ପୁରୁଷୋତ୍ତମମାଲାସ୍ତୋତ୍ରମ୍

ପୁରୁଷୋତ୍ତମମାଲାସ୍ତୋତ୍ରମ୍


ନୀଲାଦ୍ରୌ
ମାଲାଂ ମୁକୁନ୍ଦଶିରସୋଽନୁପମପ୍ରମୋଦଲାଭାଧରୀକୃତସୁରଦ୍ରୁମକାନ୍ତଗନ୍ଧାମ୍ ।
ଅନ୍ଧୀକୃତାଲିନିଚୟାଂ ପବନପ୍ରସାରିଗନ୍ଧପ୍ରଣାଶିତଜଗତ୍କଲୁଷାଂ ନମାମି ॥ ୧॥

ଯତ୍ପାଦପଙ୍କଜଗଲଦ୍ରଜସୋନୁଷଙ୍ଗା ବ୍ରହ୍ମାଦୟଃ ପରମସମ୍ପଦମାପୁରସ୍ୟ ।
ବିଷ୍ଣୋଃ କଲେବରସମୁଜ୍ଜ୍ୱଲିତାଙ୍ଗରାଗସଂସକ୍ତପୁଷ୍ପନିଲୟାଂ ପ୍ରଣତୋଽସ୍ମି ମାଲାମ୍ ॥ ୨॥

ପଦ୍ମାଂ ହୃତ୍ପଦ୍ମବସତିଂ ସପତ୍ନୀଂ ଯା ହସତ୍ୟସୌ ।
ବିକସ୍ୱରୈଃ ସୁକୁସୁମୈର୍ୱିଷ୍ଣ୍ୱଙ୍କସ୍ଥିତିଗର୍ୱିତାମ୍ ॥ ୩॥

କୁତ୍ର ସ୍ଥିତେୟମାହାର୍ଷୀନ୍ମହିମାନଂ ସ୍ରଗୁଜ୍ଜ୍ୱଲା ।
ଯା ଶ୍ରୀନିଧେଃ ଶରୀରେଽଭୂତ୍ସର୍ୱାଙ୍ଗବ୍ୟାପିନୀ ଚିରମ୍ ॥ ୪॥

ଜୟ ନୀଲାଦ୍ରିଶିଖରଭୂଷଣାଘପ୍ରଦୂଷଣ ।
ପ୍ରଣତାର୍ତିହର ଶ୍ରୀମଂସ୍ତ୍ରାହି ମାଂ ଶରଣାଗତମ୍ ॥ ୫॥

ଇତି ଶ୍ରୀସ୍କନ୍ଦପୁରାଣେ ବୈଷ୍ଣବଖଣ୍ଡେ ପୁରୁଷୋତ୍ତମମାହାତ୍ମ୍ୟେ
ମାଲାସ୍ତୋତ୍ରଂ ସମ୍ପୂର୍ଣମ୍ ।