଅବହଦ୍ରୁଧିରଂ ଚୈବ ମାଂସମେଦସ୍ତଥୈବ ଚ ॥

SP0190231 ଅଥ ତୀର୍ଥପ୍ରସଶ୍ଣ୍ଗେନ ମୁନିଭିଃ ସମୁପାଗତୈଃ ।
SP0190232 ଅନୁଗ୍ରହଃ କୃତସ୍ତସ୍ୟା ଯେନ ସ୍ୱଚ୍ଛଜଲାଭବତ୍ ॥

SP0190241 ମହତସ୍ତପସଃ ଶକ୍ତ୍ୟା କାଲେନ ମହତା ତଦା ।
SP0190242 ବସିଷ୍ଠସ୍ୟ ଚ ତାଂ କ୍ଷାନ୍ତିଂ ଜ୍ଞାତ୍ୱା ସ ଋଷିପୁଙ୍ଗବଃ ॥

SP0190251 ବିଶ୍ୱାମିତ୍ରୋ ମହାତେଜା ବସିଷ୍ଠେ ବୈରମତ୍ୟଜତ୍ ।
SP0190252 ଏବଂ ତୌ ବୈରମନ୍ୟୋନ୍ୟଂ ଜହତୁର୍ମୁନିସତ୍ତମୌ ॥

SP0190260 ସନତ୍କୁମାର ଉବାଚ ।
SP0190261 ଯ ଇମଂ ଶୃଣୁୟାନ୍ନିତ୍ୟଂ ବ୍ରାହ୍ମଣାଞ୍ଛ୍ରାବୟୀତ ବା ।
SP0190262 ସ ଦୁସ୍ତରାଣି ଦୁର୍ଗାଣି ତରତ୍ୟଶ୍ରାନ୍ତପୌରୁଷଃ ॥

SP0190271 ହ୍ରୀପୌରୁଷୌଦାର୍ୟବିହାରସତ୍ତ୍ୱୈଃ ସମନ୍ୱିତଃ ସୋଜ୍ଜ୍ୱଲଚାରୁବେଷଃ ।
SP0190272 ଭବେଚ୍ଚ ସର୍ୱାମରରାଜତୁଲ୍ୟସ୍ତ୍ରିପିଷ୍ଟପେ କ୍ରୀଡତି ଚେଚ୍ଛୟା ସ୍ୱୟମ୍ ॥

SP0190281 ଏବଂ ତଦଭବଦ୍ୱ୍ୟାସ ବିଶ୍ୱାମିତ୍ରବସିଷ୍ଠୟୋଃ ।
SP0190282 ବୈରଂ ସମାପ୍ତଂ ଲୋକାନାଂ ହିତାର୍ଥଂ ପୁନରେବ ଚ ॥

SP0199999 ଇତି ସ୍କନ୍ଦପୁରାଣେ ଊନବିଂଶତିତମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୨୦
SP0200010 ବ୍ୟାସ ଉବାଚ ।
SP0200011 ଉମାହରୌ ତୁ ଦେବେଶୌ ଚକ୍ରତୁର୍ୟଚ୍ଚ ସଙ୍ଗତୌ ।
SP0200012 ତନ୍ମେ ସର୍ୱମଶେଷେଣ କଥୟସ୍ୱ ମହାମୁନେ ॥

SP0200020 ସନତ୍କୁମାର ଉବାଚ ।
SP0200021 ଉମାହରୌ ତୁ ସଙ୍ଗମ୍ୟ ପରସ୍ପରମନିନ୍ଦିତୌ ।
SP0200022 ଶାଲଶ୍ଣ୍କସ୍ୟାନ୍ୱୟେ ବିପ୍ରଂ ଯୁୟୁଜାତେ ବରେଣ ହ ॥

SP0200031 ସ ଚାପ୍ୟଯୋନିଜଃ ପୁତ୍ର ଆରାଧ୍ୟ ପରମେଶ୍ୱରମ୍ ।
SP0200032 ରୁଦ୍ରେଣ ସମତାଂ ଲବ୍ଧ୍ୱା ମହାଗଣପତିର୍ବଭୌ ॥

SP0200040 ବ୍ୟାସ ଉବାଚ ।
SP0200041 କଥଂ ନନ୍ଦୀ ସମୁତ୍ପନ୍ନଃ କଥଂ ଚାରାଧ୍ୟ ଶଙ୍କରମ୍ ।
SP0200042 ସମାନତ୍ୱମଗାଚ୍ଛମ୍ଭୋଃ ପ୍ରତୀହାରତ୍ୱମେବ ଚ ॥

SP0200050 ସନତ୍କୁମାର ଉବାଚ ।
SP0200051 ଅଭୂଦୃଷିଃ ସ ଧର୍ମାତ୍ମା ଶିଲାଦୋ ନାମ ବୀର୍ୟବାନ୍ ।
SP0200052 ତସ୍ୟାଭୂଚ୍ଛିଲକୈର୍ୱୃତ୍ତିଃ ଶିଲାଦସ୍ତେନ ସୋଽଭବତ୍ ॥

SP0200061 ଅପଶ୍ୟଲ୍ଲମ୍ବମାନାଂସ୍ତୁ ଗର୍ତାୟାଂ ସ ପିତ୍।ର଼୍ନ୍ଦ୍ୱିଜଃ ।
SP0200062 ବିଚ୍ଛିନ୍ନସନ୍ତତୀନ୍ଘୋରଂ ନିରୟଂ ବୈ ପ୍ରପେତୁଷଃ ॥

SP0200071 ତୈରୁକ୍ତୋଽପତ୍ୟକାମୈସ୍ତୁ ଦେବଂ ଲୋକେଶମବ୍ୟଯମ୍ ।
SP0200072 ଆରାଧୟ ମହାଦେବଂ ସୁତାର୍ଥଂ ଦ୍ୱିଜସତ୍ତମ ॥

SP0200081 ତସ୍ୟ ବର୍ଷସହସ୍ରେଣ ତପ୍ୟମାନସ୍ୟ ଶୂଲଧୃକ୍ ।
SP0200082 ଶର୍ୱଃ ସୋମୋ ଗଣବୃତୋ ବରଦୋଽସ୍ମୀତ୍ୟଭାଷତ ॥

SP0200091 ତଂ ଦୃଷ୍ଟ୍ୱା ସୋମମୀଶେଶଂ ପ୍ରଣତଃ ପାଦୟୋର୍ୱିଭୋଃ ।
SP0200092 ହର୍ଷଗଦ୍ଗଦୟା ବାଚା ତୁଷ୍ଟାବ ବିବୁଧେଶ୍ୱରମ୍ ॥

SP0200101 ନମଃ ପରମଦେବାୟ ମହେଶାୟ ମହାତ୍ମନେ ।
SP0200102 ସ୍ରଷ୍ଟ୍ରେ ସର୍ୱସୁରେଶାନାଂ ବ୍ରହ୍ମଣଃ ପତୟେ ନମଃ ॥

SP0200111 ନମଃ କାମାଶ୍ଣ୍ଗନାଶାୟ ଯୋଗସମ୍ଭବହେତବେ ।
SP0200112 ନମଃ ପର୍ୱତବାସାୟ ଧ୍ୟାନଗମ୍ୟାୟ ବେଧସେ ॥

SP0200121 ଋଷୀଣାଂ ପତୟେ ନିତ୍ୟଂ ଦେବାନାଂ ପତୟେ ନମଃ ।
SP0200122 ବେଦାନାଂ ପତୟେ ଚୈବ ଯୋଗିନାଂ ପତୟେ ନମଃ ॥

SP0200131 ପ୍ରଧାନାୟ ନମୋ ନିତ୍ୟଂ ତତ୍ତ୍ୱାୟାମରସଞ୍ଜ୍ଞିଣେ ।
SP0200132 ବରଦାୟ ଚ ଭକ୍ତାନାଂ ନମଃ ସର୍ୱଗତାୟ ଚ ॥

SP0200141 ତନ୍ମାତ୍ରେନ୍ଦ୍ରିୟଭୂତାନାଂ ବିକାରାଣାଂ ଗୁଣୈଃ ସହ ।
SP0200142 ସ୍ରଷ୍ଟ୍ରେ ଚ ପତୟେ ଚୈବ ନମଶ୍ଚ ପ୍ରଭବିଷ୍ଣବେ ॥

SP0200151 ଜଗତଃ ପତୟେ ଚୈବ ଜଗତ୍ସ୍ରଷ୍ଟ୍ରେ ନମଃ ସଦା ।
SP0200152 ପ୍ରକୃତେଃ ପତୟେ ନିତ୍ୟଂ ପୁରୁଷାତ୍ପରଗାମିନେ ॥

SP0200161 ଈଶ୍ୱରାୟ ନମୋ ନିତ୍ୟଂ ଯୋଗଗମ୍ୟାୟ ରଂହସେ ।
SP0200162 ସଂସାରୋତ୍ପତ୍ତିନାଶାୟ ସର୍ୱକାମପ୍ରଦାୟ ଚ ॥

SP0200171 ଶରଣ୍ୟାୟ ନମୋ ନିତ୍ୟଂ ନମୋ ଭସ୍ମାଶ୍ଣ୍ଗରାଗିଣେ ।
SP0200172 ନମସ୍ତେଽୟୋଗ୍ରହସ୍ତାୟ ତେଜସାଂ ପତୟେ ନମଃ ॥

SP0200181 ସୂର୍ୟାନିଲହୁତାଶାମ୍ବୁଚନ୍ଦ୍ରାକାଶଧରାୟ ଚ ।
SP0200182 ସ୍ଥିତାୟ ସର୍ୱଦା ନିତ୍ୟଂ ନମସ୍ତ୍ରୈଲୋକବେଧସେ ॥

SP0200191 ସ୍ତୋତବ୍ୟସ୍ୟ କୁତୋ ଦେବ ବିଶ୍ରାମସ୍ତବ ବିଦ୍ୟତେ ।
SP0200192 ଯଦା ହେତୁସ୍ତ୍ୱମେବାସ୍ୟ ଜଗତଃ ସ୍ଥିତିନାଶୟୋଃ ॥

SP0200201 ଅଶରଣ୍ୟସ୍ୟ ଦେବେଶ ତ୍ୱତ୍ତଶ୍ଚ ଶରଣାର୍ଥିନଃ ।
SP0200202 ପ୍ରସାଦଂ ପରମାଲମ୍ବ୍ୟ ବରଦୋ ଭବ ବିଶ୍ୱକୃତ୍ ॥

SP0200210 ସନତ୍କୁମାର ଉବାଚ ।
SP0200211 ଯଃ ସ୍ତୋତ୍ରମେତଦଖିଲଂ ପଠତେ ଦ୍ୱିଜନ୍ମା ପ୍ରାତଃ
ଶୁଚିର୍ନିୟମବାନ୍ପୁରତୋ ଦ୍ୱିଜାନାମ୍ ।
SP0200212 ତଂ ବ୍ରହ୍ମରାକ୍ଷସନିଶାଚରଭୂତୟକ୍ଷା ହିଂସନ୍ତି ନୋ
ଦ୍ୱିପଦପନ୍ନଗପୂତନାଶ୍ଚ ॥

SP0200221 ତତଃ ସ ଭଗବାନ୍ଦେବଃ ସ୍ତୂୟମାନଃ ସହୋମୟା ।
SP0200222 ଉବାଚ ବରଦୋଽସ୍ମୀତି ବ୍ରୂହି ଯତ୍ତେ ମନୋଗତମ୍ ॥

SP0200231 ତମେବଂବାଦିନଂ ଦେବଂ ଶିଲାଦୋଽଭ୍ୟର୍ଚୟତ୍ତଦା ।
SP0200232 ଉବାଚ ଚେଦଂ ଦେବେଶଂ ସ ବାଚା ସଜ୍ଜମାନୟା ॥

SP0200241 ଭଗବନ୍ୟଦି ତୁଷ୍ଟୋଽସି ଯଦି ଦେୟୋ ବରଶ୍ଚ ମେ ।
SP0200242 ଇଚ୍ଛାମ୍ୟାତ୍ମସମଂ ପୁତ୍ରଂ ମୃତ୍ୟୁହୀନମୟୋନିଜମ୍ ॥

SP0200251 ଏବମୁକ୍ତସ୍ତତୋ ଦେବଃ ପ୍ରୀୟମାଣସ୍ତ୍ରିଲୋଚନଃ ।
SP0200252 ଏବମସ୍ତ୍ୱିତି ତଂ ପ୍ରୋଚ୍ୟ ତତ୍ରୈବାନ୍ତରଧୀୟତ ॥

SP0200261 ଗତେ ତସ୍ମିନ୍ମହେଷ୍ୱାସେ ଋଷିଃ ପରମପୂଜିତଃ ।
SP0200262 ସ୍ୱମାଶ୍ରମମୁପାଗମ୍ୟ ଋଷିଭ୍ୟୋଽକଥୟତ୍ତତଃ ॥

SP0200271 ତୈଃ ପ୍ରଶସ୍ତସ୍ତତଶ୍ଚୈବ କାଲେନ ମୁନିସତ୍ତମ ।
SP0200272 ଯିୟକ୍ଷୁର୍ୟଜ୍ଞଭୂମିଂ ସ୍ୱାଂ ଲାଶ୍ଣ୍ଗଲେନ ଚକର୍ଷ ତାମ୍ ॥

SP0200281 ତସ୍ୟାଂ ତୁ କୃଷ୍ୟମାଣାୟାଂ ସୀତାୟାଂ ତତ୍ସମୁତ୍ଥିତଃ ।
SP0200282 ସଂବର୍ତକାନଲପ୍ରଖ୍ୟଃ କୁମାରଃ ପ୍ରତ୍ୟଦୃଶ୍ୟତ ॥

SP0200291 ସ ତଂ ଦୃଷ୍ଟ୍ୱା ତଥୋଦ୍ଭୂତଂ କୁମାରଂ ଦୀପ୍ତତେଜସମ୍ ।
SP0200292 ରାକ୍ଷସୋଽୟମିତି ଜ୍ଞାତ୍ୱା ଭୟାନ୍ନୋପସସାର ତମ୍ ॥

SP0200301 କୁମାରୋଽପି ତଥୋଦ୍ଭୂତଃ ପିତରଂ ଦୀପ୍ତତେଜସମ୍ ।
SP0200302 ଉପାସର୍ପତ ଦୀନାତ୍ମା ତାତ ତାତେତି ଚାବ୍ରବୀତ୍ ॥

SP0200311 ସ ତାତେତ୍ୟୁଚ୍ୟମାନୋଽପି ଯଦା ତଂ ନାଭ୍ୟନନ୍ଦତ ।
SP0200312 ତତୋ ବାୟୁସ୍ତମାକାଶେ ଶିଲାଦଂ ପ୍ରାହ ସୁସ୍ୱରମ୍ ॥

SP0200320 ବାୟୁରୁବାଚ ।
SP0200321 ଶାଲଶ୍ଣ୍କାୟନ ପୁତ୍ରସ୍ତେ ଯୋଽସୌ ଦେବେନ ଶମ୍ଭୁନା ।
SP0200322 ଅୟୋନିଜଃ ପୁରା ଦତ୍ତଃ ସ ଏଷ ପ୍ରତିନନ୍ଦୟ ॥

SP0200331 ଯସ୍ମାନ୍ନନ୍ଦୀକରସ୍ତେଽୟଂ ସଦୈବ ଦ୍ୱିଜସତ୍ତମ ।
SP0200332 ତସ୍ମାନ୍ନନ୍ଦୀତି ନାମ୍ନାୟଂ ଭବିଷ୍ୟତି ସୁତସ୍ତବ ॥

SP0200340 ସନତ୍କୁମାର ଉବାଚ ।
SP0200341 ତତଃ ସ ବାୟୁବଚନାନ୍ନନ୍ଦିନଂ ପରିଷସ୍ୱଜେ ।
SP0200342 ଗୃହୀତ୍ୱା ଚାଶ୍ରମଂ ସ୍ୱେନ ସୋଽନୟତ୍ତୁଷ୍ଟିବର୍ଧନମ୍ ।
SP0200343 ଚୂଡୋପନୟନାଦୀନି କର୍ମାଣ୍ୟସ୍ୟ ଚକାର ସଃ ॥

SP0200351 କୃତ୍ୱା ଚାଧ୍ୟାପୟାମାସ ବେଦାନ୍ସାଶ୍ଣ୍ଗାନଶେଷତଃ ।
SP0200352 ଆୟୁର୍ୱେଦଂ ଧନୁର୍ୱେଦଂ ଗାନ୍ଧର୍ୱଂ ଶବ୍ଦଲକ୍ଷଣମ୍ ॥

SP0200361 ହସ୍ତିନାଂ ଚରିତଂ ଯଚ୍ଚ ନରନାର୍ୟୋଶ୍ଚ ଲକ୍ଷଣମ୍ ।
SP0200362 ଶିଲ୍ପାନି ଚୈବ ସର୍ୱାଣି ନିମିତ୍ତଜ୍ଞାନମେବ ଚ ॥

SP0200371 ଭୂତଗ୍ରାମଚିକିତ୍ସାଂ ଚ ମାତ୍।ର଼୍ଣାଂ ଚରିତଂ ଚ ଯତ୍ ।
SP0200372 ଭୁଜଙ୍ଗାନାଂ ଚ ସର୍ୱେଷାଂ ଯଚ୍ଚ କିଞ୍ଚିଦ୍ୱିଚେଷ୍ଟିତମ୍ ।
SP0200373 ଅବ୍ଦୈରଧୀତବାନ୍ସର୍ୱଂ ବ୍ୟାସ ପଞ୍ଚଭିରେବ ଚ ॥

SP0200381 ଦକ୍ଷଃ ଶୁଚିରଦୀନାତ୍ମା ପ୍ରିୟବାଗନସୂୟକଃ ।
SP0200382 ସର୍ୱଲୋକପ୍ରିୟୋ ନିତ୍ୟଂ ମନୋନୟନନନ୍ଦନଃ ॥

SP0200391 ତସ୍ୟାଥ ସପ୍ତମେ ବର୍ଷେ ଋଷୀ ଦିବ୍ୟୌ ତପୋଧନୌ ।
SP0200392 ଆଶ୍ରମଂ ସମନୁପ୍ରାପ୍ତୌ ଶିଲାଦସ୍ୟ ମହୌଜସୌ ॥

SP0200401 ତାବଭ୍ୟର୍ଚ୍ୟ ଯଥାନ୍ୟାୟଂ ଶିଲାଦଃ ସୁମହାତପାଃ ।
SP0200402 ସୁଖାସୀନୌ ସମାଲକ୍ଷ୍ୟ ଆସନେ ପରମାର୍ଚିତୌ ॥

SP0200411 ମିତ୍ରାବରୁଣନାମାନୌ ତପୋୟୋଗବଲାନ୍ୱିତୌ ।
SP0200412 ଅଭିଜ୍ଞୌ ସର୍ୱଭୂତାନାଂ ତ୍ରୈଲୋକ୍ୟେ ସଚରାଚରେ ॥

SP0200421 ତାଭ୍ୟାମନୁଜ୍ଞାତଶ୍ଚୈବ ନିଷସାଦ ବରାସନେ ।
SP0200422 ଉପବିଷ୍ଟସ୍ତତଃ ପ୍ରୀତ ଇଷ୍ଟାଭିର୍ୱାଗ୍ଭିରସ୍ତୁବତ୍ ॥

SP0200431 ତାଭ୍ୟାଂ ପୃଷ୍ଟଶ୍ଚ କଚ୍ଚିତ୍ତେ ପୁତ୍ରସ୍ତୁଷ୍ଟିପ୍ରଦଃ ଶୁଭଃ ।
SP0200432 ସ୍ୱାଧ୍ୟାୟନିୟତଃ କଚ୍ଚିତ୍କଚ୍ଚିଦ୍ଧର୍ମସ୍ୟ ସନ୍ତତିଃ ॥

SP0200441 କଚ୍ଚିନ୍ନ ବୃଦ୍ଧାନ୍ବାଲୋ ନ ଗୁରୂନ୍ୱାପ୍ୟବମନ୍ୟତେ ।
SP0200442 କଚ୍ଚିନ୍ନିୟମବାଂଶ୍ଚୈବ କଚ୍ଚିତ୍ତୁଷ୍ଟିପ୍ରଦଃ ସତାମ୍ ॥

SP0200451 ସ ଏବମୁକ୍ତସ୍ତେଜସ୍ୱୀ ଶିଲାଦଃ ପୁତ୍ରବତ୍ସଲଃ ।
SP0200452 ଉବାଚ ଗୁଣବାନ୍ସମ୍ୟକ୍କୁଲବଂଶବିବର୍ଧନଃ ॥

SP0200461 ତମାହୂୟ ସ ତୁଷ୍ଟ୍ୟା ତୁ ପୁତ୍ରଂ ନନ୍ଦିନମଚ୍ୟୁତମ୍ ।
SP0200462 ତୟୋଃ ପାଦେଷୁ ଶିରସା ଅପାତୟତ ନନ୍ଦିନମ୍ ॥

SP0200471 ତୌ ତୁ ତସ୍ୟାଶିଷଂ ଦେବୌ ପ୍ରୟୁଶ୍ଣ୍କ୍ତୋ ଧର୍ମନିତ୍ୟତାମ୍ ।
SP0200472 ଗୁରୁଶୁଶ୍ରୂଷଣେ ଭାବଂ ଲୋକାଂଶ୍ଚୈବ ତଥାକ୍ଷୟାନ୍ ॥

SP0200480 ସନତ୍କୁମାର ଉବାଚ ।
SP0200481 ଶିଲାଦସ୍ତାମଥାଲକ୍ଷ୍ୟ ଆଶିଷଂ ଦେବୟୋସ୍ତଦା ।
SP0200482 ବିସୃଜ୍ୟ ନନ୍ଦିନଂ ଭୀତଃ ସୋଽପୃଚ୍ଛଦୃଷିସତ୍ତମୌ ॥

SP0200490 ଶିଲାଦ ଉବାଚ ।
SP0200491 ଭଗବନ୍ତାବୃଷୀ ସତ୍ୟୌ ଗତିଜ୍ଞୌ ସର୍ୱଦେହିନାମ୍ ।
SP0200492 କିମର୍ଥଂ ମମ ପୁତ୍ରସ୍ୟ ଦୀର୍ଘମାୟୁରୁଭାବପି ।
SP0200493 ପ୍ରୟୁକ୍ତବନ୍ତୌ ସମ୍ୟକ୍ତୁ ନାଶିଷଂ ମୁନିସତ୍ତମୌ ॥

SP0200500 ମିତ୍ରାବରୁଣାବୂଚତୁଃ ।
SP0200501 ତବୈଷ ତନୟସ୍ତାତ ଅଲ୍ପାୟୁଃ ସର୍ୱସମ୍ମତଃ ।
SP0200502 ଅତୋଽନ୍ୟଦ୍ୱର୍ଷମେକଂ ବୈ ଜୀବିତଂ ଧାରୟିଷ୍ୟତି ॥

SP0200510 ସନତ୍କୁମାର ଉବାଚ ।
SP0200511 ତତଃ ସ ଶୋକସନ୍ତପ୍ତୋ ନ୍ୟପତଦ୍ଭୁବି ଦୁଃଖିତଃ ।
SP0200512 ବିସୃଜ୍ୟ ଋଷିଶାର୍ଦୂଲାବେକାକୀ ବିଲଲାପ ଚ ॥

SP0200521 ତସ୍ୟ ଶୋକାଦ୍ୱିଲପତଃ ସ୍ୱରଂ ଶ୍ରୁତ୍ୱା ସୁତଃ ଶୁଭଃ ।
SP0200522 ନନ୍ଦ୍ୟାଗାତ୍ତମଥାପଶ୍ୟତ୍ପିତରଂ ଦୁଃଖିତଂ ଭୃଶମ୍ ॥

SP0200530 ନନ୍ଦ୍ୟୁବାଚ ।
SP0200531 କେନ ତ୍ୱଂ ତାତ ଦୁଃଖେନ ଦୂୟମାନଃ ପ୍ରରୋଦିଷି ।
SP0200532 ଦୁଃଖଂ ତେ କୁତ ଉଦ୍ଭୂତଂ ଜ୍ଞାତୁମିଚ୍ଛାମ୍ୟହଂ ପିତଃ ॥

SP0200540 ଶିଲାଦ ଉବାଚ ।
SP0200541 ପୁତ୍ର ତ୍ୱଂ କିଲ ବର୍ଷେଣ ଜୀବିତଂ ସମ୍ପ୍ରହାସ୍ୟସି ।
SP0200542 ଊଚତୁସ୍ତାବୃଷୀତ୍ୟେବଂ ତତୋ ମାଂ କୃଚ୍ଛ୍ରମାବିଶତ୍ ॥

SP0200550 ନନ୍ଦ୍ୟୁବାଚ ।
SP0200551 ସତ୍ୟଂ ଦେବଋଷୀ ତାତ ନ ତାବନୃତମୂଚତୁଃ ।
SP0200552 ତଥାପି ତୁ ନ ମୃତ୍ୟୁର୍ମେ ପ୍ରଭବିଷ୍ୟତି ମା ଶୁଚଃ ॥

SP0200560 ଶିଲାଦ ଉବାଚ ।
SP0200561 କିଂ ତପଃ କିଂ ପରିଜ୍ଞାନଂ କୋ ଯୋଗଃ କଃ ଶ୍ରମଶ୍ଚ ତେ ।
SP0200562 ଯେନ ତ୍ୱଂ ମୃତ୍ୟୁମୁଦ୍ୟୁକ୍ତଂ ବଞ୍ଚୟିଷ୍ୟସି କଥ୍ୟତାମ୍ ॥

SP0200570 ନନ୍ଦ୍ୟୁବାଚ ।
SP0200571 ନ ତାତ ତପସା ମୃତ୍ୟୁଂ ବଞ୍ଚୟିଷ୍ୟେ ନ ବିଦ୍ୟଯା ।
SP0200572 ମହାଦେବପ୍ରସାଦେନ ମୃତ୍ୟୁଂ ଜେଷ୍ୟାମି ନାନ୍ୟଥା ॥

SP0200581 ଦ୍ରକ୍ଷ୍ୟାମି ଶଙ୍କରଂ ଦେବଂ ତତୋ ମୃତ୍ୟୁର୍ନ ମେ ଭବେତ୍ ।
SP0200582 ନଷ୍ଟେ ମୃତ୍ୟୌ ତ୍ୱୟା ସାର୍ଧଂ ଚିରଂ ବତ୍ସ୍ୟାମି ନିର୍ୱୃତଃ ॥

SP0200590 ଶିଲାଦ ଉବାଚ ।
SP0200591 ମୟା ବର୍ଷସହସ୍ରେଣ ତପସ୍ତପ୍ତ୍ୱା ସୁଦୁଶ୍ଚରମ୍ ।
SP0200592 ମହାଦେବଃ ପୁରା ଦୃଷ୍ଟୋ ଲବ୍ଧସ୍ତ୍ୱଂ ମେ ଯତଃ ସୁତଃ ॥

SP0200601 ଭବାଂସ୍ତୁ ବର୍ଷେଣୈକେନ ତପସା ନାତିଭାବିତଃ ।
SP0200602 କଥଂ ଦ୍ରଷ୍ଟା ମହାଦେବମେତଦିଚ୍ଛାମି ବେଦିତୁମ୍ ॥

SP0200610 ନନ୍ଦ୍ୟୁବାଚ ।
SP0200611 ନ ତାତ ତପସା ଦେବୋ ଦୃଶ୍ୟତେ ନ ଚ ବିଦ୍ୟଯା ।
SP0200612 ଶୁଦ୍ଧେନ ମନସା ଭକ୍ତ୍ୟା ଦୃଶ୍ୟତେ ପରମେଶ୍ୱରଃ ॥

SP0200621 ତ୍ୱୟା ବିସୃଷ୍ଟୋ ଗତ୍ୱାହମଚିରେଣ ତ୍ରିଲୋଚନମ୍ ।
SP0200622 ଦ୍ରଷ୍ଟା ତାତ ନ ସନ୍ଦେହୋ ବିସୃଜାଶୁ ତତସ୍ତୁ ମାମ୍ ॥

SP0200631 ତିଷ୍ଠନ୍ତଂ ମାଂ ଯମୋଽଭ୍ୟେତ୍ୟ ପଶ୍ୟତସ୍ତେଽଭିସମ୍ମତମ୍ ।
SP0200632 ନ ହିଂସତି ତଥା ତସ୍ମାଦିତସ୍ତାତ ବ୍ରଜାମ୍ୟହମ୍ ॥

SP0200641 ତିଷ୍ଠନ୍ତଂ ବା ଶୟାନଂ ବା ଧାବନ୍ତଂ ପତିତଂ ତଥା ।
SP0200642 ନ ପ୍ରତୀକ୍ଷତି ବୈ ମୃତ୍ୟୁରିତି ବୁଦ୍ଧ୍ୱା ଶମଂ ବ୍ରଜ ॥

SP0200651 ଅବତୀର୍ୟ ଜଲଂ ଦିବ୍ୟଂ ଭାବଂ ଶୁଦ୍ଧଂ ସମାସ୍ଥିତଃ ।
SP0200652 ଅଭ୍ୟସ୍ୟ ରୌଦ୍ରମଧ୍ୟାୟଂ ତତୋ ଦ୍ରକ୍ଷ୍ୟାମି ଶଙ୍କରମ୍ ॥

SP0200661 ଜପତଶ୍ଚାପି ଯୁକ୍ତସ୍ୟ ରୁଦ୍ରଭାବାର୍ପିତସ୍ୟ ଚ ।
SP0200662 ନ ମୃତ୍ୟୁକାଲା ବହବଃ କରିଷ୍ୟନ୍ତି ମମ ବ୍ୟଥାମ୍ ॥

SP0200670 ସନତ୍କୁମାର ଉବାଚ ।
SP0200671 ତମେବଂବାଦିନଂ ମତ୍ୱା ବ୍ରୁବାଣଂ ଶୁଦ୍ଧୟା ଗିରା ।
SP0200672 ବ୍ୟସର୍ଜୟଦଦୀନାତ୍ମା କୃଚ୍ଛ୍ରାତ୍ପୁତ୍ରଂ ମହାତପାଃ ॥

SP0200681 ଅଭିବନ୍ଦ୍ୟ ପିତୁଃ ପାଦୌ ଶିରସା ସ ମହାୟଶାଃ ।
SP0200682 ପ୍ରଦକ୍ଷିଣଂ ସମାବୃତ୍ୟ ସମ୍ପ୍ରତସ୍ଥେଽତିନିଶ୍ଚିତଃ ॥

SP0200691 ଅଭିବାଦ୍ୟ ଋଷୀନ୍ସର୍ୱାନ୍ସ ଦିଦୃକ୍ଷୁରୁଦାରଧୀଃ ।
SP0200692 ମୁନିଃ ସ ଦେବମଗମତ୍ପ୍ରଣତାର୍ତିହରଂ ହରମ୍ ॥

SP0209999 ଇତି ସ୍କନ୍ଦପୁରାଣେ ବିଂଶତିତମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୨୧
SP0210010 ସନତ୍କୁମାର ଉବାଚ ।
SP0210011 ନିର୍ଗତୋଽଥ ତତୋ ନନ୍ଦୀ ଜଗାମ ସରିତାଂ ବରାମ୍ ।
SP0210012 ଭୁବନାମିତି ବିଖ୍ୟାତାଂ ସର୍ୱଲୋକସୁଖାବହାମ୍ ॥

SP0210021 ତାଂ ପ୍ରବିଶ୍ୟ ତତୋ ଧୀମାନେକାଗ୍ରୋ ହ୍ରଦମାସ୍ଥିତଃ ।
SP0210022 ସ ଜଜାପ ତଦା ରୁଦ୍ରାନ୍ମୃତ୍ୟୋର୍ଭୀତଃ ସମାହିତଃ ॥

SP0210031 ଜପତା ତେନ ତତ୍ରୈବ ତତ୍ପରେଣ ତଦାଶିଷା ।
SP0210032 କୋଟିରେକା ଯଦା ଜପ୍ତା ତଦା ଦେବସ୍ତୁତୋଷ ହ ॥

SP0210041 ତମାଗତ୍ୟାହ ଭଗବାଞ୍ଛର୍ୱ ଉଗ୍ରଃ କପର୍ଦିମାନ୍ ।
SP0210042 ନନ୍ଦିଂସ୍ତୁଷ୍ଟୋଽସ୍ମି ଭଦ୍ରଂ ତେ ବରଂ ବୃଣୁ ଯଥେପ୍ସିତମ୍ ॥

SP0210051 ଉବାଚ ପ୍ରଣତୋ ଭୂତ୍ୱା ପ୍ରଣତାର୍ତିହରଂ ହରମ୍ ।
SP0210052 ଦ୍ୱିତୀୟାଂ ଜପ୍ତୁମିଚ୍ଛାମି କୋଟିଂ ଭଗବତାଂ ବିଭୋ ।
SP0210053 ଏବମସ୍ତ୍ୱିତି ଦେବୋଽପି ପ୍ରୋଚ୍ୟାଗଚ୍ଛଦ୍ୟଥାଗତମ୍ ॥

SP0210060 ସନତ୍କୁମାର ଉବାଚ ।
SP0210061 ସୋଽବତୀର୍ୟ ତତୋ ଭୂୟଃ ପ୍ରୟତାତ୍ମା ତଥୈବ ହ ।
SP0210062 ଜଜାପ କୋଟିମନ୍ୟାଂ ତୁ ରୁଦ୍ରମେବାନୁଚିନ୍ତୟନ୍ ॥

SP0210071 ଦ୍ୱିତୀୟାୟାଂ ତତଃ କୋଟ୍ୟାଂ ସମ୍ପୂର୍ଣାୟାଂ ବୃଷଧ୍ୱଜଃ ।
SP0210072 ଅଭ୍ୟାଜଗାମ ତଂ ଚୈବ ବରଦୋଽସ୍ମୀତ୍ୟଭାଷତ ॥

SP0210081 ସ ପ୍ରାହ ଭଗବନ୍କୋଟିଂ ତୃତୀୟାମପି କାଲହନ୍ ।
SP0210082 ଜପ୍ତୁମିଚ୍ଛାମି ଦେବେଶ ତ୍ୱତ୍ପ୍ରସାଦାଦହଂ ବିଭୋ ॥

SP0210091 ଏବମସ୍ତ୍ୱିତି ଭୂୟୋଽପି ଭଗବାନ୍ପ୍ରତ୍ୟୁବାଚ ହ ।
SP0210092 ଉକ୍ତ୍ୱା ଜଗାମ ସ୍ୱଂ ବେଶ୍ମ ଦେବ୍ୟା ସହ ମହାଦ୍ୟୁତିଃ ॥

SP0210101 ତତସ୍ତୃତୀୟାଂ ରୁଦ୍ରାଣାଂ କୋଟିମନ୍ୟାଂ ଜଜାପ ହ ।
SP0210102 ଯୁଗାନ୍ତାଦିତ୍ୟସଙ୍କାଶସ୍ତତଃ ସମଭବଦ୍ଦ୍ୱିଜଃ ॥

SP0210111 ତସ୍ୟ କୋଟୀତ୍ରୟେ ବ୍ୟାସ ସମାପ୍ତେ ଜ୍ୱଲନତ୍ୱିଷଃ ।
SP0210112 ସୋମଃ ସହ ଗଣୈର୍ଦେବସ୍ତଂ ଦେଶମୁପଚକ୍ରମେ ॥

SP0210121 ସ ତଂ କରେଣ ସଙ୍ଗୃହ୍ୟ ଉଦ୍ଧୃତ୍ୟ ସଲିଲାଚ୍ଚ ହ ।
SP0210122 ସମ୍ମୃଜାନୋଽଗ୍ରହସ୍ତେନ ନନ୍ଦିନଂ କାଲହାବ୍ରବୀତ୍ ॥

SP0210130 ଦେବ ଉବାଚ ।
SP0210131 ଶୈଲାଦେ ବରଦୋଽହଂ ତେ ତପସାନେନ ତୋଷିତଃ ।
SP0210132 ସାଧୁ ଜପ୍ତଂ ତ୍ୱୟା ଧୀମନ୍ବ୍ରୂହି ଯତ୍ତେ ମନୋଗତମ୍ ॥

SP0210140 ଶୈଲାଦିରୁବାଚ ।
SP0210141 ଜପେୟଂ କୋଟିମନ୍ୟାଂ ତୁ ଭୂୟୋଽପି ତବ ତେଜସା ।
SP0210142 ବରମେତଂ ବୃଣେ ଦେବ ଯଦି ତୁଷ୍ଟୋଽସି ମେ ବିଭୋ ॥

SP0210150 ଭଗବାନୁବାଚ ।
SP0210151 କିଂ ତେ ଜପ୍ତେନ ଭୂୟୋଽପି ତୁଷ୍ଟୋଽସ୍ମି ତବ ସର୍ୱଥା ।
SP0210152 ଯଦ୍ୟତ୍ତ୍ୱଂ ବୃଣୁଷେ କାମଂ ସର୍ୱଂ ତତ୍ପ୍ରଦଦାନି ତେ ॥

SP0210161 ବ୍ରହ୍ମତ୍ୱମଥ ବିଷ୍ଣୁତ୍ୱମିନ୍ଦ୍ରତ୍ୱମଥ ବାୟୁତାମ୍ ।
SP0210162 ଆଦିତ୍ୟୋ ଭବ ରୁଦ୍ରୋ ବା ବ୍ରୂହି କିଂ ବା ଦଦାନି ତେ ॥

SP0210170 ସନତ୍କୁମାର ଉବାଚ ।
SP0210171 ସ ଏବମୁକ୍ତୋ ଦେବେନ ଶିରସା ପାଦୟୋର୍ନତଃ ।
SP0210172 ତୁଷ୍ଟାବ ପୁରକାମାଶ୍ଣ୍ଗକ୍ରତୁପର୍ୱତନାଶନମ୍ ॥

SP0210180 ନନ୍ଦ୍ୟୁବାଚ ।
SP0210181 ନମୋ ଦେବାତିଦେବାୟ ମହାଦେବାୟ ବୈ ନମଃ ।
SP0210182 ନମଃ କାମାଶ୍ଣ୍ଗନାଶାୟ ନୀଲକଣ୍ଠାୟ ବୈ ନମଃ ॥

SP0210191 ନମସ୍ତୁଷିତନାଶାୟ ତ୍ରୈଲୋକ୍ୟଦହନାୟ ଚ ।
SP0210192 ନମଃ କାଲୋଗ୍ରଦଣ୍ଡାୟ ଉଗ୍ରଦଣ୍ଡାୟ ବୈ ନମଃ ॥

SP0210201 ନମୋ ନୀଲଶିଖଣ୍ଡାୟ ସହସ୍ରଶିରସେ ନମଃ ।
SP0210202 ସହସ୍ରପାଣୟେ ଚୈବ ସହସ୍ରଚରଣାୟ ଚ ॥

SP0210211 ସର୍ୱତଃପାଣିପାଦାୟ ସର୍ୱତୋକ୍ଷିମୁଖାୟ ଚ ।
SP0210212 ସର୍ୱତଃଶ୍ରୁତୟେ ଚୈବ ସର୍ୱମାବୃତ୍ୟ ତିଷ୍ଠତେ ॥

SP0210221 ନମସ୍ତେ ରୁକ୍ମବର୍ଣାୟ ତଥୈବାତୀନ୍ଦ୍ରିୟାୟ ଚ ।
SP0210222 ନମଃ କନକଲିଶ୍ଣ୍ଗାୟ ସର୍ୱଲିଶ୍ଣ୍ଗାୟ ବୈ ନମଃ ॥

SP0210231 ନମଶ୍ଚନ୍ଦ୍ରାର୍କବର୍ଣାୟ ଯୋଗେଶାୟାଜିତାୟ ଚ ।
SP0210232 ପିନାକପାଣୟେ ଚୈବ ଶୂଲମୁଦ୍ଗରପାଣୟେ ॥

SP0210241 ଗଦିନେ ଖଡ୍ଗିନେ ଚୈବ ପରଶ୍ୱଧଧରାୟ ଚ ।
SP0210242 ରଥିନେ ବର୍ମିଣେ ଚୈବ ମହେଷ୍ୱାସାୟ ବୈ ନମଃ ॥

SP0210251 ନମସ୍ତ୍ରିଶୂଲହସ୍ତାୟ ଉଗ୍ରଦଣ୍ଡଧରାୟ ଚ ।
SP0210252 ନମୋ ଗଣାଧିପତୟେ ରୁଦ୍ରାଣାଂ ପତୟେ ନମଃ ॥

SP0210261 ନମଃ ସହସ୍ରନେତ୍ରାୟ ଶତନେତ୍ରାୟ ବୈ ନମଃ ।
SP0210262 ଆଦିତ୍ୟାନାଂ ଚ ପତୟେ ବସୂନାଂ ପତୟେ ନମଃ ॥

SP0210271 ନମଃ ପୃଥିବ୍ୟାଃ ପତୟେ ଆକାଶପତୟେ ନମଃ ।
SP0210272 ନମଃ ସ୍ୱର୍ଲୋକପତୟେ ଉମାୟାଃ ପତୟେ ନମଃ ॥

SP0210281 ନମୋ ଯୋଗାଧିପତୟେ ସର୍ୱୟୋଗପ୍ରଦାୟ ଚ ।
SP0210282 ଧ୍ୟାନିନେ ଧ୍ୟାୟମାନାୟ ଧ୍ୟାନିଭିଃ ସଂସ୍ତୁତାୟ ଚ ॥

SP0210291 ମୃତ୍ୟବେ କାଲଦଣ୍ଡାୟ ଯମାୟ ଚ ମହାତ୍ମନେ ।
SP0210292 ଦେବାଧିପତୟେ ଚୈବ ଦିବ୍ୟସଂହନନାୟ ଚ ॥

SP0210301 ଯଜ୍ଞାୟ ବସୁଦାନାୟ ସ୍ୱର୍ଗାୟାଜନ୍ମଦାୟ ଚ ।
SP0210302 ସବିତ୍ରେ ସର୍ୱଦେବାନାଂ ଧର୍ମାୟାନେକରୂପିଣେ ॥

SP0210311 ଅମୃତାୟ ବରେଣ୍ୟାୟ ସର୍ୱଦେବସ୍ତୁତାୟ ଚ ।
SP0210312 ବ୍ରହ୍ମଣଶ୍ଚ ଶିରୋହର୍ତ୍ରେ ଯଜ୍ଞସ୍ୟ ଚ ମହାତ୍ମନଃ ॥

SP0210321 ତ୍ରିପୁରଘ୍ନାୟ ଚୋଗ୍ରାୟ ସର୍ୱାଶୁଭହରାୟ ଚ ।
SP0210322 ଉମାଦେହାର୍ଧରୂପାୟ ଲଲାଟନୟନାୟ ଚ ॥

SP0210331 ମହିଷାନ୍ଧକଭେତ୍ତାୟ ସ୍ରଷ୍ଟ୍ରେ ବୈ ପରମେଷ୍ଠିନେ ।
SP0210332 ବ୍ରହ୍ମଣୋ ଗୁରବେ ଚୈବ ବ୍ରହ୍ମଣୋ ଜନକାୟ ଚ ॥

SP0210341 କୁମାରଗୁରବେ ଚୈବ କୁମାରବରଦାୟ ଚ ।
SP0210342 ହଲିନେ ମୁଷଲଘ୍ନାୟ ମହାହାସାୟ ବୈ ନମଃ ॥

SP0210351 ମୃତ୍ୟୁପାଶୋଗ୍ରହସ୍ତାୟ ତକ୍ଷକବ୍ରହ୍ମସୂତ୍ରିଣେ ।
SP0210352 ସବିଦ୍ୟୁଦ୍ଘନବାହାୟ ତଥୈବ ବୃଷୟାୟିନେ ॥

SP0210361 ହିମବଦ୍ୱିନ୍ଧ୍ୟବାସାୟ ମେରୁପର୍ୱତବାସିନେ ।
SP0210362 କୈଲାସବାସିନେ ଚୈବ ଧନେଶ୍ୱରସଖାୟ ଚ ॥

SP0210371 ବିଷ୍ଣୋର୍ଦେହାର୍ଧଦତ୍ତାୟ ତସ୍ୟୈବ ବରଦାୟ ଚ ।
SP0210372 ସର୍ୱଭୂତାସମଜ୍ଞାୟ ସର୍ୱଭୂତାନୁକମ୍ପିନେ ॥

SP0210381 ଅନ୍ତର୍ଭୂତାଧିଭୂତାୟ ପ୍ରାଣିନାଂ ଜୀବଦାୟ ଚ ।
SP0210382 ମନସେ ମନ୍ୟମାନାୟ ଅତିମାନାୟ ଚୈବ ହି ॥

SP0210391 ବୁଧ୍ୟମାନାୟ ବୁଦ୍ଧାୟ ଦ୍ରଷ୍ଟ୍ରେ ବୈ ଚକ୍ଷୁଷେ ନମଃ ।
SP0210392 ନମସ୍ତେ ସ୍ପର୍ଶୟିତ୍ରେ ଚ ତଥୈବ ସ୍ପର୍ଶନାୟ ଚ ॥

SP0210401 ନମସ୍ତେ ରସୟିତ୍ରେ ଚ ତଥୈବ ରସନାୟ ଚ ।
SP0210402 ନମୋ ଘ୍ରାଣାୟ ଘ୍ରାତ୍ରେ ଚ ଶ୍ରୋତ୍ରେ ଶ୍ରୋତ୍ରାୟ ଚୈବ ହି ।
SP0210403 ହସ୍ତିନେ ଚୈବ ହସ୍ତାୟ ତଥା ପାଦାୟ ପାଦିନେ ॥

SP0210411 ନମୋଽସ୍ତ୍ୱାନନ୍ଦକର୍ତ୍ରେ ଚ ଆନନ୍ଦାୟ ଚ ବୈ ନମଃ ।
SP0210412 ବାଚେଽଥ ବାଗ୍ମିନେ ଚୈବ ତନ୍ମାତ୍ରାୟ ମହାତ୍ମନେ ॥

SP0210421 ସୂକ୍ଷ୍ମାୟ ଚୈବ ସ୍ଥୂଲାୟ ସତ୍ତ୍ୱାୟ ରଜସେ ନମଃ ।
SP0210422 ନମଶ୍ଚ ତମସେ ନିତ୍ୟଂ କ୍ଷେତ୍ରଜ୍ଞାୟାଜିତାୟ ଚ ॥

SP0210431 ବିଷ୍ଣବେ ଲୋକତନ୍ତ୍ରାୟ ପ୍ରଜାନାଂ ପତୟେ ନମଃ ।
SP0210432 ମନବେ ସପ୍ତଋଷୟେ ତପ୍ୟମାନାୟ ତାପିନେ ॥

SP0210441 ବ୍ରହ୍ମଣ୍ୟାୟାଥ ଶୁଦ୍ଧାୟ ତଥା ଦୁର୍ୱାସସେ ନମଃ ।
SP0210442 ଶିଲ୍ପିନେ ଶିଲ୍ପନାଥାୟ ବିଦୁଷେ ବିଶ୍ୱକର୍ମଣେ ॥

SP0210451 ଅତ୍ରୟେ ଭୃଗବେ ଚୈବ ତଥୈବାଶ୍ଣ୍ଗିରସେ ନମଃ ।
SP0210452 ପୁଲହାୟ ପୁଲସ୍ତ୍ୟାୟ କ୍ରତୁଦକ୍ଷାନଲାୟ ଚ ॥

SP0210461 ଧର୍ମାୟ ରୁଚୟେ ଚୈବ ବସିଷ୍ଠାୟ ନମୋଽସ୍ତୁ ତେ ।
SP0210462 ଭୂତାୟ ଭୂତନାଥାୟ କୁଷ୍ମାଣ୍ଡପତୟେ ନମଃ ॥

SP0210471 ତିଷ୍ଠତେ ଦ୍ରବତେ ଚୈବ ଗାୟତେ ନୃତ୍ୟତେଽପି ଚ ।
SP0210472 ଅବଶ୍ୟାୟାପ୍ୟବଧ୍ୟାୟ ଅଜରାୟାମରାୟ ଚ ॥

SP0210481 ଅକ୍ଷୟାୟାବ୍ୟଯାୟୈବ ତଥାପ୍ରତିହତାୟ ଚ ।
SP0210482 ଅନାବେଶ୍ୟାୟ ସର୍ୱେଷାଂ ଦୃଶ୍ୟାୟାଦୃଶ୍ୟରୂପିଣେ ॥

SP0210491 ସୂକ୍ଷ୍ମେଭ୍ୟଶ୍ଚାପି ସୂକ୍ଷ୍ମାୟ ସର୍ୱଗାୟ ମହାତ୍ମନେ ।
SP0210492 ନମସ୍ତେ ଭଗବଂସ୍ତ୍ର୍ୟକ୍ଷ ନମସ୍ତେ ଭଗବଞ୍ଛିବ ।
SP0210493 ନମସ୍ତେ ସର୍ୱଲୋକେଶ ନମସ୍ତେ ଲୋକଭାବନ ॥

SP0210501 ନ ମେ ଦେବାଧିପତ୍ୟେନ ବ୍ରହ୍ମତ୍ୱେନାଥବା ପୁନଃ ।
SP0210502 ନ ବିଷ୍ଣୁତ୍ୱେନ ଦେବେଶ ନାପୀନ୍ଦ୍ରତ୍ୱେନ ଭୂତପ ।
SP0210503 ଇଚ୍ଛାମ୍ୟହଂ ତବେଶାନ ଗଣତ୍ୱଂ ନିତ୍ୟମବ୍ୟଯମ୍ ॥

SP0210511 ନିତ୍ୟଂ ତ୍ୱାଂ ସଗଣଂ ସାମ୍ବଂ ପ୍ରସନ୍ନଂ ସପରିଚ୍ଛଦମ୍ ।
SP0210512 ଦ୍ରଷ୍ଟୁମିଚ୍ଛାମି ଦେବେଶ ଏଷ ମେ ଦୀୟତାଂ ବରଃ ॥

SP0210521 ତ୍ୱଂ ନୋ ଗତିଃ ପୁରା ଦେବ ତ୍ୱଂ ଚୈବାର୍ତାୟନଂ ପ୍ରଭୁଃ ।
SP0210522 ଶରଣଂ ଚ ତ୍ୱମେବାଥ ନାନ୍ୟଂ ପଶ୍ୟାମି କର୍ହିଚିତ୍ ॥

SP0210531 ତ୍ୱୟା ତ୍ୟକ୍ତସ୍ୟ ଚୈବାଶୁ ବିନାଶୋ ନାତ୍ର ସଂଶୟଃ ।
SP0210532 ଅନ୍ୟାଂ ଗତିଂ ନ ପଶ୍ୟାମି ଯସ୍ୟା ଆତ୍ୟନ୍ତିକଂ ଶୁଭମ୍ ॥

SP0210541 ଅନୁରକ୍ତଂ ଚ ଭକ୍ତଂ ଚ ତ୍ୱତ୍ପରଂ ତ୍ୱଦପାଶ୍ରୟମ୍ ।
SP0210542 ପ୍ରତୀଚ୍ଛ ମାଂ ସଦା ଦେବ ଏଷ ମେ ଦୀୟତାଂ ବରଃ ॥

SP0210550 ସନତ୍କୁମାର ଉବାଚ ।
SP0210551 ଯ ଇମଂ ପ୍ରାତରୁତ୍ଥାୟ ପଠେଦବିମନା ନରଃ ।
SP0210552 ସ ଦେହଭେଦମାସାଦ୍ୟ ନନ୍ଦୀଶ୍ୱରସମୋ ଭବେତ୍ ॥

SP0210561 ଯଶ୍ଚେମଂ ଶୃଣୁୟାନ୍ନିତ୍ୟଂ ଶ୍ରାବୟେଦ୍ୱା ଦ୍ୱିଜାତିଷୁ ।
SP0210562 ସୋଽଶ୍ୱମେଧଫଲଂ ପ୍ରାପ୍ୟ ରୁଦ୍ରଲୋକେ ମହୀୟତେ ॥

SP0210571 ଶ୍ରୁତ୍ୱା ସକୃଦପି ହ୍ୟେତଂ ସ୍ତବଂ ପାପପ୍ରଣାଶନମ୍ ।
SP0210572 ଯତ୍ର ତତ୍ର ମୃତୋ ବ୍ୟାସ ନ ଦୁର୍ଗତିମବାପ୍ନୁୟାତ୍ ॥

SP0210581 ଯୋଽଧୀତ୍ୟ ନିତ୍ୟଂ ସ୍ତବମେତମଗ୍ର୍ୟଂ ଦେବଂ ସଦାଭ୍ୟର୍ଚୟତେ ଯତାତ୍ମା ।
SP0210582 କିଂ ତସ୍ୟ ଯଜ୍ଞୈର୍ୱିବିଧୈଶ୍ଚ ଦାନୈସ୍ତୀର୍ଥୈଃ ସୁତପ୍ତୈଶ୍ଚ
ତଥା ତପୋଭିଃ ॥

SP0219999 ଇତି ସ୍କନ୍ଦପୁରାଣ ଏକବିଂଶତିମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୨୨
SP0220010 ସନତ୍କୁମାର ଉବାଚ ।
SP0220011 ତତସ୍ତୁ ଦେବଦେବେଶୋ ଭକ୍ତ୍ୟା ପରମୟା ଯୁତମ୍ ।
SP0220012 ଅଶ୍ରୁପୂର୍ଣେକ୍ଷଣଂ ଦୀନଂ ପାଦୟୋଃ ଶିରସା ନତମ୍ ॥

SP0220021 କରାଭ୍ୟାଂ ସୁସୁଖାଭ୍ୟାଂ ତୁ ସଙ୍ଗୃହ୍ୟ ପରମାର୍ତିହା ।
SP0220022 ଉତ୍ଥାପ୍ୟ ନୟନେ ସୋମଃ ଅଶ୍ରୁପୂର୍ଣେ ମମାର୍ଜ ହ ॥

SP0220031 ଉବାଚ ଚୈନଂ ତୁଷ୍ଟାତ୍ମା ବଚସାପ୍ୟାୟଯନ୍ନିବ ।
SP0220032 ନିରୀକ୍ଷ୍ୟ ଗଣପାନ୍ସର୍ୱାନ୍ଦେବ୍ୟା ସହ ତଦା ପ୍ରଭୁଃ ॥

SP0220040 ଦେବ ଉବାଚ ।
SP0220041 ଜାନେ ଭକ୍ତିଂ ତବ ମୟି ଜାନେ ଚାର୍ତିଂ ତବାନଘ ।
SP0220042 ତସ୍ୟ ସର୍ୱସ୍ୟ ଶୈଲାଦେ ଉଦର୍କଂ ସଂନିଶାମୟ ॥

SP0220051 ଅମରୋ ଜରୟା ତ୍ୟକ୍ତୋ ନିତ୍ୟଂ ଦୁଃଖବିବର୍ଜିତଃ ।
SP0220052 ଅକ୍ଷୟଶ୍ଚାବ୍ୟଯଶ୍ଚୈବ ସପିତା ସସୁହୃଜ୍ଜନଃ ॥

SP0220061 ମମେଷ୍ଟୋ ଗଣପଶ୍ଚୈବ ମଦ୍ୱୀର୍ୟୋ ମତ୍ପରାକ୍ରମଃ ।
SP0220062 ଇଷ୍ଟୋ ମମ ସଦା ଚୈବ ମମ ପାର୍ଶ୍ୱଗତଃ ସଦା ।
SP0220063 ମଦ୍ରୂପଶ୍ଚୈବ ଭବିତା ମହାୟୋଗବଲାନ୍ୱିତଃ ॥

SP0220071 ଋଦ୍ଧିମଚ୍ଚୈବ ତେ ଦ୍ୱୀପଂ କ୍ଷୀରୋଦମମୃତାକରମ୍ ।
SP0220072 ସଂବାସଂ ସମ୍ପ୍ରୟଚ୍ଛାମି ତତ୍ର ରଂସ୍ୟସି ସର୍ୱଦା ॥

SP0220081 କୁଶେଶୟମୟୀଂ ମାଲାମବମୁଚ୍ୟାତ୍ମନସ୍ତତଃ ।
SP0220082 ଆବବନ୍ଧ ମହାତେଜା ନନ୍ଦିନେ ଦିବ୍ୟରୂପିଣୀମ୍ ॥

SP0220091 ସ ତୟା ମାଲୟା ନନ୍ଦୀ ବଭୌ କଣ୍ଠାବସକ୍ତୟା ।
SP0220092 ତ୍ର୍ୟକ୍ଷୋ ଦଶଭୁଜଃ ଶ୍ରୀମାନ୍ଦ୍ୱିତୀୟ ଇବ ଶଙ୍କରଃ ॥

SP0220101 ତତସ୍ତଂ ବୈ ସମାଦାୟ ହସ୍ତେନ ଭଗବାନ୍ହରଃ ।
SP0220102 ଉବାଚ ବ୍ରୂହି କିଂ ତେଽଦ୍ୟ ଦଦାନି ବରମୁତ୍ତମମ୍ ॥

SP0220111 ଆଶ୍ରମଶ୍ଚାୟମତ୍ୟର୍ଥଂ ତପସା ତବ ଭାବିତଃ ।
SP0220112 ଜପ୍ୟେଶ୍ୱର ଇତି ଖ୍ୟାତୋ ମମ ଗୁହ୍ୟୋ ଭବିଷ୍ୟତି ॥

SP0220121 ସମନ୍ତାଦ୍ୟୋଜନଂ କ୍ଷେତ୍ରଂ ଦିବ୍ୟଂ ଦେବଗଣୈର୍ୱୃତମ୍ ।
SP0220122 ସିଦ୍ଧଚାରଣସଙ୍କୀର୍ଣମପ୍ସରୋଗଣସେବିତମ୍ ।
SP0220123 ସିଦ୍ଧିକ୍ଷେତ୍ରଂ ପରଂ ଗୁହ୍ୟଂ ଭବିଷ୍ୟତି ନ ସଂଶୟଃ ॥

SP0220131 କର୍ମଣା ମନସା ବାଚା ଯତ୍କିଞ୍ଚିତ୍କୁରୁତେ ନରଃ ।
SP0220132 ଶୁଭଂ ବାପ୍ୟଶୁଭଂ ବାତ୍ର ସର୍ୱଂ ଭବିତୃ ତଚ୍ଛୁଭମ୍ ॥

SP0220141 ଜାପ୍ୟଂ ମାନସଂ ତୁଲ୍ୟଂ ବୈ ରୁଦ୍ରାଣାଂ ତଦ୍ଭବିଷ୍ୟତି ।
SP0220142 ଯତ୍ର ତତ୍ର ମୃତା ମର୍ତ୍ୟା ଯାସ୍ୟନ୍ତି ତବ ଲୋକତାମ୍ ॥

SP0220151 ତତୋ ଜଟାସ୍ରୁତଂ ବାରି ଗୃହୀତ୍ୱା ହାରନିର୍ମଲମ୍ ।
SP0220152 ଉକ୍ତ୍ୱା ନଦୀ ଭବସ୍ୱେତି ବିସସର୍ଜ ମହାତପାଃ ॥

SP0220161 ସା ତତୋ ଦିବ୍ୟତୋୟା ଚ ପୁଣ୍ୟା ମଣିଜଲା ଶୁଭା ।
SP0220162 ହଂସକାରଣ୍ଡବାକୀର୍ଣା ଚକ୍ରବାକୋପଶୋଭିତା ।
SP0220163 ପଦ୍ମୋତ୍ପଲବନୋପେତା ପ୍ରାବର୍ତତ ମହାନଦୀ ॥

SP0220171 ସ୍ତ୍ରୀରୂପଧାରିଣୀ ଚୈବ ପ୍ରାଞ୍ଜଲିଃ ଶିରସା ନତା ।
SP0220172 ପଦ୍ମୋତ୍ପଲଦଲାଭାକ୍ଷୀ ମହାଦେବମୁପସ୍ଥିତା ॥

SP0220181 ତାମୁବାଚ ତତୋ ଦେବୋ ନଦୀଂ ସ୍ୱୟମୁପସ୍ଥିତାମ୍ ।
SP0220182 ଯସ୍ମାଜ୍ଜଟୋଦକାଦ୍ଦେବି ପ୍ରବୃତ୍ତା ତ୍ୱଂ ଶୁଭାନନେ ।
SP0220183 ତସ୍ମାଜ୍ଜଟୋଦା ନାମ୍ନା ତ୍ୱଂ ଭବିଷ୍ୟସି ସରିଦ୍ୱରା ॥

SP0220191 ତ୍ୱୟି ସ୍ନାନଂ ତୁ ଯଃ କୁର୍ୟାଚ୍ଛୁଚିଃ ପ୍ରୟତମାନସଃ ।
SP0220192 ସୋଽଶ୍ୱମେଧଫଲଂ ପ୍ରାପ୍ୟ ରୁଦ୍ରଲୋକେ ମହୀୟତେ ॥

SP0220200 ସନତ୍କୁମାର ଉବାଚ ।
SP0220201 ତତୋ ଦେବ୍ୟା ମହାଦେବୋ ନନ୍ଦୀଶ୍ୱରମତିପ୍ରଭମ୍ ।
SP0220202 ପୁତ୍ରସ୍ତେଽୟମିତି ପ୍ରୋଚ୍ୟ ପାଦୟୋସ୍ତଂ ବ୍ୟନାମୟତ୍ ॥

SP0220211 ସା ତମାଘ୍ରାୟ ଶିରସି ପାଣିଭ୍ୟାଂ ପରିମାର୍ଜତୀ ।
SP0220212 ପୁତ୍ରପ୍ରେମ୍ଣାଭ୍ୟଷିଞ୍ଚତ୍ତଂ ସ୍ରୋତୋଭିଃ ସ୍ତନଜୈସ୍ତ୍ରିଭିଃ ।
SP0220213 ପୟସା ଶଶ୍ଣ୍ଖଗୌରେଣ ଦେବୀ ଦେବଂ ନିରୀକ୍ଷତୀ ॥

SP0220221 ତାନି ସ୍ରୋତାଂସି ତ୍ରୀଣ୍ୟସ୍ୟାଃ ସ୍ରୁତାନ୍ୟୋଘବତୀ ନଦୀ ।
SP0220222 ନଦୀଂ ତ୍ରିସ୍ରୋତସୀଂ ପୁଣ୍ୟାଂ ତତସ୍ତାମବଦଦ୍ଧରଃ ॥

SP0220231 ତ୍ରିସ୍ରୋତସଂ ନଦୀଂ ଦୃଷ୍ଟ୍ୱା ବୃଷଃ ପରମହର୍ଷିତଃ ।
SP0220232 ନନର୍ଦ ନାଦାତ୍ତସ୍ମାଚ୍ଚ ସରିଦନ୍ୟା ତତୋଽଭବତ୍ ॥

SP0220241 ଯସ୍ମାଦ୍ୱୃଷଭନାଦେନ ପ୍ରବୃତ୍ତା ସା ମହାନଦୀ ।
SP0220242 ତସ୍ମାଡ୍ଢିତ୍କିରିକାଂ ତାଂ ବୈ ଉବାଚ ବୃଷଭଧ୍ୱଜଃ ॥

SP0220251 ଜାମ୍ବୂନଦମୟଂ ଚିତ୍ରଂ ସ୍ୱଂ ଦେବଃ ପରମାଦ୍ଭୁତମ୍ ।
SP0220252 ମୁକୁଟଂ ଚାବବନ୍ଧାସ୍ମୈ କୁଣ୍ଡଲେ ଚାମୃତୋଦ୍ଭବେ ॥

SP0220261 ତଂ ତଥାଭ୍ୟର୍ଚିତଂ ବ୍ୟୋମ୍ନି ଦୃଷ୍ଟ୍ୱା ମେଘଃ ପ୍ରଭାକରଃ ।
SP0220262 ଦେବୋପବାହ୍ୟଃ ସିଷିଚେ ସନାଦଃ ସତଡିଦ୍ଗୁଣଃ ॥

SP0220271 ତସ୍ୟାଭିଷିକ୍ତସ୍ୟ ତଦା ପ୍ରବୃତ୍ତେ ସ୍ରୋତସୀ ଭୃଶମ୍ ।
SP0220272 ଯସ୍ମାତ୍ସୁବର୍ଣାନ୍ନିଃସୃତ୍ୟ ନଦ୍ୟେକା ସମ୍ପ୍ରବର୍ତତ ।
SP0220273 ସ୍ୱର୍ଣୋଦକେତି ନାମ୍ନା ତାଂ ମହାଦେବୋଽଭ୍ୟଭାଷତ ॥

SP0220281 ଜାମ୍ବୂନଦମୟାଦ୍ୟସ୍ମାଦ୍ଦ୍ୱିତୀୟା ମୁକୁଟାଚ୍ଛୁଭାତ୍ ।
SP0220282 ପ୍ରାବର୍ତତ ନଦୀ ପୁଣ୍ୟା ଊଚୁର୍ଜମ୍ବୂନଦୀତି ତାମ୍ ॥

SP0220291 ଏତତ୍ପଞ୍ଚନଦଂ ନାମ ଜପ୍ୟେଶ୍ୱରସମୀପଗମ୍ ।
SP0220292 ବ୍ୟାଖ୍ୟାତଂ ଫଲମେତାସାଂ ଜଟୋଦାୟାଂ ମହାତ୍ମନା ॥

SP0220301 ତଚ୍ଚ ପଞ୍ଚନଦଂ ଦିବ୍ୟଂ ଦେବଂ ଜପ୍ୟେଶ୍ୱରଂ ଚ ତମ୍ ।
SP0220302 ତ୍ରିରାତ୍ରୋପୋଷିତୋ ଗତ୍ୱା ସ୍ନାତ୍ୱାଭ୍ୟର୍ଚ୍ୟ ଚ ଶୂଲିନମ୍ ॥

SP0220311 ନନ୍ଦୀଶ୍ୱରସ୍ୟାନୁଚରଃ କ୍ଷୀରୋଦନିଲୟୋ ଭବେତ୍ ॥

SP0220321 ଯସ୍ତୁ ଜପ୍ୟେଶ୍ୱରେ ପ୍ରାଣାନ୍ପରିତ୍ୟଜତି ଦୁସ୍ତ୍ୟଜାନ୍ ।
SP0220322 ନିୟମେନାନ୍ୟଥା ବାପି ସ ମେ ଗଣପତିର୍ଭବେତ୍ ॥

SP0220331 ନନ୍ଦୀଶ୍ୱରସମୋ ନିତ୍ୟଃ ଶାଶ୍ୱତଃ ଅକ୍ଷୟୋଽବ୍ୟଯଃ ।
SP0220332 ମମ ପାର୍ଶ୍ୱାଦନପଗଃ ପ୍ରିୟଃ ସମ୍ମତ ଏବ ଚ ॥

SP0220341 ଜପ୍ୟେଶ୍ୱରଂ ପଞ୍ଚନଦଂ ଚ ତଦ୍ୱୈ ଯୋ ମାନବୋଽଭ୍ୟେତ୍ୟ ଜହାତି ଦେହମ୍ ।
SP0220342 ସ ମେ ସଦା ସ୍ୟାଦ୍ଗଣପୋ ବରିଷ୍ଠସ୍ତ୍ୱୟା ସମଃ କାନ୍ତିବପୁଶ୍ଚ ନିତ୍ୟମ୍ ॥

SP0229999 ଇତି ସ୍କନ୍ଦପୁରାଣେ ଦ୍ୱାବିଂଶତିମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୨୩
SP0240010 ସନତ୍କୁମାର ଉବାଚ ।
SP0240011 ତେ ଗଣେଶା ମହାସତ୍ତ୍ୱାଃ ସର୍ୱେ ଦେବେଶ୍ୱରେଶ୍ୱରାଃ ।
SP0240012 ପ୍ରଣମ୍ୟ ଦେବଂ ଦେବୀଂ ଚ ଇଦଂ ବଚନମବ୍ରୁବନ୍ ॥

SP0240021 ଭଗବନ୍ଦେବତାରିଘ୍ନ ଦେବଦେବାମ୍ବିକାପତେ ।
SP0240022 କିମର୍ଥଂ ବୟମାହୂତା ଆଜ୍ଞାପୟ କୃତଂ ହି ତତ୍ ॥

SP0240031 କିଂ ସାଗରାଞ୍ଛୋଷୟାମୋ ଯମଂ ବା ସହ କିଙ୍କରୈଃ ।
SP0240032 ହନ୍ମୋ ମୃତ୍ୟୁମୁତାମୃତ୍ୟୁର୍ନ ଭବତ୍ୱଦ୍ୟ ପଦ୍ମଜଃ ॥

SP0240041 ବଦ୍ଧ୍ୱେନ୍ଦ୍ରଂ ସହ ଦେବୈଶ୍ଚ ସବିଷ୍ଣୁଂ ସହ ବାୟୁନା ।
SP0240042 ଆନୟାମଃ ସୁସଙ୍କ୍ରୁଦ୍ଧା ଦୈତ୍ୟାନ୍ୱା ସହ ଦାନବୈଃ ॥

SP0240051 କସ୍ୟାଦ୍ୟ ବ୍ୟସନଂ ଘୋରଂ କରିଷ୍ୟାମସ୍ତବାଜ୍ଞୟା ।
SP0240052 କସ୍ୟ ବାଦ୍ୟୋତ୍ସବଂ ଦେବ ସର୍ୱକାମସମୃଦ୍ଧିମତ୍ ॥

SP0240061 ତାଂସ୍ତଥାବାଦିନଃ ସର୍ୱାନ୍ନମତୋ ଭକ୍ତବତ୍ସଲଃ ।
SP0240062 ଉବାଚ ଦେବଃ ସମ୍ପୂଜ୍ୟ ଗଣାନ୍ଗଣପତିର୍ଭବଃ ॥

SP0240070 ଦେବ ଉବାଚ ।
SP0240071 ଶୃଣୁଧ୍ୱଂ ଯତ୍କୃତେ ଯୂୟମିହାହୂତା ଜଗଦ୍ଧିତାଃ ।
SP0240072 ଶ୍ରୁତ୍ୱା ଚ ପ୍ରୟତାତ୍ମାନଃ କୁରୁଧ୍ୱଂ ତଦଶଶ୍ଣ୍କିତାଃ ॥

SP0240081 ନନ୍ଦୀଶ୍ୱରୋଽୟଂ ପୁତ୍ରୋ ନଃ ସର୍ୱେଷାମୀଶ୍ୱରେଶ୍ୱରଃ ।
SP0240082 ପ୍ରିୟୋଽଗ୍ରନାୟକଶ୍ଚୈବ ସେନାନୀର୍ୱଃ ସମାହିତଃ ॥

SP0240091 ତମିମଂ ମମ ସନ୍ଦେଶାଦ୍ୟୂୟଂ ସର୍ୱେଽଭିସମ୍ମତାଃ ।
SP0240092 ସେନାନ୍ୟମଭିଷିଞ୍ଚଧ୍ୱଂ ମହାୟୋଗପତିଂ ପତିମ୍ ॥

SP0240101 ଅଦ୍ୟପ୍ରଭୃତି ଯୁଷ୍ମାକମୟଂ ନନ୍ଦୀଶ୍ୱରଃ ଶୁଭଃ ।
SP0240102 ପ୍ରିୟୋ ଗୌରବୟୁକ୍ତଶ୍ଚ ସେନାନୀରମରଃ ପ୍ରଭୁଃ ॥

SP0240110 ସନତ୍କୁମାର ଉବାଚ ।
SP0240111 ଏବମୁକ୍ତେ ଭଗବତା ଗଣପାଃ ସର୍ୱ ଏବ ତେ ।
SP0240112 ଏବମସ୍ତ୍ୱିତି ସମ୍ମନ୍ତ୍ର୍ୟ ସମ୍ଭାରାନାହରଂସ୍ତତଃ ॥

SP0240121 ତସ୍ୟ ରୂପାଶ୍ରୟଂ ଦିବ୍ୟଂ ଜାମ୍ବୂନଦମୟଂ ଶୁଭମ୍ ।
SP0240122 ଆସନଂ ମେରୁସଙ୍କାଶଂ ମନୋରମମଥାହରନ୍ ॥

SP0240131 ଶାତକୁମ୍ଭମୟଂ ଚାପି ଚାରୁଚାମୀକରପ୍ରଭମ୍ ।
SP0240132 ମୁକ୍ତାଦାମାବଲମ୍ବଂ ଚ ମଣିରତ୍ନାବଭାସିତମ୍ ॥

SP0240141 ସ୍ତମ୍ଭୈଶ୍ଚ ବୈଡୂର୍ୟମୟୈଃ କିଶ୍ଣ୍କିଣୀଜାଲସଂବୃତମ୍ ।
SP0240142 ଚାରୁରତ୍ନକସଂୟୁକ୍ତଂ ମଣ୍ଡପଂ ବିଶ୍ୱତୋମୁଖମ୍ ।
SP0240143 କୃତ୍ୱା ଚକ୍ରୁଶ୍ଚ ତନ୍ମଧ୍ୟେ ତଦାସନବରଂ ଶୁଭମ୍ ॥

SP0240151 ତସ୍ୟାଗ୍ରତଃ ପାଦପୀଠଂ ନୀଲଂ ବଜ୍ରାବଭାସିତମ୍ ।
SP0240152 ଚକ୍ରୁଃ ପାଦପ୍ରତିଷ୍ଠାର୍ଥଂ କଲଶୌ ଚାସ୍ୟ ପାର୍ଶ୍ୱଗୌ ।
SP0240153 ସମ୍ପୂର୍ଣୌ ପରମାମ୍ଭୋଭିରରବିନ୍ଦାବୃତାନନୌ ॥

SP0240161 ଅଗ୍ରତୋଽଗ୍ନିଂ ସମାଧାୟ ବୃଷଭଂ ଚାପି ପାର୍ଶ୍ୱତଃ ।
SP0240162 ସବତ୍ସାଂ ସୁରଭିଂ ଚାପି ତସ୍ୟ ପାର୍ଶ୍ୱେଽଥ ଦକ୍ଷିଣେ ॥

SP0240171 ଛତ୍ତ୍ରଂ ଶତଶଲାକଂ ଚ ଜାମ୍ବୂନଦମୟଂ ଶୁଭମ୍ ।
SP0240172 ଶଶ୍ଣ୍ଖହାରାମ୍ବୁଗୌରେଣ ପୃଷ୍ଠେନାଭିବିରାଜିତମ୍ ॥

SP0240181 ବ୍ୟଜନଂ ଚନ୍ଦ୍ରଶୁଭ୍ରଂ ଚ ହେମଦଣ୍ଡଂ ସୁଚାରୁମତ୍ ।
SP0240182 ମାଲାଂ କୁଶେଶୟାନାଂ ଚ ଭ୍ରମରାବଲିସେବିତାମ୍ ॥

SP0240191 ଆନିନ୍ୟୁସ୍ତତ୍ର ଗଣପା ନନ୍ଦ୍ୟାବର୍ତାଂଶ୍ଚ କାଞ୍ଚନାନ୍ ।
SP0240192 ପୁନର୍ୱସୁଂ ଚ ପୁଷ୍ୟଂ ଚ ଦ୍ୱୌ ମତ୍ସ୍ୟୌ ବରୁଣାଲୟୌ ॥

SP0240201 ସ୍ୱସ୍ତିକଂ ବର୍ଧମାନଂ ଚ ଶ୍ରୀବତ୍ସଂ ଚୈବ କାଞ୍ଚନମ୍ ।
SP0240202 କୀଚକା ବେଣବଶ୍ଚୈବ କନ୍ୟା ଚୈବାଭିପୂଜିତା ॥

SP0240211 ଐରାବତଂ ସୁପ୍ରତୀକଂ ଗଜାବେତୌ ଚ ପୂଜିତୌ ।
SP0240212 ଧ୍ୱଜଂ ଚ ପୂଜିତଂ ଦିବ୍ୟଂ ଶଶ୍ଣ୍ଖଂ ଚୈବେନ୍ଦୁବର୍ଚସମ୍ ॥

SP0240221 କଲଶାନାଂ ସହସ୍ରଂ ଚ କାଞ୍ଚନାନାଂ ସୁବର୍ଚସାମ୍ ।
SP0240222 ରାଜତାନାଂ ସହସ୍ରଂ ଚ ପାର୍ଥିବାନାଂ ତଥୈବ ଚ ॥

SP0240231 ତାମ୍ରାଣାମଥ ଦିବ୍ୟାନାଂ ସହସ୍ରମନଲତ୍ୱିଷାମ୍ ।
SP0240232 ବାସୋୟୁଗଂ ବୃକ୍ଷଜଂ ଚ ବିରଜଃ ସୂକ୍ଷ୍ମମେବ ଚ ॥

SP0240241 ମୁକୁଟଂ କାଞ୍ଚନଂ ଚୈବ ସୁକୃତଂ ବିଶ୍ୱକର୍ମଣା ।
SP0240242 କୁଣ୍ଡଲେ ଚାମଲେ ଦିବ୍ୟେ ବଜ୍ରଂ ଚୈବ ବରାୟୁଧମ୍ ॥

SP0240251 ପଟ୍ଟିସଂ ଚ ମହଦ୍ଦିବ୍ୟଂ ଶୂଲଂ ଚାଶନିମେବ ଚ ।
SP0240252 ଜାମ୍ବୂନଦମୟଂ ସୂତ୍ରଂ କେୟୂରଦ୍ୱୟମେବ ଚ ॥

SP0240261 ହାରଂ ଚ ମଣିଚିତ୍ରାଶ୍ଣ୍ଗଂ ରୋଚନାରୁଚକଂ ତଥା ।
SP0240262 ନଲଭାଂ ପାରିୟାତ୍ରଂ ଚ ବର୍ଷଂ କଶ୍ଣ୍କଣିମେବ ଚ॥

SP0240271 ଦର୍ଭାଂଶ୍ଚ ଦିବ୍ୟାଂ ସମିଧମାଜ୍ୟଂ ଧୂପମଥାପି ଚ ।
SP0240272 ସମନ୍ତାନ୍ନିନ୍ୟୁରବ୍ୟଗ୍ରା ଗଣପା ଦେବସମ୍ମତାଃ ॥

SP0240281 ତତୋ ଦିଶଃ ସମୁଦ୍ରାଶ୍ଚ ବରୁଣଃ ସଧନେଶ୍ୱରଃ ।
SP0240282 ଯମୋଽଗ୍ନିର୍ୱସବଶ୍ଚୈବ ଚନ୍ଦ୍ରାଦିତ୍ୟୌ ଗ୍ରହୈଃ ସହ ॥

SP0240291 ତାରାରୂପାଣି ସର୍ୱାଣି ନକ୍ଷତ୍ରାଣି ଧ୍ରୁବସ୍ତଥା ।
SP0240292 ରୁଦ୍ରା ରକ୍ଷାଂସି ଯକ୍ଷାଶ୍ଚ ଅଶ୍ୱିନୌ ଦୈତ୍ୟଦାନବାଃ ॥

SP0240301 ଗନ୍ଧର୍ୱାପ୍ସରସଶ୍ଚୈବ ନାରଦଃ ପର୍ୱତସ୍ତଥା ।
SP0240302 ପୃଥିବୀ ଚ ସମୁଦ୍ରାଶ୍ଚ ବର୍ଷାଣି ଗିରୟସ୍ତଥା ॥

SP0240311 ବୃକ୍ଷାଶ୍ଚ ବୀରୁଧଶ୍ଚୈବ ଓଷଧ୍ୟଶ୍ଚ ମହାବଲାଃ ।
SP0240312 ନଦ୍ୟଃ ସର୍ୱାଃ ସମାଜଗ୍ମୁଃ ପଶବଶ୍ଚୈବ ସର୍ୱଶଃ ॥

SP0240321 ଲୋକସ୍ୟ ମାତରଶ୍ଚୈବ ପୃଥିବୀ ସ୍ୱର୍ଗ ଏବ ଚ ।
SP0240322 ଭୂତାନି ପ୍ରକୃତିଶ୍ଚୈବ ଇନ୍ଦ୍ରିୟାଣି ଚ ସର୍ୱଶଃ ॥

SP0240331 ତୀର୍ଥାନି ଚୈବ ସର୍ୱାଣି ଦାନାନି ବିବିଧାନି ଚ ।
SP0240332 ଋଚୋ ଯଜୂଂଷି ସାମାନି ଅଥର୍ୱାଶ୍ଣ୍ଗିରସାବପି ॥

SP0240341 ଯଜ୍ଞାଶ୍ଚ କ୍ରତବଶ୍ଚୈବ ଇଷ୍ଟୟୋ ନିୟମାସ୍ତଥା ।
SP0240342 ଛନ୍ଦାଂସି ଚୈବ ସର୍ୱାଣି ପିଶାଚା ଦେବୟୋନୟଃ ।
SP0240343 ବ୍ରହ୍ମା ଚ ଋଷୟଶ୍ଚୈବ ବିଷ୍ଣୁଃ ସାନୁଚରସ୍ତଥା ॥

SP0240351 ତେଷ୍ୱାଗତେଷୁ ସର୍ୱେଷୁ ଭଗବାନ୍ଗୋବୃଷଧ୍ୱଜଃ ।
SP0240352 ସର୍ୱକାର୍ୟବିଧିଂ କର୍ତୁମାଦିଦେଶ ପିତାମହମ୍ ॥

SP0240361 ଏକୈକଂ କଲଶଂ ତତ୍ର ସର୍ୱୌଷଧିସମନ୍ୱିତମ୍ ।
SP0240362 କୃତ୍ୱାଦ୍ଭିଃ ପୂରୟିତ୍ୱା ଚ କୁଶେଶୟମୁଖାବୃତମ୍ ॥

SP0240371 ଜୟାଂ ଚ ବିଜୟାଂ ଚୈବ ସିଂହୀଂ ବ୍ୟାଘ୍ରୀଂ ତଥୈବ ଚ ।
SP0240372 ସୁବର୍ଚଲାଂ ଶଶ୍ଣ୍ଖପୁଷ୍ପୀଂ ବିଷ୍ଣୁକ୍ରାନ୍ତାଂ ପୁନର୍ନବାମ୍ ॥

SP0240381 କୁମାରୀଂ ଚନ୍ଦ୍ରକାନ୍ତାଂ ଚ ମୃତସଞ୍ଜୀବନୀମପି ।
SP0240382 ଆଦିତ୍ୟବର୍ଚସଂ ଚୈବ ଅମୃତାଂ ଶ୍ରୀନିକେତନାମ୍ ॥

SP0240391 ତଥା କୁମୁଦ୍ୱତୀଂ ଚୈବ ପ୍ରାକ୍ଷିପଂସ୍ତେଷ୍ୱଥୌଷଧୀଃ ।
SP0240392 ପାର୍ଥିବେଷୁ ତଦା ବ୍ୟାସ ସର୍ୱେଷ୍ୱେବ ଗଣେଶ୍ୱରାଃ ॥

SP0240401 ସୌବର୍ଣେଷୁ ତୁ ସର୍ୱେଷୁ ତୀର୍ଥାନି ବିବିଧାନି ଚ ।
SP0240402 ଦାନାନି ଚୈବ ସର୍ୱାଣି ଭଗବାନ୍ସଂନ୍ୟବେଶୟତ୍ ॥

SP0240411 ରାଜତେଷୁ ଚ କୁମ୍ଭେଷୁ ମନ୍ତ୍ରାଂଶ୍ଛନ୍ଦାଂସି ଚୈବ ହ ।
SP0240412 କ୍ରତୂନନ୍ୟାଂଶ୍ଚ ବିବିଧା ଇଷ୍ଟୀଃ କାମ୍ୟାଂସ୍ତଥେତରାନ୍ ॥

SP0240421 ଔଦୁମ୍ବରେଷୁ ସର୍ୱେଷୁ ସରିତଃ ସାଗରାଂସ୍ତଥା ।
SP0240422 ତପାଂସି ନିୟମାଂଶ୍ଚୈବ ଭଗବାନଭ୍ୟବିନ୍ୟସତ୍ ॥

SP0240431 ଏକୈକଂ କଲଶଂ ତତ୍ର ଅଭିପୂର୍ୟାଭିମନ୍ତ୍ର୍ୟ ଚ ।
SP0240432 ବେଷ୍ଟୟିତ୍ୱା ଚ ସୂତ୍ରେଣ ଦେବେଭ୍ୟଃ ପ୍ରଦଦୌ ବିଭୁଃ ॥

SP0240441 ସ ଜଗ୍ରାହ ତଦା ବ୍ରହ୍ମା ଏକଂ କଲଶମାତ୍ମନା ।
SP0240442 ବିଷ୍ଣବେ ଚ ଦଦାବେକମେକମିନ୍ଦ୍ରାୟ ଧୀମତେ ।
SP0240443 ଗଣପେଭ୍ୟସ୍ତଥା ଚାନ୍ୟାନୃଷିଭ୍ୟଶ୍ଚ ପିତାମହଃ ॥

SP0240451 ତତସ୍ତମାସନେ ତସ୍ମିନ୍ନୁପବେଶ୍ୟ ମହାମନାଃ ।
SP0240452 ଅର୍ଚୟିତ୍ୱା ତତୋ ବ୍ରହ୍ମା ସ୍ୱୟମେବାଭ୍ୟଷିଞ୍ଚତ ॥

SP0240461 ତତୋ ବିଷ୍ଣୁସ୍ତତଃ ଶକ୍ରୋ ଋଷୟଶ୍ଚ ସହାମରୈଃ ।
SP0240462 ଗଣାଧିପାଶ୍ଚ ସର୍ୱେ ତେ ଅଭ୍ୟଷିଞ୍ଚନ୍ତ ନନ୍ଦିନମ୍ ॥

SP0240471 ବାସୋୟୁଗଂ ଚ ତଦ୍ଦିବ୍ୟଂ ଗନ୍ଧାନ୍ଦିବ୍ୟାଂସ୍ତଥୈବ ଚ ।
SP0240472 କେୟୂରେ କୁଣ୍ଡଲେ ଚୈବ ମୁକୁଟଂ ହାରମେବ ଚ ।
SP0240473 ପଟ୍ଟିସଂ ଶୂଲବଜ୍ରେ ଚ ଅଶନୀଂ ଚ ଦଦୌ ସ୍ୱୟମ୍ ॥

SP0240481 ଛତ୍ତ୍ରଂ ଜଗ୍ରାହ ଦେବେନ୍ଦ୍ରୋ ବାୟୁର୍ୱ୍ୟଜନମେବ ଚ ।
SP0240482 ଋଷୟସ୍ତୁଷ୍ଟୁବୁଶ୍ଚୈବ ପିତାମହପୁରୋଗମାଃ ॥

SP0240490 ବିଷ୍ଣୁରୁବାଚ ।
SP0240491 ନମଃ କୁଷ୍ମାଣ୍ଡରାଜାୟ ବଜ୍ରୋଦ୍ୟତକରାୟ ଚ ।
SP0240492 ଶାଲଶ୍ଣ୍କାୟନପୌତ୍ରାୟ ହଲମାର୍ଗୋତ୍ଥିତାୟ ଚ ॥

SP0240501 ଶିଲାଦସ୍ୟ ଚ ପୁତ୍ରାୟ ରୁଦ୍ରଜପ୍ୟକରାୟ ଚ ।
SP0240502 ରୁଦ୍ରଭକ୍ତାୟ ଦେବାୟ ନମୋଽନ୍ତର୍ଜଲଶାୟିନେ ॥

SP0240511 ଗଣାନାଂ ପତୟେ ଚୈବ ଭୂତାନାଂ ପତୟେ ନମଃ ।
SP0240512 ଉମାପୁତ୍ରାୟ ଦେବାୟ ପଟ୍ଟିସାୟୁଧଧାରିଣେ ॥

SP0240521 ନମୋ ଦଂଷ୍ଟ୍ରାକରାଲାୟ ଲଲାଟନୟନାୟ ଚ ।
SP0240522 ପ୍ରମଥାୟ ବରେଣ୍ୟାୟ ଈଶାନାୟାର୍ପିତାୟ ଚ ॥

SP0240531 ଦ୍ୱାରାଧ୍ୟକ୍ଷାୟ ଶୂରାୟ ସୁୟଶାପତୟେ ନମଃ ।
SP0240532 ନମଃ ପ୍ରବରମାଲାୟ କ୍ଷୀରୋଦନିଲୟାୟ ଚ ॥

SP0240541 ମହାଗଣାଧିପତୟେ ମହାୟୋଗେଶ୍ୱରାୟ ଚ ।
SP0240542 ଦିଣ୍ଡିମୁଣ୍ଡାୟ ଚଣ୍ଡାୟ ଏକାକ୍ଷରରତାୟ ଚ ॥

SP0240551 ଅକ୍ଷୟାୟାମୃତାୟୈବ ଅଜରାୟାମରାୟ ଚ ।
SP0240552 ପଶୂନାଂ ପତୟେ ଚୈବ ଜେତ୍ରେ ମୃତ୍ୟୋସ୍ତଥୈବ ଚ ॥

SP0240561 ନମଃ ପବନବେଗାୟ ସର୍ୱଜ୍ଞାୟାଜିତାୟ ଚ ।
SP0240562 ଅନେକଶିରସେ ଚୈବ ଅନେକଚରଣାୟ ଚ ॥

SP0240571 କିରୀଟିନେ କୁଣ୍ଡଲିନେ ମହାପରିଘବାହବେ ।
SP0240572 ସର୍ୱାନ୍ଦେବାନ୍ଗଣାଂଶ୍ଚୈବ ପାହି ଦେବ ନମୋଽସ୍ତୁ ତେ ॥

SP0240580 ସନତ୍କୁମାର ଉବାଚ ।
SP0240581 ଏବଂ ସ୍ତୁତ୍ୱା ତତୋ ଦେବସ୍ତସ୍ମୈ ବ୍ୟାସ ମହାତ୍ମନେ ।
SP0240582 ପ୍ରାଞ୍ଜଲିଃ ପ୍ରୟତୋ ଭୂତ୍ୱା ଜୟଶବ୍ଦଂ ଚକାର ହ ॥

SP0240591 ତତୋ ଗଣା ଜୟେତ୍ୟୂଚୁସ୍ତତୋ ଦେବାସ୍ତତୋଽସୁରାଃ ।
SP0240592 ତତଃ ସର୍ୱାଣି ଭୂତାନି ବ୍ରହ୍ମା ଶକ୍ରସ୍ତଥୈବ ଚ ॥

SP0240601 ତତଃ ଶଶ୍ଣ୍ଖାଂଶ୍ଚ ଭେରୀଂଶ୍ଚ ପଟହାଡମ୍ବରାଂସ୍ତଥା ।
SP0240602 ବଂଶାଂଶ୍ଚ ପଣବାଂଶ୍ଚୈବ କୃକବାନ୍ଗୋବିଷାଣିକାନ୍ ॥

SP0240611 ଦିଣ୍ଡିମାନ୍ୱେଣୁକାଂଶ୍ଚୈବ ମର୍ଦଲାଂଶ୍ଚୈବ ସର୍ୱଶଃ ।
SP0240612 ଅବାଦୟନ୍ତ ଗଣପା ହର୍ଷୟନ୍ତୋ ମୁଦା ଯୁତାଃ ॥

SP0240620 ସନତ୍କୁମାର ଉବାଚ ।
SP0240621 ନନ୍ଦୀଶ୍ୱରସ୍ୟ ଯ ଇମଂ ସ୍ତବଂ ଦେବାଭିନିର୍ମିତମ୍ ।
SP0240622 ପଠେତ ସତତଂ ମର୍ତ୍ୟଃ ସ ଗଚ୍ଛେନ୍ମମ ଲୋକତାମ୍ ॥

SP0240631 ନମୋ ନନ୍ଦୀଶ୍ୱରାୟେତି କୃତ୍ୱା ଯଃ ସ୍ୱପ୍ନମାଚରେତ୍ ।
SP0240632 ତସ୍ୟ କୁଷ୍ମାଣ୍ଡରାଜେଭ୍ୟୋ ନ ଭୟଂ ବିଦ୍ୟତେ କ୍ୱଚିତ୍ ॥

SP0240641 ଯତ୍ରାୟଂ ସ୍ଥାପ୍ୟତେ ନିତ୍ୟଂ ସ୍ତବଃ ପରମପୂଜିତଃ ।
SP0240642 ନ ଭୟଂ ତତ୍ର ଭବତି ଗ୍ରହେଭ୍ୟୋ ବ୍ୟାସ ସର୍ୱଦା ॥

SP0240651 ନନ୍ଦୀଶ୍ୱରଂ ଯେ ପ୍ରଣମନ୍ତି ମର୍ତ୍ୟା ନିତ୍ୟଂ ପ୍ରସନ୍ନେନ୍ଦ୍ରିୟଶୁଦ୍ଧସତ୍ତ୍ୱାଃ ।
SP0240652 ତେ ଦେବଦେବସ୍ୟ ସହାଦ୍ରିପୁତ୍ର୍ୟା ଇଷ୍ଟା ବରିଷ୍ଠାଶ୍ଚ ଗଣା ଭବନ୍ତି ॥

SP0249999 ଇତି ସ୍କନ୍ଦପୁରାଣେ ଚତୁର୍ୱିଂଶତିମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୨୪
SP0240010 ସନତ୍କୁମାର ଉବାଚ ।
SP0240011 ତେ ଗଣେଶା ମହାସତ୍ତ୍ୱାଃ ସର୍ୱେ ଦେବେଶ୍ୱରେଶ୍ୱରାଃ ।
SP0240012 ପ୍ରଣମ୍ୟ ଦେବଂ ଦେବୀଂ ଚ ଇଦଂ ବଚନମବ୍ରୁବନ୍ ॥

SP0240021 ଭଗବନ୍ଦେବତାରିଘ୍ନ ଦେବଦେବାମ୍ବିକାପତେ ।
SP0240022 କିମର୍ଥଂ ବୟମାହୂତା ଆଜ୍ଞାପୟ କୃତଂ ହି ତତ୍ ॥

SP0240031 କିଂ ସାଗରାଞ୍ଛୋଷୟାମୋ ଯମଂ ବା ସହ କିଙ୍କରୈଃ ।
SP0240032 ହନ୍ମୋ ମୃତ୍ୟୁମୁତାମୃତ୍ୟୁର୍ନ ଭବତ୍ୱଦ୍ୟ ପଦ୍ମଜଃ ॥

SP0240041 ବଦ୍ଧ୍ୱେନ୍ଦ୍ରଂ ସହ ଦେବୈଶ୍ଚ ସବିଷ୍ଣୁଂ ସହ ବାୟୁନା ।
SP0240042 ଆନୟାମଃ ସୁସଙ୍କ୍ରୁଦ୍ଧା ଦୈତ୍ୟାନ୍ୱା ସହ ଦାନବୈଃ ॥

SP0240051 କସ୍ୟାଦ୍ୟ ବ୍ୟସନଂ ଘୋରଂ କରିଷ୍ୟାମସ୍ତବାଜ୍ଞୟା ।
SP0240052 କସ୍ୟ ବାଦ୍ୟୋତ୍ସବଂ ଦେବ ସର୍ୱକାମସମୃଦ୍ଧିମତ୍ ॥

SP0240061 ତାଂସ୍ତଥାବାଦିନଃ ସର୍ୱାନ୍ନମତୋ ଭକ୍ତବତ୍ସଲଃ ।
SP0240062 ଉବାଚ ଦେବଃ ସମ୍ପୂଜ୍ୟ ଗଣାନ୍ଗଣପତିର୍ଭବଃ ॥

SP0240070 ଦେବ ଉବାଚ ।
SP0240071 ଶୃଣୁଧ୍ୱଂ ଯତ୍କୃତେ ଯୂୟମିହାହୂତା ଜଗଦ୍ଧିତାଃ ।
SP0240072 ଶ୍ରୁତ୍ୱା ଚ ପ୍ରୟତାତ୍ମାନଃ କୁରୁଧ୍ୱଂ ତଦଶଶ୍ଣ୍କିତାଃ ॥

SP0240081 ନନ୍ଦୀଶ୍ୱରୋଽୟଂ ପୁତ୍ରୋ ନଃ ସର୍ୱେଷାମୀଶ୍ୱରେଶ୍ୱରଃ ।
SP0240082 ପ୍ରିୟୋଽଗ୍ରନାୟକଶ୍ଚୈବ ସେନାନୀର୍ୱଃ ସମାହିତଃ ॥

SP0240091 ତମିମଂ ମମ ସନ୍ଦେଶାଦ୍ୟୂୟଂ ସର୍ୱେଽଭିସମ୍ମତାଃ ।
SP0240092 ସେନାନ୍ୟମଭିଷିଞ୍ଚଧ୍ୱଂ ମହାୟୋଗପତିଂ ପତିମ୍ ॥

SP0240101 ଅଦ୍ୟପ୍ରଭୃତି ଯୁଷ୍ମାକମୟଂ ନନ୍ଦୀଶ୍ୱରଃ ଶୁଭଃ ।
SP0240102 ପ୍ରିୟୋ ଗୌରବୟୁକ୍ତଶ୍ଚ ସେନାନୀରମରଃ ପ୍ରଭୁଃ ॥

SP0240110 ସନତ୍କୁମାର ଉବାଚ ।
SP0240111 ଏବମୁକ୍ତେ ଭଗବତା ଗଣପାଃ ସର୍ୱ ଏବ ତେ ।
SP0240112 ଏବମସ୍ତ୍ୱିତି ସମ୍ମନ୍ତ୍ର୍ୟ ସମ୍ଭାରାନାହରଂସ୍ତତଃ ॥

SP0240121 ତସ୍ୟ ରୂପାଶ୍ରୟଂ ଦିବ୍ୟଂ ଜାମ୍ବୂନଦମୟଂ ଶୁଭମ୍ ।
SP0240122 ଆସନଂ ମେରୁସଙ୍କାଶଂ ମନୋରମମଥାହରନ୍ ॥

SP0240131 ଶାତକୁମ୍ଭମୟଂ ଚାପି ଚାରୁଚାମୀକରପ୍ରଭମ୍ ।
SP0240132 ମୁକ୍ତାଦାମାବଲମ୍ବଂ ଚ ମଣିରତ୍ନାବଭାସିତମ୍ ॥

SP0240141 ସ୍ତମ୍ଭୈଶ୍ଚ ବୈଡୂର୍ୟମୟୈଃ କିଶ୍ଣ୍କିଣୀଜାଲସଂବୃତମ୍ ।
SP0240142 ଚାରୁରତ୍ନକସଂୟୁକ୍ତଂ ମଣ୍ଡପଂ ବିଶ୍ୱତୋମୁଖମ୍ ।
SP0240143 କୃତ୍ୱା ଚକ୍ରୁଶ୍ଚ ତନ୍ମଧ୍ୟେ ତଦାସନବରଂ ଶୁଭମ୍ ॥

SP0240151 ତସ୍ୟାଗ୍ରତଃ ପାଦପୀଠଂ ନୀଲଂ ବଜ୍ରାବଭାସିତମ୍ ।
SP0240152 ଚକ୍ରୁଃ ପାଦପ୍ରତିଷ୍ଠାର୍ଥଂ କଲଶୌ ଚାସ୍ୟ ପାର୍ଶ୍ୱଗୌ ।
SP0240153 ସମ୍ପୂର୍ଣୌ ପରମାମ୍ଭୋଭିରରବିନ୍ଦାବୃତାନନୌ ॥

SP0240161 ଅଗ୍ରତୋଽଗ୍ନିଂ ସମାଧାୟ ବୃଷଭଂ ଚାପି ପାର୍ଶ୍ୱତଃ ।
SP0240162 ସବତ୍ସାଂ ସୁରଭିଂ ଚାପି ତସ୍ୟ ପାର୍ଶ୍ୱେଽଥ ଦକ୍ଷିଣେ ॥

SP0240171 ଛତ୍ତ୍ରଂ ଶତଶଲାକଂ ଚ ଜାମ୍ବୂନଦମୟଂ ଶୁଭମ୍ ।
SP0240172 ଶଶ୍ଣ୍ଖହାରାମ୍ବୁଗୌରେଣ ପୃଷ୍ଠେନାଭିବିରାଜିତମ୍ ॥

SP0240181 ବ୍ୟଜନଂ ଚନ୍ଦ୍ରଶୁଭ୍ରଂ ଚ ହେମଦଣ୍ଡଂ ସୁଚାରୁମତ୍ ।
SP0240182 ମାଲାଂ କୁଶେଶୟାନାଂ ଚ ଭ୍ରମରାବଲିସେବିତାମ୍ ॥

SP0240191 ଆନିନ୍ୟୁସ୍ତତ୍ର ଗଣପା ନନ୍ଦ୍ୟାବର୍ତାଂଶ୍ଚ କାଞ୍ଚନାନ୍ ।
SP0240192 ପୁନର୍ୱସୁଂ ଚ ପୁଷ୍ୟଂ ଚ ଦ୍ୱୌ ମତ୍ସ୍ୟୌ ବରୁଣାଲୟୌ ॥

SP0240201 ସ୍ୱସ୍ତିକଂ ବର୍ଧମାନଂ ଚ ଶ୍ରୀବତ୍ସଂ ଚୈବ କାଞ୍ଚନମ୍ ।
SP0240202 କୀଚକା ବେଣବଶ୍ଚୈବ କନ୍ୟା ଚୈବାଭିପୂଜିତା ॥

SP0240211 ଐରାବତଂ ସୁପ୍ରତୀକଂ ଗଜାବେତୌ ଚ ପୂଜିତୌ ।
SP0240212 ଧ୍ୱଜଂ ଚ ପୂଜିତଂ ଦିବ୍ୟଂ ଶଶ୍ଣ୍ଖଂ ଚୈବେନ୍ଦୁବର୍ଚସମ୍ ॥

SP0240221 କଲଶାନାଂ ସହସ୍ରଂ ଚ କାଞ୍ଚନାନାଂ ସୁବର୍ଚସାମ୍ ।
SP0240222 ରାଜତାନାଂ ସହସ୍ରଂ ଚ ପାର୍ଥିବାନାଂ ତଥୈବ ଚ ॥

SP0240231 ତାମ୍ରାଣାମଥ ଦିବ୍ୟାନାଂ ସହସ୍ରମନଲତ୍ୱିଷାମ୍ ।
SP0240232 ବାସୋୟୁଗଂ ବୃକ୍ଷଜଂ ଚ ବିରଜଃ ସୂକ୍ଷ୍ମମେବ ଚ ॥

SP0240241 ମୁକୁଟଂ କାଞ୍ଚନଂ ଚୈବ ସୁକୃତଂ ବିଶ୍ୱକର୍ମଣା ।
SP0240242 କୁଣ୍ଡଲେ ଚାମଲେ ଦିବ୍ୟେ ବଜ୍ରଂ ଚୈବ ବରାୟୁଧମ୍ ॥

SP0240251 ପଟ୍ଟିସଂ ଚ ମହଦ୍ଦିବ୍ୟଂ ଶୂଲଂ ଚାଶନିମେବ ଚ ।
SP0240252 ଜାମ୍ବୂନଦମୟଂ ସୂତ୍ରଂ କେୟୂରଦ୍ୱୟମେବ ଚ ॥

SP0240261 ହାରଂ ଚ ମଣିଚିତ୍ରାଶ୍ଣ୍ଗଂ ରୋଚନାରୁଚକଂ ତଥା ।
SP0240262 ନଲଭାଂ ପାରିୟାତ୍ରଂ ଚ ବର୍ଷଂ କଶ୍ଣ୍କଣିମେବ ଚ॥

SP0240271 ଦର୍ଭାଂଶ୍ଚ ଦିବ୍ୟାଂ ସମିଧମାଜ୍ୟଂ ଧୂପମଥାପି ଚ ।
SP0240272 ସମନ୍ତାନ୍ନିନ୍ୟୁରବ୍ୟଗ୍ରା ଗଣପା ଦେବସମ୍ମତାଃ ॥

SP0240281 ତତୋ ଦିଶଃ ସମୁଦ୍ରାଶ୍ଚ ବରୁଣଃ ସଧନେଶ୍ୱରଃ ।
SP0240282 ଯମୋଽଗ୍ନିର୍ୱସବଶ୍ଚୈବ ଚନ୍ଦ୍ରାଦିତ୍ୟୌ ଗ୍ରହୈଃ ସହ ॥

SP0240291 ତାରାରୂପାଣି ସର୍ୱାଣି ନକ୍ଷତ୍ରାଣି ଧ୍ରୁବସ୍ତଥା ।
SP0240292 ରୁଦ୍ରା ରକ୍ଷାଂସି ଯକ୍ଷାଶ୍ଚ ଅଶ୍ୱିନୌ ଦୈତ୍ୟଦାନବାଃ ॥

SP0240301 ଗନ୍ଧର୍ୱାପ୍ସରସଶ୍ଚୈବ ନାରଦଃ ପର୍ୱତସ୍ତଥା ।
SP0240302 ପୃଥିବୀ ଚ ସମୁଦ୍ରାଶ୍ଚ ବର୍ଷାଣି ଗିରୟସ୍ତଥା ॥

SP0240311 ବୃକ୍ଷାଶ୍ଚ ବୀରୁଧଶ୍ଚୈବ ଓଷଧ୍ୟଶ୍ଚ ମହାବଲାଃ ।
SP0240312 ନଦ୍ୟଃ ସର୍ୱାଃ ସମାଜଗ୍ମୁଃ ପଶବଶ୍ଚୈବ ସର୍ୱଶଃ ॥

SP0240321 ଲୋକସ୍ୟ ମାତରଶ୍ଚୈବ ପୃଥିବୀ ସ୍ୱର୍ଗ ଏବ ଚ ।
SP0240322 ଭୂତାନି ପ୍ରକୃତିଶ୍ଚୈବ ଇନ୍ଦ୍ରିୟାଣି ଚ ସର୍ୱଶଃ ॥

SP0240331 ତୀର୍ଥାନି ଚୈବ ସର୍ୱାଣି ଦାନାନି ବିବିଧାନି ଚ ।
SP0240332 ଋଚୋ ଯଜୂଂଷି ସାମାନି ଅଥର୍ୱାଶ୍ଣ୍ଗିରସାବପି ॥

SP0240341 ଯଜ୍ଞାଶ୍ଚ କ୍ରତବଶ୍ଚୈବ ଇଷ୍ଟୟୋ ନିୟମାସ୍ତଥା ।
SP0240342 ଛନ୍ଦାଂସି ଚୈବ ସର୍ୱାଣି ପିଶାଚା ଦେବୟୋନୟଃ ।
SP0240343 ବ୍ରହ୍ମା ଚ ଋଷୟଶ୍ଚୈବ ବିଷ୍ଣୁଃ ସାନୁଚରସ୍ତଥା ॥

SP0240351 ତେଷ୍ୱାଗତେଷୁ ସର୍ୱେଷୁ ଭଗବାନ୍ଗୋବୃଷଧ୍ୱଜଃ ।
SP0240352 ସର୍ୱକାର୍ୟବିଧିଂ କର୍ତୁମାଦିଦେଶ ପିତାମହମ୍ ॥

SP0240361 ଏକୈକଂ କଲଶଂ ତତ୍ର ସର୍ୱୌଷଧିସମନ୍ୱିତମ୍ ।
SP0240362 କୃତ୍ୱାଦ୍ଭିଃ ପୂରୟିତ୍ୱା ଚ କୁଶେଶୟମୁଖାବୃତମ୍ ॥

SP0240371 ଜୟାଂ ଚ ବିଜୟାଂ ଚୈବ ସିଂହୀଂ ବ୍ୟାଘ୍ରୀଂ ତଥୈବ ଚ ।
SP0240372 ସୁବର୍ଚଲାଂ ଶଶ୍ଣ୍ଖପୁଷ୍ପୀଂ ବିଷ୍ଣୁକ୍ରାନ୍ତାଂ ପୁନର୍ନବାମ୍ ॥

SP0240381 କୁମାରୀଂ ଚନ୍ଦ୍ରକାନ୍ତାଂ ଚ ମୃତସଞ୍ଜୀବନୀମପି ।
SP0240382 ଆଦିତ୍ୟବର୍ଚସଂ ଚୈବ ଅମୃତାଂ ଶ୍ରୀନିକେତନାମ୍ ॥

SP0240391 ତଥା କୁମୁଦ୍ୱତୀଂ ଚୈବ ପ୍ରାକ୍ଷିପଂସ୍ତେଷ୍ୱଥୌଷଧୀଃ ।
SP0240392 ପାର୍ଥିବେଷୁ ତଦା ବ୍ୟାସ ସର୍ୱେଷ୍ୱେବ ଗଣେଶ୍ୱରାଃ ॥

SP0240401 ସୌବର୍ଣେଷୁ ତୁ ସର୍ୱେଷୁ ତୀର୍ଥାନି ବିବିଧାନି ଚ ।
SP0240402 ଦାନାନି ଚୈବ ସର୍ୱାଣି ଭଗବାନ୍ସଂନ୍ୟବେଶୟତ୍ ॥

SP0240411 ରାଜତେଷୁ ଚ କୁମ୍ଭେଷୁ ମନ୍ତ୍ରାଂଶ୍ଛନ୍ଦାଂସି ଚୈବ ହ ।
SP0240412 କ୍ରତୂନନ୍ୟାଂଶ୍ଚ ବିବିଧା ଇଷ୍ଟୀଃ କାମ୍ୟାଂସ୍ତଥେତରାନ୍ ॥

SP0240421 ଔଦୁମ୍ବରେଷୁ ସର୍ୱେଷୁ ସରିତଃ ସାଗରାଂସ୍ତଥା ।
SP0240422 ତପାଂସି ନିୟମାଂଶ୍ଚୈବ ଭଗବାନଭ୍ୟବିନ୍ୟସତ୍ ॥

SP0240431 ଏକୈକଂ କଲଶଂ ତତ୍ର ଅଭିପୂର୍ୟାଭିମନ୍ତ୍ର୍ୟ ଚ ।
SP0240432 ବେଷ୍ଟୟିତ୍ୱା ଚ ସୂତ୍ରେଣ ଦେବେଭ୍ୟଃ ପ୍ରଦଦୌ ବିଭୁଃ ॥

SP0240441 ସ ଜଗ୍ରାହ ତଦା ବ୍ରହ୍ମା ଏକଂ କଲଶମାତ୍ମନା ।
SP0240442 ବିଷ୍ଣବେ ଚ ଦଦାବେକମେକମିନ୍ଦ୍ରାୟ ଧୀମତେ ।
SP0240443 ଗଣପେଭ୍ୟସ୍ତଥା ଚାନ୍ୟାନୃଷିଭ୍ୟଶ୍ଚ ପିତାମହଃ ॥

SP0240451 ତତସ୍ତମାସନେ ତସ୍ମିନ୍ନୁପବେଶ୍ୟ ମହାମନାଃ ।
SP0240452 ଅର୍ଚୟିତ୍ୱା ତତୋ ବ୍ରହ୍ମା ସ୍ୱୟମେବାଭ୍ୟଷିଞ୍ଚତ ॥

SP0240461 ତତୋ ବିଷ୍ଣୁସ୍ତତଃ ଶକ୍ରୋ ଋଷୟଶ୍ଚ ସହାମରୈଃ ।
SP0240462 ଗଣାଧିପାଶ୍ଚ ସର୍ୱେ ତେ ଅଭ୍ୟଷିଞ୍ଚନ୍ତ ନନ୍ଦିନମ୍ ॥

SP0240471 ବାସୋୟୁଗଂ ଚ ତଦ୍ଦିବ୍ୟଂ ଗନ୍ଧାନ୍ଦିବ୍ୟାଂସ୍ତଥୈବ ଚ ।
SP0240472 କେୟୂରେ କୁଣ୍ଡଲେ ଚୈବ ମୁକୁଟଂ ହାରମେବ ଚ ।
SP0240473 ପଟ୍ଟିସଂ ଶୂଲବଜ୍ରେ ଚ ଅଶନୀଂ ଚ ଦଦୌ ସ୍ୱୟମ୍ ॥

SP0240481 ଛତ୍ତ୍ରଂ ଜଗ୍ରାହ ଦେବେନ୍ଦ୍ରୋ ବାୟୁର୍ୱ୍ୟଜନମେବ ଚ ।
SP0240482 ଋଷୟସ୍ତୁଷ୍ଟୁବୁଶ୍ଚୈବ ପିତାମହପୁରୋଗମାଃ ॥

SP0240490 ବିଷ୍ଣୁରୁବାଚ ।
SP0240491 ନମଃ କୁଷ୍ମାଣ୍ଡରାଜାୟ ବଜ୍ରୋଦ୍ୟତକରାୟ ଚ ।
SP0240492 ଶାଲଶ୍ଣ୍କାୟନପୌତ୍ରାୟ ହଲମାର୍ଗୋତ୍ଥିତାୟ ଚ ॥

SP0240501 ଶିଲାଦସ୍ୟ ଚ ପୁତ୍ରାୟ ରୁଦ୍ରଜପ୍ୟକରାୟ ଚ ।
SP0240502 ରୁଦ୍ରଭକ୍ତାୟ ଦେବାୟ ନମୋଽନ୍ତର୍ଜଲଶାୟିନେ ॥

SP0240511 ଗଣାନାଂ ପତୟେ ଚୈବ ଭୂତାନାଂ ପତୟେ ନମଃ ।
SP0240512 ଉମାପୁତ୍ରାୟ ଦେବାୟ ପଟ୍ଟିସାୟୁଧଧାରିଣେ ॥

SP0240521 ନମୋ ଦଂଷ୍ଟ୍ରାକରାଲାୟ ଲଲାଟନୟନାୟ ଚ ।
SP0240522 ପ୍ରମଥାୟ ବରେଣ୍ୟାୟ ଈଶାନାୟାର୍ପିତାୟ ଚ ॥

SP0240531 ଦ୍ୱାରାଧ୍ୟକ୍ଷାୟ ଶୂରାୟ ସୁୟଶାପତୟେ ନମଃ ।
SP0240532 ନମଃ ପ୍ରବରମାଲାୟ କ୍ଷୀରୋଦନିଲୟାୟ ଚ ॥

SP0240541 ମହାଗଣାଧିପତୟେ ମହାୟୋଗେଶ୍ୱରାୟ ଚ ।
SP0240542 ଦିଣ୍ଡିମୁଣ୍ଡାୟ ଚଣ୍ଡାୟ ଏକାକ୍ଷରରତାୟ ଚ ॥

SP0240551 ଅକ୍ଷୟାୟାମୃତାୟୈବ ଅଜରାୟାମରାୟ ଚ ।
SP0240552 ପଶୂନାଂ ପତୟେ ଚୈବ ଜେତ୍ରେ ମୃତ୍ୟୋସ୍ତଥୈବ ଚ ॥

SP0240561 ନମଃ ପବନବେଗାୟ ସର୍ୱଜ୍ଞାୟାଜିତାୟ ଚ ।
SP0240562 ଅନେକଶିରସେ ଚୈବ ଅନେକଚରଣାୟ ଚ ॥

SP0240571 କିରୀଟିନେ କୁଣ୍ଡଲିନେ ମହାପରିଘବାହବେ ।
SP0240572 ସର୍ୱାନ୍ଦେବାନ୍ଗଣାଂଶ୍ଚୈବ ପାହି ଦେବ ନମୋଽସ୍ତୁ ତେ ॥

SP0240580 ସନତ୍କୁମାର ଉବାଚ ।
SP0240581 ଏବଂ ସ୍ତୁତ୍ୱା ତତୋ ଦେବସ୍ତସ୍ମୈ ବ୍ୟାସ ମହାତ୍ମନେ ।
SP0240582 ପ୍ରାଞ୍ଜଲିଃ ପ୍ରୟତୋ ଭୂତ୍ୱା ଜୟଶବ୍ଦଂ ଚକାର ହ ॥

SP0240591 ତତୋ ଗଣା ଜୟେତ୍ୟୂଚୁସ୍ତତୋ ଦେବାସ୍ତତୋଽସୁରାଃ ।
SP0240592 ତତଃ ସର୍ୱାଣି ଭୂତାନି ବ୍ରହ୍ମା ଶକ୍ରସ୍ତଥୈବ ଚ ॥

SP0240601 ତତଃ ଶଶ୍ଣ୍ଖାଂଶ୍ଚ ଭେରୀଂଶ୍ଚ ପଟହାଡମ୍ବରାଂସ୍ତଥା ।
SP0240602 ବଂଶାଂଶ୍ଚ ପଣବାଂଶ୍ଚୈବ କୃକବାନ୍ଗୋବିଷାଣିକାନ୍ ॥

SP0240611 ଦିଣ୍ଡିମାନ୍ୱେଣୁକାଂଶ୍ଚୈବ ମର୍ଦଲାଂଶ୍ଚୈବ ସର୍ୱଶଃ ।
SP0240612 ଅବାଦୟନ୍ତ ଗଣପା ହର୍ଷୟନ୍ତୋ ମୁଦା ଯୁତାଃ ॥

SP0240620 ସନତ୍କୁମାର ଉବାଚ ।
SP0240621 ନନ୍ଦୀଶ୍ୱରସ୍ୟ ଯ ଇମଂ ସ୍ତବଂ ଦେବାଭିନିର୍ମିତମ୍ ।
SP0240622 ପଠେତ ସତତଂ ମର୍ତ୍ୟଃ ସ ଗଚ୍ଛେନ୍ମମ ଲୋକତାମ୍ ॥

SP0240631 ନମୋ ନନ୍ଦୀଶ୍ୱରାୟେତି କୃତ୍ୱା ଯଃ ସ୍ୱପ୍ନମାଚରେତ୍ ।
SP0240632 ତସ୍ୟ କୁଷ୍ମାଣ୍ଡରାଜେଭ୍ୟୋ ନ ଭୟଂ ବିଦ୍ୟତେ କ୍ୱଚିତ୍ ॥

SP0240641 ଯତ୍ରାୟଂ ସ୍ଥାପ୍ୟତେ ନିତ୍ୟଂ ସ୍ତବଃ ପରମପୂଜିତଃ ।
SP0240642 ନ ଭୟଂ ତତ୍ର ଭବତି ଗ୍ରହେଭ୍ୟୋ ବ୍ୟାସ ସର୍ୱଦା ॥

SP0240651 ନନ୍ଦୀଶ୍ୱରଂ ଯେ ପ୍ରଣମନ୍ତି ମର୍ତ୍ୟା ନିତ୍ୟଂ ପ୍ରସନ୍ନେନ୍ଦ୍ରିୟଶୁଦ୍ଧସତ୍ତ୍ୱାଃ ।
SP0240652 ତେ ଦେବଦେବସ୍ୟ ସହାଦ୍ରିପୁତ୍ର୍ୟା ଇଷ୍ଟା ବରିଷ୍ଠାଶ୍ଚ ଗଣା ଭବନ୍ତି ॥

SP0249999 ଇତି ସ୍କନ୍ଦପୁରାଣେ ଚତୁର୍ୱିଂଶତିମୋଽଧ୍ୟାୟଃ ॥



ସ୍କନ୍ଦପୁରାଣ ଅଧ୍ୟାୟ ୨୫
SP0250010 ସନତ୍କୁମାର ଉବାଚ ।
SP0250011 ତତସ୍ତତ୍ରାଗତାନ୍ଦେବାନ୍ଦେବତାଧିପତିର୍ଭବଃ ।
SP0250012 ମରୁତଃ ପ୍ରାହ ସମ୍ପୂଜ୍ୟ କନ୍ୟାର୍ଥଂ ସଦସତ୍ପତିଃ ॥

SP0250021 ମରୁତୋ ଯେ ମହାବେଗା ମହାସତ୍ତ୍ୱା ମହୌଜସଃ ।
SP0250022 ଆମନ୍ତ୍ର୍ୟ ନାମ୍ନା ତାନୀଶଃ ସଶକ୍ରଃ ସପିତାମହଃ ॥

SP0250031 ଯୁଷ୍ମାକଂ ସୁୟଶା କନ୍ୟା ସୁଭଗା ଦିବ୍ୟରୂପିଣୀ ।
SP0250032 ଦାତୁମର୍ହଥ ତାଂ ସୁଭ୍ରୂଂ ସ୍ନୁଷାଂ ମହ୍ୟଂ ମହାବଲାଃ ॥

SP0250040 ମରୁତ ଊଚୁଃ ।
SP0250041 ତ୍ୱମସ୍ମାକଂ ଚ ତସ୍ୟାଶ୍ଚ ସର୍ୱସ୍ୟ ଜଗତସ୍ତଥା ।
SP0250042 ପ୍ରଭବିଷ୍ଣୁସ୍ତ୍ରିଲୋକେଶ ନ ତୁ ଯାଚିତୁମର୍ହସି ॥

SP0250051 ତ୍ୱୟୈବ ଦେୟା ଗ୍ରାହ୍ୟା ଚ ତ୍ୱଂ ନୋ ଗତିରନୁତ୍ତମା ।
SP0250052 ମା ନଃ ପରାନିବେଶାନ ଯାଚନେନ ବିଭାବୟ ॥

SP0250061 ପିତା ନଃ କଶ୍ୟପଃ ଶ୍ରୀମାନ୍ମରୀଚିଶ୍ଚ ପିତାମହଃ ।
SP0250062 ପିତାମହପିତା ବ୍ରହ୍ମା ତସ୍ୟାପି ତ୍ୱଂ ପିତାମହଃ ।
SP0250063 ସ ତ୍ୱଂ ପିତାମହୋଽସ୍ମାକଂ ନ ପରାନ୍କର୍ତୁମର୍ହସି ॥

SP0250071 ସ ଏବମୁକ୍ତୋ ଦେବେଶୋ ମରୁଦ୍ଭିର୍ଦେବସତ୍ତମୈଃ ।
SP0250072 ସୁୟଶାଂ ମରୁତାଂ କନ୍ୟାମାନୟାମାସ ତତ୍କ୍ଷଣାତ୍ ॥

SP0250081 ସ୍ୱୟଂ ହୋତାସ୍ୟ ତତ୍ରାସୀଦ୍ବ୍ରହ୍ମା ଲୋକପିତାମହଃ ।
SP0250082 କଶ୍ୟପଶ୍ଚ ତଥୋଦ୍ଗାତା ଅତ୍ରିଃ ସାମ ସ୍ୱୟଂ ଜଗୌ ।
SP0250083 ଅଥର୍ୱାଶ୍ଣ୍ଗିରସୌ ଦେବୌ ବ୍ରହ୍ମତ୍ୱମପି ଚକ୍ରତୁଃ ॥

SP0250091 ନାରଦଃ ପର୍ୱତଶ୍ଚୈବ ଚିତ୍ରସେନଶ୍ଚ ଗାୟନଃ ।
SP0250092 ବିଶ୍ୱାବସୂ ରୁଚିଶ୍ଚୈବ ହାହା ହୂହୂ ତଥୈବ ଚ ॥

SP0250101 ତଥା ଶାଲିଶିରା ଯଶ୍ଚ ବିଶ୍ରୁତୋ ଗଣ୍ଡମଣ୍ଡକଃ ।
SP0250102 ଈତିଶ୍ଚୈବେନ୍ଦ୍ରବାହଶ୍ଚ ଯଜ୍ଞବାହୋଽଥ ଦକ୍ଷିଣଃ ।
SP0250103 ଏତେ ଚାନ୍ୟେ ଚ ଗନ୍ଧର୍ୱା ଜଗୁର୍ମଧୁରକଣ୍ଠିନଃ ॥

SP0250111 ଉର୍ୱଶୀ ଚୈବ ରମ୍ଭା ଚ ଘୃତାଚୀ ପୂର୍ୱଚିତ୍ତ୍ୟପି ।
SP0250112 ତିଲୋତ୍ତମା ଚ ବିଶ୍ୱାଚୀ ଅନ୍ୟାଶ୍ଚାପ୍ସରସଃ ଶୁଭାଃ ।
SP0250113 ଅନୃତ୍ୟନ୍ତ ମହାଭାଗା ନୃତ୍ତଂ ସୁରମନୋହରମ୍ ॥

SP0250120 ସନତ୍କୁମାର ଉବାଚ ।
SP0250121 ସ ଏବମଭବଦ୍ୱ୍ୟାସ ବିବାହସ୍ତସ୍ୟ ଧୀମତଃ ।
SP0250122 ନନ୍ଦିନୋ ଗଣମୁଖ୍ୟସ୍ୟ ଅନୌପମ୍ୟୋ ହ୍ୟନିନ୍ଦିତଃ ॥

SP0250131 ତତଃ ସ ତୁ କୃତୋଦ୍ୱାହୋ ନନ୍ଦୀ ଗତ୍ୱା ମହାମନାଃ ।
SP0250132 ପାଦାନ୍ୱବନ୍ଦେ ଦେବସ୍ୟ ଦେବ୍ୟା ବ୍ରହ୍ମଣ ଏବ ଚ ।
SP0250133 ଶିଲାଦସ୍ୟ ଚ ଲୋକେଶଃ ଶ୍ରିୟା ପରମୟା ଯୁତଃ ॥

SP0250140 ଦେବ ଉବାଚ ।
SP0250141 ବରଂ ବୃଣୀଷ୍ୱ ପୁତ୍ର ତ୍ୱଂ ସ୍ନୁଷା ଚେୟଂ ତବ ପ୍ରିୟା ।
SP0250142 ବରଂ ଦଦାମି ତେ ବତ୍ସ ଅନୟା ସହମୀପ୍ସିତମ୍ ॥

SP0250150 ନନ୍ଦ୍ୟୁବାଚ ।
SP0250151 ଭଗବନ୍ୟଦି ତୁଷ୍ଟୋଽସି ତ୍ୱୟି ଭକ୍ତିର୍ଦୃଢାସ୍ତୁ ମେ ।
SP0250152 ସଦା ଚ ତୁଷ୍ଟୋ ଭବ ମେ ସାମ୍ବଃ ସହ ଗଣେଶ୍ୱରୈଃ ॥

SP0250161 ପିତରଂ ଚୈବ ମେ ଦେବ ଉତ୍ପାଦକମିମଂ ପ୍ରଭୋ ।
SP0250162 ଅନୁଗ୍ରହେଣ ଯୁକ୍ତେନ ଯୋକ୍ତୁମର୍ହସି କାମଦ ॥

SP0250170 ଦେବ ଉବାଚ ।
SP0250171 ସଦାହଂ ତବ ନନ୍ଦୀଶ ସୁତୁଷ୍ଟଃ ସଗଣେଶ୍ୱରଃ ।
SP0250172 ପାର୍ୱତ୍ୟା ସହିତୋ ଧୀମନ୍ନିଦଂ ଚ ଶୃଣୁ ମେ ବଚଃ ॥

SP0250181 ସଦେଷ୍ଟଶ୍ଚ ବରିଷ୍ଠଶ୍ଚ ପରମୈଶ୍ୱର୍ୟସଂୟୁତଃ ।
SP0250182 ମହାୟୋଗୀ ମହେଷ୍ୱାସୋ ମହାବଲପରାକ୍ରମଃ ॥

SP0250191 ଅଜୟ୍ୟଶ୍ଚୈବ ଜେତା ଚ ପୂଜ୍ୟେଜ୍ୟଶ୍ଚ ସଦା ଭବ ।
SP0250192 ଅହଂ ଯତ୍ର ଭବାଂସ୍ତତ୍ର ଯତ୍ର ତ୍ୱଂ ତତ୍ର ଚାପ୍ୟହମ୍ ॥

SP0250201 ଅୟଂ ଚ ତେ ପିତା ବିପ୍ରଃ ପରମୈଶ୍ୱର୍ୟସଂୟୁତଃ ।
SP0250202 ଭବିଷ୍ୟତି ଗଣାଧ୍ୟକ୍ଷୋ ମହାଗଣପତିର୍ମମ ॥

SP0250211 ପର୍ୱତଂ ଚାସ୍ୟ ବୈଭ୍ରାଜଂ କାମଗଂ ସର୍ୱକାଞ୍ଚନମ୍ ।
SP0250212 ଉପେତଂ ଭବନୈର୍ଦିବ୍ୟୈଃ ପ୍ରୟଚ୍ଛାମି ଜନାବୃତମ୍ ।
SP0250213 ତେନାୟଂ ସର୍ୱଲୋକେଷୁ ଚରିଷ୍ୟତି ଯଥେପ୍ସିତମ୍ ॥

SP0250221 ସ୍ଥାନଂ ଶ୍ରୀପର୍ୱତେ ଚାସ୍ୟ ଭବିଷ୍ୟତି ସୁପୂଜିତମ୍ ।
SP0250222 ଭୃଗୌ ତସ୍ମିଂଶ୍ଚ ଯଃ ପ୍ରାଣାଂସ୍ତ୍ୟକ୍ଷ୍ୟତେ ବୈ ସୁଧାର୍ମିକଃ ।
SP0250223 ସ କାମଚାରୀ ବୈଭ୍ରାଜେ ଗଣପୋଽସ୍ୟ ଭବିଷ୍ୟତି ॥

SP0250230 ସନତ୍କୁମାର ଉବାଚ ।
SP0250231 ତତୋ ଦେବୀ ମହାଭାଗା ଶୈଲାଦେରଦଦଦ୍ୱରମ୍ ।
SP0250232 ସୋଽବ୍ରବୀତ୍ତ୍ୱୟି ଭକ୍ତିର୍ମେ ସଦୈବାନପଗା ଭବେତ୍ ॥

SP0250241 ତତୋ ମରୁତ୍ସୁତା ଚୈବ ଉଭାଭ୍ୟାମପି ଚୋଦିତା ।
SP0250242 ବରଂ ବୃଣୁ ଯଥେଷ୍ଟଂ ବୈ ତାବିଦଂ ପ୍ରତ୍ୟୁବାଚ ହ ॥

SP0250251 ଯୁବୟୋରସ୍ତୁ ଭକ୍ତିର୍ମେ ତଥା ଭର୍ତରି ଚୈବ ହି ।
SP0250252 ନିତ୍ୟଂ ଚାନପଗା ସ୍ୟାନ୍ମେ ଧର୍ମେ ଚ ମତିରୁତ୍ତମା ।
SP0250253 ଏତଦିଚ୍ଛାମି ଦେବେଶୌ ବରଂ ବରସହସ୍ରଦୌ ॥

SP0250260 ସନତ୍କୁମାର ଉବାଚ ।
SP0250261 ତତସ୍ତାବେବମେତତ୍ତେ ଭବିତେତି ଶୁଚିସ୍ମିତେ ।
SP0250262 ଊଚତୁର୍ମୁଦିତୌ ଦେବୌ ସ୍ନୁଷାଂ ତାଂ ବରବର୍ଣିନୀମ୍ ॥

SP0250271 ଗଣାଶ୍ଚାସ୍ୟ ତତୋଽଭ୍ୟେତ୍ୟ ସର୍ୱେ ଦେବପ୍ରିୟେପ୍ସୟା ।
SP0250272 ବରଂ ଦଦୁର୍ମହାସତ୍ତ୍ୱାଃ ସ ବବ୍ରେ କାଞ୍ଚନପ୍ରଭଃ ॥

SP0250281 ଯୁଷ୍ମାସୁ ମମ ଭକ୍ତିଶ୍ଚ ଐଶ୍ୱର୍ୟଂ ଚାପି ସମ୍ମତମ୍ ।
SP0250282 ବଶ୍ୟାଶ୍ଚ ଯୂୟଂ ସର୍ୱେ ମେ ପ୍ରିୟୋ ଯୁଷ୍ମାକମେବ ଚ ॥

SP0250290 ଗଣା ଊଚୁଃ ।
SP0250291 ଭବାନ୍ମନ୍ତାନୁମନ୍ତା ଚ ଗତିରାଗତିରେବ ଚ ।
SP0250292 ଅସ୍ମାକମୀଶଃ ସର୍ୱେଷାଂ ଦେବାନାମପି ଚେଶ୍ୱରଃ ॥

SP0250301 କୁଷ୍ମାଣ୍ଡାନାଂ ବରିଷ୍ଠଶ୍ଚ ରୁଦ୍ରାଣାଂ ତ୍ୱଂ ମହାବଲଃ ।
SP0250302 ଈତୀନାଂ ଦ୍ୱାରପାଲଶ୍ଚ ପ୍ରମଥାନାଂ ତଥୈବ ଚ ॥

SP0250311 ମହାବଲୋ ମହାୟୋଗୀ ସେନାନୀସ୍ତ୍ୱଂ ହି ନୋ ମତଃ ।
SP0250312 ତ୍ୱଂ ଭୂତୋ ଭୂତନେତା ଚ ନାୟକୋଽଥ ବିନାୟକଃ ॥

SP0250321 ଗ୍ରହାଣାମଧିପଶ୍ଚୈବ ଉଗ୍ରଦଣ୍ଡଧରସ୍ତଥା ।
SP0250322 ତ୍ୱମଗ୍ରୟୋଧୀ ଶତ୍ରୁଘ୍ନସ୍ତ୍ୱଂ ବୀରସ୍ତ୍ୱଂ ଦିବସ୍ପତିଃ ॥

SP0250331 ମହାନୁଭାବସ୍ତ୍ୱଂ ଚୈବ କ୍ଷୀରୋଦନିଲୟଶ୍ଚ ହ ।
SP0250332 ଜପ୍ୟେଶ୍ୱରନିକେତଶ୍ଚ ଜପ୍ୟେଶ୍ୱରବିଭାବିତଃ ॥

SP0250341 ଭାବନଃ ସର୍ୱଭୂତାନାଂ ବରଦୋ ବରଦାର୍ଚିତଃ ।
SP0250342 ଅସ୍ମାକଂ ବରଦଶ୍ଚୈବ ଭବ ଭୂତେଶ୍ୱର ପ୍ରଭୋ ॥

SP0250350 ସନତ୍କୁମାର ଉବାଚ ।
SP0250351 ସ ଏବଂ ଗଣପୈଃ ସର୍ୱୈଃ ସ୍ତୁତୋ ନନ୍ଦୀଶ୍ୱରୋ ବିଭୁଃ ।
SP0250352 ଉବାଚ ପ୍ରଣତଃ ସର୍ୱାନ୍ବ୍ରୂତ କିଂ କରବାଣି ବଃ ॥

SP0250361 ତ ଏବମୁକ୍ତା ଗଣପାଃ ସର୍ୱ ଏବ ମହାବଲାଃ ।
SP0250362 ଊଚୁସ୍ତଂ ଦିବ୍ୟଭାବଜ୍ଞା ଦେବଦେବସ୍ୟ ସଂନିଧୌ ॥

SP0250371 ତ୍ୱମସ୍ମାକଂ ଗଣାଧ୍ୟକ୍ଷଃ କୃତୋ ଦେବେନ ଶମ୍ଭୁନା ।
SP0250372 ଅସ୍ମାଭିଶ୍ଚାଭିଷିକ୍ତସ୍ତ୍ୱଂ ନାୟକୋ ଧର୍ମଦାୟକଃ ॥

SP0250381 ସ ତ୍ୱଂ ଶିବଶ୍ଚ ସୌମ୍ୟଶ୍ଚ ଗୁଣବାନଗୁଣେଷ୍ୱପି ।
SP0250382 କ୍ଷମାଶୌଚଦମୋପେତୋ ଭବ ନଃ ପ୍ରିୟକୃତ୍ସଦା ॥

SP0250390 ସନତ୍କୁମାର ଉବାଚ ।
SP0250391 ଏବମୁକ୍ତସ୍ତଦା ସର୍ୱାନ୍ପ୍ରଣମ୍ୟ ବହୁମାନତଃ ।
SP0250392 ଶିରସ୍ୟଞ୍ଜଲିମାଧାୟ ଗଣପାନସ୍ତୁବତ୍ତଦା ॥

SP0250400 ନନ୍ଦ୍ୟୁବାଚ ।
SP0250401 ନମୋ ବଃ ସର୍ୱଭୂତେଭ୍ୟୋ ନମୋ ଯୋଗିଭ୍ୟ ଏବ ଚ ।
SP0250402 ନମଶ୍ଚାପ୍ୟନିକେତେଭ୍ୟୋ ଯୋଗୀଶେଭ୍ୟୋ ନମସ୍ତଥା ॥

SP0250411 ନମଃ କାମଚରେଭ୍ୟଶ୍ଚ ନମ ଉଗ୍ରେଭ୍ୟ ଏବ ଚ ।
SP0250412 ମୃତ୍ୟୁଭ୍ୟଶ୍ଚ ଯମେଭ୍ୟଶ୍ଚ କାଲେଭ୍ୟଶ୍ଚ ନମୋ ନମଃ ॥

SP0250421 ନମଃ କାଞ୍ଚନମାଲେଭ୍ୟଃ ସର୍ୱଧର୍ମିଭ୍ୟ ଏବ ଚ ।
SP0250422 ନମୋ ବୋ ବଧକେଭ୍ୟଶ୍ଚ ଅବଧ୍ୟେଭ୍ୟସ୍ତଥୈବ ଚ ॥

SP0250431 ନମଃ ପରମୟୋଗିଭ୍ୟୋ ଜଟିଭ୍ୟଶ୍ଚ ନମୋ ନମଃ ।
SP0250432 ନମୋ ବୋଽଦୃଶ୍ୟରୂପେଭ୍ୟୋ ବିକୃତେଭ୍ୟସ୍ତଥୈବ ଚ ॥

SP0250441 ନମୋ ବଲ୍କଲବାସେଭ୍ୟଃ କୃତ୍ତିବାସେଭ୍ୟ ଏବ ଚ ।
SP0250442 ନମଃ ଶ୍ୱେତାମ୍ବରସ୍ରଗ୍ଭ୍ୟଶ୍ଚିତ୍ରସ୍ରଗ୍ଭ୍ୟୋ ନମୋ ନମଃ ॥

SP0250451 ଧାବଦ୍ଭ୍ୟଶ୍ଚ ଦ୍ରବଦ୍ଭ୍ୟଶ୍ଚ ପ୍ରସ୍ଥିତେଭ୍ୟୋ ନମୋ ନମଃ ।
SP0250452 ନମୋ ମୁନିଭ୍ୟୋ ଗାୟଦ୍ଭ୍ୟୋ ଜପଦ୍ଭ୍ୟଶ୍ଚ ନମୋ ନମଃ ॥

SP0250461 ନମଃ ଶରଭରୂପେଭ୍ୟଃ ଶତରୂପେଭ୍ୟ ଏବ ଚ ।
SP0250462 ନମଃ ପର୍ୱତବାସେଭ୍ୟୋ ବ୍ୟାଘ୍ରରୂପେଭ୍ୟ ଏବ ଚ ॥

SP0250471 ନମୋ ମାର୍ଜାରରୂପେଭ୍ୟଃ କାକକୋକେଭ୍ୟ ଏବ ଚ ।
SP0250472 ନମୋ ଦୈବତରୂପେଭ୍ୟଃ ପବନେଭ୍ୟସ୍ତଥୈବ ଚ ॥

SP0250481 ନମୋଽଗ୍ନିଭ୍ୟସ୍ତଥାଦ୍ଭ୍ୟଶ୍ଚ ବରୁଣେଭ୍ୟସ୍ତଥୈବ ଚ ।
SP0250482 ନମୋ ଧନେଶରୂପେଭ୍ୟଃ ସର୍ୱରୂପିଭ୍ୟ ଏବ ଚ ॥

SP0250491 ନମଶ୍ଚୋଦରବକ୍ତ୍ରେଭ୍ୟଃ ସର୍ୱବକ୍ତ୍ରେଭ୍ୟ ଏବ ଚ ।
SP0250492 ନମୋ ବାମନରୂପେଭ୍ୟୋ ବାମରୂପେଭ୍ୟ ଏବ ଚ ॥

SP0250501 ଦେବାସୁରମନୁଷ୍ୟାଣାମାପ୍ୟାୟିଭ୍ୟୋ ନମୋ ନମଃ ।
SP0250502 ନମୋ ବଃ ସର୍ୱଭୂତାନାଂ ନମୋ ବଃ ସର୍ୱତଃ ଶୁଭାଃ ॥

SP0250511 ଗ୍ରହେଭ୍ୟଶ୍ଚ ନମୋ ବୋଽସ୍ତୁ ମୋକ୍ଷେଭ୍ୟଶ୍ଚ ନମସ୍ତଥା ।
SP0250512 ଶୁଭେଭ୍ୟଶ୍ଚ ନମୋ ବୋଽସ୍ତୁ ଅଶୁଭେଭ୍ୟସ୍ତଥୈବ ଚ ।
SP0250513 ମମ ସୌମ୍ୟାଃ ଶିବାଶ୍ଚୈବ ଭବନ୍ତୁ ଗଣନାୟକାଃ ॥

SP0250521 ଇତି ସ୍ତୁତା ଗଣପତୟୋ ମହାବଲାଃ ଶୁଭୈର୍ୱଚୋଭିଃ ସୁରଶତ୍ରୁନାଶନାଃ ।
SP0250522 ଦିଶନ୍ତୁ ମେ ସୁଖମତୁଲଂ ସୁଖପ୍ରଦା ବଲଂ ଚ ବୀର୍ୟଂ ସ୍ଥିରତାଂ
ଚ ସଂୟୁଗେ ॥

SP0250531 ତପୋଽକ୍ଷୟଂ ସ୍ଥାନମଥାତୁଲାଂ ଗତିଂ ଯଶସ୍ତଥାଗ୍ର୍ୟଂ ବହୁ
ଧର୍ମନିତ୍ୟତାମ୍ ।
SP0250532 ଦିଶନ୍ତୁ ସର୍ୱଂ ମନସେପ୍ସିତଂ ଚ ମେ ସୁରେଶ୍ୱରାଃ ପୁଷ୍ଟିମନୁତ୍ତମାଂ
ତଥା ॥

SP0250540 ସନତ୍କୁମାର ଉବାଚ ।
SP0250541 ଇମୌ ନନ୍ଦିଗଣେନ୍ଦ୍ରାଣାଂ ସ୍ତବୌ ଯୋଽଧ୍ୟେତି ନିତ୍ୟଶଃ ।
SP0250542 ସୋଽଶ୍ୱମେଧାବଭୃଥବତ୍ସର୍ୱପାପୈଃ ପ୍ରମୁଚ୍ୟତେ ॥

SP0250551 ସନ୍ଧ୍ୟାୟାମପରସ୍ୟାଂ ତୁ ଜପନ୍ପାପଂ ଦିବାକୃତମ୍ ।
SP0250552 ପୂର୍ୱସ୍ୟାଂ ସନ୍ତ୍ୟଜେଦ୍ୱାପି ସର୍ୱରାତ୍ରିକୃତଂ ଜପନ୍ ॥

SP0250560 ସନତ୍କୁମାର ଉବାଚ ।
SP0250561 ତତସ୍ତେ ଗଣପାଃ ସର୍ୱେ ସଂସ୍ତୁତାସ୍ତେନ ଧୀମତା ।
SP0250562 ନିସୃଷ୍ଟାଶ୍ଚ ତଦା ଜଗ୍ମୁଃ ପ୍ରଣିପତ୍ୟ ବୃଷଧ୍ୱଜମ୍ ॥

SP0250571 ଦେବାଶ୍ଚ ସର୍ୱଲୋକାଶ୍ଚ ତତୋ ଦେବଃ ସ୍ୱୟଂ ପ୍ରଭୁଃ ।
SP0250572 ସୃଷ୍ଟ୍ୱା ନନ୍ଦୀଶ୍ୱରଗୃହଂ ପ୍ରଦାୟ ଚ ମହାମନାଃ ।
SP0250573 ଈପ୍ସିତଂ ସହ ଦେବ୍ୟା ବୈ ଜଗାମ ସ୍ଥାନମବ୍ୟଯମ୍ ॥

SP0250581 ଯ ଇମଂ ନନ୍ଦିନୋ ଜନ୍ମ ବରଦାନଂ ତଥୈବ ଚ ।
SP0250582 ଅଭିଷେକଂ ବିବାହଂ ଚ ପଠେଦ୍ୱା ଶ୍ରାବୟୀତ ବା ।
SP0250583 ବ୍ରାହ୍ମଣଃ ସ ମୃତୋ ଯାତି ନନ୍ଦୀଶ୍ୱରସଲୋକତାମ୍ ॥

SP0250591 ଯୋ ନିୟତସ୍ତୁ ପଠେତ୍ପ୍ରୟତାତ୍ମା ସର୍ୱମିମଂ ପ୍ରଣତୋ ଭବଭକ୍ତ୍ୟା ।
SP0250592 ସୋଽପି ଗତଃ ପରଲୋକବିଚାରୀ ନନ୍ଦିସମୋଽନୁଚରୋ ହି ମମ ସ୍ୟାତ୍ ॥

SP0259999 ଇତି ସ୍କନ୍ଦପୁରାଣେ ପଞ୍ଚବିଂଶତିମୋଽଧ୍ୟାୟଃ ॥

Comments

Post a Comment

Popular posts from this blog

ଶ୍ରୀ ଜଗନ୍ନାଥ ପଞ୍ଚରାତ୍ର

Image
ଶ୍ରୀଜଗନ୍ନାଥ ପଞ୍ଚରାତ୍ର ଓଡ଼ିଆ ଉତ୍କଳ ଖଣ୍ଡ - ଜଗନ୍ନାଥ ଜଣାଣ  👇Click Link https://skand-puran.blogspot.com/2025/04/UtkalKhanda.html ଶ୍ରୀଜଗନ୍ନାଥ ପଞ୍ଚରାତ୍ର ସଂସ୍କୃତ 👇  click Link https://skand-puran.blogspot.com/2024/11/SkandPuranA01.html ଉପାର୍ଜନ ମାଧ୍ୟମ ହେବ ସମିତି ସହ ଯୋଡି ହୋଇ  Akam Asharam Seba Samiti   https://skand-puran.blogspot.com/2025/04/utkalkhanda01.html https://whatsapp.com/channel/0029VbBXNb87IUYR3cU7lS0p https://gita-swadhyaya.blogspot.com/2024/01/Gita-Swadhyaya.html ଜୟଦେବକୃତଂ ଗୀତଗୋବିନ୍ଦଂ (ଅଷ୍ଟପଦୀ)   चतुःश्लोकी भागवत                   अहमेबासमेबाग्रे नान्यत्‌ यत्‌  सदसत्‌ ।  पश्चादहं यदेतच्च योऽबशिष्येत सोऽस्म्यहम्‌ ॥  ऋतेऽर्थँ यत्‌ प्रतीयेत न प्रतीयेत चात्मनि ।  तद्‌बिद्यादात्मनो मायां यथाऽऽभासो यथा तमः ॥  यथा महान्ति भूतानि भूतेषूच्चाबचेष्वनु ।  प्रबिष्टान्यप्रबिष्टनि तथा तेषु न तेष्वहम्‌ ॥  एतावदेब जिज्ञास्यं तत्त्वजिज्ञासुनाऽत्मनः ।  अन्वयब्यतिरेकाभ्यां यत्‌ स्यात्‌ सर्वत्...
Read more

ये 15 मंत्र जो हर हिंदूओ और उनके बच्चों को सिखाना चाहिए

 ये 15 मंत्र  जो हर हिंदूओ और उनके बच्चों को सिखाना चाहिए 1. महादेव .....           ॐ त्र्यम्बकं यजामहे,             सुगन्धिं पुष्टिवर्धनम् ,            उर्वारुकमिव बन्धनान्,            मृत्योर्मुक्षीय मामृतात् !! 2. श्री गणेश ......               वक्रतुंड महाकाय,                सूर्य कोटि समप्रभ                निर्विघ्नम कुरू मे देव,               सर्वकार्येषु सर्वदा !! 3. श्री हरि....…            मङ्गलम् भगवान विष्णुः,            मङ्गलम् गरुणध्वजः।            मङ्गलम् पुण्डरी काक्षः,            मङ्गलाय तनो हरिः॥ 4. श्री ब्रह्म देव .....              ॐ नमस्ते ...
Read more

ଦେବଦୀପାବଳୀ

 ⭕‼️⭕ * #ଦେବଦୀପାବଳୀ * ⭕‼️⭕      ନିରାକାର ପରମବ୍ରହ୍ମ ଯିଏ ସକଳ ସୃଷ୍ଟିର ଆଧାର ଅଟନ୍ତି। ଯିଏ ବ୍ରହ୍ମା ବିଷ୍ଣୁ ମହେଶ୍ଵରଙ୍କ ତତ୍ତ୍ଵ ଠାରୁ ଉର୍ଦ୍ଧ୍ବରେ। ଯିଏ ସତ୍ତ୍ଵ, ରଜ, ତମ ଗୁଣରେ ସୃଷ୍ଟିର ପରିଚାଳନା କରିଥାନ୍ତି।  ସେ ସୃଷ୍ଟିର ରକ୍ଷା ନିମନ୍ତେ ନାନା ରୂପ ଧାରଣ କରନ୍ତି। ଯୋନି ଜନ୍ମା ପୁଣି କେତେବେଳେ ଅଯୋନି ସମ୍ଭୂତ ହୁଅନ୍ତି।  ଯାହା ମାୟା ଧାତା, ଶଙ୍କରେ ଅଗୋଚର ସେ ସଂସାର ହିତରେ ନାନାଦି ଲୋକଲୀଳା କରିଥାନ୍ତି।   ସେଥିମଧ୍ୟରୁ ମାର୍ଗଶିରରେ ଶ୍ରାଦ୍ଧ ଅନ୍ୟତମ ଲୋକଲୀଳା। ଚତୁର୍ଯୁଗରେ ଜନ୍ମ ହୋଇଥିବା ସ୍ମୃତିରେ ନିଜର ମାତାପିତାଙ୍କୁ ଶ୍ରଦ୍ଧାରେ ଶ୍ରାଦ୍ଧ ଅର୍ପଣ କରିଥାନ୍ତି।  ବାମନ, ପର୍ଶୁରାମ, ରାମ, ବଳରାମ, କୃଷ୍ଣ, ଜଗନ୍ନାଥ ଓ ସ୍ଵୟଂ ପୁରୁଷୋତ୍ତମ ଚତୁର୍ଦ୍ଧା ମୂର୍ତ୍ତି ରୂପେ ନିଜର ପିତା ମାତାଙ୍କୁ ଶ୍ରାଦ୍ଧ ଅର୍ପଣ କରିଥାନ୍ତି।  ମହାପ୍ରଭୁ ତିନି ଦିନରେ ନିଜ ସହଧର୍ମିଣୀ ମାନଙ୍କ ସଙ୍ଗେ ନିଜ ପିତାମାତାଙ୍କ ସ୍ମୃତିରେ ଦେବଦୀପାବଳି ପାଳନ କରିଥାନ୍ତି। ଏଥିରୁ ଅନୁମେୟ ହୁଏ ସ୍ଵୟଂ ଭଗବାନଙ୍କର ନିଜ ପିତାମାତାଙ୍କୁ କେତେ ଶ୍ରଦ୍ଧା। ପିତାମାତାଙ୍କ ସ୍ଥାନ ସର୍ବୋପରି ଏଥିରୁ ଶିକ୍ଷା ମିଳେ।।       ଶ୍ରୀମନ୍ଦିର ଅନନ୍ୟ ପରମ୍ପରାରେ ସ୍ୱୟଂ ଶ୍ରୀ ଜଗନ୍ନାଥ ମହାପ୍ରଭୁ ନିତ୍ୟ ମାନବୀୟ ଲୀଳା କାରୁଛନ୍ତି। ନିଜର ପିତୃପୁରୁଷଙ୍କ ...
Read more