ଶ୍ରୀସୁଦର୍ଶନାଷ୍ଟୋତ୍ତରଶତନାମସ୍ତୋତ୍ରମ୍
ଶ୍ରୀସୁଦର୍ଶନାଷ୍ଟୋତ୍ତରଶତନାମସ୍ତୋତ୍ରମ୍
॥ଶ୍ରୀଃ॥
ସୁଦର୍ଶନଶ୍ଚକ୍ରରାଜଃ ତେଜୋବ୍ୟୂହୋ ମହାଦ୍ୟୁତିଃ ।
ସହସ୍ରବାହୁ-ର୍ଦୀପ୍ତାଙ୍ଗଃ ଅରୁଣାକ୍ଷଃ ପ୍ରତାପବାନ୍ ॥ ୧॥
ଅନେକାଦିତ୍ୟସଙ୍କାଶଃ ପ୍ରୋଦ୍ୟଜ୍ଜ୍ୱାଲାଭିରଞ୍ଜିତଃ ।
ସୌଦାମିନୀ-ସହସ୍ରାଭଃ ମଣିକୁଣ୍ଡଲ-ଶୋଭିତଃ ॥ ୨॥
ପଞ୍ଚଭୂତମନୋରୂପୋ ଷଟ୍କୋଣାନ୍ତର-ସଂସ୍ଥିତଃ ।
ହରାନ୍ତଃ କରଣୋଦ୍ଭୂତ-ରୋଷଭୀଷଣ-ବିଗ୍ରହଃ ॥ ୩॥
ହରିପାଣିଲସତ୍ପଦ୍ମବିହାରାରମନୋହରଃ ।
ଶ୍ରାକାରରୂପସ୍ସର୍ୱଜ୍ଞଃ ସର୍ୱଲୋକାର୍ଚିତପ୍ରଭୁଃ ॥ ୪॥
ଚତୁର୍ଦଶସହସ୍ରାରଃ ଚତୁର୍ୱେଦମୟୋ-ଽନଲଃ ।
ଭକ୍ତଚାନ୍ଦ୍ରମସଜ୍ୟୋତିଃ ଭବରୋଗ-ବିନାଶକଃ ॥ ୫॥
ରେଫାତ୍ମକୋ ମକାରଶ୍ଚ ରକ୍ଷୋସୃଗ୍ରୂଷିତାଙ୍ଗକଃ ।
ସର୍ୱଦୈତ୍ୟଗ୍ରୀବନାଲ-ବିଭେଦନ-ମହାଗଜଃ ॥ ୬॥
ଭୀମଦଂଷ୍ଟ୍ରୋଜ୍ଜ୍ୱଲାକାରୋ ଭୀମକର୍ମା ବିଲୋଚନଃ ।
ନୀଲବର୍ତ୍ମା ନିତ୍ୟସୁଖୋ ନିର୍ମଲଶ୍ରୀ-ର୍ନିରଞ୍ଜନଃ ॥ ୭॥
ରକ୍ତମାଲ୍ୟାମ୍ବରଧରୋ ରକ୍ତଚନ୍ଦନରୂଷିତଃ ।
ରଜୋଗୁଣାକୃତିଶ୍ଶୂରୋ ରକ୍ଷଃକୁଲ-ଯମୋପମଃ ॥ ୮॥
ନିତ୍ୟକ୍ଷେମକରଃ ପ୍ରାଜ୍ଞଃ ପାଷଣ୍ଡଜନଖଣ୍ଡନଃ ।
ନାରାୟଣାଜ୍ଞାନୁବର୍ତୀ ନୈଗମାନ୍ତଃପ୍ରକାଶକଃ ॥ ୯॥
ବଲିନନ୍ଦନଦୋର୍ଦଣ୍ଡ-ଖଣ୍ଡନୋ ବିଜୟାକୃତିଃ ।
ମିତ୍ରଭାବୀ ସର୍ୱମୟୋ ତମୋବିଧ୍ୱଂସକସ୍ତଥା ॥ ୧୦॥
ରଜସ୍ସତ୍ତ୍ୱତମୋଦ୍ୱର୍ତୀ ତ୍ରିଗୁଣାତ୍ମା ତ୍ରିଲୋକଧୃତ୍ ।
ହରିମାୟାଗୁଣୋପେତୋ-ଽବ୍ୟଯୋ-ଽକ୍ଷସ୍ୱରୂପଭାକ୍ ॥ ୧୧॥
ପରମାତ୍ମା ପରଞ୍ଜ୍ୟୋତିଃ ପଞ୍ଚକୃତ୍ୟ-ପରାୟଣଃ ।
ଜ୍ଞାନଶକ୍ତି-ବଲୈଶ୍ୱର୍ୟ-ବୀର୍ୟ-ତେଜଃ-ପ୍ରଭାମୟଃ ॥ ୧୨॥
ସଦସତ୍ପରମଃ ପୂର୍ଣୋ ବାଙ୍ମୟୋ ବରଦୋଽଚ୍ୟୁତଃ ।
ଜୀବୋ ଗୁରୁର୍ହଂସରୂପଃ ପଞ୍ଚାଶତ୍ପୀଠରୂପକଃ ॥ ୧୩॥
ମାତୃକାମଣ୍ଡଲାଧ୍ୟକ୍ଷୋ ମଧୁଧ୍ୱଂସୀ ମନୋମୟଃ ।
ବୁଦ୍ଧିରୂପଶ୍ଚିତ୍ତସାକ୍ଷୀ ସାରୋ ହଂସାକ୍ଷରଦ୍ୱୟଃ ॥ ୧୪॥
ମନ୍ତ୍ର-ଯନ୍ତ୍ର-ପ୍ରଭାବଜ୍ଞୋ ମନ୍ତ୍ର-ଯନ୍ତ୍ର-ମୟୋ ବିଭୁଃ ।
ସ୍ରଷ୍ଟା କ୍ରିୟାସ୍ପଦ-ଶ୍ଶୁଦ୍ଧଃ ଆଧାରଶ୍ଚକ୍ର-ରୂପକଃ ॥ ୧୫॥
ନିରାୟୁଧୋ ହ୍ୟସଂରମ୍ଭଃ ସର୍ୱାୟୁଧ-ସମନ୍ୱିତଃ ।
ଓମ୍କାରରୂପୀ ପୂର୍ଣାତ୍ମା ଆଙ୍କାରସ୍ସାଧ୍ୟ-ବନ୍ଧନଃ ॥ ୧୬॥
ଐଙ୍କାରୋ ବାକ୍ପ୍ରଦୋ ବଗ୍ମୀ ଶ୍ରୀଙ୍କାରୈଶ୍ୱର୍ୟବର୍ଧନଃ ।
କ୍ଲୀଙ୍କାରମୋହନାକାରୋ ହୁମ୍ଫଟ୍କ୍ଷୋଭଣାକୃତିଃ ॥ ୧୭॥
ଇନ୍ଦ୍ରାର୍ଚିତ-ମନୋବେଗୋ ଧରଣୀଭାର-ନାଶକଃ ।
ବୀରାରାଧ୍ୟୋ ବିଶ୍ୱରୂପଃ ବୈଷ୍ଣବୋ ବିଷ୍ଣୁରୂପକଃ ॥ ୧୮॥
ସତ୍ୟବ୍ରତଃ ସତ୍ୟଧରଃ ସତ୍ୟଧର୍ମାନୁଷଙ୍ଗକଃ'
ନାରାୟଣକୃପାବ୍ୟୂହ-ତେଜଶ୍ଚକ୍ର-ସ୍ସୁଦର୍ଶନଃ ॥ ୧୯॥
॥ ଶ୍ରୀ ସୁଦର୍ଶନାଷ୍ଟୋତ୍ତରଶତନାମ ସ୍ତୋତ୍ରଂ ସମ୍ପୂର୍ଣମ୍॥
Comments
Post a Comment